பெரியாரிஸ கூத்தாடியும், திமுக உறுப்பினரும், இசைப்பள்ளி கலையியல் அறிவுரைஞரும், ஆகிய வித்தகர் பாலியல் புகாரில் சிக்கியது ஏன், எப்படி?

ஏப்ரல் 3, 2022

பெரியாரிஸ கூத்தாடியும், திமுக உறுப்பினரும், இசைப்பள்ளி கலையியல் அறிவுரைஞரும், ஆகிய வித்தகர் பாலியல் புகாரில் சிக்கியது ஏன், எப்படி?

பரத நாட்டிய கலைஞர் ஜாகீர் உசேன் பாலியல் தொல்லை அளித்ததால் தனக்கு தற்கொலை எண்ணம் தோன்றியதாக கலை பண்பாட்டு துறை இயக்குனருக்கு இசைப்பள்ளி ஆசிரியை எழுதியுள்ள கடிதம் பரபரப்பை ஏற்படுத்தி உள்ளது[1]. தமிழக பரத நாட்டிய கலைஞர் ஜாகீர் உசேன். இவர் தமிழ்நாடு கலை பண்பாட்டு துறையின் 17 மாவட்ட அரசு இசைப்பள்ளி கலையியல் அறிவுரைஞராக நியமனம் செய்யப்பட்டார்.இசை பள்ளிக்கு ஜாகீர் உசேன் ஆய்வுக்கு சென்றபோது பெண் ஆசிரியைக்கு பாலியல் தொல்லை கொடுத்ததாக புகார் எழுந்துள்ளது[2]. தினமலர் மற்றும் ஒரு சில தமிழ் ஊடகங்கள் தவிர மற்ற ஊடகங்கள் இதனை கண்டு கொள்ளாமல் இருப்பது திகைப்பாக இருக்கிறது. இது வரை போக்சோ சட்டத்தின் படி புகார் பதிவு செய்யப் பட்டதாகத் தெரியவில்லை, ஏனெனில், அத்தகைய செய்தியும் இல்லை.

ஆசிரியை தமிழ்நாடு கலை பண்பாட்டு துறை இயக்குனர் காந்திக்கு அனுப்பியுள்ள புகார் கடிதம்: இது குறித்து அந்த ஆசிரியை தமிழ்நாடு கலை பண்பாட்டு துறை இயக்குனர் காந்திக்கு அனுப்பியுள்ள புகார் கடிதம்: “நான் பாரம்பரிய இசை குடும்பத்தைச் சேர்ந்தவர். அரசு இசை பள்ளியில் பணிபுரிந்து வருகிறேன். பிப். 28ல் கலையியல் அறிவுரைஞர் ஜாகிர் உசேன் எங்கள் பள்ளிக்கு ஆய்வுக்கு வந்தார். தலைமை ஆசிரியை அறைக்கு என்னை மட்டும் உள்ளே வரச்சொல்லி கதவை மூடினார். அங்கு என் தோள்பட்டை மேல் கை வைத்து இடுப்பின் மீது கைகளை மடக்கி வைத்துஇப்படி நடனமாட வேண்டும்என சொல்லி மிகவும் அநாகரிகமாக நடந்து கொண்டார்.’ஏப்ரல் மாதம் பயிலரங்கம் மூன்று நாள் நடத்த போகிறேன். அங்கு உங்களுக்கு எல்லாம் வகுப்பு எடுக்க வேண்டும்என ஆசிரியைகளை தரக்குறைவாக பேசினார். இச்சம்பவம் மனதை வேதனைப்படுத்தியது. தற்கொலை செய்து கொள்ளலாம் என்ற எண்ணம் தோன்றியது. நடந்த விஷயங்களை கடிதத்தின் வாயிலாக என்ன கூற முடியுமோ அவற்றை மட்டும் தங்கள் கவனத்திற்கு பணிந்து அனுப்பியுள்ளேன்,” இவ்வாறு கடிதத்தில் குறிப்பிட்டுள்ளார்.

சிவகங்கை மாவட்ட இசை பள்ளிக்கு ஆய்வுக்கு வந்த போது ஆசிரியையிடம் அத்துமீறி ஜாகீர் உசேன் நடந்து கொண்டதாக புகார் எழுந்தது: இதேபோல சிவகங்கை மாவட்ட இசை பள்ளிக்கு ஆய்வுக்கு வந்த போது பெண் ஆசிரியையிடம் அத்துமீறி ஜாகீர் உசேன் நடந்து கொண்டதாக புகார் எழுந்தது குறிப்பிடத்தக்கது. தமிழ்நாடு அரசு கலை பண்பாட்டு துறை ஆசிரியர்கள் – ஊழியர்கள் பேரவை மாநில பொதுச்செயலர் அய்யனார் கூறியதாவது: “ஜாகீர் உசேன் பல மாவட்டங்களில் பெண் ஆசிரியைகளிடம் பாலியல் ரீதியாக பேசி இருக்கிறார். பெண்கள் மட்டும் பங்கேற்கும் நடன பயிலரங்கம் ஏப்ரலில் நடக்கிறது. இம்முடிவை மறு பரிசீலனை செய்ய வேண்டும். முதல்வர் ஸ்டாலின் இப்பிரச்னையில் தலையிட்டு உரிய நடவடிக்கை எடுக்க வேண்டும்,” இவ்வாறு அவர் கூறினார். தமிழ்நாடு கலை பண்பாட்டு துறை இயக்குனர் காந்தி கூறுகையில் ”கரூர் மாவட்ட இசை பள்ளி ஆசிரியை அளித்த புகார் கடிதம் கிடைத்துள்ளது. அது தொடர்பாக விசாரணை நடந்து வருகிறது” என்றார். என் தோள்பட்டை மேல் கை வைத்து இடுப்பின் மீது கைகளை மடக்கி வைத்து ‘இப்படி நடனமாட வேண்டும்’ என சொல்லி மிகவும் அநாகரிகமாக நடந்து கொண்டார். நடந்த விஷயங்களை கடிதத்தின் வாயிலாக என்ன கூற முடியுமோ அவற்றை மட்டும் தங்கள் கவனத்திற்கு பணிந்து அனுப்பியுள்ளேன்.இவ்வாறு கடிதத்தில் குறிப்பிட்டுள்ளார்.

ஶ்ரீரங்கம் சர்ச்சையில் பிரபலமான திமுக உறுப்பினர்: பிரபல பரதநாட்டியக் கலைஞர் ஜாகீர் உசேன். இவர் பல்வேறு கலை கலாச்சார நிகழ்ச்சிகளை அரங்கேற்றம் செய்து வருகிறார். பிறப்பால் ஒரு இஸ்லாமியராக இருந்தாலும் ஒரு இந்து தாயால் வளர்க்கப்பட்டவர் ஜாகிர் உசேன். கடந்த 30 ஆண்டுகளாக பரத நாட்டிய கலைஞராகவும் வைணவ சொற்பொழிவாளராகவும் இருந்துவருகிறார். இவருக்கு இந்திய அரசின் சமூக நல்லிணக்க விருது, அதேபோல் தமிழ்நாடு அரசின் சார்பில் கலைமாமணி விருது, நாட்டிய செல்வன் உள்ளிட்ட பல்வேறு விருதுகளும் வழங்கப்பட்டுள்ளது. சமீபத்தில் ஸ்ரீரங்கநாதர் கோவிலுக்குள் செல்ல முயன்ற இவரை ரங்கராஜன் நரசிம்மன் என்பவர் தடுத்தது பெரும் சர்ச்சையானது. இந்நிலையில் தமிழ்நாடு கலை பண்பாடு துறையின் 17 மாவட்ட அரசு இசைப்பள்ளி கலையியல் அறிவுரைஞராக இவர் நியமிக்கப்பட்டுள்ளார்.


மாவட்ட அரசு இசைப்பள்ளி கலையியல் அறிவுரைஞராக இவர் நியமிக்கப்பட்டதிலிருந்து ஆய்வு என்று சுற்றி வருவது: அடிக்கடி இசை பள்ளிகளுக்கு ஜாகீர் உசேன் ஆய்வு மேற்கொண்டும் வருகிறார்[3]. அச்சமயத்தில் தான் அவர்  இசை மற்றும் நடன ஆசிரியைகளுக்கு பாலியல் தொல்லை கொடுத்ததாக புகார் எழுந்துள்ளது[4]. இதுதொடர்பாக  பாதிக்கப்பட்டதாக கூறி கரூர் மாவட்ட அரசு இசைப்பள்ளி ஆசிரியை கலை பண்பாட்டு துறை இயக்குனர் அவர்களுக்கு ஜாகிர் உசேன் மீது பாலியல் புகார் கொடுத்துள்ளார்[5]. அந்த புகாரில் கூறியிருப்பதாவது, “நான் ஒரு பாரம்பரிய இசை குடும்பத்தைச் சேர்ந்தவர், அரசு இசைப் பள்ளியில் பணிபுரிந்து வருகிறேன்,  பிப்ரவரி 28 அன்று கலையியல் அறிவுரைஞர் ஜாகிர் உசேன் எங்கள் பள்ளிக்கு ஆய்வுக்கு வந்தார். அப்போது என்னை மட்டும் தலைமை ஆசிரியை அறைக்கு உள்ளே வர சொல்லி அழைத்து கதவை மூடினார். அங்கு என் தோள்பட்டை மேல் கை வைத்து இடுப்பின் மீது கைகளை மடக்கி வைத்து இப்படித்தான்  நடனமாட வேண்டும் என சொல்லி மிகவும் அநாகரீகமாக நடந்து கொண்டார்.  ஏப்ரல் மாதம் மூன்று நாள் பயிலரங்கம் நடத்த போகிறேன், அங்கு உங்களுக்கு எல்லாம் வகுப்பு எடுக்க வேண்டும் என கூறி ஆசிரியைகளை தரக்குறைவாகப் பேசினார். இது எனக்கு மிகவும் வேதனை அளிக்கிறது, தற்கொலை செய்துகொள்ளலாம் என்று எண்ணினேன்,” என அந்த கடிதத்தில் குறிப்பிடப்பட்டுள்ளது[6]. இதேபோல் சிவகங்கை மாவட்ட இசைப்பள்ளிக்கு ஆய்வுக்கு வந்த போதும் ஆசிரியையிடம் ஜாகீர்உசேன் அத்துமீறி நடந்து கொண்டதாக கூறப்படுகிறது[7]. ஆனால், புகார் கொடுக்கப் பட்டுள்ளது[8]. இது தொடர்பாக அவர் மீது அடுத்தடுத்து புகார் எழுந்துள்ளது குறிப்பிடத்தக்கது[9]. இதையடுத்து அவர் எழுதியுள்ள கடிதத்தின் பேரில் போலீசார் விசாரணை மேற்கொண்டு வருகின்றனர்[10].

ஏன் செய்திகள் வராமல் இருக்கின்றன, புகார் கொடுத்தும் நடவடிக்கை எடுக்கப் படால் இருக்கின்றது?: ஒரு பெண் கைப்பட எழுதி புகார் கொடுத்திருந்தாலும், அதை பற்றி அமுக்கி வாசிக்கும் போக்கு மிக பிரமிப்பாக இருக்கிறது. ஜாகீர் உசேன் ஏற்கெனவே ஶ்ரீரங்கம் விசயத்தில் அடாவடித் தனமாக நடந்து கொண்டதால், ஊடகங்கள் மூலம் அறியப் பட்ட நிலை உண்டாயிற்று. இப்பொழுது வேறு முறையில், பெயர் அடிபடுகிறது. பொறுப்புள்ள மனிதன், அதன்படி ஒழுக்கமாக, நேர்மையாக, நடந்து கொ/ண்டிருக்க வேண்டும். அரசியல் அதிகாரம் என்ற தோரணையில் இந்த பதவி கிடைத்திருக்கிறது, ஏதோ, தனது கலைத்திறமையால் கிடைத்து விடவில்லை. 2021ல் உறுப்பினர் ஆகி, மேலும், தேர்தலின் போது, கொடி பிடித்து, தெருக்களில் பிரசாரம் செய்து, உடனடியாக இந்த பதவி பெறப் பட்டுள்ளது. இத்துறையில் சென்னையிலேயே ஆயிரக் கணக்கான வல்லுனர்கள் வாழ்ந்து வருகிறார்கள். ஆனால், அவர்களுக்கு இத்தகைய பதவி, கௌரவம், சிறப்புக் கிடைப்பதில்லை. ஏனெனில், அவர்கள் உண்மையான நாட்டியகலைஞர்கள் அவ்வளவே. அரசியல்வாதிகள் பரிந்துரைக்கும் அளவில் இல்லாத சாதாரண மக்கள்.

மகளிர் அமைப்புகள், பெண்ணிய போராளிகள் என்ன செய்து கொண்டிருக்கிறார்கள்?: பாலியல் புகார்களை உடனடியாகக் கவனிக்கப் படவேண்டும், நடவ்டிக்கை எடுக்கப் படவேண்டும் என்றுள்ளது. அந்நிலையில், இந்த பாலியல் குற்றம், சுற்றாச்சாட்டு, புகார் பற்றிய செய்திகள் கூட வராமல் இருப்பது எதோ அடிப்படையில் சரியாக இல்லை என்றெ தெரிகிறது. ஆளும் கட்சியி உறுப்பினர், சென்ற வாரம் கூட முதலமைச்சர் கூட துபாய் எல்லாம் சென்று வந்தவர், அதனால், அவருக்கு வேண்டியவர் என்றேல்லாம் புகார் பெற்ற அதிகாரிகள் நினைத்து, தயங்குகிறார்கள் போலும். வழக்கம் போல மகளிர் அமைப்புகள், பெண்ணியப் போராளிகள் என்றெல்லாம் இருப்பவர்கள் கூட அமைதியாகத் தான் இருக்கின்றனர். பிறகு இத்தகைய பாலியல் புகார்கள், பாதிக்கப் பட்ட பெண்கள் இவர்களது நிலை என்னவாகும்?.

© வேதபிரகாஷ்

03-04-2022


[1] தினமலர்,அரசு இசைப்பள்ளி ஆசிரியைக்கு பாலியல் தொல்லை: ஜாகீர் உசேன் மீது புகார்,  Updated : ஏப் 02, 2022  12:45 |  Added : ஏப் 02, 2022  11:1.

[2] https://www.dinamalar.com/news_detail.asp?id=2998215

நடன கலைஞர் ஜாகீர் உசேன் மீது குவியும் பாலியல் புகார்மேலும் ஒரு பெண் ஆசிரியை கலை பண்பாட்டு துறைக்கு பரபரப்பு கடிதம், Author: Babu Lakshmanan, 2 April 2022, 10:05 am.

[4] https://www.updatenews360.com/trending/karur-dance-school-teacher-sexual-complaint-against-dancer-zaheer-ushen-020422/

கதிர்.நியூஸ், ஆய்வு என்ற பெயரில் அரசு இசைப்பள்ளி ஆசிரியைகளுக்கு பாலியல் தொல்லை: ஜாகீர் உசேன் மீது பரபரப்பு புகார்!, By : Thangavelu  |  2 April 2022 1:35 PM

https://kathir.news/tamil-nadu/–1362877

[5] தமிழ்.ஏசியா.நெட்.நியூஸ், டேன்ஸ் டீச்சருடன் அறைக்குள் கதவை மூடிக்கொண்ட ஜாகீர் உசேன்.. அந்த இடத்தில் கை வைத்து சில்மிஷம்.. பயங்கர புகார், Ezhilarasan Babu, Chennai, First Published Apr 2, 2022, 2:26 PM IST; Last Updated Apr 2, 2022, 2:26 PM IST.

[6] https://tamil.asianetnews.com/crime/zakir-hussain-closes-the-door-to-the-room-with-the-dance-teacher-sexual-complaint-against-him–r9pfi0

[7] கதிர்.நியூஸ், ஆய்வு என்ற பெயரில் அரசு இசைப்பள்ளி ஆசிரியைகளுக்கு பாலியல் தொல்லை: ஜாகீர் உசேன் மீது பரபரப்பு புகார்!, By : Thangavelu  |  2 April 2022 1:35 PM.

[8] https://kathir.news/tamil-nadu/–1362877

[9] குமுதம், அரசு இசைப்பள்ளி கலையியல் அறிவுரைஞராளர் மீது பாலியல் புகார், kumud

am  | TAMILNADU| Updated: Apr 02, 2022. https://www.kumudam.com/news/tamilnadu/42220

[10] https://www.kumudam.com/news/tamilnadu/42220

ஜான் பென்னிகுக் வைத்து கட்டுக்கதை உண்டாக்குவதேன் – திராவிடத்துவ சிலைஅரசியல் முதல் சமாதி அரசியல் வரை! (3)

ஜனவரி 18, 2022

ஜான் பென்னிகுக் வைத்து கட்டுக்கதை உண்டாக்குவதேன் திராவிடத்துவ சிலைஅரசியல் முதல் சமாதி அரசியல் வரை! (3)

உயிருடன் இருக்கும் போதே சிலை வைத்துக் கொள்ளும் திராவிட சம்பிரதாயத்தை ஈவேரா ஆரம்பித்தார்.

தமிழகத்திற்கு சிலைவைப்பு, சிலையுடைப்பு, சிலைஅரசியல் எல்லாம் புதியதல்ல: ஈவேராவால் தமிழகத்தில் சிலையுடைப்பு அரசியல் ஆரம்பிக்கப் பட்டது. இங்கு பிள்ளையார் / விநாயகர் சிலைகள் தேர்ந்தெடுக்கப் பட்டதால், அது இந்துவிரோதமாகி அந்த போலி நாத்திகர்களை வெளிப்படுத்தியது. உச்சநீதி மன்றம் வரை அவர் மீதான வழஜக்குச் சென்றாலும், ஈவேரா நீதிமன்றத்தில் ஆஜராகவில்லை, நன்றாக வாங்கிக் கட்டிக் கொண்டார். இருப்பினும் சிலையுடைப்பு அக்கிரமங்களை செய்து வந்தார். 1968ல் இரண்டாம் உலகத் தமிழ் மாநாட்டிலிருந்தே சிலைவைத்தல்[1], அதிலும் மெரினா பீச்சில் சிலை வைத்தல் என்ற அரசியல் ஆரம்பித்தது. அப்பொழுதே, அண்ணா பலதரப் பட்ட அழுத்தங்களுக்குட் பட்டார். வெளிநாட்டு, உள்நாட்டு அழுத்தம்-ஆதிக்கங்கள் அதிலிருந்தன. இதனால், சில சிலைகள் தேவையில்லாமல் சேர்க்கப் பட்டன, அதாவது, சில நீக்கவும் பட்டன. 1970களில் ஈவேராவின் பிள்ளையா சிலையுடைப்பு / ராமர் பட அவமதிப்பு உச்சங்களுக்குச் சென்றன[2].

உயிருடன் இருக்கும் போதே சிலை வைத்துக் கொள்ளும் திராவிட சம்பிரதாயத்தை ஈவேரா ஆரம்பித்தார். கருணாநிதியும் அந்த சடங்கை முறையாக செய்தார். ஆனால், அது உடைப்பு கிரியையில் முடிந்ததது. உடைப்பு சம்பிரதாயத்தையும் ஈவேரா தான் ஆரம்பித்து வைத்தார்.

ஈவேராஅண்ணாகருணாநிதி சிலைகள்: அதேபோல, பிறகு மவுண்ட் ரோடில் சிலைவைப்பதில், வைத்துக் கொள்வதில் போட்டி ஏற்பட்டது. ஈவேரா (இந்து அலுவகத்து அருகில்), அண்ணா என்றாகி (மவுண்ட் ரோடு-வாலாஜா ரோட் சந்திப்பு), உயிரோடு இருக்கும் போதே கருணாநிதி தனக்கும் சிலை வைத்துக் கொண்டார் (மவுண்ட் ரோட்-பாட்டுலஸ் ரோட் சந்திப்பு). ஆனால், 1987ல் அது உடைக்கப் பட்டது. அது அரசியலாகி, திராவிடத்துவமாகி, ஒரு நம்பிக்கையாகவும் மாறியது. அதாவது, அது அபசகுனமாகக் கருதப் பட்டது. திமுக ஆட்சி அதிகாரம் இழந்தது. எம்ஜிஆருக்கு ஸ்பென்சர் சந்திப்பில் சிலை வைக்கப் பட்டது. இனி மவுண்ட் ரோடில் எங்கு, யாருக்கு வைப்பார்களோ தெரியாது.

மவுண்ட் ரோடில் முதலில் ஈவேரா, பிறகு அண்ணா, கருணாநிதி என்று வரிசையாக சிலைகள் வைக்கப் பட்டது.

அம்பேத்கர் சிலை வைத்தலும், போராட்டமும்: இதற்குள் அம்பேதகருக்கு சிலை வைக்கும் அரசியல் ஆரம்பித்து, அது தீவிரமாகி, அதிகமாகியது. முதலில் இந்துக்களைத் தாக்க அது உதவும் என்று நினைத்து ஊக்குவிக்கப் பட்டது, ஆனால், அது திராவிட உயர்ஜாதியினருக்கே எதிராக அமைந்தது. இது நிச்சயமாக திராவிடத்துவவாதிகளுக்குப் பிடிக்கவில்லை[3]. அதனால், திக ஈவேரா சிலை வைக்கும் அதிரடியை ஆரம்பித்தது. அந்த தீவிரம் ஶ்ரீரங்கம் கோவில் வாசலுக்குச் சென்ற போது பிரச்சினையாகியது[4]. இடையில் கண்ணகி சிலை வைத்தும் கருணாநிதி அர்சியல் நடத்தினார். ரஜினி 2021ல் பேசியதும் எதிர்க்கப் பட்டது, ஆனால், விவரங்கள் வெளியே வந்து விட்ட போது, திராவிட நாத்திக-இந்துவிரோத முகங்கள் எல்லோருக்கும் தெரிந்து விட்டது.

சிலைகளுக்குப் பிறகு கோவில்களும் கட்டப் பட்டது. இப்பொழுது சமாதிகள் கோவில்களாக மாறி அங்கு தினம்-தினம் பூஜைகள், படையல்கள், ஆராதனைகள், அலங்காரங்கள்-வாத்தியங்கள் சகிதம் நடந்து கொடிருக்கின்றன…

வள்ளுவர் கோட்ட அரசியல்: கடந்த 1971- 76 ல் கருணாநிதி முதல்வராக இருந்தபோது, சென்னை நுங்கம்பாக்கத்தில் பிரம்மாண்டமான முறையில் வள்ளுவர் கோட்டம் கட்டினார்[5]. அதன் திறப்பு விழாவை 1976ம் ஆண்டு பிரவரி மாதம் 1,2,3 ஆகிய தேதிகளில் மூன்று நாட்களுக்கு சிறப்பாக நடத்த முடிவு செய்து எல்லா ஏற்பாடுகளும் செய்யப்பட்டன. விழா தொடர்பாக வானொலியில் விளம்பரம்கூட ஒலிபரப்பப்பட்டது. அப்போது இந்திரா காந்தி பிரதமர். நெருக்கடிநிலை (மிசா) அமலில் இருந்தது. நெருக்கடி நிலையை கருணாநிதி கடுமையாக எதிர்த்தார். இதனால் கோபமடைந்த இந்திராகாந்தி, பிப்ரவரி ஒன்றாம் தேதி, 1976 வள்ளுவர் கோட்டம் திறப்புவிழா நடக்க இருந்த நிலையில், ஜனவரி 30ம் தேதி, திமுக அரசை டிஸ்மிஸ் செய்தார்[6]. அப்போதைய குடியரசுத்தலைவர் பக்ருதீன் அலி அகமது வந்து, வள்ளுவர் கோட்டத்தை திறந்து வைத்தார். முன்னாள் முதல்வர் என்ற முறையில், வள்ளுவர் கோட்டம் திறப்புவிழாவில் பார்வையாளராகக் கலந்து கொள்ள கருணாநிதிக்கு அரசு சார்பில் அழைப்பு அனுப்பப்பட்டது. பத்தாவது வரிசையில் அவருக்கு இடம் ஒதுக்கப்பட்டது. விழா நடக்கும் இடத்தில் இருந்து அரை கி.மீ. தூரத்தில் காரை நிறுத்த இடம் ஒதுக்கப்பட்டது. அங்கிருந்து விழாவுக்கு கருணாநிதி நடந்து வரவேண்டும். விழாவைப் புறக்கணித்தார் கருணாநிதி[7].

ஈவேரா இந்த வழக்கில் தான் உச்சநீதி மன்றத்தில் நன்றாக வாங்கிக் கட்டிக் கொண்டார். ஆனால், நாங்கள் பார்க்காத கோர்ட்டா என்றெல்லாம் பேசுவார்கள். ஈவேரா இவ்வழக்கில் கோர்ட்டில் ஆஜராகவில்லை..

முதல்வராக இருந்த கருணாநிதி நடிகர் திலகம் சிவாஜி கணேசனுக்கு, கடற்கரைச் சாலையில் சிலை வைத்தார். 2011ல் அந்த சிலை அகற்றப்பட்டு, சிவாஜி மணிமண்டபத்தில் இப்போது வைக்கப்பட்டது. சிலை திறப்பு விழாவின்போது, சிலையின் பீடத்தில் இருந்த கருணாநிதியின் பெயர் பொறித்த கல்வெட்டு, சிவாஜி சிலை பீடத்தில் இப்போது அகற்றப்பட்டது. இது சர்ச்சையை கிளப்பியது.

அங்கில அடிவருடித்தனம் கட்டுக்கதைகளால் இவ்வாறெல்லாம் பகுத்தறிவு திராவிடத்துவ போதை கொண்டு, புதிய பக்தர்கள் உருவாகி வருகிறார்கள்!

எம்ஜிஆர் முதல்வராக இருந்தபோது, ஒரு போராட்டத்தில் கலந்துகொள்ளும் முன், சென்னையில், அண்ணா சிலைக்கு மாலை அணிவிக்கச் சென்றார் கருணாநிதி, சிலைக்கு மாலை அணிவிக்க இயலாதபடி, அங்கே வைக்கப்பட்டிருந்த படிக்கட்டை ஆட்சியாளர்கள் அகற்றிவிட்டனர். உலகத்தமிழ் மாநாட்டின்போது, அரசு சார்பில், அண்ணா முதல்வராக இருக்கும்போதே வைக்கப்பட்டதுதான் அந்தசிலை. ஆனால், அந்த சிலை நிறுவுவதற்கான தொகையை நன்கொடையாகக் கொடுத்தவர் எம்ஜிஆர். படிக்கட்டு அகற்றப்பட்டதையடுத்து,சிலையின் பீடத்தில் மாலையை வைத்துவிட்டுச் சென்றார் கருணாநிதி. இந்த நிகழ்வைத் தொடர்ந்து திமுகவுக்கென்று தனியாக அண்ண சிலை நிறுவ முடிவு செய்தார் கருணாநிதி. இதற்காக அண்ணா சாலையில் இடம் ஒதுக்கும்படி அரசுக்குக் கோரிக்கை வைத்தார். எம்ஜிஆர் அரசு மறுத்துவிட்டது. வள்ளுவர் கோட்டம் எதிரே அண்ணா சிலை வைக்க திமுகவுக்கு அனுமதி தரப்பட்டது. இதையும் தனக்கு சாதகமாகப் பயன்படுத்திக்கொண்டார் கருணாநிதி. வள்ளுவர்கோட்டம் நுழைவாயில் அருகே அண்ணாசிலையை திறந்தார் கருணாநிதி. சிலையின் பீடத்தில், “சிலை திறப்பாளர், வள்ளுவர் கோட்டம் கண்ட கலைஞர் கருணாநிதி” என்று கல்வெட்டில் பொறித்து வைத்தார். வள்ளுவர் கோட்டம் கட்டியது கருணாநிதி என்பதை அங்கே பதிவு செய்தனர். அண்ணா பிறந்த நாளில், இந்த சிலைக்குதான் திமுகவினர் மாலை அணிவிப்பார்கள். அதிமுகவினர், அண்ணா சாலையில் உள்ள சிலைக்கு மாலை அணிவிப்பார்கள்.

கட்டுக் கதையைப் பரப்பும் திராவிடத்துவம், அதை அரசு ரீதியில், 2022ல் முதலமைச்சரே பரப்புகிறார்! சரித்திரம் பற்றி எந்த கவலையும் இல்லை.

1969 முதல் 2018 வரை – மெரினாவில் சமாதி அரசியல்: முதலில் 1969ல் அண்ணா இறந்தபோது, அவருக்கு சமாதி கட்டப் பட்டது. அப்பொழுது, அதைப் பற்றி யாரும் பெரிதாக எடுத்துக் கொள்ளவில்லை. பிறகு, 1987ல் எம்ஜிஆருக்கு சமாதி வைத்த போது, திமுகவினர் சில சலசலப்பு காட்டினாலும், கருணாநிதி சிலையுடைப்பு, வன்முறை முதலியவற்றை கவனித்து அமைதியாகினர். 2016ல் ஜெயலலிதாவுக்கு சமாதி வைக்க்ப்பட்டது. ஜெயலலிதாவுக்குப் பிறகு 2018ல் கருணாநிதி இறந்தபோது, மெரினாவில் சமாதி அரசியலும் உண்டானது. வழக்கும் தொடரப் பட்டது, ஆனால், முடித்து வைக்கப் பட்டது, சமாதி வைக்கப் பட்டது. இனி, திராவிடத்துவவாதிகள், மெரினாவில் தங்களுக்கு சமாதி வைக்க “ரிசர்வ்” செய்துகொண்டு இடத்தைப் பிடித்து வைத்துக் கொண்டாலும் ஆச்சரியப் படுவதற்கு ஒன்றும் இல்லை.

Stuart Sampson – ஸ்ய்ரௌட் சாம்ப்ஸன் மதுரையின் பென்னிகுக்கிற்கு வீடு இருந்தற்கான ஆதாரம் எதுவும் இல்லை என்றார்.

2021ல் திமுக ஆட்சிக்கு வந்தவுடன் சிலை அரசியலை ஆரம்பித்து விட்டது: இப்பொழுது 2022ல் திமுக ஆட்சிக்கு வந்தவுடம் அதைவிட தீவிரமான சிலை / மணிமண்டபம் அரசியல் ஆரம்பிக்கப் பட்டுள்ளது. அயோத்தி தாசர், வ.உ.சிதம்பரம், ஈவேரா, வள்ளலார், ஜான் பென்னிகுக் என்று நீள்கிறது. இதற்கெல்லாம் கோடிகளில் திட்டங்கள்! பிறகென்ன கட்டுக்கதைகளுக்கு குறைவா? இட்டுக்கட்டுவதில் வல்லவர்களான, தமிழ் செப்படி வித்தை[8] வல்லுனர்கள் சதுரங்க வேட்டையிலும் இறங்கி விடுவர். ஆனால், சரித்திர ஆதாரம் இல்லாத கட்டுக்கதைகளை வளர்க்க முன்படும் போது, உண்மைகள் வெளிவரத்தான் செய்யும். இவ்விதமாகத்தான், இப்பொழுது ஸ்டாலின் மாட்டிக் கொண்டுள்ளார். நிச்சயமாக யாரோ அவருக்கு இந்த ஸ்கிரிப்டை எழுதி கொடுத்துள்ளார்கள். அது நாகநாதன், ஜகதீசன், கருணானந்தம் போன்ற ஆஸ்தான சரித்திராசியர்களாக இருக்கலாம்.

© வேதபிரகாஷ்

18-01-2022.


[1] World Tamil Conference (WTC) என்பது முதலில் 1966ல் கோலாலம்பூர் மற்றும் 1968ல் சென்னையில் நடத்தப் பட்டது.

[2] 1971ல் ராமர் போன்ற படங்களுக்கு செருப்பு மாலை போடப் பட்டது மற்றும் இந்து கடவுளர்களை நிர்வாணமாக, ஆபாசமாகச் சித்தரித்து திக-திமுகவினர் துருச்சியில் ஊர்வலம் நடத்தினர்.

[3] தமிழனே இல்லாத நபருக்கு, தமிழகத்தில் சிலை ஏன் என்று கூட கேள்விகள் எழுப்பப் பட்டன.

[4] One.India, Life-size Bronze statue of ‘Periyar’ was unveiled at Srirangam, By Staff | Published: Monday, December 18, 2006, 3:51 [IST]

https://www.oneindia.com/2006/12/16/life-size-bronze-statue-of-periyar-was-unveiled-at-srirangam-1166394083.html

Srirangam, Tamilnadu, Dec 16 (UNI) In an event preceded by controversy, a life-size bronze statue of late Rationalist leader and Founder of Dravidar Kazhagam (DK) Periyar E V Ramasamy Naicker,was formally unveiled near the Sri Ranganatha temple by DK General Secretary K Veeramani, here .  the statue mounted on a 12-feet high pedestal,was installed near the ‘Rajagopuram’ (temple tower). Union Minister for Environment and Forests A Raja, State Ministers K N Nehru and N Selvaraj, also participated in the event.

[5] தமிழ்.இந்தியன்.எக்ஸ்பிரஸ், சிலை அரசியல், Written by WebDesk, Updated: October 2, 2017 11:06:36 am.

[6] https://tamil.indianexpress.com/opinion/statue-politics/

[7] இதில் முக்கியமானது என்னவென்றால், வள்ளுவர் கோட்டத்துக்கு கருணாநிதி அடிக்கல் நாட்டியதற்கான கல்வெட்டு அகற்றப்பட்டதுதான். வள்ளுவர் கோட்டத்தை கருணாநிதிதான் கட்டினார் என்ற தகவல் அங்கு எந்த வகையிலும் இடம் பெறவில்லை. இது இந்திரா காங்கிரஸ்காரர்கள் செய்த வேலை.

[8] பிறரறியாவகை செப்புக்களுள் உருண்டைகள் வந்துபோகுமாறு அவற்றைத் தரையில் அடித்துக் காட்டுவது முதலிய தந்திரவித்தை.

ரஜினியும் இக்கட்டுக்கதை வைத்து படம் எடுத்ததால், இரண்டாம் பெனிகுக் நிலைக்கு உயர்ந்துள்ளாறா அல்லது தள்ளப் பட்டாரா என்று தெரியவில்லை.

ஜான் பென்னிகுக் வைத்து கட்டுக்கதை உண்டாக்குவதேன், சிலைஅரசியல் செய்வதேன்? ஆங்கில அடிவருடித் தனமா? திராவிடத்துவ திசைத்திருப்பு அரசியலா? (2)

ஜனவரி 18, 2022

ஜான் பென்னிகுக் வைத்து கட்டுக்கதை உண்டாக்குவதேன், சிலைஅரசியல் செய்வதேன்? ஆங்கில அடிவருடித் தனமா? திராவிடத்துவ திசைத்திருப்பு அரசியலா? (2)

கருணாநிதி மதுரையில் சிலை வைத்தால், ஸ்டாலின் இங்கிலாந்தில் சிலை வைப்பார்: ஆங்கிலேயே அரசு இத்திட்டத்திற்கு தொடர்ந்து நிதியுதவி செய்ய இயலாத சூழ்நிலையில், கர்னல் ஜான் பென்னிகுயிக் இங்கிலாந்து சென்று தனது குடும்ப சொத்துகளை விற்று அதன் மூலம் கிடைத்த பணத்தைக் கொண்டு எத்தகைய தடைகள் வந்தாலும், இந்த அணையை எப்படியாவது கட்டி முடிக்க வேண்டும் என்ற தன்னம்பிக்கையுடனும், மன உறுதியுடனும், விடா முயற்சியுடனும், துணிவுடன் செயல்பட்டு பெரியாறு அணையைக் கட்டி முடித்தார்[1]. அவருடைய பிறந்த நாளான ஜனவரி 15ஆம் நாளை தமிழர்கள் விமரிசையாகக் கொண்டாடுகின்றனர்[2]. தேனி மாவட்ட மக்கள் கர்னல் ஜான் பென்னிகுயிக்கின் தியாகப் பணிகளை நினைவுகூரும் வகையில் அவருடைய பிறந்த தினத்தில் பொங்கல் வைத்து வழிபாடு செய்கிறார்கள். மேலும், அம்மாவட்ட மக்கள் தொடர்ந்து தங்களுடைய குழந்தைகளுக்கு அவருடைய பெயரை வைத்து நன்றி தெரிவித்து மகிழ்ச்சி அடைகின்றார்கள்[3]. கர்னல் ஜான் பென்னிகுயிக் நினைவைப் போற்றும் வகையில், முத்தமிழறிஞர் கலைஞர் மதுரை, தல்லாக்குளம் பொதுப்பணித்துறை வளாகத்தில் 15.6.2000 அன்று அன்னாருடைய திருவுருவச் சிலையை திறந்து வைத்தார்[4]. தமிழக அரசு, தேனி மாவட்டம் கூடலூர் லோயர் கேம்ப் பகுதியில் வெண்கலத்திலான பென்னிகுயிக் உருவச் சிலையுடன் கூடிய மணிமண்டபம் ஒன்றை அமைத்தும், தேனி மாநகரப் பேருந்து நிலையத்திற்கு பென்னிகுயிக்கின் பெயரைச் சூட்டியது[5].

பெரியாறு அணையின் நீர்மட்டத்தை உயர்த்த நீதிமன்றத்திற்குச் செல்வோம்: தமிழ்நாடு தனக்குள்ள உரிமையை விட்டுக் கொடுக்காமல் தொடர்ந்து உயர் நீதிமன்றத்திலும், உச்ச நீதிமன்றத்திலும், மத்திய அரசின், நீர் ஆணையம் மற்றும் உயர் அமைப்புகளிடம் சட்டரீதியாக நுணுக்கமான கருத்துகளைத் தெரிவித்து, வாதாடி பெரியாறு அணையின் நீர்மட்டத்தை 152 அடி உயர்த்த நடவடிக்கை எடுத்து வருகிறது[6]. தென் மாவட்ட மக்களின் நீண்டகாலத் தண்ணீர் பிரச்சினையைக் கருத்தில் கொண்டு பெரும் போராட்டத்தில் பல்வேறு இன்னல்களைக் கடந்து கட்டப்பட்ட முல்லைப் பெரியாற்றின் மீதான தமிழ்நாட்டின் உரிமையை எந்நாளும் விட்டுக் கொடுக்காமல் காப்பதற்கு நமது அரசு தொடர் முயற்சி மேற்கொள்ளும் என்பதனையும் தியாகத் திருவுருவமான கர்னல் ஜான் பென்னிகுயிக் பிறந்த நாளில் உறுதி எடுத்துக்கொள்வோம்” என்று முதல்வர் ஸ்டாலின் கூறியுள்ளார்...

ஆங்கிலேயர் காலத்திலேயே தெரிந்த உண்மைகளை மறைப்பது: ஆராய்ச்சி செய்பவர்களுக்கு இதெல்லாம் நன்றாகவே தெரியும். ஏனெனில், ஆங்கிலேயர் ஒன்று தங்கள் பணத்தைப் போட்டு, எந்த நன்மையினையும் இங்கு செய்து விடவில்லை. பில்லியன்களில் இந்தியர்களிடம் வரிவசூல் மூலம் கொள்ளையடித்ததில்[7], கொஞ்சம் தங்களது போகுவரத்தி, வசதி போன்றவற்றிற்கு செலவிட்டனர். அணைக் கட்டும் விவகாரங்களிலும், தமது மிஷின்கள், பாகங்கள் முதலியவற்றை விற்பத்தில் கமிஷன் பெறலாம் என்ற நோக்கில் தான் செய்து வந்தனர். முன்னர் பழைய வீடுகளில் சாதாரண ஸ்விட்ச், காக்கடை மூடி / காஸ்ட் அயரன் மூடி முதலியவற்றில் “மேட் இன் இங்கிலாந்து,” என்றிருக்கும். அதனால் தான், அந்நிய பொருட்களை புறக்கணிப்போம் என்று பொராட்டம் நடத்தினார். சுவதேசி பொருட்களை வாங்க வேண்டும் என்று எடுத்துக் காட்டினார். ஏ.டி.மெகன்ஸி என்ற இஞ்சினியர், தமது நூலில் “பெரியாறு திட்டத்தைப் பற்றிய வரலாறு” பற்றி குறிப்பிட்டுள்ளார்[8].

2016 இக்கட்டுகதை எடுத்துக் காட்டப் பட்டது: ஆகஸ்ட் 2016லேயே, தீபா கந்தசாமி என்பவர், இதெல்லம் கட்டுக்கதை என்று எடுத்துக் காட்டியுள்ளார்[9]. சொத்தை விற்று அணை கட்டியது – அதெல்லாம் கட்டுக்கதை, அதற்கு எந்த ஆதாரமும் இல்லை என்று ஸ்ட்ரௌட் சாம்ப்ஸன், பென்னிகுவிக் பேரன் சொன்னதாக, குறிப்பிட்டார். ஆங்கிலேய கருவூல அதிகாரிகளுக்கு இவரது வேலை திருப்தி அளிக்கவில்லை, அதனால், மாவீரர் பட்டம் (knighthood) அந்தஸ்தும் கொடுக்கப் படவில்லை என்றும் பேரன் வருத்தப் பட்டுக் கொண்டார்[10]. ஏ.டி.மெகன்ஸியின் புத்தகத்தில் உள்ள விவரங்களைக் குறிப்பிட்டுள்ளார். ஜான் பென்னிகுவிக்கின் கல்லறை கல்லில் கூட அவர் கிரிக்கெட் ஆடினார் என்று தான் குறிப்பிடப் பட்டுள்ளதேயன்றி, அணைப் பற்றி ஒன்றும் குறிப்பிடப்ப்டவில்லை. ஆகவே, இந்த அணைக்கும், இவருக்கும் ஏதோ பிரச்சினை உள்ளது என்று தான் தெரிகிறது.

2018 – எஸ்.ராமநாதன் பொறியாளர் எடுத்துக் காட்டியது: எஸ். ராமநாதன் FIE, பென்னிகுவிக்கை நினைவு கொள்வோம் என்ற கட்டுரையில், விவரமாக எழுதியுள்ளார்[11]. ஸ்ட்ரௌட் சாம்ப்ஸன், “பெரியாறின் நீரை தடுத்து திசைத் திருப்ப வேண்டும் என்பது பழைய திட்டமே. (ஆங்கிலேயர்களால் முன்னர்) பல ஆய்வுகள் மேற்கொண்டு அது தேவையில்லை, நடைமுறையில் ஒத்துவராது என்றெல்லாம் குறிப்பிட்டுள்ளார்கள்,”  என்றும் ராமநாத குறிப்பிட்டுள்ளார்[12]. அதாவது, பொருளாதார ரீதியில் ஆங்கிலேயர்களுக்கு இதில் விருப்பம் இல்லை என்று தெரிகிறது. இருப்பினும், வலுக்கட்டாயமாக,இதனைக் கட்டியது, இங்கிலாந்திலிருந்து மிஷின்களை வாங்கி இறக்குமதி செய்தது, முதலியன, வேறெதையோ சுட்டிக் காட்டுகிறது. ஒருவேள நிதி விவகாரங்களில் பிரச்சினை ஏற்பட்டிருக்கலாம். அதனால் தான், கருவூல அதிகாரிகள் இவரது செயல்களில் திருப்தியடைவில்லை என்று குறிப்பிடப் பட்டுள்ளது.

2022ல் வெண்ணிலா கூறுவது: அ. வெண்ணிலா என்பவர் விகடனுக்குக் கூறியது[13], “முதல்வரின் செய்திக் குறிப்பில்ஆங்கில அரசு தொடர்ந்து நிதி உதவி செய்து அணை கட்ட முடியாத சூழலில், பென்னி குக் தன் சொத்துக்களை விற்று அணை கட்டினார்என்றுள்ளது. பென்னி குக் பற்றி கடந்த 25 ஆண்டுகளாக உருவாக்கப்பட்ட அழகிய கற்பனை இது……[14] முதல்வரின் வார்த்தைகள் அரசாங்க சாசனம். அதுவே எதிர்கால உண்மை. மாண்புமிகு முதல்வர் அவர்கள் எந்த வரலாற்று ஆவணத்திலும் இல்லாத ஒரு செய்தியைக் குறிப்பிட்டுள்ளதைக் கவனத்தில் கொண்டு சரிசெய்ய வேண்டுகிறேன்[15]. ஏற்கெனவே பல ஊடகங்களில் பலர் தனக்குத் தோன்றியதையெல்லாம் எழுதி எழுதி முதல்வரே நம்பும் அளவிற்கு உண்மையாக்கப்பட்டுள்ள கற்பனை இது[16]………. பிரிட்டீஷ் இந்தியா நிதி கொடுக்க முடியவில்லை என்றால் திட்டம் தொடருமா? பிரிட்டீஷ் இந்திய கவர்னரின் உத்தரவை மீறி பென்னி அணை கட்டியிருக்க முடியுமா? அணை கட்ட அரசாங்கம் செய்த செலவுக்கு பைசா விகிதம் அணை கட்டிய உதவிப் பொறியாளர் A.T.Mackenzie எழுதிய ‘History of the periyar project’ நூலில் வரவு செலவு கொடுத்துள்ளார். சில கற்பனைகள் இதமானவை. இனியவை. கலைக்க கூடாதவை. ஆனால் அவை எளிய மக்களின் வாய் வார்த்தைகளில் புழங்கும்வரை ரசிக்கலாம்”. இதை இவர் பேஸ்புக்கிலும் பதிவு செய்துள்ளார்.

© வேதபிரகாஷ்

18-01-2022.


[1] NEWS18 TAMIL, தமிழ்நாடு அரசு சார்பில் இங்கிலாந்தில் பென்னிகுயிக்குக்கு சிலைமுதல்வர் மு..ஸ்டாலின் அறிவிப்பு, Published by: Karthick S, First published: January 15, 2022, 20:35 IST LAST UPDATED : JANUARY 15, 2022, 20:35 IST.

[2] https://tamil.news18.com/news/tamil-nadu/chennai-district-chennai-corporation-mayor-post-allocated-to-schedule-caste-woman-skd-667755.html

[3] தினகரன், தமிழ்நாடு அரசு சார்பில் இங்கிலாந்தில் பென்னி குயிக் சிலை நிறுவப்படும்: முதலமைச்சர் மு..ஸ்டாலின் அறிவிப்பு, 12:07 pm Jan 15, 2022 | dotcom@dinakaran.com(Editor)

[4] https://m.dinakaran.com/article/news-detail/735010

[5] நக்கீரன், இங்கிலாந்தில் தமிழ்நாடு அரசு சார்பில் பென்னிக்குயிக் சிலை” – முதலமைச்சர் மு..ஸ்டாலின் அறிவிப்பு, Published on 15/01/2022 (12:30) | Edited on 15/01/2022 (12:33)

[6] https://www.nakkheeran.in/24-by-7-news/thamizhagam/tamilnadu-government-will-be-set-penny-kwik-statue-england

[7]  தாதாபாய் நௌரோஜி, அம்பேத்கார் முதலியோர் எடுத்துக் காட்டியுள்ளனர். சமீபத்தில் சசிதரூரும் இதைப் பற்றி பேசி-எழுதியுள்ளார்.

[8] A.T.Mackenzie , Executive Engineer , who later wrote the book “ History of the Periyar Project “..

[9] Th Mint, John Pennycuick: The man who built the Mullaiperiyar dam, 11 min read . Updated: 28 Aug 2016, 12:04 AM IST. Deepa Kandaswamy.

 In the popular narrative, many claim that Pennycuick sold his property and his wife’s jewels to fund the dam’s construction. However, his great-grandson, Stuart Sampson, in an email said, “It is a myth. I have no evidence of this.” 

[10] Another common tale is that Pennycuick was subjected to an inquiry commission by the British government. To this, Sampson said, “I am not aware it. It seems clear that he did not make himself popular with the treasury officers of the Indian government. This is probably the reason why he did not receive a knighthood.” Deepa Kandaswamy is an award-winning freelance writer and author based in India.

https://www.livemint.com/Sundayapp/3PeedgK5bx4Z9uPKEE0KPL/John-Pennycuick-The-man-who-built-the-Mullaiperiyar-dam.html

[11] S. Ramanathan, Let us Remember Colonel John Pennycuick : Birthday Tributes , E-News: 31| January 2018, pp.3-5.

[12] He (Stuart Sampson) boldly uttered “ The idea of thus diverting the waters of the Periyar is probably very ancient. Surveys have been made in a some-what half- hearted manner, to condemn the idea as impracticable”.

http://ieimadurailc.org/images/newsletter/E-News__Jan_2018.pdf?fbclid=IwAR3WM28cWfM3wxS2n83UfehJGA6b5cdQmnP8dPctX5Z7076D_Y-UznIOKbA

[13] விகடன், சொத்துக்களை விற்று அணை கட்டினாரா பென்னி குக்? முதல்வர் ஸ்டாலின் சொல்வது சரியா?, யுவநந்தினி சே, Published: 15th Jan, 2022 at 7:37 PM; Updated: 2 days ago.

[14] https://www.vikatan.com/amp/story/news/tamilnadu/article-about-stalins-announcement-on-john-pennycuick-birthday

[15] தமிழ்.ஏபிபி.லவ்,Writer Vennila on Pennycuick : ‘தன் சொத்தை விற்று முல்லை பெரியாறு அணைக் கட்டினாரா பென்னிகுயிக்?’ இல்லை என்கிறார் எழுத்தாளர் வெண்ணிலா..!, By: இராஜா சண்முகசுந்தரம் | Updated : 17 Jan 2022 12:45 PM (IST)

[16] https://tamil.abplive.com/news/tamil-nadu/did-john-pennycuick-sell-his-property-to-build-mullaperiyar-dam-here-is-writer-vennila-explanation-35663

ஜான் பென்னிகுக் வைத்து கட்டுக்கதை உண்டாக்குவதேன், சிலைஅரசியல் செய்வதேன்? ஆங்கில அடிவருடித் தனமா? வேறெந்த காரணமா? (1)

ஜனவரி 18, 2022

ஜான் பென்னிகுக் வைத்து கட்டுக்கதை உண்டாக்குவதேன், சிலைஅரசியல் செய்வதேன்? ஆங்கில அடிவருடித் தனமா? வேறெந்த காரணமா? (1)

இட்டுக்கதை, கட்டுக்கதை, மாயைகள் முதலியவற்றை உருவாக்குவதில் வல்லவர்கள் திராவிடத்துவ வாதிகள்: கட்டுக்கதைகளை உருவாக்குதில் திராவிடத்துவவாதிகள் கைத் தேர்ந்தவர்கள் ஆவர்.  அவற்றில் அரசியல் ஆதாயம், பணம், கான்ட்ராக்ட் கிடைக்கும் என்றால், பெரிதாக்கி ஊதுவார்கள்! சம்பந்தமே இல்லாத ஆட்கள் எல்லாம் திடீரென்று தோன்றி அதில் அதி-தீவிரமான விருப்பம் கொண்டிருப்பதைப் போலவும், அதற்கு உயிரையே கொடுப்பேன் என்ற ரீதியில் உழைப்பது போலவும் நாடகம் ஆடுவர். விவகாரங்கள் தெரிய வந்தால், சமாளித்துப் பார்ப்பார்கள், மாட்டிக் கொண்டால் அடங்கி விடுவார்கள், வழக்கு என்றெல்லாம் ஆகி விட்டால், எல்லாவற்றையும் அடியோடு மறைக்கப் பார்ப்பர்கள். திராவிடத்துவ சரித்திரம் என்றதே கடந்த 70 ஆண்டுகளில் உருவாக்கப் பட்டதே. எல்லாமே, ஒருதலைப் பட்ட கதைகள், அவர்களே வெளியிட்டுள்ள புத்தகங்கள், முதலியன…. அவற்றை சரிபார்க்க முடியாது, அவர்கள் சொல்லியுள்ளதை, எழுதியுள்ளதை அப்படியே ஏற்றுக் கொள்ளவேண்டும் என்று தான் எழுது முறை ஆராய்ச்சி நெறிமுறை எல்லாமே நடந்து வருகிறது. சரித்திராசிரியர்கள் என்று பிரகடப் படுத்திக் கொள்பவர்களும், அவ்வாறே ஆதரித்து, விருதுகள், பட்டங்கள், நிதியுதவிகள் பெற்றுக் கொண்டு காலந்தள்ளி வருகின்றனர். உண்மையுரைக்க அவர்களுக்கு திராணி இல்லை, மன்னசாட்சியும் கிடையாது. அப்படி செய்தால், தூக்கியெறியப் படுவர்.

திராவிடத்துவ வாதிகளின் பதினெண் புராணங்கள் உருவாக்கும் முறைகள்: பெரியார் புராணம், நாகம்மை புராணம், பெரியம்மை புராணம், பெஸ்கி புராணம், அண்ணா புராணம், கருணாநிதி புராணம், வீரமாமுனிவர் புராணம், தத்துவ போதகர் புராணம், எல்லீஸர் புராணம், ஜி.யு.போப் புராணம், வரிசையில் பென்னி குக் புராணமும் சேர்ந்துள்ளது. “நதிமூலம், ரிஷி மூலம் கேட்கக் கூடாது,” என்றால், இங்கும் மூலங்கள் கேட்கக் கூடாது, காண்பிக்கப் படாது. எழுதி வைத்ததைப் படி, ஒப்புக்கொள், பிரச்சரம் செய், கேள்விகள் கேட்காதே – என்பவை தான் ஆணைகள், ஏற்றுக் கொள்ளப் படவேண்டும். ஒருவர் முதலில் எழுதுவார், இன்னொருவர் விரிவாக்குவார், இன்னொமொருவர் இன்னும் கொஞ்சம் சேர்ப்பார், புத்தகங்கள் வெளிவரும், பிஎச்.டிக்களும் உருவாக்கப் படும், விழா எடுப்பர், விருதுகள்-பட்டகள் கொடுக்கப் படும், அவ்வளவு தான், பொற்றாமரைக் குளத்தில், பூமேடையில் வைத்து, தமிழ் சங்கத்தில் ஏற்றுக் கொள்ளப் பட்டது போன்ற ரீதியில் அரங்கேற்றப் படும். கலைமாமணி, பெரியார் விருது என்றெல்லாமும் கொடுக்கப் படும்.

2018 – முல்லைப்பெரியாறு அணை கட்டிய பென்னி குக்கின் பெயரால் நூதன மோசடி அரங்கேறி வருவதாக திடுக்கிடும் புகார் எழுந்துள்ளது:. முல்லைப்பெரியாறு அணை என்பது தமிழகத்தின் ஐந்து மாவட்டங்களின் வாழ்வாதாரம். இந்த அணையை கட்டிய கர்னல் ஜான் பென்னி குக் ஏறத்தாழ 125 ஆண்டுகளுக்கு முன்பு இராணுவப் பணிப் பொறியாளராகப் பணியாற்ற இந்தியா வந்தவர். அப்போது ஒருங்கிணைந்த சென்னை மாகாணத்தில் ஒருபுறம் தென் மாவட்ட மக்கள் தண்ணீர்ப் பிரச்னையால் வாடுவதையும் மறுபுறம் பெரியாற்று நீர் வீணாகக் கடலில் கலப்பதையும் பார்த்து, ஆற்றின் குறுக்காக ஒரு அணையைக் கட்டலாம் என்று ஆங்கில அரசிடம் அனுமதி பெற்றார். பின் பாதி கட்டப்பட்ட நிலையில் காட்டாற்று வெள்ளத்தில் அணை உடைந்து ஆங்கில அரசு திட்டத்தை மூட்டை கட்டினாலும் இங்கிலாந்து சென்று தன் சொத்துக்களையெல்லாம் விற்று அணையைக் கட்டி முடித்தார். இன்றளவும் அவர் பெயரைச் சொல்லி பொங்கல் வைக்கும் அளவுக்கு அன்பும் நன்றியும் பாராட்டுகிறார்கள் தென்மாவட்ட மக்கள். இந்நிலையில், கடந்த பொங்கல் பண்டிகை சமயத்தில் பென்னி குக்கின் கொள்ளு பேரன் பேத்திகள் என டயானா ஸிப், ஸானி மற்றும் உறவினர்கள் என்று சிலர் தேனிக்கு வந்தனர்.ஆனால், இவர்கள் யாரும் பென்னி குக்கின் நேரடி வாரிசுகள் அல்ல என்பதும் இவர்களில் ஒருவர் மட்டும் பென்னிகுக்கிற்கு தூரத்து சொந்தம் என்றும் தற்போது தெரியவந்துள்ளது.

சந்தன பீர் ஓலி ஈடுபடுள்ளதாக, கோவிந்தன் என்ற சுதந்திர போராட்டத் தியாகி குற்றம் சாட்டுகிறார்: கம்பம் அருகே உத்தமப்பாளையம் பகுதியைச் நேர்ந்த சந்தன பீர் ஓலி என்பவர், லண்டனைச்சேர்ந்த டயானா ஸிப் உள்ளிட்ட 3 பேரும் பென்னிகுக்கின் கொள்ளு பேத்திகள் என்று கூறி அறிமுகப்படுத்தி அழைத்து வந்ததோடு, லண்டனில் உள்ள பென்னிகுக் அடக்கம் செய்யப்பட்டுள்ள கல்லறையை சீர்செய்யவும் அங்கு பென்னிகுக்கிற்கு நினைவுச்சிலை எழுப்பவும் துணை முதலமைச்சர் ஓ.பன்னீர்செல்வம் உள்ளிட்டோரிடம் பணம் வசூலித்து மோசடி செய்துள்ளதாக கூறுகிறார்கள் கம்பம் பகுதி மக்கள். இந்நிலையில்  பென்னிகுக்கின் பேத்திகள் என்று நம்பி தாங்கள் உதவி செய்ததாக கூறுகிறார்கள் அந்த நிகழ்ச்சிக்கு உதவி புரிந்தவர்கள்.  ஒரு பக்கம் பேரன், இன்னொரு பக்கம் பேத்திகள் என்று வருவதும் விசித்திரமாக இருக்கிறது.

கம்ப – கோவிந்தன் என்பவர் வழக்கு தொடர்வதாகக் கூறியது: இதனைதொடர்ந்து கோவிந்தன் என்ற சுதந்திர போராட்டத் தியாகி தேனி கம்பம் பகுதியில் பென்னி குக்கின் பெயரில் நிதி வசூல் செய்தநிலையில், கொடைக்கானலில் பென்னிகுக் ட்ரஸ்ட் என்ற பெயரில் இதே சந்தன பீர் ஒலி என்பவர் பென்னிகுக்கின் நிலத்தை அபகரிக்க, முயல்வதாகவும் குற்றம் சாட்டுகிறார்[1]. மேலும் 1‌980 வரை பென்னி குக் பெயரில் கொடைக்கானலில் இருந்த 21 ஏக்கருக்கும் அதிக நிலம் தற்போது ஆக்கிரமிப்பில் இருப்பதாக அதிர்ச்சித்தகவலை கூறுகிறார்[2]. இச்சுழலில் கம்பம் பகுதி மக்களின் புகார்கள் குறித்து லண்டனில் வசிக்கும் சந்தன பீர் ஒலியிடம் கேட்டபோது இந்த புகார்களுக்கு மறுப்பு தெரிவித்துள்ளார். இவர் மறுப்பு தெரிவித்தாலும், பென்னிகுக்கின் நில ஆக்கிரமிப்பு தொடர்பாக நீதிமன்றத்தை நாட உள்ளார் கோவிந்தன். ஆனால், பிறகு என்னவாயிற்று என்று தெரியவில்லை.

ஜனவரி 2022 – ஸ்டாலின் – பென்னி குயிக்கிற்கு இங்கிலாந்தில் சிலை வைக்கப் படும்: முல்லை பெரியாறு அணையை கட்டிய பென்னிகுயிக்குக்கு இங்கிலாந்தில் தமிழக அரசு சார்பில் சிலை நிறுவப்படும் என்று முதல்வர் மு.க.ஸ்டாலின் கூறியுள்ளார். தமிழக-கேரள எல்லையில் கேரளாவின் இடுக்கி மாவட்டத்தில் அமைந்துள்ளது முல்லைப்பெரியாறு அணை. தமிழக-கேரள எல்லையில் கேரளாவின் இடுக்கி மாவட்டத்தில் அமைந்துள்ளது முல்லைப்பெரியாறு அணை. தன்னிடம் இருந்த சொத்தை எல்லாம் விற்று அரும்பாடு பட்டு 1895-ம் ஆண்டு இந்த அணையை கட்டியவர் இங்கிலாந்தை சேர்ந்த கர்னல் ஜான் பென்னிகுயிக். இந்த நிலையில் இங்கிலாந்தில் பென்னிகுயிக்குக்கு தமிழக அரசு சார்பில் சிலை நிறுவப்படும் என்று தமிழக முதல்வர் மு.க.ஸ்டாலின் கூறியுள்ளார்[3]. இதுகுறித்து இன்று அவர் வெளியிட்ட அறிக்கையில்[4], “தென் தமிழகத்தின் உயிர்நாடியாக விளங்கும் முல்லைப் பெரியாறு அணையைப் பல இடையூறுகளுக்கு இடையில் தனது சொந்தப் பணத்தை செலவு செய்து அமைத்த, கர்னல் ஜான் பென்னிகுயிக்கின் புதிய சிலையை, அவர் பிறந்த ஊரான இங்கிலாந்து நாட்டின் கேம்பர்ளி நகர மையப் பூங்காவில் தமிழக அரசு சார்பில் நிறுவப்படுவது குறித்து அவருடைய பிறந்த நாளான இன்று (ஜனவரி 15) அறிவிப்பதில் பெருமகிழ்ச்சி அடைகிறேன்[5].

கர்னல் ஜான் பென்னிகுயிக்கின் புதிய சிலையை அவரின் சொந்த ஊரான இலண்டன்-கேம்பர்ளி நகரத்தில் அமைக்கப் படும்: கர்னல் ஜான் பென்னிகுயிக்கின் புதிய சிலையை அவரின் சொந்த ஊரான இலண்டன்-கேம்பர்ளி நகர மையப் பூங்காவில் நிறுவ அனைத்து லண்டன் வாழ் தமிழர்களால் முயற்சிகள் எடுக்கப்பட்டு, சிலை நிறுவ இங்கிலாந்து சட்டப்படி, செயின்ட் பீட்டர்ஸ் தேவாலயத்தின் ஒப்புதலைப் பெற்றுள்ளார்கள்[6]. ஆங்கிலேயப் பொறியாளரான கர்னல் ஜான் பென்னிகுயிக், தமிழக மக்களுக்காக கடின தியாகமான உழைப்பினாலும், தொழில்நுட்ப நிபுணத்துவத்தினாலும் பெரியாற்றின் குறுக்கே, பெரியாறு அணையை 1895ஆம் ஆண்டு கட்டி முடித்து, தமிழகத்திற்கு குறிப்பாக தேனி, திண்டுக்கல், மதுரை, சிவகங்கை, ராமநாதபுரம் ஆகிய ஐந்து மாவட்டங்களின் விவசாயம் மற்றும் குடிநீர் தேவைகளைப் பூர்த்தி செய்ய வழிவகை செய்தார்[7]. அம்மாவட்ட மக்களின் வாழ்வாதாரமே முற்றிலும் செழுமையடைந்து மாற்றங்கள் பெற்றுள்ளன. இம்மாவட்ங்களில் தற்பொழுது சுமார் 2,19,840.81 ஏக்கர் நிலங்கள் பாசன வசதி பெற்றுள்ளன[8].

© வேதபிரகாஷ்

18-01-2022.


[1] புதிய தலைமுறை, பென்னி குக்கின் பெயரில் நூதன மோசடி: திடுக்கிடும் புகார் , NewsPT, Published :07,Dec 2018 08:14 AM.

[2] https://www.puthiyathalaimurai.com/newsview/39312/Fraud-in-the-name-of-PennyCuick-at-theni

[3] தமிழ்.ஒன்.இந்தியா, தமிழக அரசு சார்பில் இங்கிலாந்தில் பென்னிகுயிக்குக்கு சிலை நிறுவப்படும்.. முதல்வர் ஸ்டாலின் அறிவிப்பு, By Rayar A, Updated: Saturday, January 15, 2022, 13:29 [IST].

[4] https://tamil.oneindia.com/news/chennai/a-statue-of-john-pennycuick-will-be-erected-in-england-on-behalf-of-the-government-of-tamil-nadu-say/articlecontent-pf640795-445443.html

[5] தினத்தந்தி, இங்கிலாந்தில் பென்னிகுவிக் சிலைமுதல் அமைச்சர் மு..ஸ்டாலின் அறிவிப்பு, பதிவு: ஜனவரி 15,  2022 12:25 PM.

[6] https://www.dailythanthi.com/News/State/2022/01/15122526/Statue-of-Pennywick-in-the-UK–Announcement-by-Chief.vpf

[7] புதியதலைமுறை, இங்கிலாந்தில் பென்னிகுயிக்கிற்கு சிலை நிறுவப்படும்” – முதலமைச்சர் மு..ஸ்டாலின் அறிவிப்பு, தமிழ்நாடு,  கலிலுல்லா,  Published :15,Jan 2022 12:33 PM.

[8] https://www.puthiyathalaimurai.com/newsview/127124/John-Pennycuick-statue-will-be-installed-in-uk

தமிழ் நூல்களை அழித்த பெஸ்கி என்ற வீரமாமுனிவருக்கு பிறந்த நாள் விழா கொண்டாடுவது பகுத்தறிவா, வெள்ளைக்கார அடிமைத்தனமா, காலனிய கூலி மனப்பாங்கா?

நவம்பர் 9, 2021

தமிழ் நூல்களை அழித்த பெஸ்கி என்ற வீரமாமுனிவருக்கு பிறந்த நாள் விழா கொண்டாடுவது பகுத்தறிவா, வெள்ளைக்கார அடிமைத்தனமா, காலனிய கூலி மனப்பாங்கா?

வீரமாமுனிவர், சித்திரக் கதைகள் புத்தகங்களை முதலமைச்சர் வெளியிட்டார்: சென்னையில் 2015ம் வருடத்தை விட அதிகமான மழை பெய்து, வெள்ளம் உண்டாகி, லட்சக் கணக்கான மக்கள் அவதிப் பட்டுக் கொண்டிருக்கும் வேளையில், இப்படி, பெஸ்கிவியின் பிறந்த நாளைக் கொண்டாடி இருப்பது வேடிக்கையான விசயம் தான். தமிழ் வளர்த்த இத்தாலிய பேரறிஞர் வீரமாமுனிவர் அவர்களின் பிறந்தநாளையொட்டி, வீரமாமுனிவர் அவர்களின் வாழ்க்கை வரலாற்றை விளக்கும் “வீரமாமுனிவர்”[1] மற்றும் வீரமாமுனிவரின் கையெழுத்து பிரதி ஆவணத்தின் அச்சுப் பிரதியான “சித்திரக் கதைகள்”[2] ஆகிய புத்தகங்களை முதலமைச்சர் மு.க. ஸ்டாலின் அவர்கள் 8.11.2021 அன்று தலைமைச் செயலகத்தில் இருந்தவாறு வெளியிட்டார்[3], என்ற செய்தி வந்துள்ளது. ஒரு பக்கம் வெள்ளத்தால் பாதிக்கப் பட்ட இடங்களுக்குச் சென்றார் என்ற செய்திகளும் வரும் நேரத்தில், இச்செய்தியும் வந்துள்ளது. ஸ்டாலினும் உடைகளை மாற்றிக் கொண்டு, தயாராக இந்நிகழ்ச்சிற்கு வந்துவிட்டார். இந்நிகழ்வின்போது, புத்தகங்களின் ஆசிரியர்கள் தமிழ் மரபு அறக்கட்டளை பன்னாட்டு அமைப்பின் தலைவர் முனைவர் க. சுபாஷினி மற்றும் பேராசிரியர் ஆனந்த் அமல்தாஸ், எழிலினி பதிப்பக உரிமையாளர்கள் ஒளிவண்ணன் மற்றும் நல்லினி, பேராசிரியர் முனைவர் பாப்பா, ஆய்வாளர் வேதநாயகம் ஆகியோர் இருந்தனர்[4].

யார் இவர்கள், எவ்வாறு ஒன்றாகக் கூடினர், புத்தகங்களை வெளியிட்டனர்?: யார் எந்த புத்தகத்தை வேண்டுமானாலும் எழுதலாம், அதை யார் வேண்டுமானாலும் பதிப்பிடலாம், அச்சிடலாம், யார் வேண்டுமானாலும் வெளியிடலாம். அதைப் பற்றி யாருக்கும் கவலை இல்லை. ஆனால், தமிழ் என்று சொல்லிக் கொண்டு, பெஸ்கி என்கின்ற கொடூரமான ஒரு கிருத்துவப் பாதிரியைத் தூக்கி[ப் பிடித்து உண்மைகளை மறைத்து, அவன் ஏதோ யோக்கியன், புனிதன், தமிழ் வளர்த்தவன் என்றெல்லாம் தொடர்ந்து பிரச்சாரம் செய்வது மோசமான விசயாமாகும். பிரான்சிஸ் சேவியல் குளூனி மற்றும் ஆனந்த் அமல்தாஸ்  ஏற்கெனவே பரிச்சயம் ஆனவர்கள் சேர்ந்து புத்தகங்களை எழுதியுள்ளனர், கிருத்துக் கூட்டங்களில் பங்கு கொண்டுள்ளனர். வேதநாயகமும், மற்றவர்களும் ஒருவருக்கு ஒருவர் அறிந்தவர்கள் தாம். அ.பாப்பா, மதுரை கிருத்துவக் கல்லூரியில் தமிழ்துறையில் உதவி பேராசிரியராக பணியாற்றி வருகிறார். இவர்கள் எல்லோரும் தமிழ் மரபு அறக்கட்டளை பன்னாட்டு அமைப்பின் நிர்வாகிகள் மற்றும் உறுப்பினர்கள். சரியாக இன்று பெஸ்கியின் பிறந்த நாளன்று அப்புத்தகங்களை வெளியிட தீர்மானித்து, காரியத்தை முடித்துள்ளனர்.

வீரமாமுனிவர் போர்வையில், கிருத்துவர்கள் புகழ்ந்து பிரச்சாரம் செய்வது: டொமினிக் ராஜ் எழுதிய தேம்பாவணி மொழிபெயர்ப்பு என்று “தி ஹிந்து” ஆங்கில நாளிதழில் நவம்பர் 2020 இதே தேதியில் பிரம்மாண்டமாக செய்தி வந்திருந்தது. பெஸ்கி செய்த அட்டூழியங்களையெல்லாம் மறைத்து, எழுதியதாக அக்கட்டுரை இருந்தது. அதாவது பல தமிழ் ஓலைச்சுவடிகளை அழித்தொழித்த பெஸ்கி தமிழுக்குத் தொண்டாற்றினால் என்ற பாட்டைப் பாடியிருந்தார். ஆக இவ்வாறு ஒவ்வொரு ஆண்டும் பெஸ்கியை வெள்ளையடித்து, புனிதராக்கும் பணி தொடர்ந்து நடந்து வருவதை கவனிக்கலாம்.  உண்ம்மையில், இவன் தமிழகத்தில் பல நூற்சுவடிகளை சேகரித்தான். பலவற்றை தான் எழுதியது போல, சில ஓலைச்சுவடிகளை சேர்த்து, சுற்றில் விட்டான். சதுர அகராதி போன்றவை அப்படித்தான். பிறகு, தனது குருவான சுரதீப கவிராயரை ஏமாற்றி பல நூல்களைத் திருடிக் கொண்டான். அவற்றையும் தனது போல அறிவித்துக் கொண்டான்.

சுப்ரதீப கவிராயர் (c.1620-1700): சுப்பிரதீபக் கவிராயர் என்பவர், 18 ஆம் நூற்றாண்டில் வாழ்ந்த ஒரு புலவர் ஆவர். மதுரையைச் சேர்ந்த இவர் பல நூல்களை இயற்றியுள்ளார். அவரது பாடல்களை ஒருமுறையாவது படித்தவர்கள், அவரது தமிழ் வார்த்தைப் பிரயோகம், சொல்லாட்சி, கவித்துவம், தமிழ்பாரம்பரிய யதுகை-மோனை, அகத்துறை முதலியனவற்றை அறிந்து கொள்ளலாம். இவையெல்லாம், சுட்டுப் ஓட்டாலும் பெஸ்கிக்கு வராது. “தேம்பாவணி என்னும் நூலை எழுதியதாகக் கருதப்படும் வீரமாமுனிவர் என அறியப்படும் கிறித்தவப் பாதிரியாரான கான்சுடன்டைன் ஜோசப் பெஸ்கி (1680-1747) என்பவருக்குத் தமிழ் கற்பித்தவர் இவரே. தேம்பாவணியின் கதையை வீரமாமுனிவர் சொல்ல, அதைப் பாடலாக எழுதியவர் சுப்பிரதீபக் கவிராயரே என்ற கருத்தும் உண்டு, வீரமாமுனிவரின் தூண்டுதலால் இவர் கிறித்தவராக மதம் மாறினார்”, என்று இப்பொழுது விகிபீடியா போன்றவை திரித்துக் கூறுகின்றன. 18 ஆம் நூற்றாண்டின் முற்பகுதியில் நிலக்கோட்டையை ஆண்ட பாளையக்காரரான கூளப்பநாயக்கரைப் பாட்டுடைத் தலைவனாகக் கொண்டு கூளப்பநாயக்கன் காதல், கூளப்பநாயக்கன் விறலிவிடு தூது ஆகிய நூல்களை இவர் இயற்றியுள்ளார். இவற்றைப் படித்து, தேம்பாவணியைப் படித்தால், ஆசிரியர் யார் என்பதனைக் கண்டு பிடித்து விடலாம்.

பெஸ்கி சிவப்பிரகாசரின் நூலை எரித்தது: ஏசுமத நிராகரணம் என்னும் நூல், சதுரகராதி யயற்றிய “வீரமாமுனிவர்” என்னும் கிருஸ்துவன், கவிச்சக்கரவர்த்தியாகிய ஸ்ரீ சிவப்பிரகாட சுவாமிகள் கண்டிதெழுயதுமாகும். ஆனால், அப்பாதிரி அந்நூலை மற்றநூல்களோட சேர்த்து எரித்துவிட்டமையால், அது கிடைதில. இருப்பினும் கிடைதுள்ள சில பாடல்கள் இதோ:

அறிகிலை நரர்க்காய் வேண்டி யளித்தனன் மிருகமாறி
யுஇறைவ னென்றோ யோரீ யீன்றிட மலமீ தூருஞ்
சிறுபுழு விரையு றாதென் செல்குவை யதனை நோக்க
வறிவரு நுணிய தேகி யனந்தநீ யவையென் செய்வாய்

வாய்திறந் தலறும் வேங்கை வல்விட முமிழ்பாம் பாதி
நேயமற் றெவர்கூற் றாய நிகழ்வதெ னுலகத் தந்தாட்
டூயவ னாதிக் கோதுஞ் சொன்னெறி யடங்கா தென்னி
குயகோ வாதி மாந்தர்க் கூங்கிய விதமென் கொல்லோ

சொல்லியன னவர்க்க சாதி யடங்கவுந் துயரஞ் செய்தே
கொல்லமற்று றையவு மீச னென்றிடிற் கொடுநா காதி
நல்லவா வோரோர் காலத் தடங்கலா னவிலச் சாதி
யெல்லல்செய் திடலாற் ரீயோ யறைந்தசொற் பழுதே யாகும்

நன்றி: பாடல்களைக் கொடுத்துதவிய ஆராய்ச்சியாளர் திரு கே. வி. ராமகிருஷ்ண ராவ்.

* மற்ற பாடல்கள் கிடைக்குமா?

* மற்ற பாடல்கள் இருந்தால், கிடைத்தால் கொடுத்துதவுங்கள்.

* அக்காலத்தில் முதலில், ஓலையில் புலவரே எழுதுவர் அல்லது அவர் சொல்ல மாணவன் அல்லது சுவடியெழுதுபவன் எழுதுவான்.

* பிறகு புலவர் / கவிஞர் ஏற்றுக் கொண்டவுடன், அரங்கேறியப் பிறகு அல்லது மற்றவர் ஏற்றுக் கொண்டவுடன், பிரதிகள் எடுக்கப் படும்.

* அவைதாம் குருக்குலங்கள், மடாலயங்கள் முதலிய இடங்களில் இருக்கும்.

* ஆகவே, ஒருவேளை ஏதாவது பிரதி இருந்தால், ஒருவேளை ஐரோப்பிய, வாடிகன் நூலகங்களில், ஆவணக்காப்பகங்களில் இருந்தால், ஒருபிரதியை இந்தியர்கள் வாங்கிக் கொள்ளவேண்டும்.

* கிருத்துவ மிஷனரிகள், அவ்வாறு பல்லாயிர / லட்சகணக்கான ஓலைச்சுவடிகளை எடுத்துச் சென்றுள்ளனர். இன்றும் அச்செயல்கள் நடக்கின்றன.

* ஒரு கூகுள் தேடலில், எவ்வளவு ஓலைச்சுவடிகள் இன்றும் விற்பனைக்கு உள்ளன என்பதை பார்த்து அறியலாம்!

வால்டர் எலியட் கால்டுவெல்லுடன் பேசி ஓலைச்சுவடிகளை அழித்தது: கான்ஸ்டன்டைன் ஜோசப் பெஸ்கி (1680-1747), மற்ற கிருத்துவ பாதிரிகளின் நண்பர். ஓலைச் சுவடிகள், கல்வெட்டுகள், நாணயங்கள் என்று முக்கியமான ஆதாரங்களை சேகரிப்பது அவர்களது முக்கியமான வேலை. இதை ஒவ்வொரு கம்பனி அதிகாரியும் செய்து வந்தான். சர் வால்டர் எல்லியட் (1803-1887), சென்னையில் ரான்டல் தெருவில் 1820-முதல் 1860 வரை நாற்பது ஆண்டுகள் வசித்தவன். வழக்கம் போல செயின்ட் ஜார்ஜ் கோட்டையில் இவனுக்கு பயிற்சி அளிக்கப் பட்டது. பெர்டினான்ட்கிட்டல் (1832-1903) ராபர்ட் கால்டுவெல் (1814-1891) மற்றும் ஜார்ஜ் போப் (1820-1908) முதலியோர் நண்பர்கள். இவர்கள் எல்லோருமே கூடி பேசி, திட்டம் படி வேலை செய்துள்ளனர். வால்டர் எலியட்டிடம் பெஸ்கியின் ஒலைச்சுவடிகள் தொகுப்பு முழுவதும் வந்தது. அப்பொழுது, சில முக்கியமான ஓலைச்சுவடிகளை அழித்தான், ஒரு நகலை மட்டும் இங்கிலாந்துக்கு அனுப்பி வைத்தான். முன்பு, பெஸ்கியியே சில ஓலைச்சுவடிகளை அழித்துள்ளான். ஆகவே, இவர்கள் எல்லோரும் தமிழுக்காக உழைத்தார்கள் என்றெல்லாம் இன்று பிரச்சாரம் செய்து, சிலைகள் வைத்து, வருடா வருடம் மாலைப் போட்டுக் கும்பிட்டு வருவது படுகேவலமாகும். வெள்ளைக்கார அடிவருடி கூலிப் புத்தியைத்தான் காட்டுகிறது. பகுத்தறிவு போர்வையில் இதையெல்லாம் செய்து வருகிறார்கள். அதனால் தான் அது இந்து விரோதமாகவும் இருக்கிறது. ஆகவே, இத்தகைய பின்னணியில் உள்ள பெஸ்கியை ஆதரித்து சுபாஷிணி போன்றோர், மற்ற கிருத்துவர்களுடன் சேர்ந்து கொண்டு புத்தகங்களை வெளியிடுவது, அவர்கள் தமிழ் நூல்களை அழித்த கொடுமையான காரியங்களை மறைத்து, வெள்ளை அடிக்கும் வேலையாக இருக்கிறது. ஏற்கெனவே இவர் மீது ஓலைச்சுவடிகளை இந்தியாவிலிருந்து எடுத்துச் செல்கிறார் என்ற புகார் உள்ளது. ஒரு வேளை அதனை மறைக்க இத்தகைய நாடகங்களை அரங்கேற்றி வருவது போலிருக்கிறது.

© வேதபிரகாஷ்

09-11-2021


[1] வீரமாமுனிவர் வாழ்க்கை வரலாறு, பல்வேறு புனைவுகளைக் களைந்து களப்பணியின் வழியாக பத்தொன்பதாம் நூற்றாண்டின் ஆரம்ப காலகட்டத்தில் செயின்ட் ஜார்ஜ் கோட்டை கண்காணிப்பாளராக எல்லீஸ் அவர்களிடம் பணியாற்றிய முத்துச்சாமி தமிழிலும் ஆங்கிலத்திலும் எழுதிய வீரமாமுனிவர் வரலாறு மற்றும் வீரமாமுனிவரின் தொடர்பான வரலாற்றுச் செய்திகள். தொகுப்பும் பதிப்பும்: முனைவர் க. சுபாஷிணி, முனைவர் ஆனந்த் அமலதாஸ், விலை ரூ 350/- [சுபாஷிணியின் பதிவின்படி]

[2] சித்திரக்கதைகள் – பாரிஸ் தேசிய நூலகத்தில் கையெழுத்துப் பதிவாகப் பாதுகாக்கப்படும் 1730 ஆம் ஆண்டு ஆவணம் முதல்முறையாக அச்சுப் பதிப்பாக. ..! பதிப்பாசிரியர்கள்: முனைவர் க. சுபாஷிணி, முனைவர் ஆனந்த் அமலதாஸ், விலை ரூ 300/-[சுபாஷிணியின் பதிவின்படி].

[3] தினமலர், வீரமாமுனிவர் பிறந்த நாள்தமிழக அரசு சார்பில் மலர்மரியாதை, பதிவு செய்த நாள் : 08 நவம்பர் 2021 14:40.

[4] http://www.dinamalarnellai.com/web/news/108167

நாத்திகர்கள், திராவிடத்துவவாதிகள் மற்றும் இந்துவிரோதிகள் வள்ளலாரைப் பிடித்துக் கொள்வதேன்? மாமிசம் சாப்பிட்டுக் கொண்டு, சாராயம் குடித்துக் கொண்டு சன்மார்க்கம் பேச முடியுமா? ஜோதியில் கலக்க முடியுமா? (2)

ஒக்ரோபர் 29, 2021

நாத்திகர்கள், திராவிடத்துவவாதிகள் மற்றும் இந்துவிரோதிகள் வள்ளலாரைப் பிடித்துக் கொள்வதேன்? மாமிசம் சாப்பிட்டுக் கொண்டு, சாராயம் குடித்துக் கொண்டு சன்மார்க்கம் பேச முடியுமா? ஜோதியில் கலக்க முடியுமா? (2)

ஸ்டாலினுக்கு, சேகர் பாபுவுக்கு நன்றி தெரிவிக்கும் உள்ளூர் பிரமுகர்கள்: இந்த மகிழ்ச்சியான அறிவிப்பை வெளியிட்டு அதை செயல்படுத்த நடவடிக்கை எடுத்து வரும் முதலமைச்சர் மு.க.ஸ்டாலினுக்கும், மிகச் சிறந்த முறையில் அதை செயல்படுத்தி வரும் இந்து சமய அறநிலையத்துறை அமைச்சர் சேகர்பாபுவுக்கும் இந்த தருணத்தில் நன்றி தெரிவித்துக் கொண்டனர். அதன் ஒரு பகுதியாக தமிழக அரசு அறிவித்துள்ள வள்ளலார் சர்வதேச மையத்திற்கு நன்றி தெரிவிக்கவும், சர்வதேச மையத்திற்கான பொருள் உதவி உள்ளிட்ட அனைத்து உதவிகளையும் செய்து தரவும் உலகத் தமிழாராய்ச்சி நிறுவனத்தில் இயங்கிவரும் சமரச சுத்த சன்மார்க்க சத்திய ஆய்விருக்கை சார்பாக அதன் பொறுப்பாளரும் எஸ்.எஸ்.எம் கல்லூரி தமிழ்த்துறைத் தலைவருமான பா மஞ்சுளா, ஒருங்கிணைப்பாளர் நா. சங்கரராமன், செயற்குழு உறுப்பினர்கள் இந்திரஜித், சந்திரசேகர், விக்னேஷ், ஞானசம்பந்தம், அமெரிக்க வாழ் சன்மார்க்க சங்கத்தை சார்ந்த முருகேசன் ஆகியோர் இந்து சமய அறநிலையத்துறை அமைச்சர் சேகர்பாபுவை சந்தித்து வாழ்த்துக்களையும், வள்ளலார் பல்கலைக்கழகம் அமைய வேண்டி விண்ணப்பத்தையும் வழங்கினார். தலைமைச் சங்க பொதுச்செயலாளர் வெற்றிவேல் இந்த சந்திப்பில் கலந்து கொண்டனர். தொடர்ந்து அரசின் துணையோடு பல சர்வதேச மையத்திற்கான பணிகளில் பங்கு பெறவும் அதற்கான திட்டங்களை அரசின் அனுமதியோடு மேற்கொள்ளவும் உறுதி அளித்துள்ளனர்.

கருணையில்லா ஆட்சி கடிந்து ஒழிந்துஉருவாகி இருக்கிறது கருணை மிகு ஆட்சி! 07-10-2021 முரசசொலி தலையங்கம்[1]: தன்னைச் சந்தித்த சங்கராச்சாரியார், சமற்கிருதத்தை அனைத்து மொழிகளுக்குமான தாய்மொழி என்று சொன்னபோது, அப்படியானால் ‘தந்தை மொழி தமிழ்’ என்றவர் வள்ளலார். “வட நாட்டு சாமியார்களை போற்றும் தமிழனே வடலூர் வள்ளலார் எந்த விதத்தில் தாழ்ந்தவர்?’’ என்று கேட்டவர் பெரியார். “இராமகிருஷ்ணரைப் போற்றும் அன்பனே! சிந்தித்துப் பார். உன் இராமலிங்கர் எந்த விதத்தில் அவரை விடத் தாழ்ந்தவர். அவரை எந்த வடநாட்டானாவது போற்றக் கண்டுள்ளாயா? உன்னுடைய ஒரு நாயன்மாரையாவது வடநாட்டானுக்குத் தெரியுமா? கபிலன் கூறியதென்னவென்று நீ அறிவாயா? ஏன் தம்பி, உனக்கு இவ்வளவு ஆரியப்பற்று? இனியேனும் இன உணர்வு கொண்டெழு தம்பி! உன் இனத்தான் எந்த விதத்திலும் அறிவிலோ, ஆற்றலிலோ தாழ்ந்தவன் அல்ல என்பதை இன்றே உணர்வாய்” என்று எழுதியவர் தந்தை பெரியார்.திடீரென்று இராமலிங்க அடிகளைப் பற்றி தி.மு.க பேச ஆரம்பித்திருக்கிறது என்று நினைக்கக் கூடாது. கருணையும் அன்பும் வற்றிப் போய் – வன்மம் பிரித்தாளும் சதிச்சூழ்ச்சிகளும் முற்றிப் போய்வரும் இக்காலத்தில் ‘தனிப்பெரும் கருணை’ நாளை தமிழ்நாட்டின் முதலமைச்சர் அறிவித்து இருப்பது ஒரு வகைப்பட்ட பண்பாட்டுப் புரட்சியே!, என்று ஏன் தீர்மானித்தோம் என்பது பற்றியும் கூறப்பட்டுள்ளது[2].

இராமலிங்கர் முருகனைக் கண்ட, தியாகராஜரைப் போற்றிப் பாடிய தீவிர சைவர்: இராமலிங்கர் (1823-1874) நிச்சயமாக சைவர் தான், அதிலும் தீவிர சைவர். 1832ல் முருகனைக் கண்ணால் கண்டவர், பிறகு மற்ற கடவுளர்களையும் பார்த்திருக்கிறார். திருவொட்டியூர், ஶ்ரீதியாகராஜரின் கோவிலுக்கு தினமும் செல்வார்.  1835ல் ஶ்ரீதியாகராஜரைப் போற்றி பாடல்களை இயற்றியுள்ளார். சிதம்பரம் நடராஜர் மீதும் ஆழ்ந்த பக்தி கொண்டார். அவரது இறைத் தேடல்களில் மற்ற மதத்தினரின் இடையூறல், வாத-விவாதங்கள், முதலியவற்றால், சிக்குண்டார். சில பாடல்களில் இவருக்கு பெண்களின் சகவாசமும் இருந்ததாகக் காட்டுகிறது. 1850ல் 27 வயதில், தன்னுடைய அக்காள் உண்ணாமலை அம்மாளின் மகளான தனம்மாளைத் திருமணம் செய்து கொண்டார். ஆனால், முறையான இல்லற வாழ்க்கை வாழவில்லை. பெரிய-சமரச-சித்தாந்தங்கள் எல்லாம் போதிக்கும் இவர் தனது மனைவியை அவ்வாறு விட்டது கேள்விக்குரியாகும்[3]. உருவ-அருவ வழிபாடு, சமஸ்கிருதம்-தமிழ், புதைப்பது-எரிப்பது, ரசவாதம், சாகாக்கலை போன்றவற்றில் ஈடுபட்டு, பக்தர்கள், தீவிர பின்பற்றுவோர் முதலியோர்களால் அவரது ஆன்மீக-இறைத்தேடல் திசை மாறியது. பொதுவாக இப்படி தோன்றினாலும், அவர் பாடல்களை கவனமாகப் படித்தால், சைவத்தைத் தான் போற்றுகிறார் என்பதைத் தெரிந்து கொள்ளலாம்.

சமகால சுவாமிகளுக்கு எப்படித் தெரியால் போனது?: குமரஸ்வாமி தேசிகர் (1711-1810), சுந்தரேச தேசிகர் (1817-1878), ஆறுமுக நாவலர் (1822-1879), பாம்பன் சுவாமிகள் (1848-1929), ஸ்வாமிநாத தேசிகர் / சூசை (1860-1939) போன்றோர் இவர்காலத்தில் சென்னையில் வாழ்ந்துள்ளனர் மற்றும் வந்துள்ளனர். ஆகவே, ஆறுமுக நாவலர் போல மற்றவர்களும் இவரை சந்திந்திருப்பர். 1874ல் இவர் மறைந்த போது, குமரஸ்வாமி தேசிகருக்கு வயது 63, சுந்தரேச தேசிகருக்கு 57, ஆறுமுக நாவலருக்கு 52, பாம்பன் சுவாமிகளுக்கு 26, ஸ்வாமிநாத தேசிகருக்கு 14 – ஆகவே, இவர்களுக்கு எல்லாம் விசயம்-உண்மை நிச்சயம் தெரிந்திருக்கும். வள்ளலார் அப்படியே மறைந்து விட்டார் என்றால், மற்றவர்களுக்குத் தெரிந்திருக்கும். ஸ்வாமிநாத தேசிகர் விசித்திரமானவர்[4], கிருத்துவத்தை விமர்சித்து நூல்களை எழுதியவர். இறக்கும் முன்னர் சூசை என்ற பெயரோடு கிருத்துவர் ஆகி விட்டதாக கதைகளும் உண்டு. நிச்சயமாக ஆறுமுக நாவலர் மற்றும் பாம்பன் சுவாமிகள் சும்மா இருந்திருக்க மாட்டார்கள். பாம்பன் சுவாமிகள் “மந்திர-தந்திர-யந்திர” உபாசானைகளில், வித்தைகளில் ஈடுபட்டவர், முருக பக்தர்[5], ஆகவே, முருகனையே நேரில் பார்த்த ராமலிங்கரை, சந்திந்து விவரம் அறிந்திருப்பார். மேலும், இவர்களது அக்தர்கள், சீடர்கள் பின்பற்றுபவர்கள் இவ்விவகாரங்களை அறிந்திருப்பர். ஆகையால், யாருக்குமே தெரியாமல் போனது விசித்திரமாக உள்ளது.

இந்துஅறநிலையத் துறை மூலம் மடங்களைப் பிரிக்கும் வேலை நடக்கிறதா?: இந்து அறநிலையத் துறையின் கீழ் வரும் மடங்களை ஒருவேளைப் பிரிக்க, இத்தகைய திட்டங்களைப் போடுகிறார்களா என்றும் கவனிக்க வேண்டும். திமுக அமைச்சர்களுக்கு அரசியல்வாதிகளுக்கு கோவில்-மடங்கள் நிலங்கள் விற்றதில் சில மடாதிபதிகள் சிக்கியுள்ளனர். அவை நீதிமன்றங்களுக்கும் சென்று அவர்களின் பெயர்கள், நடவடிக்கைகள் பதிவாகி உள்ளன.  அவர்களும் “இந்துக்கள் அல்ல,” என்று பேசியுள்ளனர். அயோத்திதாசரை இப்பொழுது திடீரென்று தூக்கிப் பிடிக்க வேண்டிய அவசியம் இல்லை. அதேபோல, ராமலிங்க அடிகளையும் இதில் இணைப்பதில் அவசியம் இல்லை. ஆனால், இவையெல்லாம் ஒரு சில மாதங்களில் நடக்கிறது. செப்டம்பர்-அக்டோபர் மாதங்களில் உள்ளவர்களைத் தேர்ந்தெடுக்கிறார்கள். ஊதிப் பெரிதாக்குகிறார்கள். இப்படி எல்லா விவகாரங்களும் ஒன்றாக, ஒரே நேரத்தில் நடந்து கொண்டிருப்பதால், இவற்றை உன்னிப்பாக கவனிக்க வேண்டியுள்ளது.

வள்ளலாரும்-பெரியாரும், பெரியாரும்-இஸ்லாமும் என்று கட்டுக் கதைகள் பெருகலாம்: சமீபகாலத்தைய மனிதர்கள், அவர்களது வாழ்க்கை விவரங்கள், சம்பந்தப் பட்ட ஆவணங்கள், பேச்சுகள், எழுத்துகள் முதலியவை திரிபுகளுக்கு, மாற்றங்களுக்கு, ஒன்றிற்கு மேற்பட்ட விளக்கங்களுக்கு, அதே சித்தாந்தம் கொண்டவர்களே வெவ்வேறு மாதிரி பேசுவது-எழுதுவது என்ற முறை ஏற்படுவது, அடிப்படையில் ஏதோ சரியில்லை, மறைக்கிறார்கள், மறைக்க முற்படுகிறார்கள் என்றே ஆகிறது. நாத்திகம்-ஆத்திகம், நம்பிக்கை-நம்பிக்கையில்லாத் தன்மை, ஆதரிப்பது-எதிர்ப்பது, சட்டங்களை ஆதரிப்பது-எதிர்ப்பது, பெண்மையினைப் போற்றுவது-தூற்றுவது, பொறுந்தாதவற்றை பொறுத்தப் பார்ப்பது, ஒப்பீடு செய்ய முடியாததை ஒப்பிடுவது, முரண்பாடுகளை மறைத்து புகழ்வது, இவையெல்லாம், இத்தகைய தலைப்புகளில் பார்க்கலாம். இவையெல்லாம், ஒரு கட்டுக் கதை/பொய்/மாயை உருவாக்குவது, அதற்கு ஆதாரமாக, இன்னொரு அல்லது பல கட்டுக் கதைகளை உருவாக்கி இணைப்பது, சம்பந்தப் படுத்துவது என்ற பாணியில் வளர்கிறது. யாராவது எடித்துக் காட்டினால், ஒரேயடியாக மறைப்பது, அடக்குவது, ஒருநிலையில் வன்முறை மூலம் மொத்தமாக அமுக்கி விடுவது, ஒழித்துக் கட்டுவது என்ற ஃபார்முலாவையும் கடைபிடித்து நிறைவேற்றி வருகின்றனர். என்ன நடக்கப் போகிறது என்பதை பொறுத்துத் தான் பார்க்க வேண்டு.

© வேதபிரகாஷ்

29-10-2021


[1] கலைஞர் செய்தி, அக்.5ஆம் நாளைதனிப்பெரும் கருணைநாளாக அறிவித்து இருப்பது வகைப்பட்ட பண்பாட்டுப் புரட்சியே!”: முரசொலி!, Prem Kumar, Updated on : 7 October 2021, 08:41 AM

[2] https://www.kalaignarseithigal.com/tamilnadu/2021/10/07/murasoli-editorial-praises-chief-minister-mk-sudalin-for-announcing-on-vallalar-birthday

[3]  இவற்றைப் பற்றி இவரது பக்தர்களும் சங்கடமாகத்தான் எழுதியுள்ளனர். ஒரு பக்கம் ஆதரிப்பது இன்னொரு பக்கம் மென்மையாக எதிர்ப்பது போன்ற நிலைகளில் எழுதியுள்ளனர். துறவி கந்தசாமி, இராமலிங்கர் பெற்ற இறைவடிவமும் ஐந்தொழிலாற்றலும், திருவருட் பிரகாச வள்ளலார் தெய்வ நிலையங்கள், வடலூர், 1989, பக்கங்கள்.181-200.

[4] சுவாமிநாத தேசிகர் அனைத்து கலைகளையும் தனது இளமையிலேயே கற்றுத் தேறினவரானார். அக்காலத்தின் தலைசிறந்த தத்துவவாதியாக திகழ்ந்த அவர் சிறந்த சிற்பியுமாவார். சைவ சித்தாந்த பிரிவினராக இருந்தபடியால் அனைத்து கோவில்களிலும் ஆன்மிகச் சொற்பொழிவுகள் செய்தும் வந்தார். அவரது பெரிய தாத்தா எழுதிய இயேசு மத நிராகரணம் என்ற நூலிலிருந்தே பெரும்பாலும் சொற்பொழிவாற்றி வந்தார்.

[5] முனியாண்டிப் பிள்ளை என்பாரிடம் தமிழ் கற்றார். சிறுவயதில் இவருக்கு கந்தர் சட்டிக் கவசம் மிகவும் ஈர்த்த நூலாகும். இதுவே இவர் பின்னாளில் சண்முக கவசம் இயற்ற தூண்டுதலாக இருந்தது.

நாத்திகர்கள், திராவிடத்துவவாதிகள் மற்றும் இந்துவிரோதிகள் வள்ளலாரைப் பிடித்துக் கொள்வதேன்? மாமிசம் சாப்பிட்டுக் கொண்டு, சாராயம் குடித்துக் கொண்டு சன்மார்க்கம் பேச முடியுமா? (1)

ஒக்ரோபர் 29, 2021

நாத்திகர்கள், திராவிடத்துவவாதிகள் மற்றும் இந்துவிரோதிகள் வள்ளலாரைப் பிடித்துக் கொள்வதேன்? மாமிசம் சாப்பிட்டுக் கொண்டு, சாராயம் குடித்துக் கொண்டு சன்மார்க்கம் பேச முடியுமா? (1)

புதிய ஆட்சி நடக்கிறதா, விளம்பரங்கள் மூலம் ஓடுகிறதா?: திமுக ஆட்சிக்கு வந்ததிலிருந்து தினம்-தினம் அறிக்கைகள், திட்டங்கள், பணி நியமனங்கள், ஆணைகள், விழாக்கள், புகைப் படங்கள், செய்திகள், முதலமைச்சர்-அமைச்சர்கள் அதிரடி விசிட்டுகள்-விஜயங்கள், தொலைக் காட்சிகளில் வாத-விவாதங்கள்…..இப்படி 100 நாட்கள், 150 நாட்கள் என்று ஓடுகின்றன, சுவரொட்டிகள் ஒட்டப் படுகின்றன, விளம்பரங்கள் கொடுக்கப் படுகின்றன, நாங்கள் தான் நம்பர்.1 என்று கணிப்புகள் வருகின்றன. இடையிடையே, நீதிமன்ற வழக்குகள், தற்காலிக தடை, ஒத்தி வைப்பு, தள்ளி வைப்பு, தள்ளுபடி, …….பிறகு அமைதியான நிலை. எல்லாம் சரி, உண்மையில், இயல்பு வாழ்க்கையில், நிதர்சனத்தில் என்ன நடக்கிறது?  மக்கள் என்ன சினிமாவா பார்த்துக் கொண்டிருக்கின்றனர்? சாதாரண மக்கள் உழைக்கத்தான் வேண்டும், சம்பாதிக்க வேண்டும், பொருட்களை வாங்கத்தான் வேண்டும். அப்பொழுது தான் உலை எரியும், சாப்பாடு கிடைக்கும், குடும்பம் நடக்கும்! அவர்கள் ஆட்சியாளர்கள் போல படம் காட்டிக் கொண்டிருக்க முடியாது.

நாத்திகர்கள் கைகளில் வள்ளலார் படும் பாடு: நக்கீரன் நாரதராக ஆறியதை விட ஜோக்கராக, எட்டப்பனாக, அரைகுறை ஆதாரங்களுடன் கட்டுக் கதைகளை உருவாக்குவதில் சிறந்து விளங்கி வருவது தெரிகிறது. தமிழக மக்களுக்கு, விருவிருப்பாக, பரபரப்பாக, அதிரடியாக, ஆபாசம், விரசம், கொச்சைத்தனம், கொலை, கொள்ளை என்றெல்லாம் வரும் செய்திகள், படங்கள், வீடியோக்கள் என்றால் ஜாலியோ ஜாலிதான். கேட்டுக் கொண்டே, பார்த்துக் கொண்டே இருப்பார்கள். அத்தகையோர் இன்று தமிழக பாடதிட்டத்திற்கும் தலைவராக, உறுப்பினராக வது விட்டனர். ஆக, ராமலிங்கம், இராமலிங்க அடிகள், வள்ளலார், என்ன பாடு படப் போகிறார் என்பதனை அறிந்து கொள்ளலாம். நக்கீரன், “வடலூரில் சுத்த சன் மார்க்க நெறிகளுக்கு இடையூறு வராமல், தமிழக அரசு நெறிப் படுத்த வேண்டும்என்ற குரல், பக்தர்கள் தரப்பிலிருந்து பலமாக எழுந்துவருகிறது[1]. மத மூடநம்பிக்கைகளுக்கு எதிராகக் கொடி பிடித்த ஆன்மிகப் புரட்சியாளராக வடலூர் வள்ளலாரை முற்போக்கு உலகம் போற்றிவருகிறது[2]. சாதி மத பேதங்களுக்கு எதிராகக் கொடி பிடித்த ஆன்மீகப் புரட்சியாளராக வடலூர் வள்ளலாரை முற்போக்கு உடலகம் போற்றி வருகிறது,” என்ற பீடிகையோடு, தனது வேலையை ஆரம்பித்துள்ளது. 24-03-2010 தீர்ப்பினைக் குறிப்பிட்டு, “பார்ப்பன எதிர்ப்பைச்” சேர்த்து, ஜோதி வழிபடு மட்டும் நடத்தப் பட வேண்டும் என்று இழுத்து முடித்துள்ளது.

72 ஏக்கர் பரப்பளவில், கோடிக்கணக்கில் செலவுடன் சர்வதேச மையம்: வடலூரில் உள்ள சத்திய ஞான சபை வளாகத்தில் சர்வதேச வள்ளலார் மையம் அமைப்பதற்காக இந்து சமயம் மற்றும் அறநிலையத்துறை அமைச்சர் சேகர்பாபு, வேளாண்மை துறை அமைச்சர் எம்.ஆர்.கே. பன்னீர்செல்வம் ஆகியோர் ஜூன் 2021ல் வடலூர் வந்து ஆய்வு செய்தனர்[3]. பின்னர் அவர்  சத்திய ஞானசபை, தர்மசாலை, மேட்டுக்குப்பத்தில் உள்ள சித்தி வளாகம் ஆகிய இடங்களைப் பார்வையிட்டு அதிகாரிகளுடன் ஆய்வு மேற்கொண்டார்[4]. அதன்பிறகு சர்வதேச மைய அமைப்பதற்கான திட்ட வரைபடத்தை பார்வையிட்ட அமைச்சர் சேகர்பாபு நிருபர்களிடம் கூறுகையில்[5], விரைவில் டெண்டர் கோரப்பட்டு, 72 ஏக்கர் பரப்பளவில், சர்வதேச மையமாக தொடங்குவதற்கான திட்ட மதிப்பீடு உலக அளவில் கோரப்பட்டு முடிவு செய்யப்பட்டு வெகு விரைவில் சர்வதேச மைய பணிகள் தொடங்கப்படும் என்று தெரிவித்தார்[6].  அதோடு, சென்னை ஏழுகிணறு இராமலிங்க அடிகளார் வாழ்ந்த வீடு அரசு சார்பில் சீரமைக்கப்பட்டு அமைக்கப்பட்டு, மக்கள் பார்வைக்கு திறக்கப்படும் என்றும் அவர் தெரிவித்தார். அப்போது மாவட்ட கலெக்டர் பாலசுப்பிரமணியம், தெய்வநிலைய செயல் அலுவலர் சரவணன், தி.மு.க. ஒன்றிய செயலாளர் என்ஜீனியர்  சிவக்குமார், மற்றும் அரசு அலுவலர்கள் கிராம பொதுமக்கள், சன்மார்க்க ஆர்வலர்கள் உடனிருந்தனர்[7].

திட்ட வரைபடம், திட்ட மதிப்பீடு, உலக அளவில் டெண்டர், 72 ஏக்கர் நிலம், கோடிக்கணக்கில் செலவு முதலியன: அயோத்திதாசருக்கு மணிமண்டபம், கருணாநிதிக்கு அதே இடத்தில் சிலை, பெரியாருக்கு ரூ 100 கோடிகளில் சிலை, என்றெல்லாம் ஆரம்பித்து “சர்வதேச மையம்,” ஏழுகிண்று வீடு என்று முடிந்துள்ளது. எல்லாமே தயாரக வைத்துக் கொண்டு, பார்வையிடுவது என்பது, திட்டமிட்டே செய்வது தெரிகிறது. திட்ட வரைபடம், திட்ட மதிப்பீடு, உலக அளவில் டெண்டர், 72 ஏக்கர் நிலம், கோடிக்கணக்கில் செலவு என்பதெல்லாம், “அல்லாவுத்தீனும் அற்புத விளக்கும் பாணியில் ஜீ பூம்பா,” அல்லது “கதவைத் திறந்திடு சீஸே” என்று வந்து விடாது. 11-06-2021 அன்று ஆணையிடப் படுகின்றது என்றால், முன்னமே தயாராகி, தயாராக உள்ளார்கள் என்று தெரிகிறது. இதன் மூலம், எத்தனை கான்ட்ராக்டர்கள், கம்பெனிகள், முதலாளிகள் பலன் பெறப் போகிறார்கள் என்பதை, “அரும்பெறும் ஜோதியே” வெளிச்சம் போட்டுக் காட்ட வேண்டும். “தனிபெரும் கருணை”யுடன் தான் எல்லோருக்கும் ஆர்டர்கள் கொடுக்க வேண்டும், வேலை செய்ய வேண்டும். உலக டென்டர், உலக உதவி என்றெல்லாம் இருக்கும் போது, அவற்றின் பின்னணி முதலியவை இனிமேல் தான் தெரியவரும். கிருத்துவர்-துலுக்கர் முதலியோரின் ஆதிக்கம் இருக்கும். ராமலிங்கர் காலத்திலேயே இருந்த போது, இபொழுது இருப்பதில் ஆச்சரியமில்லை. வள்ளலார் வணிக சின்னமாகிறது, வியாபாரமயமாக்கப் படுகிறது என்பதனை அறிந்து கொள்ளலாம்.

வள்ளலார் புத்தமதத்தைப் பின்பற்றச் சொன்னாரா?: ஓய்வு பெற்ற நீதிபதி, சந்துரு புத்தமதத்தைப் பின்பற்றும்படி மறைமுகமாக மக்களை வேண்டியுள்ளார் என்பதே அக்கருத்தாகும் என்று எடுத்துக் காட்டியுள்ளது திக பத்திரிக்கை[8]. இதற்குச் சான்றாக,

‘சாக்கிய வேதந் தேக்கிய பாதம்

தாக்கிய ஏதம் போக்கிய பாதம்’

‘புத்தந்தரும் போதா வித்தத்தருந் தாதா

நித்தந்தரும் பாதா சித்தந்திரும் பாதா;

என்ற வள்ளலாரின் பாடல் வரிகளை முன் வைக்கிறார் என்றும் விளக்குகிறது[9]. ஓய்வு பெற்ற பிறகு இவர் தனது மார்க்சீய-திராவிடத்துவக் கருத்துகளை வெளிப்படுத்தி வருகிறார்[10]. சம்பந்தார் சாக்கியர்களை கடுமையாகத் தாக்கியுள்ளபோது, இவர் பௌத்தத்தை ஆதரித்தார் என்பது முரண்பாடானது. சென்னைப் பல்கலைக் கழகத்தின் “சைவசித்தாந்தத்” துறைத் தலைவர், சைவர்கள் இந்துக்கள் இல்லை என்று வெளிப்படையாக பேசி, உலக மாநாட்டையும் நடத்தியுள்ளார். இனி, வள்ளலார் கூட்டங்களும் அதே போல நாங்கள் இந்துக்கள் இல்லை என்று அறிவிக்கலாம், மைனாரிட்டி ஸ்டேடஸ் கூட கேட்கலாம்.

உலகத்தில் இருக்கும் நிறுவனங்கள் உதவ முன்வருவது: பசிப்பிணி போக்கிய வள்ளலார் பெருமானின் பெயரில் அமைய உள்ள இந்த சர்வதேச மையத்திற்கு ஹலோ ஒத்துழைப்பை நல்க உலகத் தமிழாராய்ச்சி நிறுவனத்தில் இயங்கிவரும் சமரச சுத்த சன்மார்க்க சத்திய ஆய்விருக்கை, வடலூர் தலைமைச் சங்கம், தமிழகம் மற்றும் இந்தியாவில் உள்ள சன்மார்க்க சங்கங்கள், அமெரிக்கா, இங்கிலாந்து, மலேசியா, சிங்கப்பூர், நைஜீரியா உள்ளிட்ட பல்வேறு நாடுகளில் உள்ள சன்மார்க்க சங்கங்கள் கூட்டமைப்புகள் அனைத்தும் இணைந்து வள்ளலார் சர்வதேச மையத்திற்கு தேவையான பொருள் உதவியை வழங்க முடிவு செய்துள்ளனர்[11]. மேலும் பல்வேறு நாடுகளில் உள்ள தமிழ் அமைப்புகளிடம் நிதியினை திரட்டித் தரவும் ஏற்பாடு செய்து வருகின்றன[12]. அரசு காட்டும் வழிமுறைகளைப் பின்பற்றி இந்த சர்வதேச மையமும் அதைச் சார்ந்த பணிகளையும் முழு ஈடுபாட்டோடு செய்வதற்கு சன்மார்க்க அன்பர்கள் அனைவரும் மகிழ்ச்சியோடு காத்திருக்கின்றனர். உலகின் மிகப்பெரிய புரட்சியாளர்களில் ஒருவரான வள்ளல் பெருமானின் பெயரில் அமைய உள்ள இந்த சர்வதேச மையம் தமிழின் பெருமையையும், தமிழரின் பெருமையும், சன்மார்க்கக் கொள்கைகளை உலகம் கொண்டு செல்லவும் இந்த சர்வதேச மையம் உறுதுணையாக இருக்கும் என்பதில் ஐயமில்லை.

© வேதபிரகாஷ்

29-10-2021


[1] நக்கீரன், வள்ளலார் பக்தர்கள் கோரிக்கை நிறைவேறுமா? –அரசு உருவாக்கும் சர்வதேச மையம்!, Published on 27/10/2021 (04:12) | Edited on 27/10/2021 (09:55).

[2] https://www.nakkheeran.in/nakkheeran/will-request-vallalar-devotees-be-fulfilled/will-request-vallalar-devotees-be-fulfilled

[3] தினத்தந்தி, வடலூர் சத்திய ஞானசபையில்சர்வதேச மையம் அமைக்கும் பணி விரைவில் தொடங்கப்படும்அமைச்சர் சேகர்பாபு தகவல், ஜூன் 11, 10:39 PM.

[4] https://www.dailythanthi.com/amp/News/Districts/2021/06/11223919/The-task-of-setting-up-an-international

[5] NEWS18 TAMIL, சர்வதேச மையமாகும் வள்ளலார் சத்திய ஞான சபை: பணிகள் விரைவில் தொடங்கும் என இந்து சமய அறநிலையத்துறை அமைச்சர் தகவல், LAST UPDATED : JUNE 13, 2021, 14:19 IST.

[6] https://tamil.news18.com/news/tamil-nadu/cuddalore-district-cuddalore-vadallur-vallalar-sathiya-gnana-shaba-will-change-into-international-centre-soon-says-dmk-sekarbabu-mur-481343.html

-center.vpf

[7] கடலூர் மாவட்டம், செ.வெ.எண்.19 நாள்: 11-06-2021, https://cdn.s3waas.gov.in/s3a96b65a721e561e1e3de768ac819ffbb/uploads/2021/06/2021061476.pdf

[8] உண்மை, பார்ப்பனப் பண்பாட்டுப் படையெடுப்பை முடித்த வழக்கின் தீர்ப்பு, பிப்ரவரி 16-28, 2015.

[9] http://www.unmaionline.com/index.php/2015-magazine/133-febraury-16-28/2446-finishing-brahmin-cultural-invasion-case-hearing.html

[10]  சிபிஎம் கட்சியின் உறுப்பினர், கம்யூனிஸ்ட் மாணவ இயக்கத்தின் தலைவர், என். ராமின் கல்லூரி தோழர். ஶ்ரீரங்கத்தில் பிறந்த இவரது குடும்பத்தைப் பற்றிய விவரங்கள் தெரியாமல் இருக்கின்றன. சிலைத் திருட்டு விவகாரத்தில் அர்ச்சகர்கள் ஏன் கைது செய்யப் படவில்லை என்று கேள்வி எழுப்பியவர். அப்படியென்றால் பொறுப்புள்ள அறநிலையத்துறை அமைச்சர், முதலமைச்சர் என்று எல்லோருமே கைது செய்யப் படலாமே?

[11] மக்கள் குரல், வடலூரில் வள்ளலார் சர்வதேச மையம்: தமிழக அரசுக்கு சமரச சுத்த சன்மார்க்க சங்கம் நன்றி, Posted on July 19, 2021

[12]https://makkalkural.net/news/%E0%AE%B5%E0%AE%9F%E0%AE%B2%E0%AF%82%E0%AE%B0%E0%AE%BF%E0%AE%B2%E0%AF%8D-%E0%AE%B5%E0%AE%B3%E0%AF%8D%E0%AE%B3%E0%AE%B2%E0%AE%BE%E0%AE%B0%E0%AF%8D-%E0%AE%9A%E0%AE%B0%E0%AF%8D%E0%AE%B5%E0%AE%A4%E0%AF%87/

பெரியாரும், இஸ்லாமும் – கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (2)

ஒக்ரோபர் 27, 2021

பெரியாரும், இஸ்லாமும்கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (2)

ஈவேரா முஸ்லிமாகச் சாவேன் என்றது (05-08-1929): ஈ.வே. ராமசாமி நாயக்கர் சொன்னது: ‘‘நான் சாவதற்கு சில நிமிடமிருக்கும் வரையிலும் இந்த ஜாதி, மத, புராணப் புரட்டுகளை ஒழிக்கப் போராடி சாகுந்தருணத்தில் முஸ்லிமாகத்தான் சாவேன். ஏனென்றால் நான் செத்த பிறகு என் சொத்துக்களை, என்னை மோட்சத்திற்கு அனுப்புவதான புரட்டுகளால் என் சந்ததியாரை ஏமாற்றிப் பறிக்கப்படாமலும், அவர்கள் மூடநம்பிக்கையில் ஈடுபடாமலிருக்கச் செய்யவும்தான் நான் அவ்வாறு செய்யத் தீர்மானித்திருக்கின்றேன். நான் செத்தபிறகு என் சந்ததியார் என்னை மோட்சத்திற்கு அனுப்பப்படுமென்ற மூடநம்பிக்கையினால் பார்ப்பனர் காலைக்கழுவி சாக்கடைத் தண்ணீரை குடிக்காமலிருக்க செய்ய வேண்டுமென்பதற்காகவும்தான் நான் முஸ்லிமாகச் சாவேன் என்கிறேன்”. (திராவிடன் 05-08-1929)[1]. ஆனால், இதனை யாரும் அப்பொழுது பொருட்படுத்த வில்லை[2]. ‘‘நான் சாவதற்கு சில நிமிடமிருக்கும் சாகுந்தருணத்தில் முஸ்லிமாகத்தான் சாவேன்”, என்றதை, பெரியார் தாசன் போன்றோர், “சாவதற்கு 5 நிமிடம் முன்பு கலிமா சொல்லி முஸ்லிமாக மரணிப்பேன்! பெரியார் இஸ்லாத்தை ஏற்றாரா? ஆவணப்படத்தில் அதிர்ச்சி தரும் உண்மைகள்!”, என்று மாற்றி கட்டுக்கதையை புனைய ஆரம்பித்துள்ளனர்[3].

பெரியாரின் மறுபக்கம், முன்பக்கம், பின்பக்கம் முதலியன[4]: ஆனைமுத்து, விடுதலை ராஜேந்திரன், எஸ்.வி.ராஜதுரை, முதலியோர்களின் தொகுப்புகள் மற்ற பெரியார் சுயமரியாதைப் பிரச்சாரக் கழகத்தின் வெளியீடுகள் முதலியவற்றை வைத்துக் கொண்டு[5], தமக்கு வேண்டியவற்றைத் தொகுத்து, பெரியாரின் மறுபக்கம், முன்பக்கம், பின்பக்கம் என்றெல்லாம் எழுதுகிறார்கள், ஆனால், அவற்றை சரிபார்த்து, உண்மையறிந்து, மெய்யாகவே மறுபக்கம் அலசி, ஆராய்ந்து அவர்கள் எழுதுவது இல்லை[6]. அரசியல், பரிந்துரை, ஆதாயம், அதிகாரம் என்றெல்லாம் உள்ளதால், பரஸ்பர ரீதியில் அத்தகைய வெளியீடுகள், ஆதரவாளர்களிடம் பிரபலமாகி சுற்றில் இருக்கின்றன. ஆனால், 1940-80களில் திராவிடத் தலைவர்களின் பேச்சுகளை நேரில் கேட்டவர்களுக்கு, அவர்கள் பேசியதற்கும், இப்பொழுது தொகுப்பு புத்தகங்களில் இருப்பவற்றிற்கும் உள்ள பெரிய வேறுபாடுகளை காணலாம். எந்த அளவுக்கு ஒட்ட்யும், வெட்டியும், மாற்றியமைத்து, அவை வெளியிடப் பட்டுள்ளன என்பதை அறிந்து கொள்ளலாம். ஆகவே, இங்கும்-அங்கும் உள்ளவற்றை எடுத்தாண்டு, தொகுத்து எழுதியே காலந்தள்ளிக் கொண்டிருக்கும் போக்கிலிருந்து ஆராய்ச்சிக்கு வர வேண்டும்.

பிரச்சாரம் கட்டுக்கதைகள் ஆராய்ச்சி ஆகாது: இவ்வாறு, துலுக்கர் அடிக்கடி, புதிய கதைகளை உருவாக்கி, பிரபலமடையச் செய்து, பரப்பி வருவதில், பெரிய விற்பன்னர்கள் எனலாம். இப்பொழுது, இன்னொரு கதையைக் கிளப்பி விடுகிறார்கள் போலும். இந்துத்டுவ வாதிகள், முக்கியமாக, ஆவணங்களை சரிபார்த்து ஆராய்ச்சி செய வேண்டும் என்ற எண்ணம் இல்லாமல், ஏதோ, ஒருபக்கமாக ஒரு சாரார் பேசியதாக அச்சில் வந்துள்ளவை என்றெல்லாம் வைத்து, முடிவுக்கு வருவது, தொடரும் போக்கு தெரிகிறது. “தம்பி எங்களை விட்டுட்டு போயிட்டீங்களே. நான் போயி என் தம்பி உயிருடன் இருந்திருக்கக் கூடாதா? இந்த சமுதாயத்தை இனி யார் காப்பாற்றுவாங்க,” என்று கூறி தனது தள்ளாத வயதிலும், மூத்திரப் பையை கையில் சுமந்து கொண்டு, தன் தம்பி காயிதே மில்லத்திற்கு இறுதி அஞ்சலி செலுத்த நேரில் வந்த தந்தை பெரியார் கதறி அழுத காட்சி அவ்விரு தலைவர்கள் இடையில் நிலவிய மாறாத அன்பை, உண்மையான நேசத்தை உலகத்திற்கு வெளிச்சம் போட்டு காட்டியது,” என்று இப்பொழுது, இத்தகைய விசயங்கள் வெளிவருவது விசித்திரமாக இருக்கிறது..“முகமது இஸ்மாயில் இறந்த போது, உடலைப் பார்த்து, ஈவேரா கையறு நிலையில், நானும் சாகிறேன் என்று / போன்று பிதற்றினாரா?,” என்ற கேள்விக்கு பதில் சொல்லியாக வேண்டும். ஆன்மா இல்லை, ஆவி இல்லை …..என்றெல்லாம் பேசி, கிண்டலடித்து வந்த பெரியார், பெரிய சித்தர் என்றெல்லாம் சிலர் போற்றி வந்த நிலையில், அவர் அழுதார், அரற்றினார், உடன் இறக்க முயன்றார்… என்று செய்தி உருவானது திகைப்பாக இருக்கிறது. மூலம் / உண்மை ஒன்று என்றால், சமீபத்தை நிகழ்வுகள் பற்றி ஒன்றிற்கு மேலான விவரங்கள் வருவது சிந்திக்க வேண்டிய பொருளாக மாறுகிறது.

ஜின்னாபெரியார்அம்பேத்கர் சந்திப்புகள், கடிதங்கள் இந்த கட்டுக் கதைகளை கிழிக்கின்றன: இவர்கள் எல்லாம் ஒன்றும் 5000 ஆண்டுகளுக்கு முன்னர் வாழ்ந்து இறக்கவில்லை. 70-80 ஆண்டுகள் முன்னர் இருந்தவர்கள், சென்னைக்கு வந்துள்ளனர். பலர் பார்த்திருக்கின்றனர், அவர்கள் பேசியதைக் கேட்டிருக்கின்றனர். இன்றைய 60-70-80 வயதானவர்களுக்கு விசயங்கள் தெரியும். முன்பு “தி மெயில்,” “சென்டினல்” போன்ற நாளிதழ்களில் வந்துள்ளன. இப்பொழுது, திராவிடத்துவவாதிகள், முஸ்லிம்கள், பெரியாரிஸ்டுகள் மறைத்தாலும், ஜின்னா கடிதங்கள் ஈவேராவைத் தோலுருத்திக் காட்டுகிறது. அம்பேத்கர் எப்படி ஈவேராவை பௌத்தம்மாறுவதற்கு எதிர்த்தாரோ, அதேபோல ஜின்னா இவரை பொருட்படுத்தியதே இல்லை. 1948ற்குப் பின்னர், இவர் பல தமாஷாக்களை (பிள்ளையார் சிலைகள் உடைத்தது. ராமர் படங்களுக்கு செருப்பு மாலை போட்டது, இந்து விரோதம் செய்தது) செய்திருக்கிறார். இதனை, திமுக ஊக்குவித்து வந்தது. அம்பேத்கரை 1970கள் வரை தமிழகத்தில் யாரும் கண்டு கொள்ளவில்லை. பிறகு தான் அம்பேத்கர் சிலைகள் தோன்ற ஆரம்பித்தன. அதே போல, பெரியார் இறந்த பிறகு, 1970களில் ஊதி பெரிதாக்கப் பட்டார்.  ஆனால், முத்துராமலிங்க தேவர், மபொசி, கண்ணதாசன் முதலியோர் பேசியது, எழுதியது மறைக்கப் படுகின்றன.

பல்கலைக் கழகங்கள், கல்லூரிகள் இத்தகைய கட்டுக் கதைகளைப் பரப்புவது ஆபத்தானது: பச்சையப்பன் கல்லூரியில் திராவிட இயக்கத்தைப் பற்றி பலர் அரைத்த மாவையே அரைத்து பேசினர். அத்தொடர் சொற்பொழிவுகளக் கூர்ந்து கேட்கும் போது, அரசியல் செய்ததைத் தவிர வேறொதுவும் தெரியவில்லை. திராவிடத்துவத்தில் ஊறிய-நாறிய அவர்களால் வேறெதையும் பேச முடியவில்லை. ஏ.ஆர். வெங்கடசாலபதி போன்ற ஏதாவது ஒரு ஆவணத்தை வைத்துக் கூட விவரிக்க முடியாது. ஆகவே, ஏதோ நடத்த வேண்டுமே என்ற போக்கில் நடத்துவது, ஒருவரை ஒருவர் பாராட்டிக் கொள்வது, முகஸ்துதி செய்தது, கேள்விகள் கேட்கக் கூடாது, விவாதிக்கக் கூடாது என்று இவ்வாறு கூட்டங்கள் நடத்துவது பிரயோஜனம் அல்லாதது மற்றும் பல்கலைக் கழகங்கள், கல்லூரிகள் முதலியவற்றின் தரத்தையே கேலிக் கூத்தாக்கி விடும்.  இதனால் தான், மற்றவர்கள் திராவிடர்கள், திராவிடத்துவவாதிகள், பெரியாரிஸ்டுகள் என்றெல்லாம் சொல்லிக் கொண்டு, குண்டு சட்டியில் குதிரை ஓட்டிக் கொண்டு அரசியல் செய்து கொண்டுவருபவர்களை மற்றவர்கள் கண்டு கொள்வதில்லை.

© வேதபிரகாஷ்

27-10-2021


[1]  வேதபிரகாஷ், 19-12-1973 அன்று பெரியார் தாசன் திநகரில் இருந்தாரா, இல்லை 24-12-1973 அல்லது 25-12-1973 அன்றாவது இருந்தாராபெரியாருக்கு சுன்னத் எப்படி செய்து வைத்தார் அப்துல்லாஹ்!, 02-04-2016.

[2]https://dravidianatheism.wordpress.com/2016/04/02/islamization-of-dravidian-movement-by-making-periyar-a-mohammedan/

[3] புஷ்ரா நல அறக்கட்டளை, சாவதற்கு 5 நிமிடம் முன்பு கலிமா சொல்லி முஸ்லிமாக மரணிப்பேன்! பெரியார் இஸ்லாத்தை ஏற்றாரா? ஆவணப்படத்தில் அதிர்ச்சி தரும் உண்மைகள் !, செப்டம்பர்.9, 2013, http://bushracare.blogspot.in/2013/09/5.html

[4] வேதபிரகாஷ், முகமது இஸ்மாயில் இறந்த போது, உடலைப் பார்த்து, ஈவேரா கையறு நிலையில், நானும் சாகிறேன் என்று பிதற்றினாரா? [1], 07-02-2021.

[5] பெரும்பாலும், இத்துகுப்புகள்,  இப்பொழுது, இவை இணைதளங்களில் கிடைக்கின்றன. ஆனால், இவையெல்லாம், “கிரிடிகல் எடிஷன் பதிப்பு” போன்றவை இல்லை.

[6] ம.வெங்கடேசன், க. சுப்பு போன்ற வலதுசாரி, இந்துத்துவ எழுத்தாளர் எழுதியுள்ள புத்தகங்கள். இப்பொழுது இந்துத்துவவாதிகள் பெரியாரிஸத்தை ஆதரிப்பதால், இதைப் பற்றிக் கண்டு கொள்வதில்லை.

பெரியாரும், இஸ்லாமும் – கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (1)

ஒக்ரோபர் 27, 2021

பெரியாரும், இஸ்லாமும்கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (1)

பெரியாரும், இஸ்லாமும் சொற்பொழிவு: திமுகவின் அறிவிப்பைத் தொடர்ந்து, பெரியாரைத் தூக்கிப் பிடித்து, பெரிய சிலை வைக்கிறோம் என்றெல்லாம் திராவிடத்துவாதிகள் கிளம்பி விட்டனர். இந்நிலையில், மனோன்மணியம் பல்கலைகழகத்தில் ‘பெரியாரும் இஸ்லாமும்’ சொற்பொழிவு நிகழ்ச்சி நடத்த துணை வேந்தர் அனுமதி அளித்துள்ளார்[1]. மனோன்மணியம் சுந்தரனார் பல்கலைக்கழகத்தின் சமூகவியல் துறை சார்பில் சமூக விலக்கல் மற்றும் ஆட்கொணர்வு கொள்கை ஆய்வு மையத்துடன் இணைந்து ‘பெரியாரும் இஸ்லாமும்’ என்ற தலைப்பில் அக்டோபர் 27 அன்று பகுத்தறிவு சொற்பொழிவு நிகழ்ச்சிக்கு ஏற்பாடு செய்யப்பட்டது[2]. இதில் புதிய விடியல் இணை ஆசிரியர் ரியாஸ் அகமது சிறப்பு அழைப்பாளராக கலந்துகொண்டு சொற்பொழிவாற்ற இருந்த நிலையில், இந்து முன்னணியினர் திடீரென இந்த சொற்பொழிவு நிகழ்ச்சி நடத்த கடும் எதிர்ப்பு தெரிவித்தனர். இந்து முன்னணி மிரட்டல், ‘பல்கலைக் கழகமா அல்லது திராவிடர் கழகமா’ என கேள்வியெழுப்பி, பல்வேறு விமர்சனங்களை இந்து முன்னணியினர் முன்வைத்தனர். இந்து முன்னணியின் மிரட்டல் காரணமாக மேற்கண்ட சொற்பழிவு நிகழ்ச்சியை நடத்த பல்கலைக்கழக நிர்வாகம் தயக்கம் காட்டியது தெரியவந்தது.

உதயகுமார் கண்டனம்: இதுகுறித்து துணைவேந்தர் பிச்சுமணியிடம் கேட்டபோது, சில பாதிப்புகள் ஏற்படும் என்பதால் நிகழ்ச்சியை நடத்துவது குறித்தும், நடத்த வேண்டாம் என்பது குறித்தும் இதுவரை எந்த முடிவும் எடுக்கப்படவில்லை என 24-10-2021 அன்று தெரிவித்திருந்தார். இருப்பினும் தமிழ்நாடு அரசால் சமூகநீதி நாள் கடைபிடிக்கப்படும் ஒரு தலைவரின் பெயரில் நிகழ்ச்சி நடத்த பல்கலை நிர்வாகம் அஞ்சியது, சமூக செயற்பாட்டாளர்கள், முற்போக்கு சிந்தனையாளர்கள் மத்தியில் பெரும் அதிர்ச்சியை ஏற்படுத்தியது. இதுகுறித்து தனது ட்விட்டர் பக்கத்தில் கருத்து தெரிவித்திருந்த பச்சை தமிழகம் கட்சி தலைவர் சு.ப உதயகுமார்[3], “மனோன்மணியம் சுந்தரனார் பல்கலைக்கழகமா? திராவிடர் கழக அலுவலகமா? ஐஎஸ் பயிற்சி கூடாரமா? என்றெல்லாம் உருட்டி மிரட்டி, ஓர் அறிவார்ந்த கருத்துப் பரிமாற்றத்தைத் தடுக்க முயலும் இந்து முன்னணி பாசிஸ்டுகளை வன்மையாக கண்டிப்போம்! பல்கலைக்கழக நிர்வாகமே முதுகெலும்புடன் செயல்படு!” என்று பதிவிட்டிருந்தார்[4].

இந்து முன்னணி எதிர்ப்பு, போலீஸ் காவல்: இதுகுறித்து ஈடிவி பாரத் தளத்தில் விரிவான செய்தி வெளியிடப்பட்டது. இந்த நிலையில் ஈடிவி பாரத் செய்தி எதிரொலியாக தற்போது இந்து முன்னணியின் மிரட்டலுக்கு அஞ்சாமல் ‘பெரியாரும் இஸ்லாமும்’ தொடர்பான சொற்பொழிவு நிகழ்ச்சியை நடத்த துணைவேந்தர் பிச்சுமணி சமூகவியல் துறைக்கு அனுமதி அளித்துள்ளார். இதனிடையே சொற்பொழிவு நடத்தினால் அக்டோபர் 27ஆம் தேதி காவிகள் நாம் பல்கலைக்கழகத்தில் அணி திரள்வோம் என இந்து முன்னணி அழைப்பு விடுத்துள்ளது. எனவே, அன்றைய தினம் பல்கலைக்கழகத்தில் காவல் பாதுகாப்பு கோருவது குறித்து பல்கலைக்கழக நிர்வாகத்தினர் ஆலோசித்து வருகின்றனர். அதன்படி, போலீஸ் பாதுகாப்பு கோரப் பட்டது.

இந்து முன்னணி சமூகவளைத் தள எதிர்ப்பு: இது தொடர்பாக திருநெல்வேலி மாவட்டத்தைச் சேர்ந்த இந்து முன்னணி நிர்வாகிகள் சமூக வலைதளங்களில் வெளியிட்டுள்ள பதிவில், மனோன்மணியம் சுந்தரனார் பல்கலைக்கழகமா? திராவிடர் கழக அலுவலகமா? ஐ.எஸ்.ஐ.எஸ். பயிற்சி கூடாரமா? புரியவில்லை. ‘பெரியார், சாமுவேல் ஆசீர்ராஜ், ரியாஸ் அகமது’ என்னவிதமான கூட்டணி. கல்வி நிலையத்தில் கலவரத்தை ஏற்படுத்த முயற்சியா?மனோன்மணியம் பல்கலைக்கழகம்நிகழ்ச்சி குறித்த போஸ்டர் அக்டோபர் 27 ம் தேதி காவிகள் நாம் அணி திரள்வோம். என்ன பேசுகிறார்கள் என பார்ப்போம். கடவுள் மறுப்பு, இஸ்லாத்தின் சமூகநீதி என அனைத்திற்கும் எதிர் கேள்வி மற்றும் விளக்கம் கேட்போம்” எனத் தெரிவித்திருந்தனர்.

27-10-2021 அன்றுபெரியாரும் இஸ்லாத்தும்பெயரிலான கருத்தரங்கு நடைபெற்றது: இந்த நிலையில் திட்டமிட்டபடி பல்கலைக்கழக அரங்கில் “பெரியாரும் இஸ்லாத்தும்” பெயரிலான கருத்தரங்கு நடைபெற்றது[5]. இதில் துறை சார்ந்த மாணவர்கள் மட்டுமே உள்ளே அனுமதிக்கப்பட்டனர்[6]. பல்கலைக்கழக வாசலில் காவல்துறையினர் பாதுகாப்பு பணியில் ஈடுபட்டிருந்தனர். நிகழ்ச்சி முடியும் வரை வெளியாட்களை யாரையும் உள்ளே அனுமதிக்கவில்லை. ஆனால் நிகழ்ச்சி தொடங்கிய அதே நேரத்தில் பல்கலைக்கழகத்திற்கு வந்த இந்து முன்னணி அமைப்பினர் நிகழ்ச்சியில் கலந்துகொள்ள வந்ததாக தெரிவித்தனர். ஆனால் காவல்துறையினர் உள்ளே அனுமதிக்க மறுத்துவிட்டனர். இதனைத் தொடர்ந்து காவல்துறைக்கும், இந்து முன்னணி அமைப்பினருக்கும் இடையே வாக்குவாதம் நடைபெற்றது. தொடர்ந்து காவல் அதிகாரி பல்கலைக்கழக துணைவேந்தரை செல்போனில் தொடர்பு கொண்டு அனுமதிக்கலாமா எனக்கேட்டார். அதற்கு அவர் சம்பந்தப்பட்ட துறை சார்ந்த மாணவர்கள் மட்டுமே அனுமதி என்பதால் வெளியாட்களுக்கு அனுமதி இல்லை என்று மறுத்து விட்டார்.

ரியாஸ் அகமது பேசியது: வழக்கம் போல, ஏற்கெனவே உள்ள விசயங்களைத் தான் எடுத்துக் காட்டி பேசியுள்ளது, ஒரு பிரச்சாரம் என்று வெளிப்பட்டது. 2021 பிப்ரவரியில், மணிச்சுடரில்[7], “1972ம் ஆண்டு கண்ணியத்திற்குரிய காயிதே மில்லத் காலமானபோது, அவருக்கு இறுதி அஞ்சலி செலுத்த வந்த தந்தை பெரியோர் கதறி அழுத சம்பவம் நம் நெஞ்சங்களை உருகச் செய்யும். ஆம். இமைய மலை போல் எதற்கும் அசையாத் நெஞ்சுரம் கொண்ட தமிழர் தந்தை பெரியார் அவர்கள், காயிதேமில்லத் அவர்களின் மறைவு சற்று நிலை குலையச் செய்தது. “தம்பி எங்களை விட்டுட்டு போயிட்டீங்களே. நான் போயி என் தம்பி உயிருடன் இருந்திருக்கக் கூடாதா? இந்த சமுதாயத்தை இனி யார் காப்பாற்றுவாங்க,” என்று கூறி தனது தள்ளாத வயதிலும், மூத்திரப் பையை கையில் சுமந்து கொண்டு, தன் தம்பி காயிதே மில்லத்திற்கு இறுதி அஞ்சலி செலுத்த நேரில் வந்த தந்தை பெரியார் கதறி அழுத காட்சி அவ்விரு தலைவர்கள் இடையில் நிலவிய மாறாத அன்பை, உண்மையான நேசத்தை உலகத்திற்கு வெளிச்சம் போட்டு காட்டியது,” என்று வெளி வந்தது. முன்பு, பெரியார்தாசன் / அப்துல்லாஹ் இத்தகைய கட்டுக் கதையை விட்டுப் பார்த்தார், எடுபடவில்லை. புஷ்ரா நல அறக்கட்டளையும் 2013ல் முயன்றது, யாரும் கண்டு கொள்ளவில்லை.

பெரியார் துலுக்கர் ஆனாரா?- முகமதியர் சுற்றில் விட்டுள்ள பெரியாரின் பேச்சு[8]: விடுதலையில் 20-12-1970ல் வெளிவந்ததாக கூறி, அக்டோபர் 6, 1929 அன்று 69 ஆதி திராவிடர்கள் முகமதியர்களாக மதம் மாறியதைப் பற்றி பேசியதை அதில் சேர்துள்ளார்கள்[9]. “பறையன், சக்கிலியன், சண்டாளன்….முகமதிய மதம்…..” போன்ற வார்த்தைப் பிரயோகம் உள்ளது. இதில் ஏதோ இஸ்லாத்தில் சேர்ந்து விட்டால், ஆதிதிராவிடர், எஸ்.சி, பட்டியல் ஜாதியினர்களின் சமூக நிலமையே மாறி விடும் என்பது போல பேசியுள்ளார்[10]. இதிலிருந்தே, அவருக்கு இஸ்லாத்தைப் பற்றிய முழுவிவரங்கள் அல்லது நடைமுறை விவகாரங்கள் தெரிந்திருக்கவில்லை என்பது புலனாகிறது[11]. முசல்மான்களைத் திருப்தி படுத்த பேசிய விதமாகவே தெரிகிறது. பிறகு, எஸ்.ஐ.ஆர். சங்கம், திருச்சியில் ஏற்பாடு செய்திருந்த கூட்டத்தில் மார்ச்.18, 1947 அன்று பேசிய பேச்சை இணைத்திருக்கிறார்கள். அப்பொழுது அவருக்கு ரூ.1080/- கொடுத்ததாகக் கூறப்படுகிறது. இதில் தமிழில் “கடவுள்”, ஆங்கிலத்தில் “காட்”, அரேபிய மொழியில் “அல்லா” என்று சொல்கிறார்கள், எல்லாமே ஒன்று என்பது போல பேசியுள்ளது வேடிக்கையாக இருக்கிறது. ஏனெனில், முகமதியர்களுக்கு அல்லா தான் அல்லா, அது “கடவுள், காட்” ஆகாது. ஏனெனில், பிறகு, இவர் சொல்லிவரும் சித்தாந்தம் “கடவுள் இல்லை…….கற்பித்தவன் முட்டாள்……” அதற்கு எதிராகி விடும்[12]. இக்கருத்தை 1919, 1909 லிருந்து கடந்த 28 வருடங்களாக சொல்லி வருகிறேன் என்றார். மேலும் குடி அரசு, தலையங்கம் 17.11.1935ல் காணப்படும் அவரது கருத்துகளிலிருந்து, அவருக்கு முகமதிய பதத்தில் உள்ள பிரசினைகள் தெரிந்திருக்கின்றன என்றாகிறது. அதில் அம்பேத்கர் மதமாறுவது பற்றியும் விமர்சித்துள்ளார்.

© வேதபிரகாஷ்

27-10-2021


[1] இ.டிவி.பாரத், இந்து முன்னணி எதிர்ப்பை மீறிபெரியாரும் இஸ்லாமும்நிகழ்ச்சி நடத்த மனோன்மணியம் பல்கலை., முடிவு, Published on: Oct 25, 2021, 4:19 PM IST; Updated on: Oct 25, 2021, 5:16 PM IST.

[2] https://www.etvbharat.com/tamil/tamil-nadu/city/thirunelveli/etv-bharat-story-impact-nellai-ms-university-approved-periyarum-islamum-program/tamil-nadu20211025161918390

[3] இ.டிவி.பாரத், மனோன்மணியம் பல்கலைக்கழகமே முதுகெலும்புடன் செயல்படு! – சு.. உதயகுமார், Published on: Oct 24, 2021, 10:58 PM IST; Updated on: Oct 24, 2021, 11:07 PM IST

[4] https://www.etvbharat.com/tamil/tamil-nadu/city/thirunelveli/periyarum-islamum-function-to-be-hold-by-nellai-manonmaniam-university/tamil-nadu20211024225831363

[5] மனோன்மணியம் சுந்தரனார் பல்கலைக்கழகம் முன் இந்து முன்னணி போராட்டம், By M.Ganapathi, Reporter 27 Oct 2021 1:51 PM

[6] https://www.instanews.city/tamil-nadu/tirunelveli/tirunelveli/manonmaniyam-sundaranagar-university-hindu-munnani-protest-1060843

[7] மணிச்சுடர், தந்தை பெரியாரின் தம்பி காயிதே மில்லத், பிப்ரவரி 6, 2021, பக்கம்.4

[8] முகமதியர், முசல்மான், முஸ்லிம் முதலியவை அந்தந்த காலகட்டத்தில் உபயோகப்படுத்தப்பட்ட சொற்கள். பெரியாரே “முகமதிய மதம்” என்று குறிப்பிட்டுள்ளார்.

[9] வேதபிரகாஷ், நாயக்கர் துலுக்கனாகி விட்டார், ஈவேரா சாவதற்கு 5 நிமிடம் முன்பு கலிமா சொல்லி முசல்மானாக தயாராக இருந்தார் – பெரியாருக்கு சுன்னத் செய்து வைத்த பெரியார் தாசன்!, 02-04-2016.

[10]  https://dravidianatheism.wordpress.com/2016/04/02/converting-periyar-to-islam-falsification-of-recent-history-by-muslims/

[11]  https://socialsubstratum.wordpress.com/2009/07/27/3/

[12] கடவுள் இல்லை, கடவுள் இல்லை, கடவுள் இல்லவே இல்லை, கடவுளைக் கற்பித்தவன் முட்டாள்; கடவுளை பரப்பியவன் அயோக்கியன், கடவுளை வணங்குகிறவன் காட்டுமிராண்டி, இது 1967ல் பெரியார் திடலில், பெரியார் வெளியிட்டதாக கூறுகிறார்கள்.

http://www.unmaionline.com/new/2589-%E0%AE%95%E0%AE%9F%E0%AE%B5%E0%AF%81%E0%AE%B3%E0%AF%88%E0%AE%95%E0%AF%8D-%E0%AE%95%E0%AE%B1%E0%AF%8D%E0%AE%AA%E0%AE%BF%E0%AE%95%E0%AF%8D%E0%AE%95%E0%AE%BE%E0%AE%A4%E0%AE%B5%E0%AE%A9%E0%AF%8D-%E0%AE%95%E0%AE%BE%E0%AE%9F%E0%AF%8D%E0%AE%9F%E0%AF%81%E0%AE%AE%E0%AE%BF%E0%AE%B0%E0%AE%BE%E0%AE%A3%E0%AF%8D%E0%AE%9F%E0%AE%BF.html

பெரியாரைத் தூஷித்ததால் சீதைமைந்தன் மீது புகார், கைது இத்யாதி! ஆனால், இந்து தூஷணம் தொடர்ந்து கொண்டுதான் இருக்கிறது!

ஒக்ரோபர் 16, 2021

பெரியாரைத் தூஷித்ததால் சீதைமைந்தன் மீது புகார், கைது இத்யாதி! ஆனால், இந்து தூஷணம் தொடர்ந்து கொண்டுதான் இருக்கிறது!

ஈவேரா அல்லது பெரியாரின் மீது தூஷணமா?: இதுவரை தமிழகத்தில், ஈவேரா, பெரியார், அண்ணாதுரை, கருணாநிதி, ஸ்டாலின் போன்றோர் இந்துமதம், கடவுளர், நம்பிக்கை, முதலியவற்றைப் பற்றி அவதூறாகப் பேசிவந்ததது, புத்தகங்கள் போட்டது, அவை இன்றும் புழக்கத்தில் உள்ளது முதலியவை அறியப் பட்டுள்ளது. அவற்றைப் பற்றி ஆராய்ந்தால், அவர்கள் மீது ஏன் எந்த நடவடிக்கையும் எடுக்கப் படவில்லை என்ற கேள்வி எழும். பிறகு, அவர்களின் பேச்சுகளை-எழுத்துகளை புத்தகங்களாகப் போட்டு, விற்று விநியோகிக்கும் பெரியார் சுயமரியாதைப் பிரச்சாரக் கழகம், பெரியார் திராவிடக் கழகம், போன்ற பதிப்பாளர்கள் மீது எந்த நடவடிக்கையும் எடுக்கப் படவில்லை என்றும் தெரிந்து கொள்ளலாம். இப்பொழுதும், இது இந்துவிரோத மற்றும் இந்திய தேசவிரோத சக்திகளின் உட்பூசலே தவிர உண்மையில் அவர்கள் ஒன்றும் விடாமல் சட்டப் படி நடவடிக்கை எடுத்து, மூன்றாண்டு-ஐந்தாண்டுகள் சிறையில் தள்ளப் போவதில்லை. அப்படி செய்தால், செய்திருந்தால், 90& அத்தகைய திராவிடத்துவ, தமிழ்தேசிய மற்ற வகையறாக்கள் சிறையில் தான் இருந்திருப்பர். சிறைத் தண்டன பெற்றவர்கள் மாறியிருப்பர். அதனால், இப்பொழுது ஒருவர் ஈவேராவை-பெரியாரை தூஷித்ததால் கைது செய்யப் பட்டார் என்பது வேடிக்கையாக உள்ளது.

பெரியார் குறித்து அவதூறாக பேசி வீடியோ வெளியிட்டதாக ழகரம் வாய்ஸ் யூடியூப்: பெரியார் குறித்து அவதூறாக பேசி வீடியோ வெளியிட்டதாக ழகரம் வாய்ஸ் யூடியூப் சேனலின் தட்சிணாமூர்த்த்தியை போலீசார் 15-10-2021, வெள்ளிக்கிழமை அன்று கைது செய்தனர்[1]. அன்றே, சில டிவிசெனல்களில் இச்செய்தியை வெளிட்டாலும் விவரங்கள் கொடுக்கப் படவில்லை. அதாவது, அதன் மூலம், அந்த விமர்சனங்களை மக்கள் அறியக் கூடாது என்று அமுக்கி வாசித்தனர் என்று தெரிகிறது. ழகரம் வாய்ஸ் யூடியூப் சேனல் தொடந்து அரசியல் தொடர்பான வீடியோக்களை வெளியிட்டுள்ளது[2]. இந்த யூடியூப் சேனலை சீதையின் மைந்தன் என்கிற தட்சிணாமூர்த்தி நடத்தி வருகிறார்[3]. இந்த நிலையில், ழகரம் வாய்ஸ் யூடியூப் சேனலில் அக்டோபர் 11ம் தேதி 11-10-2021 அன்று பெரியார் குறித்து ஒரு வீடியோ வெளியானது[4]. அதில், பெரியாரை இழிவுபடுத்தும் விதமாக இருப்பதாகக் கூறி தந்தை பெரியார் திராவிடர் கழக நிர்வாகிகள் சென்னை ராயப்பேட்டை காவல் நிலையத்தில் புகார் அளித்தனர்[5].

தந்தை பெரியார் திராவிட கழகத்தை சேர்ந்த குமரன் புகார் கொடுத்தது: இதுகுறித்து தந்தை பெரியார் திராவிட கழகத்தை சேர்ந்த குமரன் என்பவர் அளித்த புகாரில்[6], “காலமெல்லாம் தமிழ் மக்களுக்காக உழைத்த தந்தை பெரியாரையும், நான் சார்ந்த தந்தை பெரியார் திராவிடர் கழகத்தின் பொதுச் செயலாளர் கோவை இராமகிருஷ்ணன் அவர்களையும், திராவிட இயக்கத் தலைவர்களையும் இழிவு படுத்தி, தட்சிணாமூர்த்தி என்பவர் மிகவும் கீழ் தரமாக பேசியுள்ளார், தந்தை பெரியார் விபச்சாரம் செய்தார் என தரம் தாழ்ந்து பேசியுள்ளார். இந்த செயல் தந்தை பெரியார் அவர்களின் கொள்கைகளை பின்பற்றுகிற என்னைப் போன்ற பெரியார் தொண்டர்களை மிகவும் கவலையடைய செய்துள்ளது. மேலும், முடிந்தால் தன் மீது வழக்கு தொடுத்து பார் என வீடியோவில் தட்சிணாமூர்த்தி சவால் விடுத்துள்ளார். இதுபோன்ற பேச்சுக்கள் அமைதிப் பூங்காவாக இருக்கிற தமிழ்நாட்டில் மோதல் மற்றும் கலவரத்தை ஏற்படுத்தும் சூழலுக்கு வழிவகுக்கிறது.

திராவிடர் கழகம் மற்றும் அதன் தலைவர் கே.வீரமணி போன்றோர் ஏன் புகார் கொடுக்கவில்லை?: இங்கு திராவிடர் கழகம் மற்றும் அதன் தலைவர் கே.வீரமணி போன்றோர் ஏன் புகார் கொடுக்கவில்லை என்பது நோக்கத் தக்கது. ஏனெனில், உண்மையிலேயே பாதிப்பு ஏற்படும் என்றால் அவர்களுக்குத் தான் என்று நன்றாகத் தெரியும். பிறகு தந்தை பெரியார் திராவிட கழக ஏன் முந்திக் கொள்கிறது அல்லது பெரியார் பிராண்டிற்கு பாடுபடுகிறது என்று தெரியவில்லை. அயோத்தியா மண்டபத்து அப்பவி பார்ப்பனர்களை வெட்டியது முதல், பன்றிக்கு பூணூல் போட்டது வரை இந்த தந்தை பெரியார் திராவிட கழக தான் செய்து வருகிறது. இதனால், திராவிடர் கழகம் மற்றும் அதன் தலைவர் கே.வீரமணி போன்றோர் இந்துக்களுக்கு உதவுகின்றனர் என்றாகாது. இது எதோ இவர்களுக்குள் உள்ள ஒப்பந்தம் போலே தோன்றுகிறது. சுப.வீரப் பாண்டியனும், திராவிடர் கழகத்தில் இல்லை, ஆனால், ஒத்து ஊதும் போது, இந்துக்களைத் தாக்கும் போது, ஒன்று படுகின்றனர். விடுதலை ராஜேந்திரனும் அமைதியாக அதே வேலையைச் செய்து வருவது கவனிக்கத் தக்கது.

திட்டமிட்டு பொய் பிரச்சாரம் மூலம் தமிழ்நாட்டில் சட்டம் ஒழுங்கு பிரச்சினை உருவாக்கும் நோக்கு உள்ளதா?: தந்தை பெரியார் மற்றும் திராவிட இயக்கத் தலைவர்களை மிக மிக கீழ்த்தரமாக ஆபாசமாக விமர்சிக்கின்ற சீதையின் மைந்தன் என்கிற அந்த நபர் ழகரம் வாய்ஸ் யூடியூப் சேனலில் கடந்த 11/10/21 தேதியன்று பேசியுள்ளார். முதலமைச்சர் மு.க.ஸ்டாலின் தலைமையிலான அரசால் தமிழ்நாட்டில் சட்டம் ஒழுங்கு சிறப்பாக நடைபெற்றுக் கொண்டிருக்கும் இந்த நிலையில், திட்டமிட்டு பொய் பிரச்சாரம் மூலம் தமிழ்நாட்டில் சட்டம் ஒழுங்கு பிரச்சினை உருவாக்கும் நோக்கில் இவர் பேசி உள்ளார் என தெள்ளத்தெளிவாக தெரிகிறது, ஆகவே அய்யா அவர்கள் இவர் மீது தகுந்த சட்ட நடவடிக்கை எடுக்க வேண்டுமென பணிவன்புடன் கேட்டுக்கொள்கிறேன்,” எனக் குறிப்பிடப்பட்டுள்ளது[7]. இந்த புகாரின் பேரில், பெரியார் குறித்து அவதூறாக பேசியதாக யூடியூபர் சீதையின் மைந்தன் என்கிற தட்சிணாமூர்த்தி மீது போலீசார் 153A, 504B, 505 (1) ஆகிய 3 பிரிவுகளில் வழக்கு பதிவு செய்து விசாரணை நடத்தினர்[8]. இதையடுத்து தட்சிணாமூர்த்தியை கைது செய்தனர். விசாரணையில் தட்சிணமூர்த்தி இதேபோல் மூன்று யூ-ட்யூப் சேனலை நடத்திவந்ததும், கச்சத்தீவு மீட்புக்குழு ஒருங்கிணைப்பாளராகவும் இருந்துவருவது தெரியவந்தது[9]. இதனையடுத்து தட்சிணமூர்த்தி பெரியார் குறித்து பேசிய காணொலியை சைபர் கிரைம் காவல் துறையினர் சேனலிலிருந்து நீக்கினர்[10]. இவரிடம் காவல் துறை தொடர்ந்து தீவிர விசாரணை நடத்திவருகின்றது.

இபிகோ 153A, 504B, 505 (1) ஆகிய 3 பிரிவுகள் சொல்வது என்ன?: இபிகோ  153Aன்படி –

1. (a) பேச்சாலோ, எழுதாலோ அல்லது சைகையாலோ மத, இன, மொழி சாதி, சமய சம்பந்தமான விரோத உணர்ச்சிகளை தூண்டிவிட முயற்சி செய்வது குற்றமாகும்.

(b) அத்தகைய விரோத உணர்ச்சிகளால் போது அமைதிக்கு பங்கம் ஏற்படுத்துவதும் குற்றமாகும்.

(c) குற்றம் என்று கருதக்கூடிய வன்முறை அல்லது வன்செயலை பயன்படுத்தும் கருத்துடன் அல்லது பயன்படுத்த பயிச்சி அளிக்கும் கருத்துடன் அல்லது சாதி, சமூகம், இனம், மதம், மொழி அல்லது வட்டாரக் குழு எதற்கும் விரோதமான வன்முறை அல்லது வன்செயலை பயன்படுத்தக்கூடிய பயிற்சி இயக்கம் உடற்பயிற்சி அல்லது அத்தகைய நடவடிக்கைகளில் பங்கு பெறுவோர் அநேகமாக பயன்படுத்த பயிற்சி அளிக்கக்கூடிய நடவடிக்கையாக அவை இருக்கின்றன என்று அறிந்தும் அவற்றில் பங்குபெறுவதும் பயிற்சி வேலையில் ஈடுபடுவதும் குற்றமாகும்.

அத்தகைய ஜாதி, சமூகம், இனம், மதம், மொழி அல்லது வட்டார குழுவினருக்கு அச்சத்தை அல்லது பீதியை அல்லது பாதுகாப்பு இல்லை என்ற உணர்வை அத்தகைய நடவடிக்கைகள் எந்த காரணம் கொண்டு உண்டாகின்றன. அல்லது உண்டாக்கக் கூடும் என்று அறிந்தும் அதில் பங்கு பெறுவோர் குற்றம் புரிந்தவர் ஆவார்.

இந்த குற்றத்திற்கு தண்டனையாக 3 ஆண்டுகள் வரை சிறைக்காவல் அல்லது அபராதம் சிறைக்காவலுடன் கூடிய அபராதங்கள் விதிக்கப்படும்.

2. மேலே விவரிக்கப்பட்டுள்ள குற்றத்தின் வழிபாடு நடைபெறும் இடத்தில் செய்வது குற்றம், மத வழிபாட்டுக்கு ஆன மக்கள் கூடியிருக்கும் அரங்கிலும் அந்த குற்றத்தினை புரிய கொடுத்தது. அப்படி புரிந்தால் அதற்காக 5 ஆண்டுகள் வரை சிறைக் காவலும் அபராதமும் தண்டனையாக விதிக்கப்படும்.

மதம், இனம், பிறப்பிடம், வசிப்பிடம், மொழி முதலானவற்றின் அடிப்படைகளில் வெவ்வேறு வகுப்புகளிடையே பகைமையை ஊக்குவித்தல் மற்றும் நல்லிலக்கணப் பேணலுக்கு பாதகமான செயல்களைச் செய்தல்

(1) எவரேனும் :-

(a).பேசப்பட்ட அல்லது எழுதப்பட்ட வார்த்தைகளால், அல்லது சைகைகளால், அல்லது பார்க்கக்கூடிய வெளிப்படுத்தல்களால் அல்லது மற்றபடியாக, மதம், இனம், பிறப்பிடம், வசிப்பிடம், மொழி, ஜாதி அல்லது பிரிவு அல்லது எந்தவிதமான ஏதாவதொரு பிற அடிப்படையில், வெவ்வேறான மத, இன, மொழி அல்லது பிராந்திய வகுப்புகள் அல்லது ஜாதிகள் அல்லது பிரிவுகளிடையே ஒற்றுமையின்மை அல்லது பகைமை உணர்வுகள், வெறுப்பு அல்லது மனக்கசப்பை ஊக்குவித்தால் அல்லது ஊக்குவிப்பதற்கு முயன்றால் அல்லது

(b). எந்தஒரு செயல், வெவ்வேறான மத, இன, மொழி அல்லது பிராந்திய வகுப்புகள் அல்லது ஜாதிகள் அல்லது பிரிவுகளிடையே நல்லிலக்கணத்தைப் பேணுவதற்குப் பாதகமாக இருக்கிறதோ, மற்றும் எந்தவொரு செயல் பொது அமைதிக்குப் பங்கம் விளைவிக்கிறதோ, அல்லது அநேகமாக விளைவிக்குமோ, அந்தவொரு செயலைப் புரிந்தால், அல்லது

(c) ஏதாவதொரு பயிற்சி, இயக்கம், படைப் பயிற்சி அல்லது பிற ஒத்த செய்கையை, அத்தகைய செய்கையில் பங்குபெறுவோர்கள் குற்றமுறு பலப்பிரயோகம் அல்லது வன்முறையைப் பயன்படுத்த அல்லது அநேகமாக பயன்படுத்துவதற்குப் பயிற்சி அளிக்கப்பட்ட, அல்லது அத்தகைய செய்கையில் பங்குபெறுவோர்கள் குற்றமுறு பலப்பிரயோகத்தை அல்லது வன்முறையை பயன்படுத்துவார்கள் அல்லது அநேகமாக பயன்படுத்துவதற்குப் பயிற்சி அளிக்கப்படுவார்கள் என்று தெரிந்தே, ஏதாவதொரு மத, இன, மொழி அல்லது பிராந்திய வகுப்பு அல்லது ஜாதி அல்லது பிரிவுக்கு எதிராக மற்றும் அத்தகைய செய்கை ஏதாவதொரு எந்தவிதமான காரணத்திற்க்காகவும், அத்தகைய மத, இன, மொழி அல்லது பிராந்திய வகுப்பு அல்லது ஜாதி அல்லது பிரிவிற்கு இடையில் பயம் அல்லது பீதி அல்லது பாதுகாப்பற்ற ஒரு உணர்வை ஏற்படுத்துவதற்கு அல்லது அநேகமாக ஏற்படுத்தலாமென்ற, ஏற்பாடு செய்தால், மூன்று வருடங்கள் வரை நீட்டிக்கப்படக்கூடிய சிறைத் தண்டனையுடன், அல்லது அபராதத்துடன் அல்லது இரண்டுமுடன் தண்டிக்கப்பட வேண்டும்.

அப்படி பார்த்தால், மேலே குறிப்பிட்டப் படி, அந்த நபர்களின் பேச்சுகள், வார்த்தைகள், எழுத்துகள், புத்தகங்கள் இன்றளவிலும் அத்தகைய குற்றங்களை செய்து கொண்டு தான் வருகின்றன. ஆனால், எந்த நடவடிக்கையும் எடுக்கவில்லை.

© வேதபிரகாஷ்

16-10-2021


[1] தமிழ்.இந்தியன்.எக்ஸ்பிரஸ், பெரியார் குறித்து அவதூறு வீடியோ வெளியிட்ட யூடியூபர் கைது!, Written By WebDesk, Updated: October 16, 2021 1:22:52 am

[2] https://tamil.indianexpress.com/tamilnadu/youtuber-arrested-for-derogatory-video-released-on-periyar-356213/

[3] டாப்.தமிழ்.நியூஸ், பெரியார் விபச்சாரம் செய்தாரா? என யூடியூப் சேனலுக்கு பேட்டி அளித்தவர் கைது!,  By AISHWARYA G , Fri, 15 Oct 20219:22:41 PM

[4] https://www.toptamilnews.com/thamizhagam/youtuber-arrested-for-commands-about-periyar/cid5537412.htm

[5] தினகரன், ழகரம் வாய்ஸ் என்ற யூட்டியூப் சேனலை நடத்தி வரும் சீதையின் மைந்தன் என்கிற தட்சிணாமூர்த்தி கைது, 2021-10-15@ 19:09:01.

[6] https://www.dinakaran.com/News_Detail.asp?Nid=712620

[7] தினத்தந்தி, பெரியார் குறித்து சர்ச்சை பேச்சுயூடியூபர் தட்சிணாமூர்த்தி கைது, Uploaded on 16/10/2021.

[8] https://www.youtube.com/watch?v=kl_2s7LxAbU

[9] ஈ.டிவி.பாரத், பெரியார் குறித்து அவதூறு: யூட்யூபர் கைது, Published on: 16-10-2021 7.00 hours.

[10] https://www.etvbharat.com/tamil/tamil-nadu/state/chennai/youtuber-arrested-in-chennai-for-slandering-father-periyar/tamil-nadu20211016065810895