Archive for the ‘அறிவுஜீவித்தனம்’ Category

பெரியாரிஸ கூத்தாடியும், திமுக உறுப்பினரும், இசைப்பள்ளி கலையியல் அறிவுரைஞரும், ஆகிய வித்தகர் பாலியல் புகாரில் சிக்கியது ஏன், எப்படி?

ஏப்ரல் 3, 2022

பெரியாரிஸ கூத்தாடியும், திமுக உறுப்பினரும், இசைப்பள்ளி கலையியல் அறிவுரைஞரும், ஆகிய வித்தகர் பாலியல் புகாரில் சிக்கியது ஏன், எப்படி?

பரத நாட்டிய கலைஞர் ஜாகீர் உசேன் பாலியல் தொல்லை அளித்ததால் தனக்கு தற்கொலை எண்ணம் தோன்றியதாக கலை பண்பாட்டு துறை இயக்குனருக்கு இசைப்பள்ளி ஆசிரியை எழுதியுள்ள கடிதம் பரபரப்பை ஏற்படுத்தி உள்ளது[1]. தமிழக பரத நாட்டிய கலைஞர் ஜாகீர் உசேன். இவர் தமிழ்நாடு கலை பண்பாட்டு துறையின் 17 மாவட்ட அரசு இசைப்பள்ளி கலையியல் அறிவுரைஞராக நியமனம் செய்யப்பட்டார்.இசை பள்ளிக்கு ஜாகீர் உசேன் ஆய்வுக்கு சென்றபோது பெண் ஆசிரியைக்கு பாலியல் தொல்லை கொடுத்ததாக புகார் எழுந்துள்ளது[2]. தினமலர் மற்றும் ஒரு சில தமிழ் ஊடகங்கள் தவிர மற்ற ஊடகங்கள் இதனை கண்டு கொள்ளாமல் இருப்பது திகைப்பாக இருக்கிறது. இது வரை போக்சோ சட்டத்தின் படி புகார் பதிவு செய்யப் பட்டதாகத் தெரியவில்லை, ஏனெனில், அத்தகைய செய்தியும் இல்லை.

ஆசிரியை தமிழ்நாடு கலை பண்பாட்டு துறை இயக்குனர் காந்திக்கு அனுப்பியுள்ள புகார் கடிதம்: இது குறித்து அந்த ஆசிரியை தமிழ்நாடு கலை பண்பாட்டு துறை இயக்குனர் காந்திக்கு அனுப்பியுள்ள புகார் கடிதம்: “நான் பாரம்பரிய இசை குடும்பத்தைச் சேர்ந்தவர். அரசு இசை பள்ளியில் பணிபுரிந்து வருகிறேன். பிப். 28ல் கலையியல் அறிவுரைஞர் ஜாகிர் உசேன் எங்கள் பள்ளிக்கு ஆய்வுக்கு வந்தார். தலைமை ஆசிரியை அறைக்கு என்னை மட்டும் உள்ளே வரச்சொல்லி கதவை மூடினார். அங்கு என் தோள்பட்டை மேல் கை வைத்து இடுப்பின் மீது கைகளை மடக்கி வைத்துஇப்படி நடனமாட வேண்டும்என சொல்லி மிகவும் அநாகரிகமாக நடந்து கொண்டார்.’ஏப்ரல் மாதம் பயிலரங்கம் மூன்று நாள் நடத்த போகிறேன். அங்கு உங்களுக்கு எல்லாம் வகுப்பு எடுக்க வேண்டும்என ஆசிரியைகளை தரக்குறைவாக பேசினார். இச்சம்பவம் மனதை வேதனைப்படுத்தியது. தற்கொலை செய்து கொள்ளலாம் என்ற எண்ணம் தோன்றியது. நடந்த விஷயங்களை கடிதத்தின் வாயிலாக என்ன கூற முடியுமோ அவற்றை மட்டும் தங்கள் கவனத்திற்கு பணிந்து அனுப்பியுள்ளேன்,” இவ்வாறு கடிதத்தில் குறிப்பிட்டுள்ளார்.

சிவகங்கை மாவட்ட இசை பள்ளிக்கு ஆய்வுக்கு வந்த போது ஆசிரியையிடம் அத்துமீறி ஜாகீர் உசேன் நடந்து கொண்டதாக புகார் எழுந்தது: இதேபோல சிவகங்கை மாவட்ட இசை பள்ளிக்கு ஆய்வுக்கு வந்த போது பெண் ஆசிரியையிடம் அத்துமீறி ஜாகீர் உசேன் நடந்து கொண்டதாக புகார் எழுந்தது குறிப்பிடத்தக்கது. தமிழ்நாடு அரசு கலை பண்பாட்டு துறை ஆசிரியர்கள் – ஊழியர்கள் பேரவை மாநில பொதுச்செயலர் அய்யனார் கூறியதாவது: “ஜாகீர் உசேன் பல மாவட்டங்களில் பெண் ஆசிரியைகளிடம் பாலியல் ரீதியாக பேசி இருக்கிறார். பெண்கள் மட்டும் பங்கேற்கும் நடன பயிலரங்கம் ஏப்ரலில் நடக்கிறது. இம்முடிவை மறு பரிசீலனை செய்ய வேண்டும். முதல்வர் ஸ்டாலின் இப்பிரச்னையில் தலையிட்டு உரிய நடவடிக்கை எடுக்க வேண்டும்,” இவ்வாறு அவர் கூறினார். தமிழ்நாடு கலை பண்பாட்டு துறை இயக்குனர் காந்தி கூறுகையில் ”கரூர் மாவட்ட இசை பள்ளி ஆசிரியை அளித்த புகார் கடிதம் கிடைத்துள்ளது. அது தொடர்பாக விசாரணை நடந்து வருகிறது” என்றார். என் தோள்பட்டை மேல் கை வைத்து இடுப்பின் மீது கைகளை மடக்கி வைத்து ‘இப்படி நடனமாட வேண்டும்’ என சொல்லி மிகவும் அநாகரிகமாக நடந்து கொண்டார். நடந்த விஷயங்களை கடிதத்தின் வாயிலாக என்ன கூற முடியுமோ அவற்றை மட்டும் தங்கள் கவனத்திற்கு பணிந்து அனுப்பியுள்ளேன்.இவ்வாறு கடிதத்தில் குறிப்பிட்டுள்ளார்.

ஶ்ரீரங்கம் சர்ச்சையில் பிரபலமான திமுக உறுப்பினர்: பிரபல பரதநாட்டியக் கலைஞர் ஜாகீர் உசேன். இவர் பல்வேறு கலை கலாச்சார நிகழ்ச்சிகளை அரங்கேற்றம் செய்து வருகிறார். பிறப்பால் ஒரு இஸ்லாமியராக இருந்தாலும் ஒரு இந்து தாயால் வளர்க்கப்பட்டவர் ஜாகிர் உசேன். கடந்த 30 ஆண்டுகளாக பரத நாட்டிய கலைஞராகவும் வைணவ சொற்பொழிவாளராகவும் இருந்துவருகிறார். இவருக்கு இந்திய அரசின் சமூக நல்லிணக்க விருது, அதேபோல் தமிழ்நாடு அரசின் சார்பில் கலைமாமணி விருது, நாட்டிய செல்வன் உள்ளிட்ட பல்வேறு விருதுகளும் வழங்கப்பட்டுள்ளது. சமீபத்தில் ஸ்ரீரங்கநாதர் கோவிலுக்குள் செல்ல முயன்ற இவரை ரங்கராஜன் நரசிம்மன் என்பவர் தடுத்தது பெரும் சர்ச்சையானது. இந்நிலையில் தமிழ்நாடு கலை பண்பாடு துறையின் 17 மாவட்ட அரசு இசைப்பள்ளி கலையியல் அறிவுரைஞராக இவர் நியமிக்கப்பட்டுள்ளார்.


மாவட்ட அரசு இசைப்பள்ளி கலையியல் அறிவுரைஞராக இவர் நியமிக்கப்பட்டதிலிருந்து ஆய்வு என்று சுற்றி வருவது: அடிக்கடி இசை பள்ளிகளுக்கு ஜாகீர் உசேன் ஆய்வு மேற்கொண்டும் வருகிறார்[3]. அச்சமயத்தில் தான் அவர்  இசை மற்றும் நடன ஆசிரியைகளுக்கு பாலியல் தொல்லை கொடுத்ததாக புகார் எழுந்துள்ளது[4]. இதுதொடர்பாக  பாதிக்கப்பட்டதாக கூறி கரூர் மாவட்ட அரசு இசைப்பள்ளி ஆசிரியை கலை பண்பாட்டு துறை இயக்குனர் அவர்களுக்கு ஜாகிர் உசேன் மீது பாலியல் புகார் கொடுத்துள்ளார்[5]. அந்த புகாரில் கூறியிருப்பதாவது, “நான் ஒரு பாரம்பரிய இசை குடும்பத்தைச் சேர்ந்தவர், அரசு இசைப் பள்ளியில் பணிபுரிந்து வருகிறேன்,  பிப்ரவரி 28 அன்று கலையியல் அறிவுரைஞர் ஜாகிர் உசேன் எங்கள் பள்ளிக்கு ஆய்வுக்கு வந்தார். அப்போது என்னை மட்டும் தலைமை ஆசிரியை அறைக்கு உள்ளே வர சொல்லி அழைத்து கதவை மூடினார். அங்கு என் தோள்பட்டை மேல் கை வைத்து இடுப்பின் மீது கைகளை மடக்கி வைத்து இப்படித்தான்  நடனமாட வேண்டும் என சொல்லி மிகவும் அநாகரீகமாக நடந்து கொண்டார்.  ஏப்ரல் மாதம் மூன்று நாள் பயிலரங்கம் நடத்த போகிறேன், அங்கு உங்களுக்கு எல்லாம் வகுப்பு எடுக்க வேண்டும் என கூறி ஆசிரியைகளை தரக்குறைவாகப் பேசினார். இது எனக்கு மிகவும் வேதனை அளிக்கிறது, தற்கொலை செய்துகொள்ளலாம் என்று எண்ணினேன்,” என அந்த கடிதத்தில் குறிப்பிடப்பட்டுள்ளது[6]. இதேபோல் சிவகங்கை மாவட்ட இசைப்பள்ளிக்கு ஆய்வுக்கு வந்த போதும் ஆசிரியையிடம் ஜாகீர்உசேன் அத்துமீறி நடந்து கொண்டதாக கூறப்படுகிறது[7]. ஆனால், புகார் கொடுக்கப் பட்டுள்ளது[8]. இது தொடர்பாக அவர் மீது அடுத்தடுத்து புகார் எழுந்துள்ளது குறிப்பிடத்தக்கது[9]. இதையடுத்து அவர் எழுதியுள்ள கடிதத்தின் பேரில் போலீசார் விசாரணை மேற்கொண்டு வருகின்றனர்[10].

ஏன் செய்திகள் வராமல் இருக்கின்றன, புகார் கொடுத்தும் நடவடிக்கை எடுக்கப் படால் இருக்கின்றது?: ஒரு பெண் கைப்பட எழுதி புகார் கொடுத்திருந்தாலும், அதை பற்றி அமுக்கி வாசிக்கும் போக்கு மிக பிரமிப்பாக இருக்கிறது. ஜாகீர் உசேன் ஏற்கெனவே ஶ்ரீரங்கம் விசயத்தில் அடாவடித் தனமாக நடந்து கொண்டதால், ஊடகங்கள் மூலம் அறியப் பட்ட நிலை உண்டாயிற்று. இப்பொழுது வேறு முறையில், பெயர் அடிபடுகிறது. பொறுப்புள்ள மனிதன், அதன்படி ஒழுக்கமாக, நேர்மையாக, நடந்து கொ/ண்டிருக்க வேண்டும். அரசியல் அதிகாரம் என்ற தோரணையில் இந்த பதவி கிடைத்திருக்கிறது, ஏதோ, தனது கலைத்திறமையால் கிடைத்து விடவில்லை. 2021ல் உறுப்பினர் ஆகி, மேலும், தேர்தலின் போது, கொடி பிடித்து, தெருக்களில் பிரசாரம் செய்து, உடனடியாக இந்த பதவி பெறப் பட்டுள்ளது. இத்துறையில் சென்னையிலேயே ஆயிரக் கணக்கான வல்லுனர்கள் வாழ்ந்து வருகிறார்கள். ஆனால், அவர்களுக்கு இத்தகைய பதவி, கௌரவம், சிறப்புக் கிடைப்பதில்லை. ஏனெனில், அவர்கள் உண்மையான நாட்டியகலைஞர்கள் அவ்வளவே. அரசியல்வாதிகள் பரிந்துரைக்கும் அளவில் இல்லாத சாதாரண மக்கள்.

மகளிர் அமைப்புகள், பெண்ணிய போராளிகள் என்ன செய்து கொண்டிருக்கிறார்கள்?: பாலியல் புகார்களை உடனடியாகக் கவனிக்கப் படவேண்டும், நடவ்டிக்கை எடுக்கப் படவேண்டும் என்றுள்ளது. அந்நிலையில், இந்த பாலியல் குற்றம், சுற்றாச்சாட்டு, புகார் பற்றிய செய்திகள் கூட வராமல் இருப்பது எதோ அடிப்படையில் சரியாக இல்லை என்றெ தெரிகிறது. ஆளும் கட்சியி உறுப்பினர், சென்ற வாரம் கூட முதலமைச்சர் கூட துபாய் எல்லாம் சென்று வந்தவர், அதனால், அவருக்கு வேண்டியவர் என்றேல்லாம் புகார் பெற்ற அதிகாரிகள் நினைத்து, தயங்குகிறார்கள் போலும். வழக்கம் போல மகளிர் அமைப்புகள், பெண்ணியப் போராளிகள் என்றெல்லாம் இருப்பவர்கள் கூட அமைதியாகத் தான் இருக்கின்றனர். பிறகு இத்தகைய பாலியல் புகார்கள், பாதிக்கப் பட்ட பெண்கள் இவர்களது நிலை என்னவாகும்?.

© வேதபிரகாஷ்

03-04-2022


[1] தினமலர்,அரசு இசைப்பள்ளி ஆசிரியைக்கு பாலியல் தொல்லை: ஜாகீர் உசேன் மீது புகார்,  Updated : ஏப் 02, 2022  12:45 |  Added : ஏப் 02, 2022  11:1.

[2] https://www.dinamalar.com/news_detail.asp?id=2998215

நடன கலைஞர் ஜாகீர் உசேன் மீது குவியும் பாலியல் புகார்மேலும் ஒரு பெண் ஆசிரியை கலை பண்பாட்டு துறைக்கு பரபரப்பு கடிதம், Author: Babu Lakshmanan, 2 April 2022, 10:05 am.

[4] https://www.updatenews360.com/trending/karur-dance-school-teacher-sexual-complaint-against-dancer-zaheer-ushen-020422/

கதிர்.நியூஸ், ஆய்வு என்ற பெயரில் அரசு இசைப்பள்ளி ஆசிரியைகளுக்கு பாலியல் தொல்லை: ஜாகீர் உசேன் மீது பரபரப்பு புகார்!, By : Thangavelu  |  2 April 2022 1:35 PM

https://kathir.news/tamil-nadu/–1362877

[5] தமிழ்.ஏசியா.நெட்.நியூஸ், டேன்ஸ் டீச்சருடன் அறைக்குள் கதவை மூடிக்கொண்ட ஜாகீர் உசேன்.. அந்த இடத்தில் கை வைத்து சில்மிஷம்.. பயங்கர புகார், Ezhilarasan Babu, Chennai, First Published Apr 2, 2022, 2:26 PM IST; Last Updated Apr 2, 2022, 2:26 PM IST.

[6] https://tamil.asianetnews.com/crime/zakir-hussain-closes-the-door-to-the-room-with-the-dance-teacher-sexual-complaint-against-him–r9pfi0

[7] கதிர்.நியூஸ், ஆய்வு என்ற பெயரில் அரசு இசைப்பள்ளி ஆசிரியைகளுக்கு பாலியல் தொல்லை: ஜாகீர் உசேன் மீது பரபரப்பு புகார்!, By : Thangavelu  |  2 April 2022 1:35 PM.

[8] https://kathir.news/tamil-nadu/–1362877

[9] குமுதம், அரசு இசைப்பள்ளி கலையியல் அறிவுரைஞராளர் மீது பாலியல் புகார், kumud

am  | TAMILNADU| Updated: Apr 02, 2022. https://www.kumudam.com/news/tamilnadu/42220

[10] https://www.kumudam.com/news/tamilnadu/42220

ஜான் பென்னிகுக் வைத்து கட்டுக்கதை உண்டாக்குவதேன் – திராவிடத்துவ சிலைஅரசியல் முதல் சமாதி அரசியல் வரை! (3)

ஜனவரி 18, 2022

ஜான் பென்னிகுக் வைத்து கட்டுக்கதை உண்டாக்குவதேன் திராவிடத்துவ சிலைஅரசியல் முதல் சமாதி அரசியல் வரை! (3)

உயிருடன் இருக்கும் போதே சிலை வைத்துக் கொள்ளும் திராவிட சம்பிரதாயத்தை ஈவேரா ஆரம்பித்தார்.

தமிழகத்திற்கு சிலைவைப்பு, சிலையுடைப்பு, சிலைஅரசியல் எல்லாம் புதியதல்ல: ஈவேராவால் தமிழகத்தில் சிலையுடைப்பு அரசியல் ஆரம்பிக்கப் பட்டது. இங்கு பிள்ளையார் / விநாயகர் சிலைகள் தேர்ந்தெடுக்கப் பட்டதால், அது இந்துவிரோதமாகி அந்த போலி நாத்திகர்களை வெளிப்படுத்தியது. உச்சநீதி மன்றம் வரை அவர் மீதான வழஜக்குச் சென்றாலும், ஈவேரா நீதிமன்றத்தில் ஆஜராகவில்லை, நன்றாக வாங்கிக் கட்டிக் கொண்டார். இருப்பினும் சிலையுடைப்பு அக்கிரமங்களை செய்து வந்தார். 1968ல் இரண்டாம் உலகத் தமிழ் மாநாட்டிலிருந்தே சிலைவைத்தல்[1], அதிலும் மெரினா பீச்சில் சிலை வைத்தல் என்ற அரசியல் ஆரம்பித்தது. அப்பொழுதே, அண்ணா பலதரப் பட்ட அழுத்தங்களுக்குட் பட்டார். வெளிநாட்டு, உள்நாட்டு அழுத்தம்-ஆதிக்கங்கள் அதிலிருந்தன. இதனால், சில சிலைகள் தேவையில்லாமல் சேர்க்கப் பட்டன, அதாவது, சில நீக்கவும் பட்டன. 1970களில் ஈவேராவின் பிள்ளையா சிலையுடைப்பு / ராமர் பட அவமதிப்பு உச்சங்களுக்குச் சென்றன[2].

உயிருடன் இருக்கும் போதே சிலை வைத்துக் கொள்ளும் திராவிட சம்பிரதாயத்தை ஈவேரா ஆரம்பித்தார். கருணாநிதியும் அந்த சடங்கை முறையாக செய்தார். ஆனால், அது உடைப்பு கிரியையில் முடிந்ததது. உடைப்பு சம்பிரதாயத்தையும் ஈவேரா தான் ஆரம்பித்து வைத்தார்.

ஈவேராஅண்ணாகருணாநிதி சிலைகள்: அதேபோல, பிறகு மவுண்ட் ரோடில் சிலைவைப்பதில், வைத்துக் கொள்வதில் போட்டி ஏற்பட்டது. ஈவேரா (இந்து அலுவகத்து அருகில்), அண்ணா என்றாகி (மவுண்ட் ரோடு-வாலாஜா ரோட் சந்திப்பு), உயிரோடு இருக்கும் போதே கருணாநிதி தனக்கும் சிலை வைத்துக் கொண்டார் (மவுண்ட் ரோட்-பாட்டுலஸ் ரோட் சந்திப்பு). ஆனால், 1987ல் அது உடைக்கப் பட்டது. அது அரசியலாகி, திராவிடத்துவமாகி, ஒரு நம்பிக்கையாகவும் மாறியது. அதாவது, அது அபசகுனமாகக் கருதப் பட்டது. திமுக ஆட்சி அதிகாரம் இழந்தது. எம்ஜிஆருக்கு ஸ்பென்சர் சந்திப்பில் சிலை வைக்கப் பட்டது. இனி மவுண்ட் ரோடில் எங்கு, யாருக்கு வைப்பார்களோ தெரியாது.

மவுண்ட் ரோடில் முதலில் ஈவேரா, பிறகு அண்ணா, கருணாநிதி என்று வரிசையாக சிலைகள் வைக்கப் பட்டது.

அம்பேத்கர் சிலை வைத்தலும், போராட்டமும்: இதற்குள் அம்பேதகருக்கு சிலை வைக்கும் அரசியல் ஆரம்பித்து, அது தீவிரமாகி, அதிகமாகியது. முதலில் இந்துக்களைத் தாக்க அது உதவும் என்று நினைத்து ஊக்குவிக்கப் பட்டது, ஆனால், அது திராவிட உயர்ஜாதியினருக்கே எதிராக அமைந்தது. இது நிச்சயமாக திராவிடத்துவவாதிகளுக்குப் பிடிக்கவில்லை[3]. அதனால், திக ஈவேரா சிலை வைக்கும் அதிரடியை ஆரம்பித்தது. அந்த தீவிரம் ஶ்ரீரங்கம் கோவில் வாசலுக்குச் சென்ற போது பிரச்சினையாகியது[4]. இடையில் கண்ணகி சிலை வைத்தும் கருணாநிதி அர்சியல் நடத்தினார். ரஜினி 2021ல் பேசியதும் எதிர்க்கப் பட்டது, ஆனால், விவரங்கள் வெளியே வந்து விட்ட போது, திராவிட நாத்திக-இந்துவிரோத முகங்கள் எல்லோருக்கும் தெரிந்து விட்டது.

சிலைகளுக்குப் பிறகு கோவில்களும் கட்டப் பட்டது. இப்பொழுது சமாதிகள் கோவில்களாக மாறி அங்கு தினம்-தினம் பூஜைகள், படையல்கள், ஆராதனைகள், அலங்காரங்கள்-வாத்தியங்கள் சகிதம் நடந்து கொடிருக்கின்றன…

வள்ளுவர் கோட்ட அரசியல்: கடந்த 1971- 76 ல் கருணாநிதி முதல்வராக இருந்தபோது, சென்னை நுங்கம்பாக்கத்தில் பிரம்மாண்டமான முறையில் வள்ளுவர் கோட்டம் கட்டினார்[5]. அதன் திறப்பு விழாவை 1976ம் ஆண்டு பிரவரி மாதம் 1,2,3 ஆகிய தேதிகளில் மூன்று நாட்களுக்கு சிறப்பாக நடத்த முடிவு செய்து எல்லா ஏற்பாடுகளும் செய்யப்பட்டன. விழா தொடர்பாக வானொலியில் விளம்பரம்கூட ஒலிபரப்பப்பட்டது. அப்போது இந்திரா காந்தி பிரதமர். நெருக்கடிநிலை (மிசா) அமலில் இருந்தது. நெருக்கடி நிலையை கருணாநிதி கடுமையாக எதிர்த்தார். இதனால் கோபமடைந்த இந்திராகாந்தி, பிப்ரவரி ஒன்றாம் தேதி, 1976 வள்ளுவர் கோட்டம் திறப்புவிழா நடக்க இருந்த நிலையில், ஜனவரி 30ம் தேதி, திமுக அரசை டிஸ்மிஸ் செய்தார்[6]. அப்போதைய குடியரசுத்தலைவர் பக்ருதீன் அலி அகமது வந்து, வள்ளுவர் கோட்டத்தை திறந்து வைத்தார். முன்னாள் முதல்வர் என்ற முறையில், வள்ளுவர் கோட்டம் திறப்புவிழாவில் பார்வையாளராகக் கலந்து கொள்ள கருணாநிதிக்கு அரசு சார்பில் அழைப்பு அனுப்பப்பட்டது. பத்தாவது வரிசையில் அவருக்கு இடம் ஒதுக்கப்பட்டது. விழா நடக்கும் இடத்தில் இருந்து அரை கி.மீ. தூரத்தில் காரை நிறுத்த இடம் ஒதுக்கப்பட்டது. அங்கிருந்து விழாவுக்கு கருணாநிதி நடந்து வரவேண்டும். விழாவைப் புறக்கணித்தார் கருணாநிதி[7].

ஈவேரா இந்த வழக்கில் தான் உச்சநீதி மன்றத்தில் நன்றாக வாங்கிக் கட்டிக் கொண்டார். ஆனால், நாங்கள் பார்க்காத கோர்ட்டா என்றெல்லாம் பேசுவார்கள். ஈவேரா இவ்வழக்கில் கோர்ட்டில் ஆஜராகவில்லை..

முதல்வராக இருந்த கருணாநிதி நடிகர் திலகம் சிவாஜி கணேசனுக்கு, கடற்கரைச் சாலையில் சிலை வைத்தார். 2011ல் அந்த சிலை அகற்றப்பட்டு, சிவாஜி மணிமண்டபத்தில் இப்போது வைக்கப்பட்டது. சிலை திறப்பு விழாவின்போது, சிலையின் பீடத்தில் இருந்த கருணாநிதியின் பெயர் பொறித்த கல்வெட்டு, சிவாஜி சிலை பீடத்தில் இப்போது அகற்றப்பட்டது. இது சர்ச்சையை கிளப்பியது.

அங்கில அடிவருடித்தனம் கட்டுக்கதைகளால் இவ்வாறெல்லாம் பகுத்தறிவு திராவிடத்துவ போதை கொண்டு, புதிய பக்தர்கள் உருவாகி வருகிறார்கள்!

எம்ஜிஆர் முதல்வராக இருந்தபோது, ஒரு போராட்டத்தில் கலந்துகொள்ளும் முன், சென்னையில், அண்ணா சிலைக்கு மாலை அணிவிக்கச் சென்றார் கருணாநிதி, சிலைக்கு மாலை அணிவிக்க இயலாதபடி, அங்கே வைக்கப்பட்டிருந்த படிக்கட்டை ஆட்சியாளர்கள் அகற்றிவிட்டனர். உலகத்தமிழ் மாநாட்டின்போது, அரசு சார்பில், அண்ணா முதல்வராக இருக்கும்போதே வைக்கப்பட்டதுதான் அந்தசிலை. ஆனால், அந்த சிலை நிறுவுவதற்கான தொகையை நன்கொடையாகக் கொடுத்தவர் எம்ஜிஆர். படிக்கட்டு அகற்றப்பட்டதையடுத்து,சிலையின் பீடத்தில் மாலையை வைத்துவிட்டுச் சென்றார் கருணாநிதி. இந்த நிகழ்வைத் தொடர்ந்து திமுகவுக்கென்று தனியாக அண்ண சிலை நிறுவ முடிவு செய்தார் கருணாநிதி. இதற்காக அண்ணா சாலையில் இடம் ஒதுக்கும்படி அரசுக்குக் கோரிக்கை வைத்தார். எம்ஜிஆர் அரசு மறுத்துவிட்டது. வள்ளுவர் கோட்டம் எதிரே அண்ணா சிலை வைக்க திமுகவுக்கு அனுமதி தரப்பட்டது. இதையும் தனக்கு சாதகமாகப் பயன்படுத்திக்கொண்டார் கருணாநிதி. வள்ளுவர்கோட்டம் நுழைவாயில் அருகே அண்ணாசிலையை திறந்தார் கருணாநிதி. சிலையின் பீடத்தில், “சிலை திறப்பாளர், வள்ளுவர் கோட்டம் கண்ட கலைஞர் கருணாநிதி” என்று கல்வெட்டில் பொறித்து வைத்தார். வள்ளுவர் கோட்டம் கட்டியது கருணாநிதி என்பதை அங்கே பதிவு செய்தனர். அண்ணா பிறந்த நாளில், இந்த சிலைக்குதான் திமுகவினர் மாலை அணிவிப்பார்கள். அதிமுகவினர், அண்ணா சாலையில் உள்ள சிலைக்கு மாலை அணிவிப்பார்கள்.

கட்டுக் கதையைப் பரப்பும் திராவிடத்துவம், அதை அரசு ரீதியில், 2022ல் முதலமைச்சரே பரப்புகிறார்! சரித்திரம் பற்றி எந்த கவலையும் இல்லை.

1969 முதல் 2018 வரை – மெரினாவில் சமாதி அரசியல்: முதலில் 1969ல் அண்ணா இறந்தபோது, அவருக்கு சமாதி கட்டப் பட்டது. அப்பொழுது, அதைப் பற்றி யாரும் பெரிதாக எடுத்துக் கொள்ளவில்லை. பிறகு, 1987ல் எம்ஜிஆருக்கு சமாதி வைத்த போது, திமுகவினர் சில சலசலப்பு காட்டினாலும், கருணாநிதி சிலையுடைப்பு, வன்முறை முதலியவற்றை கவனித்து அமைதியாகினர். 2016ல் ஜெயலலிதாவுக்கு சமாதி வைக்க்ப்பட்டது. ஜெயலலிதாவுக்குப் பிறகு 2018ல் கருணாநிதி இறந்தபோது, மெரினாவில் சமாதி அரசியலும் உண்டானது. வழக்கும் தொடரப் பட்டது, ஆனால், முடித்து வைக்கப் பட்டது, சமாதி வைக்கப் பட்டது. இனி, திராவிடத்துவவாதிகள், மெரினாவில் தங்களுக்கு சமாதி வைக்க “ரிசர்வ்” செய்துகொண்டு இடத்தைப் பிடித்து வைத்துக் கொண்டாலும் ஆச்சரியப் படுவதற்கு ஒன்றும் இல்லை.

Stuart Sampson – ஸ்ய்ரௌட் சாம்ப்ஸன் மதுரையின் பென்னிகுக்கிற்கு வீடு இருந்தற்கான ஆதாரம் எதுவும் இல்லை என்றார்.

2021ல் திமுக ஆட்சிக்கு வந்தவுடன் சிலை அரசியலை ஆரம்பித்து விட்டது: இப்பொழுது 2022ல் திமுக ஆட்சிக்கு வந்தவுடம் அதைவிட தீவிரமான சிலை / மணிமண்டபம் அரசியல் ஆரம்பிக்கப் பட்டுள்ளது. அயோத்தி தாசர், வ.உ.சிதம்பரம், ஈவேரா, வள்ளலார், ஜான் பென்னிகுக் என்று நீள்கிறது. இதற்கெல்லாம் கோடிகளில் திட்டங்கள்! பிறகென்ன கட்டுக்கதைகளுக்கு குறைவா? இட்டுக்கட்டுவதில் வல்லவர்களான, தமிழ் செப்படி வித்தை[8] வல்லுனர்கள் சதுரங்க வேட்டையிலும் இறங்கி விடுவர். ஆனால், சரித்திர ஆதாரம் இல்லாத கட்டுக்கதைகளை வளர்க்க முன்படும் போது, உண்மைகள் வெளிவரத்தான் செய்யும். இவ்விதமாகத்தான், இப்பொழுது ஸ்டாலின் மாட்டிக் கொண்டுள்ளார். நிச்சயமாக யாரோ அவருக்கு இந்த ஸ்கிரிப்டை எழுதி கொடுத்துள்ளார்கள். அது நாகநாதன், ஜகதீசன், கருணானந்தம் போன்ற ஆஸ்தான சரித்திராசியர்களாக இருக்கலாம்.

© வேதபிரகாஷ்

18-01-2022.


[1] World Tamil Conference (WTC) என்பது முதலில் 1966ல் கோலாலம்பூர் மற்றும் 1968ல் சென்னையில் நடத்தப் பட்டது.

[2] 1971ல் ராமர் போன்ற படங்களுக்கு செருப்பு மாலை போடப் பட்டது மற்றும் இந்து கடவுளர்களை நிர்வாணமாக, ஆபாசமாகச் சித்தரித்து திக-திமுகவினர் துருச்சியில் ஊர்வலம் நடத்தினர்.

[3] தமிழனே இல்லாத நபருக்கு, தமிழகத்தில் சிலை ஏன் என்று கூட கேள்விகள் எழுப்பப் பட்டன.

[4] One.India, Life-size Bronze statue of ‘Periyar’ was unveiled at Srirangam, By Staff | Published: Monday, December 18, 2006, 3:51 [IST]

https://www.oneindia.com/2006/12/16/life-size-bronze-statue-of-periyar-was-unveiled-at-srirangam-1166394083.html

Srirangam, Tamilnadu, Dec 16 (UNI) In an event preceded by controversy, a life-size bronze statue of late Rationalist leader and Founder of Dravidar Kazhagam (DK) Periyar E V Ramasamy Naicker,was formally unveiled near the Sri Ranganatha temple by DK General Secretary K Veeramani, here .  the statue mounted on a 12-feet high pedestal,was installed near the ‘Rajagopuram’ (temple tower). Union Minister for Environment and Forests A Raja, State Ministers K N Nehru and N Selvaraj, also participated in the event.

[5] தமிழ்.இந்தியன்.எக்ஸ்பிரஸ், சிலை அரசியல், Written by WebDesk, Updated: October 2, 2017 11:06:36 am.

[6] https://tamil.indianexpress.com/opinion/statue-politics/

[7] இதில் முக்கியமானது என்னவென்றால், வள்ளுவர் கோட்டத்துக்கு கருணாநிதி அடிக்கல் நாட்டியதற்கான கல்வெட்டு அகற்றப்பட்டதுதான். வள்ளுவர் கோட்டத்தை கருணாநிதிதான் கட்டினார் என்ற தகவல் அங்கு எந்த வகையிலும் இடம் பெறவில்லை. இது இந்திரா காங்கிரஸ்காரர்கள் செய்த வேலை.

[8] பிறரறியாவகை செப்புக்களுள் உருண்டைகள் வந்துபோகுமாறு அவற்றைத் தரையில் அடித்துக் காட்டுவது முதலிய தந்திரவித்தை.

ரஜினியும் இக்கட்டுக்கதை வைத்து படம் எடுத்ததால், இரண்டாம் பெனிகுக் நிலைக்கு உயர்ந்துள்ளாறா அல்லது தள்ளப் பட்டாரா என்று தெரியவில்லை.

தமிழ் நூல்களை அழித்த பெஸ்கி என்ற வீரமாமுனிவருக்கு பிறந்த நாள் விழா கொண்டாடுவது பகுத்தறிவா, வெள்ளைக்கார அடிமைத்தனமா, காலனிய கூலி மனப்பாங்கா?

நவம்பர் 9, 2021

தமிழ் நூல்களை அழித்த பெஸ்கி என்ற வீரமாமுனிவருக்கு பிறந்த நாள் விழா கொண்டாடுவது பகுத்தறிவா, வெள்ளைக்கார அடிமைத்தனமா, காலனிய கூலி மனப்பாங்கா?

வீரமாமுனிவர், சித்திரக் கதைகள் புத்தகங்களை முதலமைச்சர் வெளியிட்டார்: சென்னையில் 2015ம் வருடத்தை விட அதிகமான மழை பெய்து, வெள்ளம் உண்டாகி, லட்சக் கணக்கான மக்கள் அவதிப் பட்டுக் கொண்டிருக்கும் வேளையில், இப்படி, பெஸ்கிவியின் பிறந்த நாளைக் கொண்டாடி இருப்பது வேடிக்கையான விசயம் தான். தமிழ் வளர்த்த இத்தாலிய பேரறிஞர் வீரமாமுனிவர் அவர்களின் பிறந்தநாளையொட்டி, வீரமாமுனிவர் அவர்களின் வாழ்க்கை வரலாற்றை விளக்கும் “வீரமாமுனிவர்”[1] மற்றும் வீரமாமுனிவரின் கையெழுத்து பிரதி ஆவணத்தின் அச்சுப் பிரதியான “சித்திரக் கதைகள்”[2] ஆகிய புத்தகங்களை முதலமைச்சர் மு.க. ஸ்டாலின் அவர்கள் 8.11.2021 அன்று தலைமைச் செயலகத்தில் இருந்தவாறு வெளியிட்டார்[3], என்ற செய்தி வந்துள்ளது. ஒரு பக்கம் வெள்ளத்தால் பாதிக்கப் பட்ட இடங்களுக்குச் சென்றார் என்ற செய்திகளும் வரும் நேரத்தில், இச்செய்தியும் வந்துள்ளது. ஸ்டாலினும் உடைகளை மாற்றிக் கொண்டு, தயாராக இந்நிகழ்ச்சிற்கு வந்துவிட்டார். இந்நிகழ்வின்போது, புத்தகங்களின் ஆசிரியர்கள் தமிழ் மரபு அறக்கட்டளை பன்னாட்டு அமைப்பின் தலைவர் முனைவர் க. சுபாஷினி மற்றும் பேராசிரியர் ஆனந்த் அமல்தாஸ், எழிலினி பதிப்பக உரிமையாளர்கள் ஒளிவண்ணன் மற்றும் நல்லினி, பேராசிரியர் முனைவர் பாப்பா, ஆய்வாளர் வேதநாயகம் ஆகியோர் இருந்தனர்[4].

யார் இவர்கள், எவ்வாறு ஒன்றாகக் கூடினர், புத்தகங்களை வெளியிட்டனர்?: யார் எந்த புத்தகத்தை வேண்டுமானாலும் எழுதலாம், அதை யார் வேண்டுமானாலும் பதிப்பிடலாம், அச்சிடலாம், யார் வேண்டுமானாலும் வெளியிடலாம். அதைப் பற்றி யாருக்கும் கவலை இல்லை. ஆனால், தமிழ் என்று சொல்லிக் கொண்டு, பெஸ்கி என்கின்ற கொடூரமான ஒரு கிருத்துவப் பாதிரியைத் தூக்கி[ப் பிடித்து உண்மைகளை மறைத்து, அவன் ஏதோ யோக்கியன், புனிதன், தமிழ் வளர்த்தவன் என்றெல்லாம் தொடர்ந்து பிரச்சாரம் செய்வது மோசமான விசயாமாகும். பிரான்சிஸ் சேவியல் குளூனி மற்றும் ஆனந்த் அமல்தாஸ்  ஏற்கெனவே பரிச்சயம் ஆனவர்கள் சேர்ந்து புத்தகங்களை எழுதியுள்ளனர், கிருத்துக் கூட்டங்களில் பங்கு கொண்டுள்ளனர். வேதநாயகமும், மற்றவர்களும் ஒருவருக்கு ஒருவர் அறிந்தவர்கள் தாம். அ.பாப்பா, மதுரை கிருத்துவக் கல்லூரியில் தமிழ்துறையில் உதவி பேராசிரியராக பணியாற்றி வருகிறார். இவர்கள் எல்லோரும் தமிழ் மரபு அறக்கட்டளை பன்னாட்டு அமைப்பின் நிர்வாகிகள் மற்றும் உறுப்பினர்கள். சரியாக இன்று பெஸ்கியின் பிறந்த நாளன்று அப்புத்தகங்களை வெளியிட தீர்மானித்து, காரியத்தை முடித்துள்ளனர்.

வீரமாமுனிவர் போர்வையில், கிருத்துவர்கள் புகழ்ந்து பிரச்சாரம் செய்வது: டொமினிக் ராஜ் எழுதிய தேம்பாவணி மொழிபெயர்ப்பு என்று “தி ஹிந்து” ஆங்கில நாளிதழில் நவம்பர் 2020 இதே தேதியில் பிரம்மாண்டமாக செய்தி வந்திருந்தது. பெஸ்கி செய்த அட்டூழியங்களையெல்லாம் மறைத்து, எழுதியதாக அக்கட்டுரை இருந்தது. அதாவது பல தமிழ் ஓலைச்சுவடிகளை அழித்தொழித்த பெஸ்கி தமிழுக்குத் தொண்டாற்றினால் என்ற பாட்டைப் பாடியிருந்தார். ஆக இவ்வாறு ஒவ்வொரு ஆண்டும் பெஸ்கியை வெள்ளையடித்து, புனிதராக்கும் பணி தொடர்ந்து நடந்து வருவதை கவனிக்கலாம்.  உண்ம்மையில், இவன் தமிழகத்தில் பல நூற்சுவடிகளை சேகரித்தான். பலவற்றை தான் எழுதியது போல, சில ஓலைச்சுவடிகளை சேர்த்து, சுற்றில் விட்டான். சதுர அகராதி போன்றவை அப்படித்தான். பிறகு, தனது குருவான சுரதீப கவிராயரை ஏமாற்றி பல நூல்களைத் திருடிக் கொண்டான். அவற்றையும் தனது போல அறிவித்துக் கொண்டான்.

சுப்ரதீப கவிராயர் (c.1620-1700): சுப்பிரதீபக் கவிராயர் என்பவர், 18 ஆம் நூற்றாண்டில் வாழ்ந்த ஒரு புலவர் ஆவர். மதுரையைச் சேர்ந்த இவர் பல நூல்களை இயற்றியுள்ளார். அவரது பாடல்களை ஒருமுறையாவது படித்தவர்கள், அவரது தமிழ் வார்த்தைப் பிரயோகம், சொல்லாட்சி, கவித்துவம், தமிழ்பாரம்பரிய யதுகை-மோனை, அகத்துறை முதலியனவற்றை அறிந்து கொள்ளலாம். இவையெல்லாம், சுட்டுப் ஓட்டாலும் பெஸ்கிக்கு வராது. “தேம்பாவணி என்னும் நூலை எழுதியதாகக் கருதப்படும் வீரமாமுனிவர் என அறியப்படும் கிறித்தவப் பாதிரியாரான கான்சுடன்டைன் ஜோசப் பெஸ்கி (1680-1747) என்பவருக்குத் தமிழ் கற்பித்தவர் இவரே. தேம்பாவணியின் கதையை வீரமாமுனிவர் சொல்ல, அதைப் பாடலாக எழுதியவர் சுப்பிரதீபக் கவிராயரே என்ற கருத்தும் உண்டு, வீரமாமுனிவரின் தூண்டுதலால் இவர் கிறித்தவராக மதம் மாறினார்”, என்று இப்பொழுது விகிபீடியா போன்றவை திரித்துக் கூறுகின்றன. 18 ஆம் நூற்றாண்டின் முற்பகுதியில் நிலக்கோட்டையை ஆண்ட பாளையக்காரரான கூளப்பநாயக்கரைப் பாட்டுடைத் தலைவனாகக் கொண்டு கூளப்பநாயக்கன் காதல், கூளப்பநாயக்கன் விறலிவிடு தூது ஆகிய நூல்களை இவர் இயற்றியுள்ளார். இவற்றைப் படித்து, தேம்பாவணியைப் படித்தால், ஆசிரியர் யார் என்பதனைக் கண்டு பிடித்து விடலாம்.

பெஸ்கி சிவப்பிரகாசரின் நூலை எரித்தது: ஏசுமத நிராகரணம் என்னும் நூல், சதுரகராதி யயற்றிய “வீரமாமுனிவர்” என்னும் கிருஸ்துவன், கவிச்சக்கரவர்த்தியாகிய ஸ்ரீ சிவப்பிரகாட சுவாமிகள் கண்டிதெழுயதுமாகும். ஆனால், அப்பாதிரி அந்நூலை மற்றநூல்களோட சேர்த்து எரித்துவிட்டமையால், அது கிடைதில. இருப்பினும் கிடைதுள்ள சில பாடல்கள் இதோ:

அறிகிலை நரர்க்காய் வேண்டி யளித்தனன் மிருகமாறி
யுஇறைவ னென்றோ யோரீ யீன்றிட மலமீ தூருஞ்
சிறுபுழு விரையு றாதென் செல்குவை யதனை நோக்க
வறிவரு நுணிய தேகி யனந்தநீ யவையென் செய்வாய்

வாய்திறந் தலறும் வேங்கை வல்விட முமிழ்பாம் பாதி
நேயமற் றெவர்கூற் றாய நிகழ்வதெ னுலகத் தந்தாட்
டூயவ னாதிக் கோதுஞ் சொன்னெறி யடங்கா தென்னி
குயகோ வாதி மாந்தர்க் கூங்கிய விதமென் கொல்லோ

சொல்லியன னவர்க்க சாதி யடங்கவுந் துயரஞ் செய்தே
கொல்லமற்று றையவு மீச னென்றிடிற் கொடுநா காதி
நல்லவா வோரோர் காலத் தடங்கலா னவிலச் சாதி
யெல்லல்செய் திடலாற் ரீயோ யறைந்தசொற் பழுதே யாகும்

நன்றி: பாடல்களைக் கொடுத்துதவிய ஆராய்ச்சியாளர் திரு கே. வி. ராமகிருஷ்ண ராவ்.

* மற்ற பாடல்கள் கிடைக்குமா?

* மற்ற பாடல்கள் இருந்தால், கிடைத்தால் கொடுத்துதவுங்கள்.

* அக்காலத்தில் முதலில், ஓலையில் புலவரே எழுதுவர் அல்லது அவர் சொல்ல மாணவன் அல்லது சுவடியெழுதுபவன் எழுதுவான்.

* பிறகு புலவர் / கவிஞர் ஏற்றுக் கொண்டவுடன், அரங்கேறியப் பிறகு அல்லது மற்றவர் ஏற்றுக் கொண்டவுடன், பிரதிகள் எடுக்கப் படும்.

* அவைதாம் குருக்குலங்கள், மடாலயங்கள் முதலிய இடங்களில் இருக்கும்.

* ஆகவே, ஒருவேளை ஏதாவது பிரதி இருந்தால், ஒருவேளை ஐரோப்பிய, வாடிகன் நூலகங்களில், ஆவணக்காப்பகங்களில் இருந்தால், ஒருபிரதியை இந்தியர்கள் வாங்கிக் கொள்ளவேண்டும்.

* கிருத்துவ மிஷனரிகள், அவ்வாறு பல்லாயிர / லட்சகணக்கான ஓலைச்சுவடிகளை எடுத்துச் சென்றுள்ளனர். இன்றும் அச்செயல்கள் நடக்கின்றன.

* ஒரு கூகுள் தேடலில், எவ்வளவு ஓலைச்சுவடிகள் இன்றும் விற்பனைக்கு உள்ளன என்பதை பார்த்து அறியலாம்!

வால்டர் எலியட் கால்டுவெல்லுடன் பேசி ஓலைச்சுவடிகளை அழித்தது: கான்ஸ்டன்டைன் ஜோசப் பெஸ்கி (1680-1747), மற்ற கிருத்துவ பாதிரிகளின் நண்பர். ஓலைச் சுவடிகள், கல்வெட்டுகள், நாணயங்கள் என்று முக்கியமான ஆதாரங்களை சேகரிப்பது அவர்களது முக்கியமான வேலை. இதை ஒவ்வொரு கம்பனி அதிகாரியும் செய்து வந்தான். சர் வால்டர் எல்லியட் (1803-1887), சென்னையில் ரான்டல் தெருவில் 1820-முதல் 1860 வரை நாற்பது ஆண்டுகள் வசித்தவன். வழக்கம் போல செயின்ட் ஜார்ஜ் கோட்டையில் இவனுக்கு பயிற்சி அளிக்கப் பட்டது. பெர்டினான்ட்கிட்டல் (1832-1903) ராபர்ட் கால்டுவெல் (1814-1891) மற்றும் ஜார்ஜ் போப் (1820-1908) முதலியோர் நண்பர்கள். இவர்கள் எல்லோருமே கூடி பேசி, திட்டம் படி வேலை செய்துள்ளனர். வால்டர் எலியட்டிடம் பெஸ்கியின் ஒலைச்சுவடிகள் தொகுப்பு முழுவதும் வந்தது. அப்பொழுது, சில முக்கியமான ஓலைச்சுவடிகளை அழித்தான், ஒரு நகலை மட்டும் இங்கிலாந்துக்கு அனுப்பி வைத்தான். முன்பு, பெஸ்கியியே சில ஓலைச்சுவடிகளை அழித்துள்ளான். ஆகவே, இவர்கள் எல்லோரும் தமிழுக்காக உழைத்தார்கள் என்றெல்லாம் இன்று பிரச்சாரம் செய்து, சிலைகள் வைத்து, வருடா வருடம் மாலைப் போட்டுக் கும்பிட்டு வருவது படுகேவலமாகும். வெள்ளைக்கார அடிவருடி கூலிப் புத்தியைத்தான் காட்டுகிறது. பகுத்தறிவு போர்வையில் இதையெல்லாம் செய்து வருகிறார்கள். அதனால் தான் அது இந்து விரோதமாகவும் இருக்கிறது. ஆகவே, இத்தகைய பின்னணியில் உள்ள பெஸ்கியை ஆதரித்து சுபாஷிணி போன்றோர், மற்ற கிருத்துவர்களுடன் சேர்ந்து கொண்டு புத்தகங்களை வெளியிடுவது, அவர்கள் தமிழ் நூல்களை அழித்த கொடுமையான காரியங்களை மறைத்து, வெள்ளை அடிக்கும் வேலையாக இருக்கிறது. ஏற்கெனவே இவர் மீது ஓலைச்சுவடிகளை இந்தியாவிலிருந்து எடுத்துச் செல்கிறார் என்ற புகார் உள்ளது. ஒரு வேளை அதனை மறைக்க இத்தகைய நாடகங்களை அரங்கேற்றி வருவது போலிருக்கிறது.

© வேதபிரகாஷ்

09-11-2021


[1] வீரமாமுனிவர் வாழ்க்கை வரலாறு, பல்வேறு புனைவுகளைக் களைந்து களப்பணியின் வழியாக பத்தொன்பதாம் நூற்றாண்டின் ஆரம்ப காலகட்டத்தில் செயின்ட் ஜார்ஜ் கோட்டை கண்காணிப்பாளராக எல்லீஸ் அவர்களிடம் பணியாற்றிய முத்துச்சாமி தமிழிலும் ஆங்கிலத்திலும் எழுதிய வீரமாமுனிவர் வரலாறு மற்றும் வீரமாமுனிவரின் தொடர்பான வரலாற்றுச் செய்திகள். தொகுப்பும் பதிப்பும்: முனைவர் க. சுபாஷிணி, முனைவர் ஆனந்த் அமலதாஸ், விலை ரூ 350/- [சுபாஷிணியின் பதிவின்படி]

[2] சித்திரக்கதைகள் – பாரிஸ் தேசிய நூலகத்தில் கையெழுத்துப் பதிவாகப் பாதுகாக்கப்படும் 1730 ஆம் ஆண்டு ஆவணம் முதல்முறையாக அச்சுப் பதிப்பாக. ..! பதிப்பாசிரியர்கள்: முனைவர் க. சுபாஷிணி, முனைவர் ஆனந்த் அமலதாஸ், விலை ரூ 300/-[சுபாஷிணியின் பதிவின்படி].

[3] தினமலர், வீரமாமுனிவர் பிறந்த நாள்தமிழக அரசு சார்பில் மலர்மரியாதை, பதிவு செய்த நாள் : 08 நவம்பர் 2021 14:40.

[4] http://www.dinamalarnellai.com/web/news/108167

பெரியாரும், இஸ்லாமும் – கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (1)

ஒக்ரோபர் 27, 2021

பெரியாரும், இஸ்லாமும்கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (1)

பெரியாரும், இஸ்லாமும் சொற்பொழிவு: திமுகவின் அறிவிப்பைத் தொடர்ந்து, பெரியாரைத் தூக்கிப் பிடித்து, பெரிய சிலை வைக்கிறோம் என்றெல்லாம் திராவிடத்துவாதிகள் கிளம்பி விட்டனர். இந்நிலையில், மனோன்மணியம் பல்கலைகழகத்தில் ‘பெரியாரும் இஸ்லாமும்’ சொற்பொழிவு நிகழ்ச்சி நடத்த துணை வேந்தர் அனுமதி அளித்துள்ளார்[1]. மனோன்மணியம் சுந்தரனார் பல்கலைக்கழகத்தின் சமூகவியல் துறை சார்பில் சமூக விலக்கல் மற்றும் ஆட்கொணர்வு கொள்கை ஆய்வு மையத்துடன் இணைந்து ‘பெரியாரும் இஸ்லாமும்’ என்ற தலைப்பில் அக்டோபர் 27 அன்று பகுத்தறிவு சொற்பொழிவு நிகழ்ச்சிக்கு ஏற்பாடு செய்யப்பட்டது[2]. இதில் புதிய விடியல் இணை ஆசிரியர் ரியாஸ் அகமது சிறப்பு அழைப்பாளராக கலந்துகொண்டு சொற்பொழிவாற்ற இருந்த நிலையில், இந்து முன்னணியினர் திடீரென இந்த சொற்பொழிவு நிகழ்ச்சி நடத்த கடும் எதிர்ப்பு தெரிவித்தனர். இந்து முன்னணி மிரட்டல், ‘பல்கலைக் கழகமா அல்லது திராவிடர் கழகமா’ என கேள்வியெழுப்பி, பல்வேறு விமர்சனங்களை இந்து முன்னணியினர் முன்வைத்தனர். இந்து முன்னணியின் மிரட்டல் காரணமாக மேற்கண்ட சொற்பழிவு நிகழ்ச்சியை நடத்த பல்கலைக்கழக நிர்வாகம் தயக்கம் காட்டியது தெரியவந்தது.

உதயகுமார் கண்டனம்: இதுகுறித்து துணைவேந்தர் பிச்சுமணியிடம் கேட்டபோது, சில பாதிப்புகள் ஏற்படும் என்பதால் நிகழ்ச்சியை நடத்துவது குறித்தும், நடத்த வேண்டாம் என்பது குறித்தும் இதுவரை எந்த முடிவும் எடுக்கப்படவில்லை என 24-10-2021 அன்று தெரிவித்திருந்தார். இருப்பினும் தமிழ்நாடு அரசால் சமூகநீதி நாள் கடைபிடிக்கப்படும் ஒரு தலைவரின் பெயரில் நிகழ்ச்சி நடத்த பல்கலை நிர்வாகம் அஞ்சியது, சமூக செயற்பாட்டாளர்கள், முற்போக்கு சிந்தனையாளர்கள் மத்தியில் பெரும் அதிர்ச்சியை ஏற்படுத்தியது. இதுகுறித்து தனது ட்விட்டர் பக்கத்தில் கருத்து தெரிவித்திருந்த பச்சை தமிழகம் கட்சி தலைவர் சு.ப உதயகுமார்[3], “மனோன்மணியம் சுந்தரனார் பல்கலைக்கழகமா? திராவிடர் கழக அலுவலகமா? ஐஎஸ் பயிற்சி கூடாரமா? என்றெல்லாம் உருட்டி மிரட்டி, ஓர் அறிவார்ந்த கருத்துப் பரிமாற்றத்தைத் தடுக்க முயலும் இந்து முன்னணி பாசிஸ்டுகளை வன்மையாக கண்டிப்போம்! பல்கலைக்கழக நிர்வாகமே முதுகெலும்புடன் செயல்படு!” என்று பதிவிட்டிருந்தார்[4].

இந்து முன்னணி எதிர்ப்பு, போலீஸ் காவல்: இதுகுறித்து ஈடிவி பாரத் தளத்தில் விரிவான செய்தி வெளியிடப்பட்டது. இந்த நிலையில் ஈடிவி பாரத் செய்தி எதிரொலியாக தற்போது இந்து முன்னணியின் மிரட்டலுக்கு அஞ்சாமல் ‘பெரியாரும் இஸ்லாமும்’ தொடர்பான சொற்பொழிவு நிகழ்ச்சியை நடத்த துணைவேந்தர் பிச்சுமணி சமூகவியல் துறைக்கு அனுமதி அளித்துள்ளார். இதனிடையே சொற்பொழிவு நடத்தினால் அக்டோபர் 27ஆம் தேதி காவிகள் நாம் பல்கலைக்கழகத்தில் அணி திரள்வோம் என இந்து முன்னணி அழைப்பு விடுத்துள்ளது. எனவே, அன்றைய தினம் பல்கலைக்கழகத்தில் காவல் பாதுகாப்பு கோருவது குறித்து பல்கலைக்கழக நிர்வாகத்தினர் ஆலோசித்து வருகின்றனர். அதன்படி, போலீஸ் பாதுகாப்பு கோரப் பட்டது.

இந்து முன்னணி சமூகவளைத் தள எதிர்ப்பு: இது தொடர்பாக திருநெல்வேலி மாவட்டத்தைச் சேர்ந்த இந்து முன்னணி நிர்வாகிகள் சமூக வலைதளங்களில் வெளியிட்டுள்ள பதிவில், மனோன்மணியம் சுந்தரனார் பல்கலைக்கழகமா? திராவிடர் கழக அலுவலகமா? ஐ.எஸ்.ஐ.எஸ். பயிற்சி கூடாரமா? புரியவில்லை. ‘பெரியார், சாமுவேல் ஆசீர்ராஜ், ரியாஸ் அகமது’ என்னவிதமான கூட்டணி. கல்வி நிலையத்தில் கலவரத்தை ஏற்படுத்த முயற்சியா?மனோன்மணியம் பல்கலைக்கழகம்நிகழ்ச்சி குறித்த போஸ்டர் அக்டோபர் 27 ம் தேதி காவிகள் நாம் அணி திரள்வோம். என்ன பேசுகிறார்கள் என பார்ப்போம். கடவுள் மறுப்பு, இஸ்லாத்தின் சமூகநீதி என அனைத்திற்கும் எதிர் கேள்வி மற்றும் விளக்கம் கேட்போம்” எனத் தெரிவித்திருந்தனர்.

27-10-2021 அன்றுபெரியாரும் இஸ்லாத்தும்பெயரிலான கருத்தரங்கு நடைபெற்றது: இந்த நிலையில் திட்டமிட்டபடி பல்கலைக்கழக அரங்கில் “பெரியாரும் இஸ்லாத்தும்” பெயரிலான கருத்தரங்கு நடைபெற்றது[5]. இதில் துறை சார்ந்த மாணவர்கள் மட்டுமே உள்ளே அனுமதிக்கப்பட்டனர்[6]. பல்கலைக்கழக வாசலில் காவல்துறையினர் பாதுகாப்பு பணியில் ஈடுபட்டிருந்தனர். நிகழ்ச்சி முடியும் வரை வெளியாட்களை யாரையும் உள்ளே அனுமதிக்கவில்லை. ஆனால் நிகழ்ச்சி தொடங்கிய அதே நேரத்தில் பல்கலைக்கழகத்திற்கு வந்த இந்து முன்னணி அமைப்பினர் நிகழ்ச்சியில் கலந்துகொள்ள வந்ததாக தெரிவித்தனர். ஆனால் காவல்துறையினர் உள்ளே அனுமதிக்க மறுத்துவிட்டனர். இதனைத் தொடர்ந்து காவல்துறைக்கும், இந்து முன்னணி அமைப்பினருக்கும் இடையே வாக்குவாதம் நடைபெற்றது. தொடர்ந்து காவல் அதிகாரி பல்கலைக்கழக துணைவேந்தரை செல்போனில் தொடர்பு கொண்டு அனுமதிக்கலாமா எனக்கேட்டார். அதற்கு அவர் சம்பந்தப்பட்ட துறை சார்ந்த மாணவர்கள் மட்டுமே அனுமதி என்பதால் வெளியாட்களுக்கு அனுமதி இல்லை என்று மறுத்து விட்டார்.

ரியாஸ் அகமது பேசியது: வழக்கம் போல, ஏற்கெனவே உள்ள விசயங்களைத் தான் எடுத்துக் காட்டி பேசியுள்ளது, ஒரு பிரச்சாரம் என்று வெளிப்பட்டது. 2021 பிப்ரவரியில், மணிச்சுடரில்[7], “1972ம் ஆண்டு கண்ணியத்திற்குரிய காயிதே மில்லத் காலமானபோது, அவருக்கு இறுதி அஞ்சலி செலுத்த வந்த தந்தை பெரியோர் கதறி அழுத சம்பவம் நம் நெஞ்சங்களை உருகச் செய்யும். ஆம். இமைய மலை போல் எதற்கும் அசையாத் நெஞ்சுரம் கொண்ட தமிழர் தந்தை பெரியார் அவர்கள், காயிதேமில்லத் அவர்களின் மறைவு சற்று நிலை குலையச் செய்தது. “தம்பி எங்களை விட்டுட்டு போயிட்டீங்களே. நான் போயி என் தம்பி உயிருடன் இருந்திருக்கக் கூடாதா? இந்த சமுதாயத்தை இனி யார் காப்பாற்றுவாங்க,” என்று கூறி தனது தள்ளாத வயதிலும், மூத்திரப் பையை கையில் சுமந்து கொண்டு, தன் தம்பி காயிதே மில்லத்திற்கு இறுதி அஞ்சலி செலுத்த நேரில் வந்த தந்தை பெரியார் கதறி அழுத காட்சி அவ்விரு தலைவர்கள் இடையில் நிலவிய மாறாத அன்பை, உண்மையான நேசத்தை உலகத்திற்கு வெளிச்சம் போட்டு காட்டியது,” என்று வெளி வந்தது. முன்பு, பெரியார்தாசன் / அப்துல்லாஹ் இத்தகைய கட்டுக் கதையை விட்டுப் பார்த்தார், எடுபடவில்லை. புஷ்ரா நல அறக்கட்டளையும் 2013ல் முயன்றது, யாரும் கண்டு கொள்ளவில்லை.

பெரியார் துலுக்கர் ஆனாரா?- முகமதியர் சுற்றில் விட்டுள்ள பெரியாரின் பேச்சு[8]: விடுதலையில் 20-12-1970ல் வெளிவந்ததாக கூறி, அக்டோபர் 6, 1929 அன்று 69 ஆதி திராவிடர்கள் முகமதியர்களாக மதம் மாறியதைப் பற்றி பேசியதை அதில் சேர்துள்ளார்கள்[9]. “பறையன், சக்கிலியன், சண்டாளன்….முகமதிய மதம்…..” போன்ற வார்த்தைப் பிரயோகம் உள்ளது. இதில் ஏதோ இஸ்லாத்தில் சேர்ந்து விட்டால், ஆதிதிராவிடர், எஸ்.சி, பட்டியல் ஜாதியினர்களின் சமூக நிலமையே மாறி விடும் என்பது போல பேசியுள்ளார்[10]. இதிலிருந்தே, அவருக்கு இஸ்லாத்தைப் பற்றிய முழுவிவரங்கள் அல்லது நடைமுறை விவகாரங்கள் தெரிந்திருக்கவில்லை என்பது புலனாகிறது[11]. முசல்மான்களைத் திருப்தி படுத்த பேசிய விதமாகவே தெரிகிறது. பிறகு, எஸ்.ஐ.ஆர். சங்கம், திருச்சியில் ஏற்பாடு செய்திருந்த கூட்டத்தில் மார்ச்.18, 1947 அன்று பேசிய பேச்சை இணைத்திருக்கிறார்கள். அப்பொழுது அவருக்கு ரூ.1080/- கொடுத்ததாகக் கூறப்படுகிறது. இதில் தமிழில் “கடவுள்”, ஆங்கிலத்தில் “காட்”, அரேபிய மொழியில் “அல்லா” என்று சொல்கிறார்கள், எல்லாமே ஒன்று என்பது போல பேசியுள்ளது வேடிக்கையாக இருக்கிறது. ஏனெனில், முகமதியர்களுக்கு அல்லா தான் அல்லா, அது “கடவுள், காட்” ஆகாது. ஏனெனில், பிறகு, இவர் சொல்லிவரும் சித்தாந்தம் “கடவுள் இல்லை…….கற்பித்தவன் முட்டாள்……” அதற்கு எதிராகி விடும்[12]. இக்கருத்தை 1919, 1909 லிருந்து கடந்த 28 வருடங்களாக சொல்லி வருகிறேன் என்றார். மேலும் குடி அரசு, தலையங்கம் 17.11.1935ல் காணப்படும் அவரது கருத்துகளிலிருந்து, அவருக்கு முகமதிய பதத்தில் உள்ள பிரசினைகள் தெரிந்திருக்கின்றன என்றாகிறது. அதில் அம்பேத்கர் மதமாறுவது பற்றியும் விமர்சித்துள்ளார்.

© வேதபிரகாஷ்

27-10-2021


[1] இ.டிவி.பாரத், இந்து முன்னணி எதிர்ப்பை மீறிபெரியாரும் இஸ்லாமும்நிகழ்ச்சி நடத்த மனோன்மணியம் பல்கலை., முடிவு, Published on: Oct 25, 2021, 4:19 PM IST; Updated on: Oct 25, 2021, 5:16 PM IST.

[2] https://www.etvbharat.com/tamil/tamil-nadu/city/thirunelveli/etv-bharat-story-impact-nellai-ms-university-approved-periyarum-islamum-program/tamil-nadu20211025161918390

[3] இ.டிவி.பாரத், மனோன்மணியம் பல்கலைக்கழகமே முதுகெலும்புடன் செயல்படு! – சு.. உதயகுமார், Published on: Oct 24, 2021, 10:58 PM IST; Updated on: Oct 24, 2021, 11:07 PM IST

[4] https://www.etvbharat.com/tamil/tamil-nadu/city/thirunelveli/periyarum-islamum-function-to-be-hold-by-nellai-manonmaniam-university/tamil-nadu20211024225831363

[5] மனோன்மணியம் சுந்தரனார் பல்கலைக்கழகம் முன் இந்து முன்னணி போராட்டம், By M.Ganapathi, Reporter 27 Oct 2021 1:51 PM

[6] https://www.instanews.city/tamil-nadu/tirunelveli/tirunelveli/manonmaniyam-sundaranagar-university-hindu-munnani-protest-1060843

[7] மணிச்சுடர், தந்தை பெரியாரின் தம்பி காயிதே மில்லத், பிப்ரவரி 6, 2021, பக்கம்.4

[8] முகமதியர், முசல்மான், முஸ்லிம் முதலியவை அந்தந்த காலகட்டத்தில் உபயோகப்படுத்தப்பட்ட சொற்கள். பெரியாரே “முகமதிய மதம்” என்று குறிப்பிட்டுள்ளார்.

[9] வேதபிரகாஷ், நாயக்கர் துலுக்கனாகி விட்டார், ஈவேரா சாவதற்கு 5 நிமிடம் முன்பு கலிமா சொல்லி முசல்மானாக தயாராக இருந்தார் – பெரியாருக்கு சுன்னத் செய்து வைத்த பெரியார் தாசன்!, 02-04-2016.

[10]  https://dravidianatheism.wordpress.com/2016/04/02/converting-periyar-to-islam-falsification-of-recent-history-by-muslims/

[11]  https://socialsubstratum.wordpress.com/2009/07/27/3/

[12] கடவுள் இல்லை, கடவுள் இல்லை, கடவுள் இல்லவே இல்லை, கடவுளைக் கற்பித்தவன் முட்டாள்; கடவுளை பரப்பியவன் அயோக்கியன், கடவுளை வணங்குகிறவன் காட்டுமிராண்டி, இது 1967ல் பெரியார் திடலில், பெரியார் வெளியிட்டதாக கூறுகிறார்கள்.

http://www.unmaionline.com/new/2589-%E0%AE%95%E0%AE%9F%E0%AE%B5%E0%AF%81%E0%AE%B3%E0%AF%88%E0%AE%95%E0%AF%8D-%E0%AE%95%E0%AE%B1%E0%AF%8D%E0%AE%AA%E0%AE%BF%E0%AE%95%E0%AF%8D%E0%AE%95%E0%AE%BE%E0%AE%A4%E0%AE%B5%E0%AE%A9%E0%AF%8D-%E0%AE%95%E0%AE%BE%E0%AE%9F%E0%AF%8D%E0%AE%9F%E0%AF%81%E0%AE%AE%E0%AE%BF%E0%AE%B0%E0%AE%BE%E0%AE%A3%E0%AF%8D%E0%AE%9F%E0%AE%BF.html

பெரியாரைத் தூஷித்ததால் சீதைமைந்தன் மீது புகார், கைது இத்யாதி! ஆனால், இந்து தூஷணம் தொடர்ந்து கொண்டுதான் இருக்கிறது!

ஒக்ரோபர் 16, 2021

பெரியாரைத் தூஷித்ததால் சீதைமைந்தன் மீது புகார், கைது இத்யாதி! ஆனால், இந்து தூஷணம் தொடர்ந்து கொண்டுதான் இருக்கிறது!

ஈவேரா அல்லது பெரியாரின் மீது தூஷணமா?: இதுவரை தமிழகத்தில், ஈவேரா, பெரியார், அண்ணாதுரை, கருணாநிதி, ஸ்டாலின் போன்றோர் இந்துமதம், கடவுளர், நம்பிக்கை, முதலியவற்றைப் பற்றி அவதூறாகப் பேசிவந்ததது, புத்தகங்கள் போட்டது, அவை இன்றும் புழக்கத்தில் உள்ளது முதலியவை அறியப் பட்டுள்ளது. அவற்றைப் பற்றி ஆராய்ந்தால், அவர்கள் மீது ஏன் எந்த நடவடிக்கையும் எடுக்கப் படவில்லை என்ற கேள்வி எழும். பிறகு, அவர்களின் பேச்சுகளை-எழுத்துகளை புத்தகங்களாகப் போட்டு, விற்று விநியோகிக்கும் பெரியார் சுயமரியாதைப் பிரச்சாரக் கழகம், பெரியார் திராவிடக் கழகம், போன்ற பதிப்பாளர்கள் மீது எந்த நடவடிக்கையும் எடுக்கப் படவில்லை என்றும் தெரிந்து கொள்ளலாம். இப்பொழுதும், இது இந்துவிரோத மற்றும் இந்திய தேசவிரோத சக்திகளின் உட்பூசலே தவிர உண்மையில் அவர்கள் ஒன்றும் விடாமல் சட்டப் படி நடவடிக்கை எடுத்து, மூன்றாண்டு-ஐந்தாண்டுகள் சிறையில் தள்ளப் போவதில்லை. அப்படி செய்தால், செய்திருந்தால், 90& அத்தகைய திராவிடத்துவ, தமிழ்தேசிய மற்ற வகையறாக்கள் சிறையில் தான் இருந்திருப்பர். சிறைத் தண்டன பெற்றவர்கள் மாறியிருப்பர். அதனால், இப்பொழுது ஒருவர் ஈவேராவை-பெரியாரை தூஷித்ததால் கைது செய்யப் பட்டார் என்பது வேடிக்கையாக உள்ளது.

பெரியார் குறித்து அவதூறாக பேசி வீடியோ வெளியிட்டதாக ழகரம் வாய்ஸ் யூடியூப்: பெரியார் குறித்து அவதூறாக பேசி வீடியோ வெளியிட்டதாக ழகரம் வாய்ஸ் யூடியூப் சேனலின் தட்சிணாமூர்த்த்தியை போலீசார் 15-10-2021, வெள்ளிக்கிழமை அன்று கைது செய்தனர்[1]. அன்றே, சில டிவிசெனல்களில் இச்செய்தியை வெளிட்டாலும் விவரங்கள் கொடுக்கப் படவில்லை. அதாவது, அதன் மூலம், அந்த விமர்சனங்களை மக்கள் அறியக் கூடாது என்று அமுக்கி வாசித்தனர் என்று தெரிகிறது. ழகரம் வாய்ஸ் யூடியூப் சேனல் தொடந்து அரசியல் தொடர்பான வீடியோக்களை வெளியிட்டுள்ளது[2]. இந்த யூடியூப் சேனலை சீதையின் மைந்தன் என்கிற தட்சிணாமூர்த்தி நடத்தி வருகிறார்[3]. இந்த நிலையில், ழகரம் வாய்ஸ் யூடியூப் சேனலில் அக்டோபர் 11ம் தேதி 11-10-2021 அன்று பெரியார் குறித்து ஒரு வீடியோ வெளியானது[4]. அதில், பெரியாரை இழிவுபடுத்தும் விதமாக இருப்பதாகக் கூறி தந்தை பெரியார் திராவிடர் கழக நிர்வாகிகள் சென்னை ராயப்பேட்டை காவல் நிலையத்தில் புகார் அளித்தனர்[5].

தந்தை பெரியார் திராவிட கழகத்தை சேர்ந்த குமரன் புகார் கொடுத்தது: இதுகுறித்து தந்தை பெரியார் திராவிட கழகத்தை சேர்ந்த குமரன் என்பவர் அளித்த புகாரில்[6], “காலமெல்லாம் தமிழ் மக்களுக்காக உழைத்த தந்தை பெரியாரையும், நான் சார்ந்த தந்தை பெரியார் திராவிடர் கழகத்தின் பொதுச் செயலாளர் கோவை இராமகிருஷ்ணன் அவர்களையும், திராவிட இயக்கத் தலைவர்களையும் இழிவு படுத்தி, தட்சிணாமூர்த்தி என்பவர் மிகவும் கீழ் தரமாக பேசியுள்ளார், தந்தை பெரியார் விபச்சாரம் செய்தார் என தரம் தாழ்ந்து பேசியுள்ளார். இந்த செயல் தந்தை பெரியார் அவர்களின் கொள்கைகளை பின்பற்றுகிற என்னைப் போன்ற பெரியார் தொண்டர்களை மிகவும் கவலையடைய செய்துள்ளது. மேலும், முடிந்தால் தன் மீது வழக்கு தொடுத்து பார் என வீடியோவில் தட்சிணாமூர்த்தி சவால் விடுத்துள்ளார். இதுபோன்ற பேச்சுக்கள் அமைதிப் பூங்காவாக இருக்கிற தமிழ்நாட்டில் மோதல் மற்றும் கலவரத்தை ஏற்படுத்தும் சூழலுக்கு வழிவகுக்கிறது.

திராவிடர் கழகம் மற்றும் அதன் தலைவர் கே.வீரமணி போன்றோர் ஏன் புகார் கொடுக்கவில்லை?: இங்கு திராவிடர் கழகம் மற்றும் அதன் தலைவர் கே.வீரமணி போன்றோர் ஏன் புகார் கொடுக்கவில்லை என்பது நோக்கத் தக்கது. ஏனெனில், உண்மையிலேயே பாதிப்பு ஏற்படும் என்றால் அவர்களுக்குத் தான் என்று நன்றாகத் தெரியும். பிறகு தந்தை பெரியார் திராவிட கழக ஏன் முந்திக் கொள்கிறது அல்லது பெரியார் பிராண்டிற்கு பாடுபடுகிறது என்று தெரியவில்லை. அயோத்தியா மண்டபத்து அப்பவி பார்ப்பனர்களை வெட்டியது முதல், பன்றிக்கு பூணூல் போட்டது வரை இந்த தந்தை பெரியார் திராவிட கழக தான் செய்து வருகிறது. இதனால், திராவிடர் கழகம் மற்றும் அதன் தலைவர் கே.வீரமணி போன்றோர் இந்துக்களுக்கு உதவுகின்றனர் என்றாகாது. இது எதோ இவர்களுக்குள் உள்ள ஒப்பந்தம் போலே தோன்றுகிறது. சுப.வீரப் பாண்டியனும், திராவிடர் கழகத்தில் இல்லை, ஆனால், ஒத்து ஊதும் போது, இந்துக்களைத் தாக்கும் போது, ஒன்று படுகின்றனர். விடுதலை ராஜேந்திரனும் அமைதியாக அதே வேலையைச் செய்து வருவது கவனிக்கத் தக்கது.

திட்டமிட்டு பொய் பிரச்சாரம் மூலம் தமிழ்நாட்டில் சட்டம் ஒழுங்கு பிரச்சினை உருவாக்கும் நோக்கு உள்ளதா?: தந்தை பெரியார் மற்றும் திராவிட இயக்கத் தலைவர்களை மிக மிக கீழ்த்தரமாக ஆபாசமாக விமர்சிக்கின்ற சீதையின் மைந்தன் என்கிற அந்த நபர் ழகரம் வாய்ஸ் யூடியூப் சேனலில் கடந்த 11/10/21 தேதியன்று பேசியுள்ளார். முதலமைச்சர் மு.க.ஸ்டாலின் தலைமையிலான அரசால் தமிழ்நாட்டில் சட்டம் ஒழுங்கு சிறப்பாக நடைபெற்றுக் கொண்டிருக்கும் இந்த நிலையில், திட்டமிட்டு பொய் பிரச்சாரம் மூலம் தமிழ்நாட்டில் சட்டம் ஒழுங்கு பிரச்சினை உருவாக்கும் நோக்கில் இவர் பேசி உள்ளார் என தெள்ளத்தெளிவாக தெரிகிறது, ஆகவே அய்யா அவர்கள் இவர் மீது தகுந்த சட்ட நடவடிக்கை எடுக்க வேண்டுமென பணிவன்புடன் கேட்டுக்கொள்கிறேன்,” எனக் குறிப்பிடப்பட்டுள்ளது[7]. இந்த புகாரின் பேரில், பெரியார் குறித்து அவதூறாக பேசியதாக யூடியூபர் சீதையின் மைந்தன் என்கிற தட்சிணாமூர்த்தி மீது போலீசார் 153A, 504B, 505 (1) ஆகிய 3 பிரிவுகளில் வழக்கு பதிவு செய்து விசாரணை நடத்தினர்[8]. இதையடுத்து தட்சிணாமூர்த்தியை கைது செய்தனர். விசாரணையில் தட்சிணமூர்த்தி இதேபோல் மூன்று யூ-ட்யூப் சேனலை நடத்திவந்ததும், கச்சத்தீவு மீட்புக்குழு ஒருங்கிணைப்பாளராகவும் இருந்துவருவது தெரியவந்தது[9]. இதனையடுத்து தட்சிணமூர்த்தி பெரியார் குறித்து பேசிய காணொலியை சைபர் கிரைம் காவல் துறையினர் சேனலிலிருந்து நீக்கினர்[10]. இவரிடம் காவல் துறை தொடர்ந்து தீவிர விசாரணை நடத்திவருகின்றது.

இபிகோ 153A, 504B, 505 (1) ஆகிய 3 பிரிவுகள் சொல்வது என்ன?: இபிகோ  153Aன்படி –

1. (a) பேச்சாலோ, எழுதாலோ அல்லது சைகையாலோ மத, இன, மொழி சாதி, சமய சம்பந்தமான விரோத உணர்ச்சிகளை தூண்டிவிட முயற்சி செய்வது குற்றமாகும்.

(b) அத்தகைய விரோத உணர்ச்சிகளால் போது அமைதிக்கு பங்கம் ஏற்படுத்துவதும் குற்றமாகும்.

(c) குற்றம் என்று கருதக்கூடிய வன்முறை அல்லது வன்செயலை பயன்படுத்தும் கருத்துடன் அல்லது பயன்படுத்த பயிச்சி அளிக்கும் கருத்துடன் அல்லது சாதி, சமூகம், இனம், மதம், மொழி அல்லது வட்டாரக் குழு எதற்கும் விரோதமான வன்முறை அல்லது வன்செயலை பயன்படுத்தக்கூடிய பயிற்சி இயக்கம் உடற்பயிற்சி அல்லது அத்தகைய நடவடிக்கைகளில் பங்கு பெறுவோர் அநேகமாக பயன்படுத்த பயிற்சி அளிக்கக்கூடிய நடவடிக்கையாக அவை இருக்கின்றன என்று அறிந்தும் அவற்றில் பங்குபெறுவதும் பயிற்சி வேலையில் ஈடுபடுவதும் குற்றமாகும்.

அத்தகைய ஜாதி, சமூகம், இனம், மதம், மொழி அல்லது வட்டார குழுவினருக்கு அச்சத்தை அல்லது பீதியை அல்லது பாதுகாப்பு இல்லை என்ற உணர்வை அத்தகைய நடவடிக்கைகள் எந்த காரணம் கொண்டு உண்டாகின்றன. அல்லது உண்டாக்கக் கூடும் என்று அறிந்தும் அதில் பங்கு பெறுவோர் குற்றம் புரிந்தவர் ஆவார்.

இந்த குற்றத்திற்கு தண்டனையாக 3 ஆண்டுகள் வரை சிறைக்காவல் அல்லது அபராதம் சிறைக்காவலுடன் கூடிய அபராதங்கள் விதிக்கப்படும்.

2. மேலே விவரிக்கப்பட்டுள்ள குற்றத்தின் வழிபாடு நடைபெறும் இடத்தில் செய்வது குற்றம், மத வழிபாட்டுக்கு ஆன மக்கள் கூடியிருக்கும் அரங்கிலும் அந்த குற்றத்தினை புரிய கொடுத்தது. அப்படி புரிந்தால் அதற்காக 5 ஆண்டுகள் வரை சிறைக் காவலும் அபராதமும் தண்டனையாக விதிக்கப்படும்.

மதம், இனம், பிறப்பிடம், வசிப்பிடம், மொழி முதலானவற்றின் அடிப்படைகளில் வெவ்வேறு வகுப்புகளிடையே பகைமையை ஊக்குவித்தல் மற்றும் நல்லிலக்கணப் பேணலுக்கு பாதகமான செயல்களைச் செய்தல்

(1) எவரேனும் :-

(a).பேசப்பட்ட அல்லது எழுதப்பட்ட வார்த்தைகளால், அல்லது சைகைகளால், அல்லது பார்க்கக்கூடிய வெளிப்படுத்தல்களால் அல்லது மற்றபடியாக, மதம், இனம், பிறப்பிடம், வசிப்பிடம், மொழி, ஜாதி அல்லது பிரிவு அல்லது எந்தவிதமான ஏதாவதொரு பிற அடிப்படையில், வெவ்வேறான மத, இன, மொழி அல்லது பிராந்திய வகுப்புகள் அல்லது ஜாதிகள் அல்லது பிரிவுகளிடையே ஒற்றுமையின்மை அல்லது பகைமை உணர்வுகள், வெறுப்பு அல்லது மனக்கசப்பை ஊக்குவித்தால் அல்லது ஊக்குவிப்பதற்கு முயன்றால் அல்லது

(b). எந்தஒரு செயல், வெவ்வேறான மத, இன, மொழி அல்லது பிராந்திய வகுப்புகள் அல்லது ஜாதிகள் அல்லது பிரிவுகளிடையே நல்லிலக்கணத்தைப் பேணுவதற்குப் பாதகமாக இருக்கிறதோ, மற்றும் எந்தவொரு செயல் பொது அமைதிக்குப் பங்கம் விளைவிக்கிறதோ, அல்லது அநேகமாக விளைவிக்குமோ, அந்தவொரு செயலைப் புரிந்தால், அல்லது

(c) ஏதாவதொரு பயிற்சி, இயக்கம், படைப் பயிற்சி அல்லது பிற ஒத்த செய்கையை, அத்தகைய செய்கையில் பங்குபெறுவோர்கள் குற்றமுறு பலப்பிரயோகம் அல்லது வன்முறையைப் பயன்படுத்த அல்லது அநேகமாக பயன்படுத்துவதற்குப் பயிற்சி அளிக்கப்பட்ட, அல்லது அத்தகைய செய்கையில் பங்குபெறுவோர்கள் குற்றமுறு பலப்பிரயோகத்தை அல்லது வன்முறையை பயன்படுத்துவார்கள் அல்லது அநேகமாக பயன்படுத்துவதற்குப் பயிற்சி அளிக்கப்படுவார்கள் என்று தெரிந்தே, ஏதாவதொரு மத, இன, மொழி அல்லது பிராந்திய வகுப்பு அல்லது ஜாதி அல்லது பிரிவுக்கு எதிராக மற்றும் அத்தகைய செய்கை ஏதாவதொரு எந்தவிதமான காரணத்திற்க்காகவும், அத்தகைய மத, இன, மொழி அல்லது பிராந்திய வகுப்பு அல்லது ஜாதி அல்லது பிரிவிற்கு இடையில் பயம் அல்லது பீதி அல்லது பாதுகாப்பற்ற ஒரு உணர்வை ஏற்படுத்துவதற்கு அல்லது அநேகமாக ஏற்படுத்தலாமென்ற, ஏற்பாடு செய்தால், மூன்று வருடங்கள் வரை நீட்டிக்கப்படக்கூடிய சிறைத் தண்டனையுடன், அல்லது அபராதத்துடன் அல்லது இரண்டுமுடன் தண்டிக்கப்பட வேண்டும்.

அப்படி பார்த்தால், மேலே குறிப்பிட்டப் படி, அந்த நபர்களின் பேச்சுகள், வார்த்தைகள், எழுத்துகள், புத்தகங்கள் இன்றளவிலும் அத்தகைய குற்றங்களை செய்து கொண்டு தான் வருகின்றன. ஆனால், எந்த நடவடிக்கையும் எடுக்கவில்லை.

© வேதபிரகாஷ்

16-10-2021


[1] தமிழ்.இந்தியன்.எக்ஸ்பிரஸ், பெரியார் குறித்து அவதூறு வீடியோ வெளியிட்ட யூடியூபர் கைது!, Written By WebDesk, Updated: October 16, 2021 1:22:52 am

[2] https://tamil.indianexpress.com/tamilnadu/youtuber-arrested-for-derogatory-video-released-on-periyar-356213/

[3] டாப்.தமிழ்.நியூஸ், பெரியார் விபச்சாரம் செய்தாரா? என யூடியூப் சேனலுக்கு பேட்டி அளித்தவர் கைது!,  By AISHWARYA G , Fri, 15 Oct 20219:22:41 PM

[4] https://www.toptamilnews.com/thamizhagam/youtuber-arrested-for-commands-about-periyar/cid5537412.htm

[5] தினகரன், ழகரம் வாய்ஸ் என்ற யூட்டியூப் சேனலை நடத்தி வரும் சீதையின் மைந்தன் என்கிற தட்சிணாமூர்த்தி கைது, 2021-10-15@ 19:09:01.

[6] https://www.dinakaran.com/News_Detail.asp?Nid=712620

[7] தினத்தந்தி, பெரியார் குறித்து சர்ச்சை பேச்சுயூடியூபர் தட்சிணாமூர்த்தி கைது, Uploaded on 16/10/2021.

[8] https://www.youtube.com/watch?v=kl_2s7LxAbU

[9] ஈ.டிவி.பாரத், பெரியார் குறித்து அவதூறு: யூட்யூபர் கைது, Published on: 16-10-2021 7.00 hours.

[10] https://www.etvbharat.com/tamil/tamil-nadu/state/chennai/youtuber-arrested-in-chennai-for-slandering-father-periyar/tamil-nadu20211016065810895

பெரியார் உலகம் பெயரில் சுற்றுலா தலம்-வணிக வளாகம் அமைத்து வியாபாரம் செய்ய யுக்தி! சரித்திரத்தை மறைக்கும் போக்கு! (3)

செப்ரெம்பர் 22, 2021

பெரியார் உலகம் பெயரில் சுற்றுலா தலம்-வணிக வளாகம் அமைத்து வியாபாரம் செய்ய யுக்தி! சரித்திரத்தை மறைக்கும் போக்கு! (3)

ஈவேராவின் இந்துவிரோதமும், பெரியாரின் ஆபாச ஊர்வலமும்: இந்த உண்மைகளும் பெரும்பாலோருக்குத் தெரியவில்லை, தெரிவதில்லை. அதனால், ஈவேரா ஏதோ பெரிய ரிஷி-முனிவர்-சீர்திருத்தவாதி என்பது போல மாயையினை உருவாக்கி வந்துள்ளனர், இன்றும் அதிகமாகப் பிரச்சாரம் செய்து வருகின்றனர். ஆனால், அவர் –

  1. ஈவேரா பிள்ளையார் சிலைகளை உடைத்தார்.
  2. அதற்காக, உச்சநீதி மன்றம் வரை வழக்கு சென்றபோது, ஆஜராகாமல் ஓடி ஒளிந்தார்.
  3. ராமர் படத்திற்கு செருப்பு மாலை அணிவித்து ஊர்வலம் நடத்தினார்.
  4. முருகனைப் பற்றி ஆபாசமாக படம் வரைந்து, செருப்பால் அடிக்க வைத்தார்.
  5. ஐயப்பன் பிறப்பிப் பற்றியும் ஆபாசமாக சித்திரங்கள் வரைந்து, ஊர்வலத்தில் எடுத்துச் செல்லப் பட்டது.
  6. அப்பொழுது, துக்ளக்கில் அப்படங்கள் வெளியிட்ட போது, துக்ளக் இதழ்கள் வாங்கி எரிக்கப் பட்டன.
  7. அதாவது, எண்ணவுரிமை, கருத்துரிமை, எழுத்துரிமை போன்றவற்றிற்கு திக-திமுக அந்த அளவுக்கு மதிப்பு கொடுத்தார்கள்.
  8. விடுதலையில், இன்றுவரை, ஒவ்வொரு இந்து பண்டிகை வரும் போது, தூஷித்து வருகிறது. அதனை பெரும்பாலானவர்களுக்குத் தெரியாமல் போகிறது. ஏனெனில், அதனை அவர்கள் வாங்கிப் படிப்பதில்லை.
  9. மேலும், அவர்களுடைய இந்துவிரோத ஆர்பாட்டங்கள், நிகழ்ச்சிகள், பெரியார் திடல் என்ற வளாகத்தில் உள்ளே இருக்கும் மண்டபத்தில் நடத்திக் கொள்கிறார்கள்.
  10. இவர்களுக்குத் தான் இன்று “இந்து” ராம், மவுண்ட் ரோட் மஹாவிஷ்ணு, கம்யூனிஸ்ட் இத்யாதிகள் முதலியவை வக்காலத்து வாங்கிக் கொண்டு வருகின்றனர்.

இப்பொழுது அமைக்கு வளாகத்தில் இவற்றை – இந்த விவரங்களை, புகைப் படங்களை, ஆதாரங்களை – தைரியமாக வைப்பார்களா?

செக்யூலரிஸ நாத்திகமும், கடவுள் மறுப்பும், விக்கிர ஆராதனை எதிர்ப்பும் இல்லாத பெரியாரிஸம், போலித்தனம்:

  1. கடவுள் மறுப்பு நம்பிக்கை, –
    1. நாத்திகம் (Atheism),
    1. ஞானத்தால் அறியும் தமையினை மறுப்பது (agnosticism), 
    1. பொதுவாக நம்பிக்கையில்லாதத் தன்மை (skepticism),
    1. ஏளனத் தனமாக அறியாமல் ஏற்றுக் கொள்ளா தன்மை (cynicism),
    1. இருக்கின்ற அமைப்புகளை எதிர்க்கும் தன்மை (rationalism)

இப்படியெல்லாம் சொல்லிக் கொண்டாலும், இந்த திராவிடத்துவ சித்தாந்திகள் இந்துவிரோதிகளாகத் தான் இருந்து வருகிறார்கள்.

  • கடவுள் இல்லை என்றால், எல்லா மதக் கடவுளர்களும் இல்லை, ஆனால், பெரியாருக்கு, பெரியாரிஸ்டுகளுக்கு இந்து கடவுள் மட்டும் இல்லை என்ற கொள்கையுள்ளது.
  • மற்ற மதங்களின் நூல்களை, புராணங்களை விமர்சிப்பதில்லை.
  • உண்ணும்நோன்பு, தீச்சட்டி ஏந்துதல் போன்று மற்ற மத சடங்குகளை செய்து கிண்டலடிப்பதில்லை. சிலுவையில் அறைந்து கொள்ளலாம், கத்திகளால் உடலில் கீறி காயங்கள் ஏற்படுத்திக் கொள்ளலாம், சாட்டையினால் ரத்தம் வரும் வரை அடித்தும்கொள்ளலாம். ஆனால், செய்வதில்லை.
  • நாத்திக சமத்துவமாக, பிள்ளையாருடன், கிருத்துவ-துலுக்கக் கடவுள் உருவங்களை உடைக்கவில்லை.
  • மற்ற கடவுள் பிறப்புப் பற்றிய படங்களை வரையவில்லை, எந்தவித ஊர்வலமும் நடத்தவில்லை.
  • மற்ற மதங்களைப் பற்றி விமர்சிப்பதில்லை, ஆனால், அம்மத விழாக்களில் கலந்து கொண்டு, இந்துமதத்தை விமர்சித்துள்ளனர், கேலி பேசியுள்ளனர்.
  • மற்ற மதங்களுக்கு போட்டிப் போடுக் கொண்டு வாழ்த்துகள், ஆனால், இந்து மதத்திற்கு இல்லை, மாறாக தூஷணங்கள் உண்டு.
  • கிறிஸ்துமஸ் பண்டிகைக் கொண்டாட்டத்திற்குச் சென்று கேக் தின்பது, துலுக்க ரம்ஜான் இஃப்தர் பார்ட்டிகளில் கஞ்சிக் குடிப்பது என்றெல்லாம் செய்து, அங்கேயே இந்து பண்டிகைகளை மோசமாக விமர்சிப்பது கருணாநிதி[1], ஸ்டாலின்[2] செய்து வந்தது தெரிந்த விசயமே.
  • இந்து பண்டிகைகளின் போது, தூஷணங்களை நேரிடையாக விடுதலை, முரசொலி நாளிதழ்களில் காணலாம், மறைமுகமாக சன் மற்றும் கலைஞர் டிவிசெனல்களில் பார்க்கலாம்.

இவற்றிலிருந்து, இவர்களின் போலித் தனமான சித்தாந்தத்தை அறிந்து-புரிந்து கொள்ளலாம்.

சிலைகள் உருவாக்கும் வியாபாரம் ஏற்கெனவே ஆரம்பித்தாகி விட்டது: ஈவேரா, அண்ணா, கருணாநிதி என்று சிலைகள் செய்து விற்க ஆரம்பித்து விட்டனர். கொலு பொம்மைகள் மாதிரி ஏற்கெனவே விற்கப் படுகின்றன. இப்பொழுது, மார்பளவு, நிற்கும் கோலம், திராவிட-மும்மூர்த்திகள், மார்பளவு, உயரமான தூண்-பீடத்துடன், கருப்பு மற்றும் தங்க முலாம் பூசியது, என்று ஒரு குறிப்பிட்ட கம்பெனி பலவிதமாக தயாரிக்கின்றனர். அவை வெவ்வேறு அளவுகளிலும், வெண்கலத்திலும் உற்பத்தி செய்கிறார்கள். நாத்திக ஆட்சியில், திராவிட கடவுள் மறுப்பு சித்தாந்தத்தில், பிள்ளையார் சிலைகள் உடைத்த ஈவேரா வழியில், அவருக்கும், உடன் பிறப்புகளுக்கு சிலைகள் தயாரிக்கின்றனர், விற்கின்றனர். இதில் ஆன்-லைன் வியாபாரம் வேறு! “திராவிட மும்மூர்த்திகள்” உருவாகி விட்டதால், இனி “ஈவேரா-நாகம்மை-மணியம்மை” என்று “பிள்ளையார்-ஶ்ரீதேவி-பூதேவி” கணக்காக சிலைகளையும் செய்ய ஆரம்பித்து விடுவார்கள்! கருணாநிதி-பத்மாவதி-தயாளு-ராஜாத்தி ஜோடிகளும் உருவாகி விடும். இதற்கான “Iconography” (உருவமைப்பு முறை) ஏற்கெனவே உருவாகி விட்டது. ஆக, இது, “திராவிட சிற்பகலை” என்று நூல்களில் சேர்க்கப் படலாம். திராவிட வாஸ்துமுறையும் உண்டாக்கப் படலாம். அதற்கேற்ற பாடதிட்டங்களை சுப.வீரபாண்டியன், லியோனி முதலியோர் உருவாக்கத் தயாராக உள்ளார்கள். பாலகிருஷ்ணன்[3], உதயசந்திரன்[4] அவற்றை “எலைட்” லெவலில் (Elite level) எடுத்துச் செல்வார்கள். நன்றாக வியாபாரம் ஆகிறது. இனி இந்த ரூ 100 கோடி வியாபார திட்டத்தில், செலவு செய்தால் போல காண்பித்து, நன்றாகவே, வரியேய்ப்பும் நடக்கும்.

மறுப்புமறைப்பு முறை சித்தாதம் (Negationism) கடைபிடிப்பது சரியில்லை: சமீபகால சரித்திரத்தில் மறுப்பு-மறைப்பு முறை சித்தாதம் (Negationism) செயல்பட முடியாது, ஏனெனில், அக்காலத்தவர் இன்னும் இருக்கிறார்கள், சாட்சிகளாக வாழ்கிறார்கள். மறுப்பு-மறைப்பு முறை சித்தாதம் (Negationism) என்பது சரித்திரத்தில் ஒருவர் பற்றிய, ஒருவர் செய்த செயல்கள் பற்றிய உண்மைகளை மறைத்து, ஆதரங்களை மறைத்து, ஒருதலைப் பட்சமாக, அவர்கள் நல்லது செய்தார்கள் என்பது போல சித்தரித்துக் காட்டும் முறையாகும்[5]. இவர்கள் என்னவெல்லாம்-எப்படியெல்லாம்-எந்நிலைகளில்-எங்கு பேசியிருக்கிறார்கள், என்பதெல்லாம் தெரியும். நாடகம்-சினிமா என்று சம்பந்தப் பட்டிருப்பதால், அந்த வாழ்க்கை முறையும் தெரியும். அப்பொழுது “மீ-டூ” (Me Too) போன்றவை இருந்திருந்தால், பாதிக்கப் பட்டவர்களே சொல்லியிருப்பார்கள்[6]. கண்ணதாசன், மபோசி போன்றார் எழுதியதைப் படிக்க வேண்டிய அவசியம் இல்லை. ஈவேரா, அண்ணா, கருணாநிதி பேசியதை-எழுதியதை மறைக்கவேண்டிய தேவையும் இல்லை. அவர்களை மீறி, மிரட்டி, உண்மைகளை மறைத்து சரித்திரத்தை எழுத முடியாது. அத்தகைய சரித்திரவரையறையும் (historiography) எடுபடாது. முரண்பாடுகள், எதிர்மறை நடவடிக்கைகள், இரட்டை செயல்பாடுகள், இரண்டு வேடங்கள், என்றெல்லாம் இருப்பது தெரிந்த விசயமே.

© வேதபிரகாஷ்

22-09-2021


[1]  இந்துமதத்தில் ஏகாதசி போன்ற உண்ணா நோன்புகள் உள்ளன, ஆனால், இந்துக்கள் வகைவகையாக பலகாரங்கள் செய்து சாப்பிடுவார்கள் என்று கருணாநிதி பேசியுள்ளது தெரிந்த விசயம்.

[2]  ஒரு திருமண நிகழ்ச்சியில், இந்து திருமண மந்திரங்களைப் பற்றி ஆபாசமாக பேசியது வீடியோவில் உள்ளது. பலரும் அதனைப் பார்த்து-கேட்டுள்ளனர்.

[3] IAS (Retd.) அதிகாரி, சமீபத்தில், முழுவதுமாக திராவிடத்துவ சரித்திராசிரியராக மாறிவிட்டார். புத்தகமும் எழுதிவிட்டார். இவரது எழுத்துகள் தமிழக பாடபுத்தகங்களிலும் சேர்க்கப் பட்டுள்ளன.

[4] IAS பணியில் உள்ளார், திராவிட சித்தாந்தத்திற்கு வெளிப்படையாக உதவுகிறார், தங்கம் தென்னரசு அமைச்சருக்கு துணையாக இருக்கிறார்.

[5]  உதாரணத்திற்கு ஔரங்கசீப், மாலிகாபூர் போன்றவர்கள் நல்லவர்கள், அவர்கள் கோவில் கட்ட நிதி அளித்தார்கள், கோவில்களை காப்பாற்றினார்கள் என்றெல்லாம் கடைவிடும் முறைகள். இத்தகையை சரித்திரம் எழுதும் போக்கை, பலர் எடுத்துக் காட்டியுள்ளனர். அது மிகவும் ஆபத்தானதும் கூட.

[6] சமீபத்தில் கூட கண்ணதாசன் குறிப்பிட்டதை எடுத்துக் காட்டியதற்கு, வழக்குகள் போடப் பட்டன. பிறகு, உண்மைக்கு ஏன் பயப்படுகிறார்கள் என்று தெரியவில்லை.

ஶ்ரீராமநவமி அன்று ராமரை தூஷித்து, தப்லிக் ஜமாத் மர்கஸ் கோஷ்டியை ஆதரிக்கிறது! திராவிட நாத்திகம் துலுக்கரை ஆதரிக்கிறது, இந்துக்களை வெறுக்கிறது!

ஏப்ரல் 2, 2020

ஶ்ரீராமநவமி அன்று ராமரை தூஷித்து, தப்லிக் ஜமாத் மர்கஸ் கோஷ்டியை ஆதரிக்கிறது! திராவிட நாத்திகம் துலுக்கரை ஆதரிக்கிறது, இந்துக்களை வெறுக்கிறது!

Veeramani supporting Tabliq, Viduthalai, 02-04-2020

விடுதலைமூலம், இந்துவிரோதிவீரமணி கக்கும் துவேசம்: டில்லியில் ஒரு குறிப்பிட்ட மதத்தைச் சார்ந்தவர்கள் நடத்திய மாநாட்டில் பங்கேற்றவர்களுக்குக் கணிசமான எண்ணிக்கையில் ‘கரோனா’ தொற்று ஏற்பட்டதை மய்யப்படுத்தி, அந்த மதத்தின்மீது வெறுப்பை, காழ்ப்பைத் தூண்டும் வகையில் யாரும் நடந்து கொள்ளக்கூடாது என்றும்[1], அப்படி நடந்துகொள்வோரின் நடவடிக்கையை முளையிலேயே கிள்ளி எறியவேண்டும் என்றும் திராவிடர் கழகத் தலைவர் ஆசிரியர் கி. வீரமணி அறிக்கை விடுத்துள்ளதாக “விடுதலையில்,” முதல் பக்க செய்தி[2].  பிறகு, இரண்ட்சாம் பக்கத்தில், “ராமநவமி கொண்டாடும் பக்தர்களே, உங்களைத்தான்,  ” என்ற தோரணையில் விளித்து, கீழ்கண்டவாறு செய்தி வெளியிட்டுள்ளது:

EVR asked idiotic questions, Viduthalai, 02-04-2020

பல லட்சங்களுக்கு முன்னர் இருந்தவைக்கு இப்பொழுது அத்தாட்சிகள் இருக்குமா?[3]: இருபது லட்ச வருடங்களுக்கு முன் இராமன், அயோத்தி இருந்தனவா? இந்த நாள் – கோள் இருந்தனவா? இராவணன் இருந்தானா? பார்ப்பனர்கள் ராமநவமி என்று சொல்லிக் கொண்டு வருடத்திற்கு ஒருநாள், போலி நாளை மக்களிடம் விளம்பரப் படுத்திக் கொண்டு ஆண்டுக்கு ஒரு முறை கொண்டாட்டம் நடத்துகின்றார்கள். இதை அரசாங்கம் அனுமதிப்பதுடன் அதற்காகச் சில இடங்களில் ஒருநாள் லீவும் கொடுக்கிறார்கள். இராமன் பிறந்தநாள் என்று சொல்லப் படுவது இன்றைக்கு 20 லட்சம் (20,00,000) ஆண்டுகளுக்கு மேல் ஆகிறது. இந்த 20 லட்ச வருடத்தில் உலகத்தில் உள்ளது எல்லாம் நாசமடைவதும் – உலகமே மாற்றமடைவதும் போன்ற காரியங்கள் நடந்து இருக்க வேண்டும். அப்போது மனித சமுதாயம் – மனிதன் – காடு மேடு – உலக பூகோளம் – மலை – சமுத்திரம் போன்ற யாவும் அழிவும் – மாற்றமும் அடைந்துவிடும். இது யாவரும் அறிந்ததும் – புராணக் கூற்றும் – சரித்திர உண்மையும் ஆகும். இப்படிப்பட்ட நிலையில் 20 லட்சம் ஆண்டுகளுக்கு முன் அயோத்தி என்ற ஒரு ஊரும், தசரதன் என்ற ஒரு அரசனும், அவனுக்கு அநேக பெண்டாட்டிகளும் இருந்தனர்; அவனுக்கு இராமன் என்று ஒரு பிள்ளை பிறந்தான். அதற்கு வருடம் – மாதம் – தேதி – கிழமை – நாள் – கோள் – இன்ன இன்னது என்பதும், அவை மாத்திரம் அல்லாமல் அந்த 20 லட்சம் ஆண்டுகளுக்கு முன் திராவிட நாடு – பாண்டிய நாடு – இலங்கை நாடு என்பவை இருந்தன என்பதும் எப்படி உண்மையாக இருக்க முடியும்? 20 லட்சம் வருடங்களாகக் கோள்கள் மாறாமல் மறையாமல் இருக்க முடியுமா?

The hand bill that was seized -Salem

ராமன் படத்தைக் கொளுத்த வேண்டும்[4]: பார்ப்பனர்கள் தங்கள் சுக வாழ்வுக்காக எதையும் சொல்லுவார்கள் – செய்வார்கள் என்று இருந்தாலும் பார்ப்பனர் அல்லாத மற்ற மக்கள் – அறிவாளிகள், பூகோளம் – விஞ்ஞானம் படித்த சரித்திர ஆராய்ச்சிக்காரர்கள் இவற்றை எப்படி நம்புகிறார்கள்? என்பதும் நமக்குப் புரியவில்லை. இந்தக் கற்பனைப் புளுகை நமது மாணவர்கள் எப்படி நம்புகிறார்கள்? என்பதும் அதிசயமாக உள்ளது. வடநாட்டில் இராவணனைக் கொளுத்தினார்கள் என்றால், தென்னாட்டில் ஏன் இராமனைக் கொளுத்தக் கூடாது? ஒரு பொய்யான கற்பனைக் கதையில் இருந்து தென்னாட்டு மக்களை அவமானமும், இழிவுபடுத்தலுமான காரியத்தைப் பார்ப்பனரும், வடநாட்டாரும் செய்தால் – அதற்கு அவர்களுக்கு உரிமை இருந்தால், அதற்குப் பதிலாக அவர்களுக்குப் புத்தி வரும்படியான காரியத்தை நாம் ஏன் செய்யக் கூடாது? ஆகவே, மாணவர்கள், இளைஞர்கள், திராவிடர் கழகத் தோழர்கள், கட்டாயமாகச் சிந்தித்து, நல்ல படி யோசித்து, எனக்காக என்றே அல்லாமல், தங்களுக்குச் சரி என்றும், அவசியம் என்றும் தோன்றினால், இராவணன் படத்தை, உருவத்தைக் கொளுத்தினதற்குப் பதில் என்று இராமன் படத்தைக் கொளுத்த வேண்டும் என்று தெரிவித்துக் கொள்கின்றேன். நமது (பார்ப்பனரல்லாத) மக்கள் ஆதரவு, பார்ப்பனர்களுக்கு இந்தப்படி யான பித்தலாட்டங்களில் ஏமாறாமலும், நம்மை இழிவுபடுத்தும் இதுபோன்ற காரியங்களைத் தடுக்கவும்தான் நாம் இராமன் படத்தைக் கொளுத்துவது போன்ற செயல்களில் இறங்க வேண்டும்.

1971 DK procession denigrating Rama.news cutting

ஈவேராவுக்கு அந்த அளவுக்கூத் தான் அறிவு இருந்தது என்று தெரிகிறது: இந்த மாதிரி ஆட்களை பேச விட்டால் தான், அது போன்ற ஆட்களுக்கு, எந்த அளவுக்கு வாதம் புரிய காரணம், தர்க்கத் தன்மை, வாதத் திறமை முதலிய உள்ளன என்பதைத் தெரிந்து கொள்ளலாம். கீழ்கண்ட கேள்விகளும் எழத்தான் செய்கின்றன.

  1. 20 லட்சம் ஆண்டுகளுக்கு முன் திராவிடநாடு – பாண்டியநாடு – இலங்கை நாடு இருந்தன என்பது எப்படி உண்மையாக இருக்க முடியும்? கேட்பது ஈவேரா!
  2. இராவணன் இருந்தானா? என்று கேட்ட பிறகு, “இராவணன் படத்தை, உருவத்தைக் கொளுத்தினதற்குப் பதில் என்று இராமன் படத்தைக் கொளுத்த வேண்டும் என்று தெரிவித்துக் கொள்கின்றேன்,” என்பது அர்த்தமற்றதாகி விடுகிறது.
  3. ராமாயணம் கட்டுக்கதை என்றால், அதைப் பற்றி நாத்திகள் கவலைப் படவேண்டும் என்ற அவசியம் இல்லை.
  4. இருந்தாலும் பார்ப்பனர் அல்லாத மற்ற மக்கள் – அறிவாளிகள், பூகோளம் – விஞ்ஞானம் படித்த சரித்திர ஆராய்ச்சிக்காரர்கள் இவற்றை எப்படி நம்புகிறார்கள்? கேட்பது ஈவேரா!
  5. குமரிக் கண்டம் என்று ஊளையிடும் தமிழர்கள் ஈவேராவை எதிர்ப்பார்களா? கீழடி பற்றி என்ன சொல்வாரோ?
  6. ராமன் படத்தைக் கொளுத்த வேண்டும், என்று விடுதலையில் ஈவேரா சொன்னதாக செய்தியைப் போட்டுள்ள வீரமணி மீது ஏன் நடவடிக்கை எடுக்கக் கூடாது?
  7. இந்த அளவுக்கு ஶ்ரீராம நவமி அன்று துவேசத்தை கக்கும் கயவர்கள் ! ராமனைக் கும்பிடும் இந்துத்துவ வாதிகளுக்கு சூடு-சொரணை இல்லையா?
  8. ரஜினி மீது திகவினர் வழக்குப் போட்டார்களே, இப்பொழுது இந்த இந்துவிரோதியின் மீது ரஜினி-ரசிகர்களே போடலாமே?!
  9. கடவுள் நம்பிக்கை இல்லாதவன், கடவுள்-நம்பிக்கைக் கொண்டவர்களை, எப்படி கேள்வி கேட்க முடியும்?இவை இரண்டும் நம்பிக்கை தானே?

o apology Rajini IE

செக்யூலரிஸ நாத்தில், வாதத்தில் செக்யூலரிஸத்திற்கு பதிலாக, இந்துவிரோதம் தான் இருக்கிறது: இப்பொழுது, இந்திய ஊடகங்கள் முழுவதிலும், நிஜாமுத்தீன் ஜமாத் மர்கஸ் மாநாடு பற்றிய விவகாரங்கள் தான் ஓடிக்கொண்டிருக்கின்றன. ‘கரோனா’வில் மதச் சாயத்தை பூசவேண்டாம்! மாச்சரியங்களை மறந்து ஒன்று படவேண்டிய சமயம் இது என்று முதல் பக்கத்தில் வக்காலத்து வாங்கி, அடுத்த பக்கத்தில், இத்தகைய செய்தி ஏன் போட வேண்டும்? பெரியார் மண்ணில் இவ்வளவு நடந்து விட்டதே, அப்பொழுது ஏன் ஒன்றையும் கேட்கவில்லை. இப்பொழுது வக்காலத்து வாங்க வேண்டிய அவசியம் என்ன? ஒரு பக்கத்தில் துலுக்கனுக்கு ஆதரவு, அடுத்த பக்கத்தில் இந்து துவேசம், இது செக்யூலரிஸமா, கம்யூனலிஸமா? இன்னும் மக்கள் முட்டாள்களாகவே இருப்பார்களா? மேலும்-மேலும் ஈவேரா உளறல்களைப் படித்துத் தெரிந்து கொண்டு விட்டால், இனி இருக்கின்ற மரியாதையும் போய் விடும். ஏற்கெனவே, சில பெண்கள் வியாக்கியானம் கொடுத்து, அசிங்கப் பட்டு விட்டனர். ஆகவே, இனி மக்களை ஏமாற்ற முடியாது. இளைஞர்கள் முழித்துக் கொண்டு விட்டார்கள்!

EVR photos of naked Hindy gods 1971 paaraded

நாத்திகமும், கடவுள் நம்பிக்கையும், செக்யூலரிஸமும், ஆன்மீகமும்: உண்மையாக நாத்திகன் “கடவுள் இல்லை” என்றால், எந்த கடவுளும் இல்லை என்று தான் சொல்வான். இந்தியாவில், தமிழகத்தில், “கடவுள் இல்லை” என்றால், ஏதோ இந்துமத கடவுள் மட்டும் தான் இல்லை என்ற நிலையில், நாத்திகம்-கிருத்துவம்-இஸ்லாம்-கம்யூனிஸம் என்று எல்லாம் ஒன்று சேர்ந்து கொண்டு, இந்துமதத்தை எதிர்த்து, இந்துதுரோகிகளாகிறனர். செக்யூலரிஸம் என்றால், எல்லாமதங்களையும் சரிசாமாக பாவிக்க வேண்டும். ஆனால், இந்தியாவில், அதையும் பின்பறுவதில்லை. உண்மையான நாத்திகம் எல்லா மதங்களையும் எதிர்க்க வேண்டும். திராவிட நாத்திகம், இந்துதுவேச நாத்திகத்தில் முடிகிறது. கருத்துருவாக்கம், எண்ணங்கள், அவற்றில் தோன்றி பேச்சுகள்-எழுத்துகள் என்றாக வெளிப்படும் போது, அவை, இந்து விரோதமாகவே இருக்கிறன. தெரிந்தும், தொடர்ந்து நடக்கும் போது, அது போலித்தனமாக செயல்பட்டு வருவதை அறிய நேர்கிறது.

©  வேதபிரகாஷ்

02-04-2020

15-02-1971 Thuglak issue-reconstructe d

[1] விடுதலை, மாச்சரியங்களை மறந்து ஒன்றுபட வேண்டிய தருணம் இது! ‘கரோனாவில் மதச் சாயத்தை பூசவேண்டாம்!, வியாழன், 02 ஏப்ரல் 2020 13:37

[2] http://www.viduthalai.in/headline/197907-2020-04-02-08-14-36.html.

[3] விடுதலை, ராமநவமி கொண்டாடும் பக்தர்களே, உங்களைத்தான்,  வியாழன், 02 ஏப்ரல் 2020 14:510, பக்கம்.2, . http://www.viduthalai.in/e-paper/197917.html

[4] விடுதலை, ராமநவமி கொண்டாடும் பக்தர்களே, உங்களைத்தான்,  வியாழன், 02 ஏப்ரல் 2020 14:510 . http://www.viduthalai.in/e-paper/197917.html

காஞ்சிப் பெரியவர் – ஈரோடு பெரியார்: சரித்திரமா, கட்டுக்கதையா? சமீப கால உண்மைகளை மறைக்கின்றனரா, மாற்றுகின்றனரா? [2]

மார்ச் 18, 2020

காஞ்சிப் பெரியவர் ஈரோடு பெரியார்: சரித்திரமா, கட்டுக்கதையா? சமீப கால உண்மைகளை மறைக்கின்றனரா, மாற்றுகின்றனரா? [2]

V. Ganapathy, the Hindu reporter attacked in 1989

[சென்ற பதிவின் தொடர்ச்சி] இக்கதை மூலம் அறியப் படுவதாவது –

  1. பிராமணர்கள் ஏதோ ஒரு காரணத்திற்காக, அந்த “பிரபலமான நாஸ்திகரை”க் கண்டு பயந்து கொண்டிருந்தனர்.
  2. ஏன் பயந்தனர் என்று யாரும் விளக்கவில்லை, காரணம் சொல்லவில்லை.
  3. “பிரபலமான நாஸ்திகர்”, பிராமணரைப் பார்த்து, “மிஸ்டர் ஐயர், எதற்காக பயப்படுகிறீர்? நான் ஒன்றும் செய்ய மாட்டேன்….” என்றால், அந்த அளவுகு அந்த ஆள் என்ன பயமுருத்தி வைத்திருந்தார் என்று சொல்லவில்லை.
  4. “பிரபலமான நாஸ்திகர்”, தொடர்ந்து சொன்னது, “…………ஏனென்றால், நாம் போகும் வழியில், பெரிய போராட்டம் நடந்து கொண்டிருக்கிறது. நீர் வேறு கோச்சிற்கு சென்றால், அவர்கள் கோச்சில் நுழைந்து உம்மை தாக்கக் கூடும். இந்த கோச்சில் எனக்கு பாதுகாப்பு போடப் பட்டிருக்கிறது. அதனால், பாதுகாப்பாக இருக்கலாம். உமது நன்மைக்காகத்தான் இதனை சொல்கிறேன்,” அப்படியென்றால் –
    1. அந்த போராட்டம் என்ன, ஏன்?
    2. அவர்கள் கோச்சில் நுழைந்து [பிராமணரை]தாக்கக் கூடும்,” ஏன் அப்படி?
  5. எப்பொழுது நடந்தது என்று தெரியா விட்டாலும், அத்தகைய நிலை இருந்தது உண்மையாகிறது.

இதே போன்று கீழ் கண்ட சம்பவங்கள்.

V. Ganapathy, the Hindu reporter attacked in 1989-2

தந்தை பெரியாரும், காஞ்சி பெரியவரும்! லஸ்ஸில் எதிர்எதிரில் வந்தது[1]: லக்ஷ்மிநாராயணன் என்பவர் சொன்னது, “காஞ்சிப் பெரியவரின் கூடவே இருந்து, அவருக்கு 40 ஆண்டுக் காலம் சேவை செய்யும் பாக்கியம் பெற்றவர் லக்ஷ்மிநாராயணன் என்னும் 76 வயதுப் பெரியவர். மாங்காட்டில் இருக்கிறார். சக்தி விகடனில் காஞ்சிப் பெரியவர் பற்றிய அனுபவங்களை எழுதச் சொல்லலாம் என்று, எழுத்தாளர் சாருகேசியுடன் சென்று, அவரைச் சந்தித்துப் பேசினேன். காஞ்சிப் பெரியவர் பற்றி அவர் சொன்ன ஒரு விஷயம் எனக்கு புதுசாக இருந்தது. காஞ்சிப் பெரியவர் தமது பரிவாரங்களுடன் நடந்து வருகிறார். லஸ் அருகில், அவரையும் அவரது அடியவர் கூட்டத்தையும் தாக்குவதற்காக திராவிடர் கழகத்தினர் கழி, கட்டைகளோடு நின்றுகொண்டு இருக்கிறார்கள். காஞ்சிப் பெரியவருக்கு ஏதேனும் சங்கடம் நேர்ந்துவிட்டால், தங்களால் அதைத் தாங்கிக் கொள்ள முடியாதே என்கிற பதைப்போடு டி.டி.கே., சதாசிவம் போன்றோர் கையைப் பிசைந்துகொண்டு நிற்கிறார்கள். பெரியவரை மேலே முன்னேறி வர வேண்டாம் என்று அவர்கள் கேட்டுக் கொள்கிறார்கள். அவரது பாதுகாப்புக்கு போலீஸ் அதிகாரிகள் இருக்கிறார்கள். இருந்தாலும், அவர்களும் தங்களை மீறி பெரியவருக்கு ஏதேனும் ஆபத்து நேர்ந்துவிடுமோ என்கிற பயத்தில், அவரை மேலே செல்ல வேண்டாம் என்று தயவுடன் கேட்டுக் கொள்கிறார்கள்”.

1963 padayatra, Madurai

காஞ்சி பெரியவர் கோவிலுக்குச் சென்று கும்பிட்டது, ஈவேரா கும்பலுக்கு ஆணை இட்டது: லக்ஷ்மிநாராயணன் தொடர்ந்து சொன்னது, “பெரியவர் புன்னகைக்கிறார். “ஏன் வீணா பயப்படறேள்? அவா என்னை ஒண்ணும் பண்ண மாட்டா!” என்று சொல்லிவிட்டு, அருகே இருந்த அம்பாள் கோவில் எதிரே நின்று சிறிது நேரம் கண்களை மூடிப் பிரார்த்தனை செய்துகொண்டுவிட்டு, மேலே நடக்கத் தொடங்குகிறார். கூடவே நடந்து செல்லும் அனைவரின் மனதிலும் திக்திக்..! என்ன ஆகப் போகிறதோ என்று படபடப்புஅந்த நேரத்தில், .வே.ரா. பெரியார் அங்கே வருகிறார். திராவிடர் கழகத் தொண்டர்களைப் பார்த்து உரத்த குரலில், “எல்லாரும் கட்டைகளைக் கீழே போட்டுட்டு, ஒதுங்கி நில்லுங்க. பெரியவரை வழி மறிக்கிறது, தாக்குறது எல்லாம் கூடாது, சொல்லிட்டேன்! அவர் எங்கே போகணுமோ, அங்கே அவரை ஒரு ஆபத்தும் இல்லாம கொண்டு போய்ச் சேர்க்க வேண்டியது உங்க பொறுப்பு!” என்று கட்டளை இடுகிறார். அந்தக் கணீர்க் குரல் பெரியவருக்கும் அவரைச் சுற்றி நிற்கும் அனைவருக்கும் கேட்கிறது. “நான்தான் சொன்னேனே, பார்த்தீர்களா!” என்பதுபோல் பெரியவர் தம் அருகில் இருப்பவர்களைப் பார்த்துப் புன்னகை பூத்தபடி, தொடர்ந்து நடக்கிறார். பெரியாரின் கட்டளையைச் சிரமேற்கொண்டு, பெரியவரைப் பாதுகாப்பாக அழைத்துக் கொண்டுபோய் விடுகிறார்கள் திராவிடர் கழகத் தொண்டர்கள். இந்தச் சம்பவம் நடக்கும்போது கூடவே இருந்தவர் லக்ஷ்மிநாராயணன். இதை அவர் விவரித்தபோது, அன்றைக்கிருந்த படபடப்பு அவரது வர்ணனையில் இருந்தது. இனி இன்னொரு கதையினைப் பார்ப்போம்.

Sri Chandrasekhara Saraswati, taken in rickshaw

தந்தை பெரியாரும், காஞ்சி பெரியவரும்! பல்லக்கில் வந்தது, ஈவேரா விமர்சித்தது![2]: இந்தச் சம்பவத்துக்குச் சில ஆண்டுகளுக்கு முன்னால் வரை, காஞ்சிப் பெரியவர் ‘மேனா’ என்று சொல்லக்கூடிய சிவிகையில்தான் சென்றுகொண்டு இருந்தார். சிவிகை என்பது பல்லக்கு. பழைய காலத் திரைப் படங்களில் இளவரசியை ஒரு பல்லக்கில் வைத்து, முன்னால் நான்கு பேர், பின்னால் நான்கு பேர் தூக்கிச் செல்வதைப் பார்த்திருக்கலாம். பெரியவரையும் அதுபோல்தான் அடியவர்கள் தூக்கிச் செல்வார்கள்.  ஒருமுறை, பெரியவர் அதுபோல் மேனாவில் சென்றுகொண்டு இருந்தபோது, வழியில் மேடை போட்டுப் பெரியார் பேசிக்கொண்டு இருக்கிறார். “மற்றவர்கள் சிரமப்பட்டுத் தூக்கிச் செல்ல, சொகுசாக உட்கார்ந்துகொண்டு போகிறாரே, இவரெல்லாம் ஒரு துறவியா? மனிதனை மனிதன் சுமப்பது எத்தனைக் கேவலமானது! துறவி என்றால் எல்லாச் சுகங்களையும் துறக்க வேண்டும். இப்படி அடுத்தவர் தோளில் உட்கார்ந்து போகும் இவரைத் துறவி என்று எப்படி ஒப்புக்கொள்ள முடியும்?” என்று பெரியார் முழங்கிக்கொண்டு இருப்பது பெரியவரின் காதுகளில் விழுந்தது. அவ்வளவுதான்… மேனாவை அங்கேயே தரையிறக்கச் சொல்லி இறங்கிவிட்டார் பெரியவர். “அவர் ஏதோ சொல்றார்; சொல்லிட்டுப் போறார். அதைப் பெரிசா எடுத்துக்காதீங்கோ! உங்களைச் சுமந்துண்டு போறதை நாங்க பாக்கியமா கருதறோம்,!” என்று மடத்தைச் சேர்ந்தவர்கள் பெரியவரிடம் கெஞ்சியிருக்கிறார்கள். “இல்லை. அவர் சொல்றதுதான் சரி! சுகத்தைத் துறக்காதவன் துறவியே இல்லை. இனிமே எனக்கு இந்த மேனா வேண்டாம். இனி நான் எங்கே போகணும்னாலும் நடந்துதான் போகப் போறேன்,” என்று தீர்மானமான முடிவெடுத்துவிட்டார் காஞ்சிப் பெரியவர். கடைசி வரையிலும், அவர் அந்த முடிவிலிருந்து மாறவில்லை. அவர் கால்கள் தெம்பு இருக்கும்வரை நடந்துகொண்டே இருந்தன…,

The Lotus and robot

1931லிருந்து வெளிநாட்டவர் பெரியவரை சந்திப்பது அவரைப் பற்றி புத்தகங்களில் எழுதுவது: 1994 வரை வாழ்ந்த ஶ்ரீசந்திரசேகர சரஸ்வதி சங்கராச்சாரியாருடன், பல வெளிநாட்டு அறிஞர்கள், எழுத்தாளர்கள் என்று வந்து பேட்டி கண்டு தங்களது அனுபவங்களை எழுதி வந்தனர். இந்த விசயத்தில் தான் மற்றவர்களுக்கு [மற்ற சங்கரமடாதிபதிகளுக்கு] இவர் மீது பொறாமையாக இருந்தது. பால் பிரென்டன் இவரை 1931ல் வந்து பேட்டி கண்டபோது, இவருக்கு வயது 37 தான்[3]. இருப்பினும் தனது அறிவுசாதுர்யத்தால், அவரை கவர்ந்தார். குறிப்பாக அவரது எளிமை அனைவரையும் ஈர்த்தது, திகைக்க வைத்தது.

1955ல் பேராசிரியர் மில்டன் சிங்கர், சிகாகோ பல்கலைகழகம், சந்தித்தார்[4].

Prof. Milton Singer of the University of Chicago, met the Sage in 1955.

1959ல் ஆர்தர் கோயஸ்ட்லர் இவரை பார்த்த போது, ஆச்சரியமாகத்தான் இருந்தது.

Arthur Koestler met Arthor Koestler with V. Raghavan 1959

1962ல் அர்ஜென்டினாவைச் சேர்ந்த, யூஹினா போர்கினி என்ற ஆராய்ச்சியாளர் சந்தித்தார்[5].

1963ல், டாக்டர் ஆல்பர்ட் பிராங்ளின் என்ற அமெரிக்கத் தூதுவர், பெரியவரை மதுரையில் சந்தித்தார்[6].

1965ல் கிரேக்க அரசி மற்றும் இளவரசி  காளாஹஸ்தியில் பெரியவரை சந்தித்து பேசினர்[7].

Sri Chandrasekhara Saraswati,met Queen Frederica Greece and Irene

1970ல், சென்னையில் உலக தத்துவ மாநாடு நடந்தபோது, டெஹ்ரான் பல்கலைக்கழகத்தைச் சேர்ந்த, பேராசிரியர், சையீத் நாசர் சந்தித்தார்[8]. இப்படி, அயல்நாட்டவர் குறிப்பாக, மதம், தத்துவம், ஆன்மிகம் போன்ற விசயங்களில் கவரப் பட்டவர்கள், இவரை பேட்டி எடுக்க, உரையாட ஏன் சோதிக்கக் கூட வந்த போது, அவர்களுடன் இணையாக உரையாடினார். அவர் மேனாட்டு அறிஞர்களை மேற்கோளாகக் காட்டிய போது, அவர்கள் வியந்தனர். அதாவது, 20ம் நூற்றாண்டு வரையிலான  மதம், தத்துவம், ஆன்மிகம் போன்ற சங்கதிகளில் உள்ள பிரபலங்கள், அக்கால கருத்துகள் முதலியவற்றை அறிந்திருந்தார்.

© வேதபிரகாஷ்

18-03-2020

With Ramsuratkumar

[1] இது அப்படியே பலரால் பதிவு செய்யப் பட்டுள்ளது, ஆனால், ஆதாரத்தை யாரும் கொடுக் கவில்லை. சிலர், பல்லாக்கு சமாசாரம் மட்டும் தனியாக போட்டிருக்கிறார்கள்.

[2] இது அப்படியே பலரால் பதிவு செய்யப் பட்டுள்ளது, ஆனால், ஆதாரத்தை யாரும் கொடுக்கவில்லை. சிலர், பல்லாக்கு சமாசாரம் மட்டும் தனியாக போட்டிருக்கிறார்கள் இது “வேதம் புதிது” படத்திலும் சித்தரிக்கப் பட்டுள்ளது.

[3]  Dr.Paul Brunton, author of the well-known book “A Search in Secret India”, first published in London in 1934, was the first Westerner to have an interview with the Sage in 1931.

[4] Prof. Milton Singer of the University of Chicago, met the Sage in 1955.

[5] A scholar from Argentina, Miss. Eughina Borghini met His Holiness in 1962

[6] Dr.Albert Franklin, U.S.Consul General in Madras, saw the Paramachrya for the first time in 1963 in the Madurai Meenakhi Temple during the Kumbhabhishekham ceremony

[7] Queen Frederica from Greece and her daughter Princess Irene met the Paramacharya in 1965 at Kalahasti.

[8]  Professor Sayeed Nasr, the Vice-Chancellor of Teheran University who participated in a World Conference on Philosophy in Madras in 1970 met the Paramacharya in Kanchi

இந்தி-எதிர்ப்பு ஆனால் இந்தி-சினிமா எதிர்ப்பு இல்லை, திராவிடத் தலைவர்கள் மற்றும் இந்தி சினிமா திராவிட தயாரிப்பாளர்கள் [2]

செப்ரெம்பர் 18, 2019

இந்திஎதிர்ப்பு ஆனால் இந்தி-சினிமா எதிர்ப்பு இல்லை, திராவிடத் தலைவர்கள் மற்றும் இந்தி சினிமா திராவிட தயாரிப்பாளர்கள் [2]

Mangalyam 1954 criticizig DMK

நால்வர் பட மூலம், திமுகவை விமர்சித்தது (1953): என்.எஸ்.கிருஷ்ணன். 1952ல் ‘பணம்’ தயாரித்தார். இதன் கதை வசனம் மு.கருணாநிதி மற்றும் ”பராசக்தி: மூலம் பிரபலமாகி அப்போது திமுக நடிகராக இருந்த சிவாஜி கணேசன் தான் கதாநாயகன். ‘தீனா மூனா கானா’ என்ற கண்ணதாசன் பாடலில் “திமுக” குறிக்கப் பட்டது! ‘மாங்கல்யம்’ 1953ல் தயாரிப்பில் இருந்து, மே 1954ல் திரைக்கு வந்த அந்த படத்தில், இந்தப் பாடலை கிண்டலடித்து ஒரு பாடல் அமைக்கப்பட்டது. ஆனால் முந்தையப் பாடலைப் போல், அதில்  எந்தக் கட்சிப் பிரசாரமும் இல்லை[1].

‘வானா மூனா கானா மூனாத்தனத்தை மறைச்சு வச்சு,

முதலாளியைக் காக்கா பிடிக்கும் வானா மூனா கானா…..

ஷோக்குப் பண்ண பிராடு கணக்கு ஜோடிப்பதிலே ராஜா,

பணத்தை சுரண்டும் உங்க விஷயமெல்லாம் தெரியும்

எனக்குப் பேஷா மூட்டை அடிக்கிறதும் நீங்க,

பணத்தை மூட்டை அடிக்கிறதும் நீங்க,

கம்பெனி மூடுவிழா செய்யறதும் நீங்க

சேட்டைகள் பண்ணுறதும் நீங்க,

பொம்பளையைத் தேடி அலையறதும் நீங்க,’’ ஏபிநாகராஜனின் படத்தில் பாடல் வந்தது! இவையெல்லாமே, திமுகவினரை மறைமுகமாகக் குறிப்பிட்டன என்று அறியப்பட்டது. இருப்பினும், பெரிய அளவில் தெரிந்து விடக் கூடாது என்று, அமைதி காத்து, அமுக்கப் பட்டது. தெரிந்தவர்களும், திராவிட இயக்கத்தைப் பற்றி ஆராய்பவர்களும் எடுத்துக் காடுவதில்லை.

DMK, MGR, Shivaji, Hindi

சிவாஜி கணேசன் திமுகவில் இருந்து விலக்கப் படுதல், எம்ஜிஆருக்கு முக்கியத்துவம் கொடுக்கப் படல் (1952-1957): கருணாநிதியின் வசனத்துடன் நாத்திகத்தை உயர்த்திப் பிடித்த, பராசக்தி 1952ல் வெளிவந்தது. சிவாஜி கணேசன், ஒரே படத்தில், பிரபலமாகி, திமுகவி நடிகர் ஆனார். கருணாநிதி திரைக்கதை எழுதி, என். எஸ். கிருஷ்ணன் இயக்கி “பணம்,” 1952 ஆம் ஆண்டு வெளிவந்த திரைப்படமாகும். பராசக்தியும், பணமும் ஒரே நேரத்தில் தயாரானாலும், இது பிறகு வெளிவந்தது. சிவாஜி கண்ட சாம்ராஜ்யம் நாடகம் பார்த்து “சிவாஜி” பட்டத்தை, ஈவேரா அளித்ததால், வி.சி.கணேசன், சிவாஜி கணேசன் ஆனார்! 1946ல் அண்ணா எழுதிய “பணத் தோட்டத்திற்கும்” இதற்கும் சம்பந்தம் இல்லை[2]. ஆனால், 1957ல் அவர் திமுகவிலிருந்து வெளியேற்றப் படுகிறார். பல காரணங்கள் சொல்லப் பட்டாலும், சிவாஜி தனது புத்தகத்தில் குறிப்பிட்டதாவது, எம்ஜிஆரை, திமுகவில் முக்கியப்படுத்தவே, தான் ஓரங்கட்டப் பட்டதாக கூறியுள்ளார். வெள்ளநிதிக்கு அதிகமாக வசூலித்துக் கொடுத்திருந்தும், பாராட்டு விழாவிற்கு தன்னை அழைக்காமல், சம்பந்தமே இல்லாத, எம்ஜிஆரை அழைத்துப் பாராட்டியதை சுட்டிக் காட்டினார். பிறகு, திருப்பதிக்குச் சென்று வந்ததை வைத்து, திமுகவினர், திட்டத்தை நிறைவேற்றி விட்டனர். அதாவது, திமுகவில், பெரிய தலைவர்கள், நடிகர்கள் முதலியோரும் எத்தகைய விளைவுகளுக்கு உட்படுத்தப் பட்டுள்ளனர், அதன் பின்னணி என்ன, யார் அவ்வாறு செய்வது முதலியவை மர்மமாகவே உள்ளன.

Anna and Shivaji, drama 1945 color

1966ல் சிவாஜி சின்னப்பா தேவரிடம் திருமணம் விசயமாக வந்தது[3]: 1966ல், எம்.ஜி.ஆர்., ஓய்வு ஒழிச்சலின்றி நடித்துக் கொண்டிருந்த காலம். சிவாஜி கணேசன் மார்க்கெட் மொத்தமாக காலியானது போன்ற சூழல்! இந்நிலையில், அன்று, தேவர் அலுவலகத்திற்கு வேகமாக வந்து கொண்டிருந்தார் சிவாஜி கணேசன். படிய வாரப்பட்ட தலை, நெற்றியில் விபூதி, வழக்கமான பைஜாமா, ஜிப்பா, இதழ்களில் புன்சிரிப்பு! வருவது அவர் தானா என ஆச்சரியமாக பார்த்தனர் அங்கிருந்தோர். சிவாஜி கணேசனைப் பார்த்த தேவர், ‘என்ன முருகா… இவ்வளவு தூரம் மெனக்கெட்டு வந்துருக்கீங்க…’ என்றார். ‘நல்ல விஷயமாத்தேன் வந்துருக்கேண்ணே…’ என்றார் சிவாஜி கணேசன். தொடர்ந்து தேவரின் அறையில் ஒலித்த உற்சாகம் கலந்த உரையாடல், கதை இலாகாவை எட்ட, அவர்கள் விஷயத்தை அறிந்து கொள்ள வராண்டாவுக்கு வந்தனர். ‘அண்ணே… சிவாஜி இங்க எதுக்காக வந்துருக்காரு… உங்களுக்கு ஏதாவது தெரியுமா…’ என எடிட்டர் பாலுராவைக் கேட்டனர். அவர் தெரியாது என்றதும், ‘பத்மஸ்ரீ விருது கிடைச்சுருக்கில்ல…  அதுக்கு ஆசிர்வாதம் வாங்க வந்திருப்பார்…’ என்றும், ‘இப்ப சிவாஜி கணேசனோட மார்க்கெட் அவுட்டுப்பா… மோட்டார் சுந்தரம்பிள்ளை கூட, இந்தியில வசூல் ஆன மாதிரி, இங்கே போகாதுங்கறாங்க; புதுப்படம் எதுவும், ‘புக்’ ஆகலே. அதான் வாய்ப்பு கேட்டு வந்திருப்பார்…’ என்றும் ஆளாளுக்கு கருத்துக் கூறினர். Santo with Shivaji Ganesanசிவாஜி கணேசனை வழியனுப்பி விட்டு வந்த தேவர்,  ‘இங்கே என்னப்பா செய்யறீங்க… நான் சொன்ன சீனை யோசிச்சீங்களா…’ என்று குரலை உயர்த்தினார். ‘அண்ணே… சிவாஜி இப்ப எதுக்காக வந்தாருன்னு சொன்னாத் தான் எங்களுக்கு வேலை ஓடும்…’ என்றனர். ‘என் பெரிய பொண்ணு சுப்புலட்சுமிக்கு, கணேசன் வரன் கொண்டு வந்துருக்காருப்பா. நாம அவருக்கு தொழில் கொடுக்கலன்னாலும், அவருக்கு என்மேல ஒரு தனிப் பாசம் இருக்கத் தான் செய்யுது. அவரே வீடு தேடி வந்து பேசிட்டுப் போறாரு…’ என்று கணேசனை, புகழ்ந்து தள்ளினார் தேவர்[4]. மாப்பிள்ளை ஆர்.தியாகராஜனின் மூத்த சகோதரர் சேது, பொள்ளாச்சியில் பிரபல வணிகர்; சிவாஜி கணேசனின் நண்பர். கணேசனின் முயற்சியால், ஜூன் 1, 1966ல் தேவர் மகள் சுப்புலட்சுமி, திருமதி தியாகராஜன் ஆனார்.  அதாவது அவ்வளவு நெருக்கம் இருந்தும், எம்ஜிஆரை வைத்து, இந்தி-ரீமேக் படங்கள் எடுத்தார் என்பது கவனிக்கத் தக்கது.

MGR, Jaya donning Murugan, Valli

1966ல் எம்ஜிஆர்ஜெயலலிதா, முருகன்வள்ளியாக நடித்தது: தி.மு.க.,வை எப்படியாவது ஆட்சியில் அமர வைத்து விட வேண்டும் என்று இளைஞர்கள் கங்கணம் கட்டிக் கொண்டிருந்த நேரம் அது. அச்சமயத்தில், ‘அண்ணே… தனிப்பிறவி படத்துல ஒரு கனவு பாட்டு சீன் வருது; அதுல, நீங்க முருகர் வேஷமும், அம்மு வள்ளியா வந்தா நல்லா ருக்கும்ண்ணே… கவிஞர் பல்லவியை அற்புதமா ஆரம்பிச்சுருக்காரு…’ என்று தேவர் கூறியதும், அதிர்ந்து போனார் எம்.ஜி.ஆர்., ஏற்கனவே, நல்ல தங்காள் படத்துக்கு வசனம் எழுத தடை விதித்து, கதை, வசனகர்த்தா ஏ.கே.வேலனுக்கு, நாவலர் நெடுஞ்செழியனுக்கு, கடிதம் அனுப்பிய வரலாறும் உண்டு. அதாவது, கருத்துரிமை போன்றவற்றிற்கு எந்த அளவிற்கு இடம் கொடுக்கப்பட்டது என்று தெரிந்து கொள்ளலாம். ஆனால், அவர்கள் தான், பகுத்தறிவு என்றெல்லாம் பேசுகிறார்கள். மேலும், ‘அச்சம் என்பது மடமையடா! அஞ்சாமை திராவிடர் உடமையடா…’ என்று நடித்து கைத்தட்டல் வாங்கிய பின், திடீரென்று முருகனாகத் தோன்றினால், கட்சி மேலிடம் நோட்டீஸ் அனுப்புமே…’ என்று தயங்கியவர், ‘முகராசிக்கு கிடைச்ச வெற்றியில, ‘ரிஸ்க்’ எடுக்காதீங்க அண்ணே…’ என்றார். உண்மையில், எம்.ஜி.ஆரும் முருக பக்தரே! ஜூபிடர் படங்களில் நடிக்கிற காலத்தில், தேவரோடு சென்று, மருதமலை முருகனை வழிபடுவார் எம்.ஜி.ஆர்.,

Hati mere sati and Nalla neram

இந்தி திரைப்படங்கள், சிவாஜியும், எம்ஜிஆரும்: சாண்டோ சின்னப்பத் தேவர், ஏ.வி.எம் போல, இந்தியில் படம் எடுத்தவர். குறிப்பாக, ஆராதனா ஹிட் ஆனதை அடுத்து, ராஜேஸ் கன்னாவை வைத்து, “ஹாதி மேரா சாதி” படம் எடுத்தவர். பிறகு எம்ஜிஆரையும் வைத்து, அதே படத்தை தமிழில் எடுத்தார். ராஜேஸ் கன்னாவின் படங்கள் பல்லவற்றை, எம்ஜிஆர் தமிழில் எடுத்தார். ஆனால், சிவாஜி கணேசன், இரண்டே இந்தி படங்க்களில் நடித்துள்ளார். அதிலும், அவை இரண்டுமே தமிழ் மற்றும் இந்தியில் ஒரே நேரத்தில் எடுத்தவை அல்லது டப் செய்தவை. மனோஹரா (1954) மற்றும்தான வீர கர்ணன் (1965). தவிர ஸ்கூல் மாஸ்டர் (நட்பிற்காக) மற்றும் தர்தி (1970) நட்பிற்காக தோன்றி நடித்துள்ளார். இந்தியில் எடுத்த படங்களில் நடித்தாலும், அவை வெற்றி பெறவில்லை. ஆனால், எம்ஜிஆர் தமிழில் ரீமேக் செய்த படங்கள் நன்றாக ஓடின. 1951ல் “ஏக் தா ராஜா” [மர்ம யோகி, இந்தி ரீமேக்], எம்ஜிஆர், அதே சிறிய வேடத்தில் நடித்தார். ஆக, இந்தி-தமிழ் படங்கள் எடுப்பதில், சென்னையில் இந்தி படங்கள் எடுப்பதில், எந்த பிரசினையும் இல்லை என்றே தெரிகிறது. இந்தி-எதிர்ப்பு போராட்டக் காரர்களும், அனுசரித்து நடந்து கொண்டிருக்கிறார்கள் என்றால், அவர்கள் தலைவர்கள் அவ்வாறே கட்டளை இட்டிருக்கிறார்கள் என்றே தெரிகிறது.

© வேதபிரகாஷ்

18-09-2019

MGR, Jaya donning Murugan, Valli.2

[1] வாமனன், திரை இசைத்திலகம் கே.வி.மகாதேவன் 1918–2018 – 20, தினமலர், பதிவு செய்த நாள் : 15 ஜூலை 2018.

http://www.dinamalarnellai.com/web/news/52765

[2]  பி. ராமமூர்த்தி, ஆரியமாயையா? திராவிட மாயையா? விடுதலைப் போரும், திராவிட இயக்கமும், பழனியப்பா பிரதர்ஸ், சென்னை, 1983. இதில் ராமமூர்த்தி, அண்ணாவின் பொருளாதாரக் கருத்துகளை விமர்சித்துள்ளார்.

[3] தினமலர், சாண்டோ சின்னப்பா தேவர்! (16), பதிவு செய்த நாள் 22நவம்பர், 2015, 00:00, நன்றி: சிக்ஸ்த்சென்ஸ் பப்ளிகேஷன்ஸ், சென்னை. பா. தீனதயாளன்

[4] https://www.dinamalar.com/supplementary_detail.asp?id=27841&cat=2&Print=1

ஈவேராவின் 1931-32 ஐரோப்பிய விஜயம் மற்றும் நிர்வாண சங்கங்களில் பங்கு கொண்ட விவகாரங்கள்! [1]

மே 29, 2019

ஈவேராவின் 1931-32 ஐரோப்பிய விஜயம் மற்றும் நிர்வாண சங்கங்களில் பங்கு கொண்ட விவகாரங்கள்! [1]

EVR, with Ramanathan, Ramu

பெரியார் நிர்வாண விஜயம்பரிசோதனைகளைப் பற்றி திராவிட எழுத்தாளர்கள் மறைப்பதேன்?: ஈ. வே. ராமசாமி நாயக்கர் [1879-1973][1], எஸ். ராமநாதன் [1895-1970] மற்றும் ஈரோடு ராமு[2] என்ற மூவரும் 13-12-1931 அன்று சென்னையிலிருந்து கப்பலில், ஐரோப்பிய பயணத்திற்குச் சென்றனர்.  14-02-1932 அன்று மாஸ்கோவை அடைகின்றனர். பெரியார் ஆராய்ச்சியாளர்கள், பெரியாரிஸ்ட் விற்பன்னர்கள் மற்றும் எழுத்தாளர்கள், பொதுவாக ஈவேராவின் நிர்வாண கிளப் விஜயம், பரிசோதனை, அம்மண குளியல் முதலியவற்றைத் தவிர்த்தனர் எனலாம். காந்தி, “உண்மையுடன் நான் மேற்கொண்ட பரிசோதனை” [My Experiments with Truth]   என்பது போல, ஈவேரா / பெரியார் “பொய்யுடன் நான் மேற்கொண்ட பரிசோதனை” [My Experiments with Untruth] என்று எதையும் எழுதவில்லை. காந்தி பெண்களுடன் இருந்தது பற்றி பல புத்தகங்கள் எழுதப் பட்டுள்ளன. ஆனால், ஈவேரா பெண்களுடன் இருந்தது பற்றி யாரும்மூச்சுக் கூட விடவில்லை. “திராவிட கழகம்” என்று விதவிதமாக பெயர்களை வைத்துக் கொண்டு, புத்தகங்களை வெளியிடும்  நபர்களும், இயக்கங்களும் மறைக்கிறார்கள் எனலாம். பெரியார் பற்றி ஆராய்ச்சி செய்து வெளிவந்துள்ள ஆயிரக்கணக்கான ஆராய்ச்சிக் கட்டுரைகளிலும் மௌனம் சாதிக்கப் படுகிறது. இனி சில புத்தகங்களில் இதைப் பற்றியுள்ள விவரங்களைப் பார்ப்போம்.

EVR and Gandhi with women - not compared

ஈவேராவின் நிர்வாணத்துடனான சோதனை: எஸ். கருணானந்தம் ரஷ்யாவில் “அரசு விருந்தினராக ஏற்றுக் கொள்ளப்பட்டு” இருந்தனர் என்று குறிப்பிட்டாலும், நிர்வாண விஜயங்கள் பற்றி மூச்சுக் கூட விடவில்லை[3]. “தந்தை பெரியார் – முழு முதல் வாழ்க்கை வரலாறு,” என்பதில் இவ்வாறு இருப்பது, மறைப்பு சித்தாந்தத்தைத் தான் எடுத்துக் காட்டுகிறது. தஞ்சை மருதவாணன்[4], 1912லிருந்து 1973 வரை “திராவிடர் இயக்க வரலாற்றுச் சுவடுகள்” என்ற தலைப்பில் புத்தகத்தை வெளியிட்டாலும், இதைப் பற்றி ஒன்றையும் சொல்லக் காணோம். அதே தஞ்சை மருதவாணன், இன்னொரு புத்தகத்தில், மிக விவரமான ஐரோப்பிய பயணத்தை விவரித்தாலும், இந்த சமாசாரம் வரும் பொழுது, “பல நிர்வாண சங்கங்களுக்கும் சென்று அவர்களுடன் கலந்து பழகினார்,” என்று ஒரே வரியில் முடிப்பதும் வேடிக்கையாக இருக்கிறது[5]. ஏ.எஸ். வேணு[6], “காமவெறியைத் தடுத்து, பால் உணர்ச்ச்சிக்கு எல்லைக்கோடு அமைக்க மேல்நாடுகளில் நிலவும் நிர்வாண இயக்கத்தையும் நம் நாட்டில் புகுத்த நினைத்துப் பெரியார் ஒரு சில நாட்கள் தாமே நிர்வாண இயக்கத்தைக் கடைபிடித்துப் பின்னர் பழையபடி தம்மை மாற்றிக் கொண்டார் என்பதும் வியப்பாகும். பெரியார் பிறர் கூறுவதைச் சுலபத்தில் ஏற்பவர் அல்லர். முரட்டுத் தனமும், பிடிவாதமும் கொண்ட பெரியார் தம் மனைவியின் பேச்சைத் தட்டாமல் கேட்டுத் திருந்தி நிர்வாண இயக்கப் பற்றைத் துறந்தார்,”  என்று பதிவு செய்கிறார். ஆனால், இத்தகைய நிர்வாண இயக்கத்தை ஈரோட்டில், தமிழகத்தில் அறிமுகப்படுத்தினாரா என்று தெரியவில்லை. “ஒரு சில நாட்கள்” என்பதால், ஒருவேளை ஒன்றுமே செய்யவில்லை என்றும் சொல்லலாம். இனி பிரச்சினையை ஆய்வோம்.

EVR with Nude club members 1932-changed

நிர்வாண சங்கம்[7], கிளப்பில் கலந்து கொண்ட ஈவேரா: ஈவேரா கலந்து கொண்ட நிர்வாண சங்கம் அல்லது கிளப்[8] பெர்னிலில் உள்ளது, ஜெர்மனியில் உள்ளது என்றெல்லாம் பொதுவாகக் குறிப்பிடப் படுகிறது. ஆனால், போட்ஸ்டாம் [potsdam] என்ற இடத்தில் இருந்த கிளப்பில் தான் உறுப்பினர் ஆனால் என்று தெரிகிறது. பெர்லினுக்கு அடுத்த பட்டணமாகிய போஸ்டாமில் பெரியார் இருந்த ஏழு நாள்களில் நான்கு நாள்களை நிர்வாணச் சங்கங்களிலேயே கழித்தார்,” என்று தெரிகிறது[9]. போட்ஸ்டாம் நகரம் பெர்லின் நகரில் இருந்தது என்று தெரிகிறது. நிர்வாணமாக குளிப்பது என்பது தான், இந்த கிளப்புகளில் விசேஷம். அதாவது ஆண்-பெண் சேர்ந்து நிர்வாணமாகக் குளிப்பர். இருப்பினுஜ் 1931ல் வெளியே குளிப்பது ததை செய்யப் பட்டது. 1933ல் இந்த நிர்வாண கிளப்புகள் எல்லாம் மூடப்பட்டன அல்லது மற்ற விளையாட்டு கிளப்புகளுடன் இணைக்கப் பட்டன[10]. மேலும், இவ்விடம் விபச்சாரத்திற்கும் பிரசித்திப் பெற்றது! சாமி. சிதம்பரனார், “அவர்கள் பல நிர்வாண சங்கங்களுக்கு [Nude societies] சென்று அவர்களுடைய உண்மை நோக்கங்களை உணர்ந்தார்கள்,” என்று குறிப்பிட்டுள்ளார்[11]. பன்மையில் குறிப்பிட்டாலும், எவ்வளவு சங்கங்ளுக்குச் சென்றனர், அவற்றின் பெயர்கள், அங்கு என்ன செய்தனர் போன்ற விவரங்கள் கொடுக்கப்படவில்ல. மேலும், “உண்மை நோக்கங்கள்” என்னவென்பதும் எடுத்துக் காட்டப்படவில்லை.

EVR at Nude society - 1

நிர்வாண கிளப்பின் விவரங்கள்: வெங்கடாசலபதி எடுத்துக் காட்டுவது, “காலை 9லிருந்து மாலை 4.30 வரையிலும் பலதரப்பட்டவர்கள்- ஏற்படுத்தியுள்ள நிருவனங்களை எதிர்ப்பவர்கள், பேசிஸ்டுகள், சோசியலிஸ ஜனநாயக சிந்தனையாளர்கள், கம்யூனிஸ்டுகள் –  நிர்வாணமாக இருப்பர். நீந்துவது, உடற்பயிற்சி செய்வது, சூரிய குளியலில் ஈடுபடுவது, ஓடுவது, கால்பந்து விளையாடுவது, வாத்தியங்களை இசைப்பது என்று எல்லாவற்றையும் நிர்வாணமாகவே செய்தனர். ஈவேரா 3000 முதல் 4000 பேர் அங்கு கூடினர் என்ற தகவலை சேகரித்தார். அதுமட்டுமல்லாது, அந்த நிர்வாண சங்கத்தின் அங்கத்தினர் எண்ணிக்கை பல-ஆயிரங்களில் இருந்தது, மற்றும் அதில் 40,000 பெர்லினில் இருந்தனர் என்று ஈவேராவுக்குத் தெரிய வந்தது.  26, விக்டோரியா பார்க் என்ற இடத்தில் நடந்த நிகழ்ச்சிற்கு சென்றனர். அங்கு 3000 பேர் கூடியிருந்தனர். அந்த நேரங்களில் நிர்வாணமாக இருந்த பெரியாரை பல புகைப்படங்கள் எடுக்கப்பட்டிருக்கின்றன. 1939ல் தன்னுடைய சுயசரித்திரத்தில், அந்த புகைப்படங்கள் எல்லாம் சேர்ப்பதாக இருந்தது. ஆனால், சேர்க்கப்படவில்லை[12]. 1940 மற்றும் 1962 பதிப்புகளிலும் காணப்படவில்லை. “புகைப்படங்கள் எடுக்கப் பட்டிருக்கின்றன,” எனும்போது, அத்தகைய ஏற்பாடுகள் இருந்துள்ளன என்று தெரிகிறது.

EVR at Nude society - 2

ஈவேராவின் நிர்வாண புகைப்படங்கள் ஏன் வெளியிடப்படவில்லை?: ஏ. ஆர். வெங்கடாசலபதி[13] என்கின்ற திராவிடத்துவ ஆராய்ச்சியாளர், 10-15 போட்டோக்கள் இருக்கின்றன என்கிறார். ஈவேராவை நிர்வாணமாக வைத்து கிளிக் செய்யப்பட்டன என்கிறார். ஆனால், ஒரே ஒரு படம் தான் காணப்படுகிறது. இவரும் தன்னுடைய கட்டுரையில், எந்த புகைப்படத்தையும் சேர்க்கவில்லை.  இதிலிருந்து, அவரும் மறைத்துள்ளார் என்றாகிறது. முன்னர், காந்தியை சந்தித்தது போன்ற வெளியிட்ட புகைப்படம் உண்மையானதல்ல என்று தெரிந்தது.  அந்நிலையில் திராவிடத்துவ வாதிகளின் பொய்கள், மறைப்புகள் செய்து வருகிறார்கள் என்பதால், இச்சித்திரம் மட்டும் பொய்யானது அல்ல, உண்மையில் ஈவேரா காந்தியை சந்தித்ததும் பொய்யா என்ற கேள்வி எழுந்தது. இங்கு முக்கியமான விசயம் என்னவென்றால், ஆராய்ச்சியாளர் தமக்குக் கிடைத்துள்ள முழுவிவரங்களையும் வெளியிடாமல் இருப்பது தான்[14]. ஆன்கிலத்தில் மற்றும் தமிழில் ஒரே விசயத்தை வேறு மாதிரி கொடுத்துள்ள போக்கும் தெரிகிறது. தமிழில் சுருக்கம் என்றாலும், உண்மையினை சொல்லியிருக்கலாம்[15].

Potsdam nude club, bath etc ad

ஈவேரா எந்த நிர்வாண சங்கத்திற்குச் சென்றார்?: ஈவேராவுக்கு பாலியல் பலவீனம் உள்ளதை, பவானி ஆற்றங்கரையில், அவர் பெண்களுடன் சல்லாபித்ததை, அவ்வூர் வயதானவர்கள் எடுத்துக் காட்டியுள்ளனர்[16]. ஈவேரா காணாமல் போய் ஆந்திராவில் காணப்பட்டார் என்ற போது, நாடகக் கம்பெனிகளில் தான், தேடிப் பார்த்தனர். ஏனெனில், எந்த நடிகையுடன் இருப்பாரோ என்ற சந்தேகம் தான். இவையெல்லாம், ஈவேராவின் வாலிப வயது நிலையைக் காட்டுகிறது. மேலும், ஜெர்மனி நிர்வாண சங்கத்தில், ஜெர்மானியர் அல்லாதவருக்கு அனுமதி இல்லை[17]. ஒருவேளை விபச்சார விடுதிகளில் அனுமதிக்கப்பட்டிருக்கலாம். ஆகவே, இவர், அங்கு சென்றாரா அல்லது வெறேங்கேயாவது சென்றாரா என்ற கேள்வியும் எழுகின்றது. மேற்குறிப்பிட்டபடி, எல்லா விவரங்களையும் தொகுத்துப் பார்க்கும் போது, போட்ஸ்டாம் என்ற கிளப்பிற்குத் தான் சென்றதாகத் தெரிகிறது. மறுப்பதாக இருந்தால், உண்மை விவரங்கள் தரவேண்டும்.

© வேதபிரகாஷ்

27-05-2019

Freikoerperkultur

[1] எஸ். இராமநாதன் (30 டிசம்பர் 1895-9 மார்ச் 1970) தன்மான இயக்க முன்னோடிகளில் ஒருவரும் தந்தை பெரியாரின் வலக்கையாக இயங்கியவர். தஞ்சை மாவட்டம், மயிலாடுதுறை வட்டம், கொடை விளாகம் என்னும் சிற்றூரில் சைவ வேளாளர் குடும்பத்தில் பிறந்தார். 1929 திசம்பர் 15இல் பெரியார் மலேசியா சுற்றுப் பயணம் சென்றபோது இராமநாதனும் உடன் சென்றார். 1931 ஆம் ஆண்டு பெரியார் ஏறத்தாழ 11 மாதங்கள் ஐரோப்பியச் சுற்றுப் பயணத்தை மேற்கொண்ட போது, அவருடன் இராமநாதனும் ஈரோடு இராமுவும் உடன் சென்றார்கள்.

[2]  இவரைப் பற்றிய விவரங்கள் தெரியவில்லை. நிச்சயமாக, ஈவேராவுக்கு வேண்டியவர் என்று தெரிகிறது.

[3] எஸ். கருணானந்தம், தந்தை பெரியார் முழு முதல் வாழ்க்கை வரலாறு, மூவேந்தர் அச்சகம், சென்னை, 1979, ப.87.

[4] தஞ்சை மருதவாணன், 1912லிருந்து 1973 வரை திராவிடர் இயக்க வரலாற்றுச் சுவடுகள், திராவிடர் விடுதலைக் கழகம், சென்னை, திராவிடர் விடுதலைக் கழகம், சென்னை, ப.15.

[5] தஞ்சை மருதவாணன், இவர்தான் பெரியார் வரலாற்றுச் சுருக்கம் ஆண்டு வாரியாக,  திராவிடர் விடுதலை கழகம், சென்னை, 2015.

[6] ஏ.எஸ். வேணு, பெரியார் ஒரு சரித்திரம், பெரியார் பட்டறை, திருவாரூர், ப.36.

[7] Freikoerperkultur [FKK] என்ற நிர்வாண அமைப்பு – வேறு, இது வேறு என்று தெரிகிறது. மற்ற விவரங்கள் கிடைக்கவில்லை.

[8]  The Nude Society, Nudist club, Bathing club, Free Body club, Strip club, Strip society என்று பல பெயர்களில் அழைக்கப் படுகிறது.

[9] காலச்சுவடுசெப்டம்பர் 2004.

[10] Potsdam, a city located near Berlin outskirts – In 1931, nude bathing outside closed club grounds was again generally prohibited, and in 1933, nudist clubs were either dissolved or integrated as sports associations in National Socialist organizations. Incidentally, it is also famous for prostitution.

[11]  சாமி. சிதம்பரனார், தமிழர் தலைவர், பெரியார் சுயமரியாதை பிரச்சார  நிறுவன வெளியீடு, சென்னை, 1938/1997, பக்கம்.110.

[12] A. R. Venkachalapathy, From Erode to Volga: Periyar EVR’s Soviet and European tour, 1932, India and the World in the First Half of the Twentieth Century, edited by Madhavan K. Palat, Routledge, New York, 2018.

[13] A. R. Venkachalapathy,  chalapathy@mids.ac.in

[14] தி.இந்து.தமிழ், பெரியாரும் சோஷலிசப் பயணமும்!, ஆ.இரா.வேங்கடாசலபதி, Published : 20 Sep 2017 10:11 IST; Updated : 20 Sep 2017 10:19 IST

[15] https://tamil.thehindu.com/opinion/columns/article19719433.ece

[16] என். ஜி. நடேசன், பெரியார் ஒரு புனலாறா, புரட்சியாளரா?, திருசெங்கோடு, 2007.

[17] ஜெர்மனி இனரீதியில் இருந்து வந்த காலத்தில், இந்தியரான, இவர் சென்றது, சந்தேகத்திறுரியதாக உள்ளது. மேலும், திராவிடராக இருந்து கொண்டு, ஆரியர்களுடன் எவ்வாறு தொடர்பு வைத்தார் என்பதும் புதிராக உள்ளது.