ஶ்ரீரங்கம் பிரம்மரத பல்லக்கு முறை, தேவையற்ற வழக்குகள், அரசியல் கலப்பு, அதிகார துஷ்பிரயோகம் – முடிவு இந்து-விரோத வெளிப்பாடு (1)

ஶ்ரீரங்கம் பிரம்மரத பல்லக்கு முறை, தேவையற்ற வழக்குகள், அரசியல் கலப்பு, அதிகார துஷ்பிரயோகம்முடிவு இந்துவிரோத வெளிப்பாடு (1)

நாத்திகர்களின் பிழைப்பு

நாத்திகர்களின் பிழைப்பு

திக ஜன.1.2015ல் சம்பந்தமே இல்லாமல் பிரம்ம ரதம் விசயத்தில் மூக்கை நுழைத்தது:  10-01-2015 தேதியிட்ட விடுதலை நாளிதழின் படி வெளியாகிய செய்தி என்னைத் தூண்டியதால், விசயம் என்ன என்று ஆராய்ந்து பார்த்தேன். அது இவ்வாறு செய்தி வெளியிட்டிருந்தது,உயர்நீதி மன்ற தடையை மீறி சிறீரங்கம் ரங்கநாதர் கோவிலில்  பிரம்மரத முறையை கண்டித்து மறியலில் ஈடுபட்ட திராவிடர் கழகத்தினர் கைது செய்யப் பட்டனர், என்று திக விடுதலையில் செய்தி வெளியிட்டது. சிறீரங்கம் ரங்கநாதர் கோவிலில் ஒவ்வொரு ஆண்டும் நடக்கும் வைகுண்ட ஏகாதசியின் போது சொர்க்கவாசல் திறப்புக்கு பின்னர் வேதம் ஓதும் பார்ப்பனர்களான அரையான் குடும்பம், பட்டர் அய்யர், வேதவி யாசகர், பராசுர பட்டர் ஆகியோரை கோவிலிலிருந்து அவர்களது வீடு வரை பல்லக்கில் சுமந்து செல்வதும், இதனை பிரம்ம ரதமரியாதை என்றும், நீண்டகாலமாக பார்ப்பனர்கள் வழக்கமாக வைத்துள்ளனர். இதனை சீமான் தாங்கி (பிரம்ம ரதம்) என்று அழைக்கின்றனர்”. வீரமணிக்கு இதில் என்ன அக்கரை என்று படித்துப் பார்த்தேன்[1].

 

ஶ்ரீரங்க பல்லக்கு பிரச்சினை

ஶ்ரீரங்க பல்லக்கு பிரச்சினை

திராவிடர் கழகம் 2011ல் ஏதோ கண்டுபிடித்துவிட்டது போல கூட்டம் போட்டது: விடுதலை, “பிரம்ம ரதமுறையை கண்டித்து திராவிடர் கழகம் சார்பில் சிறீரங்கம் 2011 ஆம் ஆண்டு மாபெரும் பொதுக்கூட்டத்தில் கலந்து கொண்டு திராவிடர் கழகத் தலைவர் கி.வீரமணி கண்டித்து உரையாற்றினார். மேலும் பல்வேறு அமைப்புகளும், சமூக ஆர்வலர்களும் கடுமையாக எதிர்த்தனர், என்று விடுதலை கூறுகிறது. மேலும் தொட்ரரும் போது, “ஒரு காலத்தில் பார்ப்பனர்கள் வேதம் ஓதி விட்டு தனது சொந்த பல்லக்கில் வீடு வரையில் சென்று வந்தனர். அண்மைக் காலமாக இதனை அறநிலையத் துறை சார்பில் (கோவில் நிருவாகம்) பிரம்மரத மரியாதை வழங்கப்பட்டு வந்தது. இந்த மரியாதையை கொடுக்கக் கூடாது என்று பார்ப்பனர்களில் ஒரு பிரிவான வைணவர்கள் எதிர்ப்பு தெரிவித்து வருகின்றனர். மனிதனை மனிதன் (பார்ப்பனர்களை) சுமக்கும் அவலத்தை கண்டித்து கடந்த 2011 தி.மு.க. ஆட்சியில் அப்போதிருந்த கோவில் இணை ஆணையர் ஜெயராமன் இந்த முறைக்கு தடைவிதித்தார்”, என்று உண்மையினைத் திரித்துக் கூறியது.

 

திகவினரின் நுழைவு

திகவினரின் நுழைவு

ஆர். லக்ஷ்மி நரசிம்மன் 2006ல் தொடர்ந்த வழக்கு[2]: பிறகு தொடரும் போது, “இதனை எதிர்த்து பார்ப்பனர்கள் உயர்நீதி மன்ற மதுரை கிளையில் வழக்கு தொடர்ந்தனர். இவ்வழக்கை விசாரித்த நீதிமன்றம் பிரம்மரத முறைக்கு தடை விதித்து உத்தரவிட்டது. ஆனாலும் பார்ப்பனர்கள் இதனை நடத்திவிட வேண்டுமென்று முயன்றனர். ஆனால் முடியவில்லை”, என்று உண்மையினை சிறிதே கூறியுள்ளது. அதாவது, வழக்குத் தொடுத்தது பார்ப்பனர்கள் தாம், ஆனால், அதனை எதிர்த்து வழக்கு தொடர்ந்தனர் என்பது பொய். ஆர். லக்ஷ்மி நரசிம்மன் [ Sri Vedavyasa R. Lakshmi Narasimha Bhattar (71) ] என்பவர், தனது குடும்பத்திற்கு நெடுங்காலமாக பிரம்மரதம் மரியாதைக் கொடுக்கப் பட்டு வந்துள்ளது, ஆனால், இப்பொழுது மூன்று குடும்பங்களுக்குத் தான் கொடுக்கப்பட்டு வருகிறது என்று 2009ல் வழக்கு தொடுத்தார். அவரது மனுவில், அறநிலையத்துறை இந்த பழக்கத்தில் தலையிட முடியாது என்றும் குறிப்பிட்டிருந்தார்[3]. இந்துக்கள் சிலர் இப்படி வழக்குத் தொடர்வது தான், விபரீதமாகி விடுகிறது, அதாவது, இது போன்ற இந்து-விரோதிகளுக்கு பிரச்சினையை பெரிதாக்க உதவுகிறது. மேலும், நாத்திக-திராவிட ஆட்சி நடந்து கொண்டிருப்பதாலும், கடந்த 60 ஆண்டு காலத்தில் அத்தகைய சிந்தனை கொண்டவர்கள் பல பதவிகளில் இருப்பதாலும், இந்துக்களுக்கு சாதகமாக எதுவும் இருக்காது என்பதை புரிந்து கொள்ளாமல் இருப்பது, இந்துமதத்திற்கே நல்லதல்ல.

2010 வழக்கு எண்கள், வாதி-பிரதிவாதிகள்

2010 வழக்கு எண்கள், வாதி-பிரதிவாதிகள்

2010ல் இந்து அறநிலையத் தலையீடு: அறநிலையத் துறை ஶ்ரீரங்கம் கொவில் டிரஸ்ட் நிர்வாகிகளை மிரட்டி, “பிரம்மரதம்” விழா நடத்த மாட்டோம் என்று தீர்மானத்தை செப்டம்பர்.27, 2010 அன்று நிறைவேற்ற வைத்தது. ஏனெனில், “கோவில் ஒழுகு” முதலியவற்றை அறிந்த, டிரஸ்ட் நிர்வாகிகள் அவ்வாறு தடுப்பார்களா என்று புரியவில்லை. அதேபோல தமிழ்நாடு கோவில் சங்கத்தினரும் அக்டோபர் 23, 2010 அன்று தீர்மானத்தை கொண்டுவந்தனர்[4]. இது திராவிடக் கட்சிகளின் தூண்டுதல் பேரில் என்று அவர்களே ஒப்புக் கொண்டதாக, “பெரியார் தத்துவ மையம்” விவரங்களை வெளியிட்டுள்ளன. இவற்றை வைத்துக் கொண்டு நீதிமன்றமும் வழக்கை தள்ளுபடி செய்தது. மேலும், தேவையில்லாமல் பி.யு.சி.எல், பெரியார் தத்துவ மையம் முதலியோர் தொடுத்த மனுக்களையும், இவ்வழக்கிற்கு சம்பந்தமில்லை என்று தள்ளுபடி செய்தது[5]. இருப்பினும் இப்பொழுது 2015ல் அரைகுறையாக செய்திகளை வெளியிட தயாராக உள்ளனர் என்றால், அத்திராவிட சித்தாந்திகளின் நேர்மையினைப் புரிந்து கொள்ளலாம்.

Times of India - Dennis selven

Times of India – Dennis selven

2012ல் ஒரு கிருத்துவ நாளிதழ் செய்தியாளர் தலையிட்டது[6]: ஶ்ரீவைஷ்ணவஶ்ரீ கிருஷ்ணமாச்சாரி என்ற ஆராய்ச்சியாளர், பண்டிதர், ஶ்ரீரங்க சரித்திரம் பற்றி மூலநூல்கள், ஆவணங்கள் முதலியவற்றை ஆராய்ந்து பல நூல்களை வெளியிட்டுள்ளார். RTI மூலம் இந்து அறநிலைத்துறையின் அடாவடி வேலைகளையும் தட்டிக்கேட்டுள்ளார்[7]. இந்த அறநிலைய அதிகாரிகளில் பெரும்பாலோர் திராவிட ஆட்சிட்யாளர்களால் நியமிக்கப்படுவதாலும், அவர்களே நாத்திக எண்ணங்களைக் கொண்டுள்ளதாலும், அவர்களுக்கு கோவில் நிர்வாகம் பற்றி எந்த கவலையும் இல்லாதவர்களாக, ஆனால், கோவில் பணத்தை எப்படி செலவழிக்கலாம் என்ற எண்ணத்தில் தான் செயல்பட்டுக் கொண்டிருக்கிறார்கள். “டைம்ஸ் ஆப் இந்தியா”வைச் சேர்ந்த ஒரு கிருத்துவ நிருபர் – டென்னிஸ் செல்வன் [Dennis Selvan], கிருஷ்ணமாச்சாரி என்ற ஆராய்ச்சியாளர், பண்டிதரை அணுகி அவரது செயல்களைப் பாராட்டுவது போல பாராட்டி, சில விசயங்களைத் தெரிந்து கொண்டு, அறநிலைய அதிகாரியிடம் சென்று அவ்விசயங்களை கூறியுள்ளார்[8]. அதை வைத்துத் திரிர்த்து “டைம்ஸ் ஆப் இந்தியா”வில் செய்தியையும் வெளியிட்டார்[9]. இது குஜராத் விசயத்தில் “டெஹல்கா-என்டிவிவி” செய்திகளை வெலியிட்ட முறையில் உள்ளதை தெரிந்து கொள்ளலாம்.

ஆத்திகம்-நாத்திகம்

ஆத்திகம்-நாத்திகம்

திமுக ஆட்சியும் (2010 வரை), அதிமுக ஆட்சியும் (2010லிருந்து): விடுதலை தொடர்கிறது[10], “ஜெயலலிதா முதல்வரான பிறகு மீண்டும் இந்த பிரம்மரத முறையை கொண்டு வரும் முயற்சியில் பார்ப்பனர்கள் தொடர்ந்து ஈடுபட்டு வந்தனர். இந்நிலையில் அப்போதைய அறநிலையத்துறை ஆணையர் தனபால் திருச்சிக்கு வருகை தந்த போது, பராசர சுந்தரரேசன் பட்டர், திரு வேங்கட பட்டர், பக்கிரி நாராயண பட்டர் ஆகியோர் ஆணையரை சந்தித்து பிரம்மரத முறையை மீண்டும் கொண்டு வர வேண்டும் என்று கேட்டுக் கொண்டனர். 2013 ஜன. 2, 3 தேதிகளில் இந்த பிரம்ம ரதமுறை எப்படியாவது நடத்திவிட வேண்டுமென்று முடிவு செய்து 2012 டிச.14 ஆம் தேதி உயர்நீதிமன்ற மதுரை கிளையை பார்ப்பனர்கள் அணுகினர். ஆனால் நீதி மன்றம் அவர்களை கடுமையாக எச்சரித்து அனுப்பியதோடு மட்டுமல்லாமல் இது தொடர்பான விசாரணை 2013 ஜனவரி 8 ஆம் தேதி ஒத்தி வைத்தது. அதனால் 2013 இல் பிரம்மரத முறையை நடத்த முடியாமல் போனது. ஆனாலும் பிரம்மரத முறையை எப்படியாவது நடத்திவிட வேண்டுமென்று அன்று முதல் பார்ப்பனர்கள் முயற்சியில் ஈடுபட்டு வருகின்றனர்”. அதாவது, இங்கு ஜெயலலிதா-கருணாநிதி என்று வேறுபடுத்திக் காட்டி, பிராமணன்-சூத்திரன் என்று பிரச்சினையை எழுப்பப் பார்க்கிறது. “ஆரிய-திராவிட யுத்தம்” தொடர்கிறது என்று முன்னர் ஜெயலலிதா ஆட்சிக்கு வந்தபோது, ஒரு சிறு புத்தகத்தை “பெரியார் சுயமரியாதை கழகம்” வெளியிட்டது வேடிக்கையே!

© வேதபிரகாஷ்

11-01-2015

[1] http://www.viduthalai.in/e-paper.html

[2] Justice M. Jaichandren said that the High Court could not go into such disputes and it was for the petitioner, Sri Vedavyasa R. Lakshmi Narasimha Bhattar (71), to establish his right — to be carried in the palanquin — before the Tiruchi District Munsif Court which was seized of a civil suit pending since 2006.

http://www.thehindu.com/todays-paper/tp-national/tp-tamilnadu/high-court-dismisses-brahmaratham-case/article903185.ece

[3] He went on to state: “The officer cannot prevent anybody from carrying the palanquin out of their own volition. If he does so, he is not only interfering with the customary practice that is being followed for more than 1,000 years but he is interfering with the basic human rights of a citizen who on his own volition does some religious act upon a faith that he has.

http://www.thehindu.com/todays-paper/tp-national/tp-tamilnadu/madras-high-court-reserves-judgement-on-brahmaratham/article895384.ece

[4] He pointed out that the Board of Trustees of the Temple had passed a resolution on September 27 to give up the practice of ‘Brahmaratham.’ Tamil Nadu Association of Temple Employees also had passed a resolution on October 23 stating that they would not carry anyone in a palanquin inside the temple premises. “The said resolutions have not been challenged till date… In such circumstances, this Court is of the considered view that the petitioner has not shown sufficient cause or reason to grant the reliefs as prayed for in the present writ petition,” Mr. Justice Jeyachandran observed.

http://www.thehindu.com/todays-paper/tp-national/tp-tamilnadu/high-court-dismisses-brahmaratham-case/article903185.ece

[5] He also dismissed three intervening applications filed by the Centre for Protection of Civil Liberties, Human Rights Protection Centre and Periyar Thathuva Maiyam against the petitioner’s plea. The judge said that permitting them to intervene would “unnecessarily enlarge” the ambit of the case.

http://www.thehindu.com/todays-paper/tp-national/tp-tamilnadu/high-court-dismisses-brahmaratham-case/article903185.ece

[6] http://www.vijayvaani.com/ArticleDisplay.aspx?aid=2178

[7] http://www.srivaishnavasri.com/2011/01/23/atrocities-committed-by-pseudo-h-r-and-c-e-in-tamilnadu/

[8] http://timesofindia.indiatimes.com/city/chennai/Uproar-after-temple-ritual-is-stopped/articleshow/11482750.cms

[9] Dennis Selvan, Uproar after temple ritual is stopped, TNN | Jan 14, 2012, 05.51AM IST

[10] http://www.viduthalai.in/e-paper/94271.html

குறிச்சொற்கள்: , , , , , , , , , ,

ஒரு பதில் to “ஶ்ரீரங்கம் பிரம்மரத பல்லக்கு முறை, தேவையற்ற வழக்குகள், அரசியல் கலப்பு, அதிகார துஷ்பிரயோகம் – முடிவு இந்து-விரோத வெளிப்பாடு (1)”

  1. S. P. Shanmuganathan Says:

    The Hindus should not go to court, as the secular or atheist judges cannot understand the nuances of the temple rituals, rites etc.

    Moreover, when they do not question such practices of the other religions, it is intriguing to note that they interfere here.

    In every Eucharist, Christians believe that the bread is turned to the body of the Christ and the wine to blood and thus, they eat his flesh and drink blood!

    But none has questioned such faith or stopped it saying it is cannibalism, barbaric and so on!

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s


%d bloggers like this: