ஶ்ரீரங்கம் பிரம்மரத பல்லக்கு முறை, தேவையற்ற வழக்குகள், அரசியல் கலப்பு, அதிகார துஷ்பிரயோகம் – முடிவு இந்து-விரோத வெளிப்பாடு (3)

ஶ்ரீரங்கம் பிரம்மரத பல்லக்கு முறை, தேவையற்ற வழக்குகள், அரசியல் கலப்பு, அதிகார துஷ்பிரயோகம்முடிவு இந்துவிரோத வெளிப்பாடு (3)

பல்லக்கிலிருந்து இறக்கிவிடப்பட்ட பார்ப்பனியம் போலீசு பாதுகாப்புடன் நடையை கட்டுகிறது-வினவு படம்

பல்லக்கிலிருந்து இறக்கிவிடப்பட்ட பார்ப்பனியம் போலீசு பாதுகாப்புடன் நடையை கட்டுகிறது-வினவு படம்

திகவை வினவு வசைப் பாடுவதும் வினோதமே[1]: வினவு, முழுக்க இந்துக்களை திட்டித் தீர்த்து விட்டு, திகவை வசைப் பாடியிருப்பது வேடிக்கையாக இருக்கிறது. அதனை அப்படியே இங்கு கொடுக்கப்படுகிறது, “இவ்விசயத்தில் கோவில் ஆணையரின் உத்தரவை அமுல்படுத்துவதற்க்கு ஆதரவாக தி.க,மற்றும் சமூக ஆர்வலர்கள் பத்திரிக்கை மற்றும் சுவரொட்டிகளின் வாயிலாக ஆதரவு கருத்து வெளியிட்டிருந்தனர். ஆனால் காவல்துறை உதவியுடன் நடக்க இருந்த பட்டர்களின் பிரம்ம ரத நிகழ்ச்சியை தடுப்பதற்க்கு கோவிலின் நான்கு வாசல்களிலும் களத்தில் நின்று முறியடித்தனர் ம.க.இ.க மற்றும் மனித உரிமை பதுகாப்பு மைய தோழர்கள். ஆனால் ம.க.இ.க. தோழர்களின் போராட்டம், கைது பற்றிய உண்மையை எழுதாமல் வடிவேலுவின் ’கைப்புள்ள கதைபோல்’ ’கழக போராட்ட அறிவிப்பாலும் விடுதலை செய்தியின் எதிரொலியாலும் பட்டர் பின் வாசல் வழியாக ஓட்டம்!’ என வழக்கம் போல் தி.க வின் வெற்றியாக விடுதலை பத்திரிக்கையின் தலையங்கத்தில் எழுதியுள்ளனர்.  ஏற்கனவே கருவறை நுழைவு போராட்டத்தை வன்முறை என்று எதிர்த்த வீரமணி கும்பல் இன்று வெறும் சட்டவாதம் பேசும் புரோக்கர் கும்பலாக சீரழிந்து போயிருக்கிறது. அடுத்தவர் உழைப்பை கூச்சமில்லாமல் அபகரிப்பதற்கு இந்த தில்லாலங்கடி தி.க கும்பல் எந்தவித கூச்ச நாச்சமும் அடைவதில்லை.

ஆரிய-திராவிட கூட்டணிதிக இவர்களது படங்களைத் திருடிக் கொண்டதாம்: வினவின் வசை தொடர்கிறது, “அயோத்தி தீர்ப்பு தொடர்பாக வினவில் வந்த கார்ட்டூன்களை நன்றியோ, எங்கிருந்து சுட்டோம் என்ற அறிவிப்போ இன்றி விடுதலையில் வெளியிட்டிருந்தார்கள். அதுவும் கருணாநிதியை அம்பலப்படுத்தும் கார்ட்டூனை மட்டும் ஒளித்து விட்டு மற்றவற்றை வெளியிட்டிருந்தார்கள். பைனான்சு கம்பெனியாக தொழில் நடத்தும் இந்த கருப்பு பார்ப்பனக் கும்பல் இனி உண்மையான பார்ப்பன எதிர்ப்புக்கு வராது என்பது இங்கேயும் நிரூபிக்கப்பட்டிருக்கிறது. அதனால்தான் பார்ப்பன இந்து மதவெறிக் கும்பல்களை எமது தோழர்கள் களத்தில் சந்தித்துக் கொண்டிருக்கும் போது, இவர்கள் அறிக்கை விட்டு சாதித்ததாக வீரம் பேசுகிறார்கள். எது எப்படியோ அரங்கநாதனது புரோக்கர்கள் என்பதற்காக தங்களையும் கடவுள் ரேஞ்சில் சித்தரித்து சூத்திர தோள்களில் உலாவந்த பார்ப்பன கொழுப்பு இப்போது முறியடிக்கப்பட்டிருக்கிறது. தற்போது மதுரை உயர்நீதிமன்றமும் பட்டர்களின் மனுவை தள்ளுபடி செய்திருக்கிறது. ஒருவேளை உச்சநீதிமன்றம் சென்று பட்டர்கள் வெற்றிபெற்றாலும் அதை அமல்படுத்த முடியாது. ஏனெனில் இது “அயோத்தி அல்ல”, தமிழகம் என்பதை இந்து மதவெறியர்களுக்கு நினைவுபடுத்துகிறோம்” என்று முடித்திருக்கிறது.

Madurai Adheenam with Viramani DKதிகவை வசைப்பாடும் போக்கில் அதிக தாக்குதலுக்கு இந்துமதத்தை உட்படுத்தியுள்ளது: திகவைத் தான் கண்டபடி, இவ்வாறு தைரியமாகத் திட்டுகிறர்கள் என்ரு பார்ப்பனர்கள் கூட மிகிழ முடியாது, ஏனெனில், அவர்களைத்தான் அளவுக்கு அதிகமாக சாடியுள்ளார்கள். மேலும், பார்ப்பனர்களையும், திகவினரையும் ஒப்பிட்டிருப்பது, சரியான ஜோக் எனலாம். ஒருவேளை வீரமணி முதலியோர் பார்ப்பனர்கள் போல வெள்ளையாக இருப்பதினால், “இந்த கருப்பு பார்ப்பனக் கும்பல்” என்று புகழ்ந்திருக்கிறார்கள் போலும்! பதிலுக்கு நாளை, அவர்களும், இவர்களை “சிவப்பு பார்ப்பனக் கும்பல்” என்றோ, “பச்சை இந்த பார்ப்பனக் கும்பல்” என்றோ விமர்சிக்கலாம், ஆனால், எல்லாவற்றிலும் அடிபடுவது “பார்பனர்” தாம்! இதெல்லாம் கம்யூனிஸ சித்தாந்திகளுக்கு (எல்லா வகையறாக்களையும் சேர்த்து) கைவந்த கலை. “யு டூ புரூடஸ்” என்பதை இவர்கள் எப்படி வேண்டுமானாலும், யாரைக் குறித்தும், எங்கு வேண்டுமானாலும் குறிப்பிடுவார்கள், பேசுவார்கள், எழுதுவார்கள். இப்பொழுது கூட “பிரென்ட் லைன்” ஆர்.எஸ்.எஸ்.ஐ முசோலினியுடன் ஒப்பிட்டு எழுதியுள்ளது. அதாவது ஒரு முஸ்லீமை வைத்து, மார்க்சீய பத்திரிக்கை அவ்வாறான வேலையை செய்துள்ளது. இதெல்லாம் சித்தாந்த கூட்டில் ஏற்புடையதே. ஆனால், எல்லொருமே, ஆர்.எஸ்.எஸ்.ஐ தாக்குகிறாம் என்று இந்துக்களைத் தாக்குகிறார்கள், பிஜேபியை திட்டுகிறோம் என்று இந்துக்களைத் திட்டுகிறார்கள்; மோடியை வசைப்பாடுகிறோம் என்று இந்துக்களை வசைப்பாடுகிறார்கள்…..ஆக அந்த முறை இவர்கள் எல்லோரிடத்திலும் இருப்பது கவனிக்கத்தக்கது.

2010 வழக்கு எண்கள், வாதி-பிரதிவாதிகள்

2010 வழக்கு எண்கள், வாதி-பிரதிவாதிகள்

வழக்கு விவரங்கள் 2006 முதல் 2011 வரை: லக்ஷ்மி நரசிம்மன் [ Sri Vedavyasa R. Lakshmi Narasimha Bhattar (71) ] என்பவர், தனது குடும்பத்திற்கு நெடுங்காலமாக பிரம்மரதம் மரியாதைக் கொடுக்கப் பட்டு வந்துள்ளது, ஆனால், இப்பொழுது மூன்று குடும்பங்களுக்குத் தான் கொடுக்கப்பட்டு வருகிறது என்று 2006ல் வழக்கு தொடுத்தார். அது திருச்சி முன்சீப் கோர்ட்டில் நிலுவையில் இருந்தது. 2009ல் இப்பிரச்சினை எழுந்ததால், அவர் சென்னை உயர்நீதி மன்றம், மதுரை கிளையில் வழக்கைப் பதிவு செய்தார். ஆனால், அறநிலையத்துறை பாரபட்சத்தினால், எதிர் தன்னிலை விளக்கத்தில் தேவையில்லாத விசயங்களை நுழைத்துப் பிரச்சினையைத் திசைத்திருப்பினர். இந்துக்களுக்குள், குறிப்பாக வைணவர்களுக்குள் அல்லது பிராமணர்களுக்குள் இருந்தப் பிரச்சினையை, “கருணாநிதி-ஜெயலலிதா” என்று குறிப்பிட்டு அர்ச்டியலைப் புகுத்தினர். பார்ப்பனர் என்று குறிப்பிட்டு, “பார்ப்பனர்-சூத்திரர்” வெருப்பையும் சேர்த்தனர். 2010 மற்றும் 2011 தீர்ப்புகளில் நீதிபதிகள் எம். ஜெயச்சந்திரன் மற்றும் கே. சந்துரு இருந்தனர். இவர்கள் திராவிடக் கட்சிகளின் பரிந்துரைகளால் நீதிபதிகளாகினர் என்பது தெரிந்த விசயமே. இருப்பினும், முடிவு எடுப்பது அறங்காவலர் குழு என்று முடியும் போது, அது இப்பொழுது 2015ல் அனுமதி அளித்ததால், பிரம்மரத மரியாதை நிகழ்ச்சி நடக்க முடிந்தது.

2011 வழக்கு எண்கள், வாதி-பிரதிவாதிகள்.

2011 வழக்கு எண்கள், வாதி-பிரதிவாதிகள்.

2015ல் அறங்காவலர் குழு பிரம்ம ரத மரியாதை நிகழ்ச்சியை நடத்த அனுமதியளித்தது[2]: ஸ்ரீரங்கம் கோயிலில் நடைபெற்று வரும் வைகுந்த ஏகாதசி இராப்பத்து விழாவின் பத்தாம் நாளான சனிக்கிழமை (10-01-2015) தீர்த்தவாரி நடைபெற்றது. விழாவையொட்டி, பட்டர்களுக்கு மரியாதை செய்யும் பிரம்ம ரத மரியாதை நிகழ்ச்சி நான்கு ஆண்டுகளுக்கு பிறகு சனிக்கிழமை நடைபெற்றது. இதையொட்டி ஸ்ரீரங்கத்தில் பலத்த போலீஸ் பாதுகாப்பு போடப்பட்டிருந்தது. ஸ்ரீரங்கம் கோயிலில் வைகுந்த ஏகாதசி, கைசிக ஏகாதசி விழாவின்போது நம்பெருமாள் முன்பு புராணம் படிக்கும் பட்டர்கள், அரையர்களை மரியாதை செய்யும் விதமாக பல்லக்கில் அமர வைத்து ஊழியர்கள் ஊர்வலமாக தோளில் சுமந்து சென்று அவர்களது வீட்டில் விடுவர். மனிதனை மனிதன் சுமப்பதா என்று கடந்த 2011-ம் ஆண்டு அறங்காவலர் குழு இதற்கு தடை விதித்தது. இதற்கு எதிர்ப்புத் தெரிவித்து பட்டர்களும், அரையர்களும் நீதிமன்றத்தில் வழக்கு தொடர்ந்தனர். பின்னர், மனுவை திரும்ப பெற்றனர். இந்நிலையில், புதிதாக பொறுப்பேற்ற அறங்காவலர் குழு பிரம்ம ரத மரியாதை நிகழ்ச்சியை நடத்த அனுமதியளித்தது. வைகுந்த ஏகாதசி இராப்பத்து விழாவின் பத்தாம் நாளான சனிக்கிழமை தீர்த்தவாரி நிகழ்ச்சி சந்திர புஷ்கரணியில் நடைபெற்றது. தொடர்ந்து நம்பெருமாள் உபயக்காரர் மரியாதையுடன் ஆயிரங்கால் மண்டபத்தை அடைந்தார். பின்னர், கைசிக புராணம் பாடிய திருவேங்கட பராசுர பட்டருக்கு கோயில் மரியாதை செய்யப்பட்டது. பல்லக்கில் அவரை அமரவைத்து நம்பெருமாள் சன்னதி, கருடாழ்வார் சன்னதி,திருப்பாணாழ்வார் சன்னதி, கூரத்தாழ்வார் சன்னதி உள்ளிட்ட இடங்களில் மரியாதை செய்விக்கப்பட்டது. பின்னர் நான்கு உத்தர வீதிகளிலும் வலம் வந்து அவரது வீட்டில் கொண்டு விட்டனர்.

© வேதபிரகாஷ்

11-01-2015

[1] http://www.vinavu.com/2010/11/20/srirangam-pallaku-battar/

[2] தினமணி, 4 ஆண்டுகளுக்கு பிறகு ஸ்ரீரங்கம் கோயிலில் பிரம்ம ரத மரியாதை, By ஸ்ரீரங்கம், First Published : 11 January 2015 05:48 AM IST

குறிச்சொற்கள்: , , , , , , , , ,

ஒரு பதில் to “ஶ்ரீரங்கம் பிரம்மரத பல்லக்கு முறை, தேவையற்ற வழக்குகள், அரசியல் கலப்பு, அதிகார துஷ்பிரயோகம் – முடிவு இந்து-விரோத வெளிப்பாடு (3)”

  1. S. P. Shanmuganathan Says:

    I do not think that the naxalite fringe elements would have really attacked DK in this way!

    Perhaps, they might try to put in such an awkward position to blackmail ideologically or otherwise!

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s


%d bloggers like this: