எங்கள் குடும்பம் ரொம்ப பெரிசு, பிள்ளைக்குட்டிகளோ பத்து தினுசு – திராவிடக் குடும்பத்தின் பிரச்சினை – தமிழர்கள் கற்றுக் கொள்ள பாடமா, பகுத்தறிவை பிரித்தறிய சந்தர்ப்பமா (2)

எங்கள் குடும்பம் ரொம்ப பெரிசு, பிள்ளைக்குட்டிகளோ பத்து தினுசு – திராவிடக் குடும்பத்தின் பிரச்சினைதமிழர்கள் கற்றுக் கொள்ள பாடமா, பகுத்தறிவை பிரித்தறிய சந்தர்ப்பமா (2)

எங்கள் குடும்பம் ரொம்ப பெரிசு, பிள்ளைக்குட்டிகளோ பத்து தினுசு: திராவிடத் தலைவர் கருணாநிதி குடும்பம் பெரியது, அதனால், அவரின் குடும்பப் பிரச்சினைகளும் அதிகமாகவே இருக்கிறது. மகன்கள்-மகள்கள்; பேரன்கள்-பேத்திகள் என்று வளர்ந்து விஸ்தரிக்கப்பட்டுள்ள குடும்பம், ஆசியாவிலேயே மிகவும் செழிப்பான, வளமான, செல்வமிக்கக் குடும்பங்களில் ஒன்று புகழும் பெற்றுள்ளது[1]. அந்நிலையில், அரசியல், பொருளாதாரப் பிரச்சினைகள் தவிர, இவ்வாறான சொத்துப் பிரச்சினைகளும் வருகின்றன[2].னஆட்சியில் இருக்கும் போது வாரிசி சண்டை வந்தது, தொடர்கிறது. அடுத்தது, 2014 தேர்தலை குறிவைத்து நாடகங்கள் அரங்கேற்றப்படுகின்றன. 2ஜி பணம் எங்கெல்லாம் சென்றுள்ளது, எப்படி பட்டுவாடா ஆகியிருக்கிறது என்பது இவ்வாறும் வெளிவரலாமோ என்னமோ?

07-05-2013 – தந்தை மகன் மீது கொடுத்த புகார் வாபஸ்: மிகவும் பரபரப்பாக செய்திகளில் வந்த, திமுக தலைவர் கருணாநிதியின் மகன் மு.க.முத்து, தனது மகன் அறிவுநிதி தன்னை மிரட்டுவதாக அளித்திருந்த புகாரை திருப்பப் பெறுவதாக சென்னை பெருநகர காவல்துறைக்கு அஞ்சல் மூலம் பதிவுத் தபாலில் கடிதம் அனுப்பியுள்ளார்[3]. இதையடுத்து முத்துவின் புகார் மனு மீது நடவடிக்கை எடுப்பதைக் கைவிடுவது குறித்து போலீஸ் அதிகாரிகள் பரிசீலித்து வருகின்றனர். பாவம், சென்னை போலீஸாருக்கு இத்தகைய வழக்குகளையும் தினசரி விசாரிக்க வேண்டியுள்ளது. சிறப்பு நீதிமன்றம் போல, கருணாநிதி குடும்பத்தாரின் புகார்கள், வழக்குகளை விசாரிக்க தனி போலீஸ் நிலையத்தையும் அமைத்து விடலாம்.

29-04-2013 – குறை தீர்க்கும் கூட்டத்தில் மு.க.முத்துவின் மனைவி சிவகாமசுந்தரி கொடுத்த புகார்: சென்னை பெருநகர காவல்துறையின் மக்கள் குறை தீர்க்கும் கூட்டத்தில் கடந்த 29ம் தேதி கலந்துக் கொண்ட மு.க.முத்துவின் மனைவி சிவகாமசுந்தரி, தனது மகன் அறிவுநிதி மீது புகார் தெரிவித்து இரு மனுக்களை அளித்தார்[4]. அதில் மு.க.முத்து தான் எழுதி கொடுத்தனுப்பிய மனுவில், தங்களிடமிருந்த கோபாலபுரம் வீட்டை அறிவுநிதி ஏமாற்றி அபகரித்துக் கொண்டதாகவும், அதனால் தாங்கள் கஷ்டப்படுவதாகவும் கூறியிருந்தார். மேலும் அறிவுநிதியிடமிருந்து அச்சுறுத்தலும், மிரட்டலும் இருப்பதால் தங்களுக்கு பாதுகாப்பு வேண்டும் எனவும் குறிப்பிட்டிருந்தார்[5]. ஆனால், இப்பொழுது ஒன்றுல் இல்லை என்றாகி விட்டது.

தனிப்படை அமைக்கப்பட்டு விசாரிக்கப்பட்ட புகார்: முத்துவின் புகார் மனுவை விசாரிக்க மத்திய குற்றப்பிரிவு கூடுதல் துணை ஆணையர் சியாமளாதேவி தலைமையில் தனிப்படை அமைக்கப்பட்டது. இந்த தனிப்படையினர் மு.க.முத்துவிடமும், சிவகாமசுந்தரியிடமும் நேரடியாக விசாரணை செய்தனர். விசாரணையின்போது, முத்து, புகாரில் தான் குறிப்பிட்டது அனைத்தும் உண்மையே என கூறியதாக போலீஸார் தெரிவித்தனர்.

30-04-2013 அன்றே ஆரம்பித்த விசாரணை: கடந்த 30ம் தேதி, ஒரு உதவி ஆணையர் தலைமையில், இரண்டு இன்ஸ்பெக்டர்கள், மு.க.முத்துவின் வீட்டுக்குச் சென்று விசாரணை நடத்தினர். அப்போது, புகார் மனு மீது நடவடிக்கை எடுக்குமாறு, மு.க.முத்து உறுதியாக தெரிவித்துள்ளார். இதையடுத்து, அரசு வழக்கறிஞருடன் போலீசார் ஆலோசனை செய்தனர். காவல் உயர் அதிகாரிகளிடம் இருந்து, சிக்னல் கிடைத்தவுடன், வழக்கு பதிந்து, அறிவுநிதியை கைது செய்து சிறையில் அடைக்க, போலீசார் திட்டமிட்டனர். இந்த புகார் தொடர்பாக, கைது செய்யாமல் இருப்பதற்காக, அறிவுநிதி தரப்பு முன்ஜாமின் பெறவும் திட்டமிட்டது[6].

கருணாநிதியின் குடும்பப் பிரச்னை, அரசின் அனுமதி, முதலிய சட்ட நுணுக்கங்கள்: முன்னாள் முதல்வர் கருணாநிதியின் குடும்பப் பிரச்னை என்பதால், இது தொடர்பாக அரசின் அனுமதியை சென்னை காவல்துறை கேட்டுள்ளது. அரசின் அனுமதி கிடைத்ததும், அறிவுநிதி மீது வழக்குப் பதிவு செய்து, அவரிடம் விசாரணை மேற்கொள்ளப்படும் என காவல்துறை வட்டாரங்கள் தெரிவிக்கின்றன[7]. நல்லவேளை, ராம்ஜெத் மலானியைக் கூப்பிடாமல் விட்டுவிட்டனர். தமிழகத்தில் மிகப்பிரிய சட்டநுணுக்கமான புகார் இதுவாகத்தான் இருக்கும் போலிருக்கிறது.

சட்ட வல்லுநர்களின் கருத்தை மத்திய குற்றப்பிரிவு போலீஸார் கேட்டனர்: ஆமாம், சொன்னபடி, மிகப்பெரிய பிரச்சினை ஆயிற்றே. இதற்கிடையே, மு.க. முத்து மற்றும் சிவகாமசுந்தரி கொடுத்த வாக்குமூலத்தின் அடிப்படையில், அறிவுநிதி மீதான புகார் மீது நடவடிக்கை எடுக்க அரசு சட்ட வல்லுநர்களின் கருத்தை மத்திய குற்றப்பிரிவு போலீஸார் கேட்டனர். மேலும் முன்னாள் முதல்வர் கருணாநிதியின் குடும்பப் பிரச்னை என்பதால், மேலிட உத்தரவை சென்னை காவல்துறை கேட்டது.

மு.க.முத்து புகார் கொடுத்தது அவமானம், விஷயங்கள் வெளிவந்து விடும் என்ற பயம், கருணாநிதி சமரச்ம்: இந்த நிலையில், கோபாலபுரம் வீட்டிற்கு, முத்து, அவரது மனைவி சிவகாமசுந்தரி, மகன் அறிவுநிதி ஆகியோரை, தி.மு.க., தலைவர் கருணாநிதி அழைத்திருந்தார். அவரது அழைப்பை ஏற்று, மூவரும் கருணாநிதியை சந்தித்தனர். மாதாமாதம், தன் பெற்றோருக்கு அறிவுநிதி ஒரு குறிப்பிட்ட தொகையை குடும்பச் செலவுக்காக தர வேண்டும் என, கருணாநிதி உத்தரவிட்டுள்ளார். அவரது உத்தரவின்படி பணம் கொடுப்பதற்கு, அறிவுநிதி சம்மதம் தெரிவித்துள்ளார். கருணாநிதியின் சமரச முயற்சியால், முத்து குடும்பத்தில் நிலவிய தகராறுக்கு முற்றுப்புள்ளி வைக்கப்பட்டுள்ளது. அறிவுநிதி மீது சுமத்தப்பட்ட புகாரை, விரைவில் சிவகாமசுந்தரி வாபஸ் பெறுவார் என, அக்கட்சி வட்டாரங்கள் தெரிவிக்கின்றன.

04-05-2013 – குறிப்பிட்டதொகையைதரவேண்டும், கருணாநிதிஉத்தரவு: இதற்கிடையே மு.க.முத்து புகார் கொடுத்ததை அவமானமாக கருதிய கருணாநிதியின் குடும்பத்தினர், முத்துவை சமாதானப்படுத்தும் முயற்சியில் ஈடுபட்டனர். கருணாநிதி குடும்பத்தினர் மேற்கொண்ட தொடர் முயற்சியின் விளைவாக, மு.க.முத்து தனது புகாரை திரும்ப பெறுவதாக தற்போது கடிதம் அனுப்பி உள்ளார். மு.க.முத்துவிடமிருந்து சென்னை பெருநகர காவல்துறைக்கு திங்கள்கிழமை (05-05-2013) ஒரு கடிதம் வந்தது. அந்தக் கடிதத்தில், “எங்கள் குடும்பத்தில் ஏற்பட்ட பிரச்னையைப் பேசி தீர்த்துக் கொண்டோம், நாங்கள் கொடுத்த புகாரின் அடிப்படையில் எந்த நடவடிக்கையும் எடுக்க வேண்டாம். அந்தப் புகாரை திரும்ப பெறுகிறேன்’ என்று குறிப்பிட்டிருந்தாராம். அந்தக் கடிதத்தை எழுதியது முத்துதான் என்பது உறுதி செய்யப்பட்டதால், அந்தப் புகாரின் மீது நடவடிக்கை எடுப்பதை கைவிடுவதா அல்லது விசாரணையைத் தொடர்வதா என போலீஸார் பரிசீலித்து வருகின்றனர்.

2009ல் அறிவுநிதி போலீஸிடம் புகார் கொடுத்திருந்தார்: அறிவுநிதி ஒரு டாக்டராக இருந்தும்[8] காலகட்டத்தில் அரசியலில் தலைதூக்க முயற்ச்சித்தபோது, திமுகவினர் அதனை அடக்கினர். ஒரு விழாவின் போது, அறிவுநிதி வைத்த பேனர்கள், ஒட்டிய போஸ்டர்கள் அனைத்தையும் கிழித்தனர்[9]. அதாவது, வாரிசு அரசியல் மூன்றவது தலைமுறைக்குச் செல்லக் கூடாது என்று ஜாக்கிரதையாக இருந்தது தெரிகிறது. பிறகு செப்டம்பர் 2011ல் இவர் மீதே மற்றவர்கள் புகார் கொடுத்து, முன் ஜாமீனும் பெற்றிருந்தார்[10]. படங்களில் நடித்தது மட்டுமல்லாது, சினிமாக்களை வாங்கி விற்கும் தொழிலையும் செய்து வருகிறார்[11]. சரி, இனி சினிமா வியாபாரத்தில் மட்டும் இருந்து விடு என்று சொன்னாலும் கேய்கவில்லை போலும். ஆக பிரச்சினை இத்துடன் முடிந்ததா, அல்லது தொடருமா என்பது தெரியவில்லை.

© வேதபிரகாஷ்

07-05-2013


[5] In a complaint filed with the city police commissioner on Monday, M.K. Muthu, the eldest son of DMK chief M. Karunanidhi, and his wife J. Sivagamisundari said that his son and family members had been threatening them. The 65-year-old Sivagamisundari, who is the daughter of the well-known playback singer, Chidambaram S. Jayaraman, said that over the past few months, their son, M.K.M. Arivunidhi, had been demanding money and property that belonged to the couple. She said that she was filing the complaint on behalf of her husband who had been unwell in recent times. She said that her son, along with his wife A. Poongodi and his mother-in-law, had threatened to kill them if they did not hand over all their property and savings. She said that in the complaint, she had urged the Commissioner to provide security for them and protect them from their son and his family members. “A few years ago, our son chased away us from our house in Gopalapuram. He has now rented it out while we stay in a rented, dingy house in Kanathur. This continuous mental torture by our son has been unbearable and due to this, our health also deteriorated,” said Ms. Sivagamisundari said in her complaint.

http://www.thehindu.com/todays-paper/tp-national/tp-tamilnadu/m-k-muthu-alleges-torture-by-son/article4668762.ece

[6] தினமலர், 03-05-2013

[8] Arivunidhi, Karunanidhi’s eldest son M.K. Muthu’s son who is a doctor by profession, has turned singer with a film called ‘Perumal’.

http://newshopper.sulekha.com/karunanidhi-s-family-acquires-rights-of-forthcoming-tamil-blockbuster_news_986443.htm

[9] Tamil Nadu chief minister M Karunanidhi’s grandson MKM Arivunidhi on Saturday met the city police commissioner and complained that miscreants had damaged banners and posters put up by his supporters in several parts of the city. The posters and banners were put up to welcome him for a function to be held in Santhome to inaugurate the activities of a private educational trust on Sunday. Arivunidhi is the son of actor M K Muthu, Karunanidhi’s eldest son born to his first wife. Muthu’s family had reunited with the Chief Minister’s family a few months ago after an estrangement that lasted nearly two decades. “It is unfair to tear off the banners and posters. I suspect the handi-work of anti-social elements in this incident. It is not a political function. I have been informed that at least 15 to 20 posters have been damaged along Anna Salai till Saidapet,” Arivunidhi said. “I am not sure if the anti-socials belong to any political party. But this function is a non-political programme organised for a social cause,” Arivunidhi said. Senior musicians M S Viswanathan and Ramamurthy are slated to participate in the musical event, which Arivunidhi will inaugarate on Sunday (05-04-2009).

http://articles.timesofindia.indiatimes.com/2009-04-05/chennai/28037605_1_posters-musical-event-political-party

[10] Chennai, Sep 13 : The Madras High Court today granted anticipatory bail to a Arivunidhi, grandson of DMK Chief M Karunanidhi, who apprehended arrest for alleged trespass, forgery and intimidation. Justice T Sudanthiram directed the petitioner, to appear before the police concerned as and when required. A Venkatesh and Rajesh Annamalai lodged a complaint with the Central Crime Branch against Arivunidhi for alleged intimidation and offence under The Tamil Nadu Public Property (Prevention of Damage and Loss) Act. –PTI

http://www.newsreporter.in/arivunidhi-grandson-of-dmk-cheif-karunanidhi-granted-anticipatory-bail

[11]  the DMK family has in the media and entertainment world (Karunandhi’s grand-nephew Kalanithi Maran owns the Sun Media group). The third generation of the family—Dayanidhi and his cousins—are all involved in the Tamil Cinema industry. His cousins Arivunidhi,Arulnithi Tamilarasu and Udayanidhi Stalin are actors and producers.

http://www.livemint.com/Specials/jOhV5bimnmUayPSSM5WwgK/The-saga-of-Sagayam-and-Durai.html

குறிச்சொற்கள்: , , , , , , , , , , , , , , , , , , ,

ஒரு பதில் to “எங்கள் குடும்பம் ரொம்ப பெரிசு, பிள்ளைக்குட்டிகளோ பத்து தினுசு – திராவிடக் குடும்பத்தின் பிரச்சினை – தமிழர்கள் கற்றுக் கொள்ள பாடமா, பகுத்தறிவை பிரித்தறிய சந்தர்ப்பமா (2)”

  1. vedaprakash Says:

    உலகின் மிகப்பெரிய ஏழைக்குடும்பம் …!

    பார்த்துக்கங்க, நானும் ஏழைதான், ஏழைதான், ஏழைதான்…..

    இது “தி அதர் சைட்” எனும் மாத இதழ் வெளியிட்டிருக்கும் ஏழை கருணாநிதியின் குடும்ப சொத்துப் பட்டியல்:

    1. 6,124 சதுர அடிகள் பரப்பளவுகொண்ட கருணாநிதியின் கோபாலபுரத்து வீடு – மதிப்பு 5 கோடி.

    2. முரசொலி மாறனின் கோபாலபுரத்து வீடு – மதிப்பு 5 கோடி.

    3. 1,200 சதுர அடிகள் பரப்பளவுகொண்ட முரசொலி செல்வத்தின் கோபாலபுரத்து வீடு – மதிப்பு 2 கோடி.

    4. கோபாலபுரத்தில் சொர்ணத்தின் வீடு – மதிப்பு 4 கோடி.

    5. கோபாலபுரத்தில் மு.க.முத்துவின் வீடு – மதிப்பு 2 கோடி.

    6. கோபாலபுரம் அமிர்தத்தின் வீடு – மதிப்பு 5 கோடி.

    7. மகள் செல்வி, எழிலரசியின் கோபாலபுரம் வீடு – மதிப்பு 2 கோடி.

    8. சி.ஐ.டி காலனியில் 9,494 சதுர அடிகள் பரப்பளவுகொண்ட இடத்தில் 3,500 சதுர அடிகளுக்கு கட்டப்பட்டு இருக்கும் கருணாநிதியின் துணைவியார் ராஜாத்தி அம்மாளின் வீட்டு மதிப்பு – 12 கோடி.

    9. மண்ணிவாக்கம் கிராமத்தில் ராஜாத்தி அம்மாளுக்கும், கனிமொழிக்கும் இருக்கும் 300 ஏக்கரின் மதிப்பு 4.5 கோடி.

    10. ராயல் ஃபர்னிச்சர் என்ற பெயரில் இருக்கும் ராஜாத்தி அம்மாளின் ஷாப்பிங் நிறுவனத்தின் மதிப்பு – 10 கோடி.

    11. 2,687 சதுர அடிகள்கொண்ட நிலப்பரப்பில் 2,917 சதுர அடியில் கட்டப்பட்டு இருக்கும் மு.க.ஸ்டாலின் வேளச்சேரி வீட்டு மதிப்பு – 2 கோடி.

    12. நுங்கம்பாக்கத்தில் இருக்கும் உதயநிதி ஸ்டாலினின் ஸ்னோ ஃபவுலிங் சென்டரின் சொத்து மதிப்பு – 2 கோடி.

    13. சென்னை போட் கிளப்பில் இருக்கும் கலாநிதி மாறனின் 16 கிரவுண்ட் மாளிகையின் நில மதிப்பு மட்டும் – 100 கோடி.

    14. கொட்டிவாக்கத்தில் இருக்கும் மாறன் சகோதரர்களின் பண்ணை வீட்டின் மதிப்பு – 10 கோடி.

    15. போரூர் ராமச்சந்திரா மருத்துவமனைக்கு அருகில் இருக்கும் எம்.எம் இண்டஸ்ட்ரீஸின் மதிப்பு – 2 கோடி.

    16. 6 கிரவுண்ட் பட்டா நிலத்திலும், 1,472 சதுர அடி புறம்போக்கு நிலத்திலும் அமைந்து இருக்கும் கோடம்பாக்கம் ‘முரசொலி’ அலுவலகக் கட்டடத்தின் மதிப்பு – 20 கோடி.

    17. மகாலிங்கபுரத்தில் 2 கிரவுண்ட் நிலத்தில், சன் கேபிள் விஷன் சொத்து மற்றும் தொலைக்காட்சி உபகரணங்களின் மதிப்பு – 5 கோடி.

    18. சன் டி.வி-க்கு எம்.ஆர்.சி. நகரில் இருக்கும் 32 கிரவுண்டின் மதிப்பு – 100 கோடி.

    19. கோரமண்டல் சிமென்ட் கம்பெனியில் இருக்கும் 11 சதவிகித பங்குகளின் மதிப்பு – 50 கோடி.

    20. பெங்களூருவில் இருக்கும் செல்வத்தின் அடுக்குமாடிக் குடியிருப்பின் மதிப்பு – 4 கோடி.

    21. பெங்களூரு – மைசூர் நெடுஞ்சாலையில் அமைந்திருக்கும் செல்வியின் ஒரு ஏக்கர் பண்ணை வீட்டின் மதிப்பு – 80 கோடி.

    22. மாறன் சகோதரர்களின் 1.84 ஏக்கர் பண்ணை வீட்டின் மதிப்பு – 120 கோடி.

    23. பெங்களூருவில் 10 கிரவுண்டில் அமைந்திருக்கும் உதயா டி.வி. சேனலின் நில மதிப்பு – 108 கோடி.

    24. பீட்டர்ஸ் ரோட்டில் இருக்கும் மு.க.தமிழரசுவின் ‘ரெயின்போ இண்டஸ்ட்ரீஸின்’ மதிப்பு – 48 கோடி.

    25. அந்தியூரில் இருக்கும் மு.க.தமிழரசுவின் 13 கிரவுண்ட் பண்ணை வீட்டின் மதிப்பு 30 லட்சம்.

    26. புது டெல்லியில் இருக்கும் சன் டி.வி. அலுவலகத்தின் மதிப்பு – 50 கோடி.

    27. எக்ஸ்பிரஸ் எஸ்டேட்டில் இருக்கும் பங்குகளின் மதிப்பு – தெரியவில்லை.

    28. தினகரன் பப்ளிகேஷன்ஸ் – மதிப்பு தெரியவில்லை.

    29. சுமங்கலி பப்ளிகேஷன்ஸ் – மதிப்பு தெரியவில்லை

    30. முரசொலி அறக்கட்டளை – மதிப்பு தெரியவில்லை

    31. ஒரு ஷேர் 48 என்ற கணக்கில் ஸ்பைஸ் ஜெட் ஏர்வேஸில் 37 சதவிகிதப் பங்குகளை கன்ஸாகரா நிறுவனத்திடம் இருந்து அமெரிக்காவின் ‘வில்பர் ராஸ் அண்ட் ராயல் ஹோல்டிங்குஸ் சர்வீஸர்’ மூலமாக வாங்கப்பட்டது. இதை வாங்கிய சமயத்தில் 13,384 கோடிக்கு வாங்கியதாக கலாநிதி மாறனே பிரகடனம் செய்திருந்தார்.

    32. மதுரை, மாடக்குளம் கிராமத்தில் தயாளு அம்மாள் அறக்கட்டளைக்கு இருக்கும் நிலத்தின் மதிப்பு – தெரியவில்லை.

    33. தஞ்சாவூர் மாவட்டம் அகரத்திருநல்லூர் கிராமத்தில் கருணாநிதிக்கு இருக்கும் 21.30 ஏக்கரின் மதிப்பு – தெரியவில்லை.

    34. திருவள்ளூர் மாவட்டத்தில் தயாளு அம்மாளுக்கு இருக்கும் 3.84 ஏக்கரின் மதிப்பு – 1 கோடி.

    35. துர்கா ஸ்டாலினுக்கு திருவள்ளூர் மாவட்டத்தில் இருக்கும் 3,680 சதுர அடி நிலத்தின் மதிப்பு – 60 லட்சம்

    36. மதுரை வடக்கு தாலுக்கா – உத்தன்குடி கிராமத்தில் இருக்கும் அழகிரியின் 2.56 ஏக்கர் நிலத்தின் மதிப்பு 2 கோடி.

    37. மதுரை வடக்கு தாலுக்கா காலாத்திரி கிராமத்தில் அழகிரிக்கு இருக்கும் 7.53 ஏக்கரின் மதிப்பு – 2 கோடி.

    38. மதுரை தல்லாகுளத்தில் அழகிரிக்கு இருக்கும் 1.5 ஏக்கரின் மதிப்பு – 5 கோடி.

    39. மதுரை வடக்கு தாலுக்காவில் சின்னப்பட்டி கிராமத்தில் அழகிரிக்கு இருக்கும் 1.54 ஏக்கரின் மதிப்பு – 40 லட்சம்.

    40. மதுரை திருப்பரங்குன்றத்தில் அழகிரிக்கு இருக்கும் 12 சென்ட் நிலத்தின் மதிப்பு – 50 லட்சம்.

    41. மதுரை தெற்கு தாலுக்காவில் மாடக்குளம் கிராமத்தில் அழகிரிக்கு இருக்கும் 36 சென்ட் நிலத்தின் மதிப்பு – 1 கோடி.

    42. மதுரை தெற்கு பொன்மேனி கிராமத்தில் அழகிரிக்கு இருக்கும் 18,535 சதுர அடி நிலத்தின் மதிப்பு – 2 கோடி.

    43. மதுரை சத்திய சாய் நகரில் 21 சென்டில் உள்ள அழகிரி வீட்டின் மதிப்பு – 2 கோடி.

    44. மதுரை மாவட்டம் வாடிப்பட்டி தாலுக்காவில் தொகரை கிராமத்தில் காந்தி அழகிரிக்கு இருக்கும் 21.6 சென்ட் நிலத்தின் மதிப்பு – 60 லட்சம்.

    45. மதுரை மாவட்டம் (நாகமலைப் புதுக்கோட்டை) உலியம்குளம் கிராமத்தில் காந்தி அழகிரிக்கு இருக்கும் 5.32 ஏக்கர் நிலத்தின் மதிப்பு – 20 லட்சம்.

    46. மதுரை மாவட்டம் மேலமாத்தூர் கிராமத்தில் தயாநிதி அழகிரிக்கு இருக்கும் 12.01 ஏக்கர் நிலத்தின் மதிப்பு – 50 லட்சம்.

    47. மதுரை, திருமங்கலம் டி.புதுப்பட்டி கிராமத்தில் காந்தி அழகிரிக்கு இருக்கும் 21.32 ஏக்கர் நிலத்தின் மதிப்பு – 50 லட்சம்.

    48. கொடைக்கானல் மலையில் 82.3 சென்ட் சூழ இருக்கும் காந்தி அழகிரியின் பண்ணை வீட்டு மதிப்பு – 5 கோடி.

    49. மாடக்குளம் கிராமத்தில் தயாநிதி அழகிரிக்கு இருக்கும் 18.5 சென்ட் நிலத்தின் மதிப்பு – 50 லட்சம்.

    50. சென்னைக்கு அருகில் சோழிங்கநல்லூரில் தயாநிதி அழகிரிக்கு இருக்கும் 4,200 சதுர அடியின் மதிப்பு – 2.5 கோடி.

    51. சென்னை திருவான்மியூரில் தயாநிதி அழகிரிக்கு சொந்தமான 3,912 சதுர அடி நிலத்தின் மதிப்பு – ரூ 3 கோடி.

    52. மதுரை சத்ய சாய்நகரில் தயாநிதி அழகிரிக்கு சொந்தமான 4,378 சதுர அடிகொண்ட கல்யாண மண்டபத்தின் மதிப்பு – 3 கோடி.

    53. சென்னை, மாதவரம் பால் பண்ணைக்கு அருகில் உள்ள ஆர்.சி.மேத்தா நகரில் இருக்கும் தயாநிதி அழகிரியின் அடுக்குமாடிக் குடியிருப்பின் மதிப்பு – 1 கோடி.

    54. சென்னை, ஈஞ்சம்பாக்கத்தில் இருக்கும் தயாநிதி அழகிரிக்கு சொந்தமான 50 சென்ட் நிலத்தின் மதிப்பு – 2 கோடி.

    55. மதுரை சிவரக்கோட்டையில் இருக்கும் அழகிரிக்கு சொந்தமான தயா இன்ஜினீயரிங் காலேஜ் மதிப்பு – தெரியவில்லை.

    56. மதுரையில் 5 கிரவுண்டில் இருக்கும் தயாநிதி அழகிரியின் 8 மாடிகள்கொண்ட ‘தயா சைபர் பார்க்’ மதிப்பு – தெரியவில்லை.

    57. மதுரை பேருந்து நிலையத்துக்கு அருகில் இருக்கும் ‘தயா டெக்னாலஜிஸ்’ என்ற நகர்ப்புற சொத்தின் மதிப்பு – 1 கோடி.

    58. சென்னை அண்ணா சாலையில் இருக்கும் வணிக வளாகம் (கதவு இலக்க எண்: 271-ஏ) மதிப்பு – 5 கோடி. இது கனிமொழிக்குச் சொந்தமானது.

    59. ‘வெஸ்ட் கேட் லாஜிஸ்ட்டிக்ஸ்’ என்ற கம்பெனியில் கனிமொழிக்கு இருக்கும் பங்கின் மதிப்பு – 20 கோடி.

    60. கலைஞர் டி.வி-யில் கனிமொழிக்கு இருக்கும் பங்குகளின் மதிப்பு – 30 கோடி.

    61. ஊட்டியில், வின்ட்ஸர் எஸ்டேட்டில் இருக்கும் 525 ஏக்கர் தேயிலை தோட்டத்தின் மதிப்பு – 50 கோடி. இது கலைஞர் குடும்பத்துக்கு சொந்தமானது.

    62. கலைஞர் டி.வி-யில் தயாளு அம்மாளுக்கு இருக்கும் பங்குகளின் மதிப்பு – 90 கோடி.

    63. அந்தமான் தீவுகளில் இருக்கும் 400 ஏக்கர் கலைஞர் குடும்பத்துக்கு சொந்தமானது – மதிப்பு தெரியவில்லை

    64. கூர்க் (குடகு மலை) காபி தோட்டம், கலைஞர் குடும்பத்துக்குச் சொந்தமானது – மதிப்பு தெரியவில்லை.

    65. தமிழ்நாட்டில் இருக்கும் ஒவ்வொரு பெரிய நகரத்திலும் மல்டிப்ளெக்ஸ் கட்ட கலைஞர் குடும்பத்துக்குத் திட்டம் உள்ளது.

    66. எஸ்.டி. கூரியர் என்ற கம்பெனிக்கு சொந்தமான இரண்டு விமானங்கள் மாறன் சகோதரர்களுடையதே.

    67. தமிழ்நாடு ஹாஸ்பிடல்ஸுக்குப் பின்னால் இருக்கும் ‘சன் மெடிக்கல் காலேஜ் மற்றும் மருத்துவமனை’ – மாறனின் மகள் அன்புக்கரசிக்கு சொந்தமானது.

    68. சாய்பாபாவுக்கும் கருணாநிதியின் குடும்பத்துக்கும் ஏற்பட்ட ஒரு வர்த்தக ஒப்பந்தத்தை அடுத்து, ஆபட்ஸ்பரி வளாகத்தில் கட்டப்பட்டு வரும் வணிக வளாகத்தை மாறன் சகோதரர்கள் கட்ட இருக்கும் மருத்துவமனைக்காக ஒப்படைக்க உள்ளார்கள்.

    69. கோவை (புரூக் பாண்ட் சாலையில் இருக்கும் புரூக் ஃபில்ட்ஸ் வளாகத்தின் ஒரு பகுதியை) ஆர்.எம்.கே.வி. கடை அமைந்திருக்கும் ஒரு சொத்து கனிமொழிக்கு சொந்தமானது என்று பொதுமக்கள் நம்புகிறார்கள்.

    NOTE: இங்கு அழகிரி, கனிமொழியின் சொத்துக்கள்
    சேர்க்கப்படவில்லை.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s


%d bloggers like this: