Archive for the ‘உருவ சிலை’ Category

ஜான் பென்னிகுக் வைத்து கட்டுக்கதை உண்டாக்குவதேன் – திராவிடத்துவ சிலைஅரசியல் முதல் சமாதி அரசியல் வரை! (3)

ஜனவரி 18, 2022

ஜான் பென்னிகுக் வைத்து கட்டுக்கதை உண்டாக்குவதேன் திராவிடத்துவ சிலைஅரசியல் முதல் சமாதி அரசியல் வரை! (3)

உயிருடன் இருக்கும் போதே சிலை வைத்துக் கொள்ளும் திராவிட சம்பிரதாயத்தை ஈவேரா ஆரம்பித்தார்.

தமிழகத்திற்கு சிலைவைப்பு, சிலையுடைப்பு, சிலைஅரசியல் எல்லாம் புதியதல்ல: ஈவேராவால் தமிழகத்தில் சிலையுடைப்பு அரசியல் ஆரம்பிக்கப் பட்டது. இங்கு பிள்ளையார் / விநாயகர் சிலைகள் தேர்ந்தெடுக்கப் பட்டதால், அது இந்துவிரோதமாகி அந்த போலி நாத்திகர்களை வெளிப்படுத்தியது. உச்சநீதி மன்றம் வரை அவர் மீதான வழஜக்குச் சென்றாலும், ஈவேரா நீதிமன்றத்தில் ஆஜராகவில்லை, நன்றாக வாங்கிக் கட்டிக் கொண்டார். இருப்பினும் சிலையுடைப்பு அக்கிரமங்களை செய்து வந்தார். 1968ல் இரண்டாம் உலகத் தமிழ் மாநாட்டிலிருந்தே சிலைவைத்தல்[1], அதிலும் மெரினா பீச்சில் சிலை வைத்தல் என்ற அரசியல் ஆரம்பித்தது. அப்பொழுதே, அண்ணா பலதரப் பட்ட அழுத்தங்களுக்குட் பட்டார். வெளிநாட்டு, உள்நாட்டு அழுத்தம்-ஆதிக்கங்கள் அதிலிருந்தன. இதனால், சில சிலைகள் தேவையில்லாமல் சேர்க்கப் பட்டன, அதாவது, சில நீக்கவும் பட்டன. 1970களில் ஈவேராவின் பிள்ளையா சிலையுடைப்பு / ராமர் பட அவமதிப்பு உச்சங்களுக்குச் சென்றன[2].

உயிருடன் இருக்கும் போதே சிலை வைத்துக் கொள்ளும் திராவிட சம்பிரதாயத்தை ஈவேரா ஆரம்பித்தார். கருணாநிதியும் அந்த சடங்கை முறையாக செய்தார். ஆனால், அது உடைப்பு கிரியையில் முடிந்ததது. உடைப்பு சம்பிரதாயத்தையும் ஈவேரா தான் ஆரம்பித்து வைத்தார்.

ஈவேராஅண்ணாகருணாநிதி சிலைகள்: அதேபோல, பிறகு மவுண்ட் ரோடில் சிலைவைப்பதில், வைத்துக் கொள்வதில் போட்டி ஏற்பட்டது. ஈவேரா (இந்து அலுவகத்து அருகில்), அண்ணா என்றாகி (மவுண்ட் ரோடு-வாலாஜா ரோட் சந்திப்பு), உயிரோடு இருக்கும் போதே கருணாநிதி தனக்கும் சிலை வைத்துக் கொண்டார் (மவுண்ட் ரோட்-பாட்டுலஸ் ரோட் சந்திப்பு). ஆனால், 1987ல் அது உடைக்கப் பட்டது. அது அரசியலாகி, திராவிடத்துவமாகி, ஒரு நம்பிக்கையாகவும் மாறியது. அதாவது, அது அபசகுனமாகக் கருதப் பட்டது. திமுக ஆட்சி அதிகாரம் இழந்தது. எம்ஜிஆருக்கு ஸ்பென்சர் சந்திப்பில் சிலை வைக்கப் பட்டது. இனி மவுண்ட் ரோடில் எங்கு, யாருக்கு வைப்பார்களோ தெரியாது.

மவுண்ட் ரோடில் முதலில் ஈவேரா, பிறகு அண்ணா, கருணாநிதி என்று வரிசையாக சிலைகள் வைக்கப் பட்டது.

அம்பேத்கர் சிலை வைத்தலும், போராட்டமும்: இதற்குள் அம்பேதகருக்கு சிலை வைக்கும் அரசியல் ஆரம்பித்து, அது தீவிரமாகி, அதிகமாகியது. முதலில் இந்துக்களைத் தாக்க அது உதவும் என்று நினைத்து ஊக்குவிக்கப் பட்டது, ஆனால், அது திராவிட உயர்ஜாதியினருக்கே எதிராக அமைந்தது. இது நிச்சயமாக திராவிடத்துவவாதிகளுக்குப் பிடிக்கவில்லை[3]. அதனால், திக ஈவேரா சிலை வைக்கும் அதிரடியை ஆரம்பித்தது. அந்த தீவிரம் ஶ்ரீரங்கம் கோவில் வாசலுக்குச் சென்ற போது பிரச்சினையாகியது[4]. இடையில் கண்ணகி சிலை வைத்தும் கருணாநிதி அர்சியல் நடத்தினார். ரஜினி 2021ல் பேசியதும் எதிர்க்கப் பட்டது, ஆனால், விவரங்கள் வெளியே வந்து விட்ட போது, திராவிட நாத்திக-இந்துவிரோத முகங்கள் எல்லோருக்கும் தெரிந்து விட்டது.

சிலைகளுக்குப் பிறகு கோவில்களும் கட்டப் பட்டது. இப்பொழுது சமாதிகள் கோவில்களாக மாறி அங்கு தினம்-தினம் பூஜைகள், படையல்கள், ஆராதனைகள், அலங்காரங்கள்-வாத்தியங்கள் சகிதம் நடந்து கொடிருக்கின்றன…

வள்ளுவர் கோட்ட அரசியல்: கடந்த 1971- 76 ல் கருணாநிதி முதல்வராக இருந்தபோது, சென்னை நுங்கம்பாக்கத்தில் பிரம்மாண்டமான முறையில் வள்ளுவர் கோட்டம் கட்டினார்[5]. அதன் திறப்பு விழாவை 1976ம் ஆண்டு பிரவரி மாதம் 1,2,3 ஆகிய தேதிகளில் மூன்று நாட்களுக்கு சிறப்பாக நடத்த முடிவு செய்து எல்லா ஏற்பாடுகளும் செய்யப்பட்டன. விழா தொடர்பாக வானொலியில் விளம்பரம்கூட ஒலிபரப்பப்பட்டது. அப்போது இந்திரா காந்தி பிரதமர். நெருக்கடிநிலை (மிசா) அமலில் இருந்தது. நெருக்கடி நிலையை கருணாநிதி கடுமையாக எதிர்த்தார். இதனால் கோபமடைந்த இந்திராகாந்தி, பிப்ரவரி ஒன்றாம் தேதி, 1976 வள்ளுவர் கோட்டம் திறப்புவிழா நடக்க இருந்த நிலையில், ஜனவரி 30ம் தேதி, திமுக அரசை டிஸ்மிஸ் செய்தார்[6]. அப்போதைய குடியரசுத்தலைவர் பக்ருதீன் அலி அகமது வந்து, வள்ளுவர் கோட்டத்தை திறந்து வைத்தார். முன்னாள் முதல்வர் என்ற முறையில், வள்ளுவர் கோட்டம் திறப்புவிழாவில் பார்வையாளராகக் கலந்து கொள்ள கருணாநிதிக்கு அரசு சார்பில் அழைப்பு அனுப்பப்பட்டது. பத்தாவது வரிசையில் அவருக்கு இடம் ஒதுக்கப்பட்டது. விழா நடக்கும் இடத்தில் இருந்து அரை கி.மீ. தூரத்தில் காரை நிறுத்த இடம் ஒதுக்கப்பட்டது. அங்கிருந்து விழாவுக்கு கருணாநிதி நடந்து வரவேண்டும். விழாவைப் புறக்கணித்தார் கருணாநிதி[7].

ஈவேரா இந்த வழக்கில் தான் உச்சநீதி மன்றத்தில் நன்றாக வாங்கிக் கட்டிக் கொண்டார். ஆனால், நாங்கள் பார்க்காத கோர்ட்டா என்றெல்லாம் பேசுவார்கள். ஈவேரா இவ்வழக்கில் கோர்ட்டில் ஆஜராகவில்லை..

முதல்வராக இருந்த கருணாநிதி நடிகர் திலகம் சிவாஜி கணேசனுக்கு, கடற்கரைச் சாலையில் சிலை வைத்தார். 2011ல் அந்த சிலை அகற்றப்பட்டு, சிவாஜி மணிமண்டபத்தில் இப்போது வைக்கப்பட்டது. சிலை திறப்பு விழாவின்போது, சிலையின் பீடத்தில் இருந்த கருணாநிதியின் பெயர் பொறித்த கல்வெட்டு, சிவாஜி சிலை பீடத்தில் இப்போது அகற்றப்பட்டது. இது சர்ச்சையை கிளப்பியது.

அங்கில அடிவருடித்தனம் கட்டுக்கதைகளால் இவ்வாறெல்லாம் பகுத்தறிவு திராவிடத்துவ போதை கொண்டு, புதிய பக்தர்கள் உருவாகி வருகிறார்கள்!

எம்ஜிஆர் முதல்வராக இருந்தபோது, ஒரு போராட்டத்தில் கலந்துகொள்ளும் முன், சென்னையில், அண்ணா சிலைக்கு மாலை அணிவிக்கச் சென்றார் கருணாநிதி, சிலைக்கு மாலை அணிவிக்க இயலாதபடி, அங்கே வைக்கப்பட்டிருந்த படிக்கட்டை ஆட்சியாளர்கள் அகற்றிவிட்டனர். உலகத்தமிழ் மாநாட்டின்போது, அரசு சார்பில், அண்ணா முதல்வராக இருக்கும்போதே வைக்கப்பட்டதுதான் அந்தசிலை. ஆனால், அந்த சிலை நிறுவுவதற்கான தொகையை நன்கொடையாகக் கொடுத்தவர் எம்ஜிஆர். படிக்கட்டு அகற்றப்பட்டதையடுத்து,சிலையின் பீடத்தில் மாலையை வைத்துவிட்டுச் சென்றார் கருணாநிதி. இந்த நிகழ்வைத் தொடர்ந்து திமுகவுக்கென்று தனியாக அண்ண சிலை நிறுவ முடிவு செய்தார் கருணாநிதி. இதற்காக அண்ணா சாலையில் இடம் ஒதுக்கும்படி அரசுக்குக் கோரிக்கை வைத்தார். எம்ஜிஆர் அரசு மறுத்துவிட்டது. வள்ளுவர் கோட்டம் எதிரே அண்ணா சிலை வைக்க திமுகவுக்கு அனுமதி தரப்பட்டது. இதையும் தனக்கு சாதகமாகப் பயன்படுத்திக்கொண்டார் கருணாநிதி. வள்ளுவர்கோட்டம் நுழைவாயில் அருகே அண்ணாசிலையை திறந்தார் கருணாநிதி. சிலையின் பீடத்தில், “சிலை திறப்பாளர், வள்ளுவர் கோட்டம் கண்ட கலைஞர் கருணாநிதி” என்று கல்வெட்டில் பொறித்து வைத்தார். வள்ளுவர் கோட்டம் கட்டியது கருணாநிதி என்பதை அங்கே பதிவு செய்தனர். அண்ணா பிறந்த நாளில், இந்த சிலைக்குதான் திமுகவினர் மாலை அணிவிப்பார்கள். அதிமுகவினர், அண்ணா சாலையில் உள்ள சிலைக்கு மாலை அணிவிப்பார்கள்.

கட்டுக் கதையைப் பரப்பும் திராவிடத்துவம், அதை அரசு ரீதியில், 2022ல் முதலமைச்சரே பரப்புகிறார்! சரித்திரம் பற்றி எந்த கவலையும் இல்லை.

1969 முதல் 2018 வரை – மெரினாவில் சமாதி அரசியல்: முதலில் 1969ல் அண்ணா இறந்தபோது, அவருக்கு சமாதி கட்டப் பட்டது. அப்பொழுது, அதைப் பற்றி யாரும் பெரிதாக எடுத்துக் கொள்ளவில்லை. பிறகு, 1987ல் எம்ஜிஆருக்கு சமாதி வைத்த போது, திமுகவினர் சில சலசலப்பு காட்டினாலும், கருணாநிதி சிலையுடைப்பு, வன்முறை முதலியவற்றை கவனித்து அமைதியாகினர். 2016ல் ஜெயலலிதாவுக்கு சமாதி வைக்க்ப்பட்டது. ஜெயலலிதாவுக்குப் பிறகு 2018ல் கருணாநிதி இறந்தபோது, மெரினாவில் சமாதி அரசியலும் உண்டானது. வழக்கும் தொடரப் பட்டது, ஆனால், முடித்து வைக்கப் பட்டது, சமாதி வைக்கப் பட்டது. இனி, திராவிடத்துவவாதிகள், மெரினாவில் தங்களுக்கு சமாதி வைக்க “ரிசர்வ்” செய்துகொண்டு இடத்தைப் பிடித்து வைத்துக் கொண்டாலும் ஆச்சரியப் படுவதற்கு ஒன்றும் இல்லை.

Stuart Sampson – ஸ்ய்ரௌட் சாம்ப்ஸன் மதுரையின் பென்னிகுக்கிற்கு வீடு இருந்தற்கான ஆதாரம் எதுவும் இல்லை என்றார்.

2021ல் திமுக ஆட்சிக்கு வந்தவுடன் சிலை அரசியலை ஆரம்பித்து விட்டது: இப்பொழுது 2022ல் திமுக ஆட்சிக்கு வந்தவுடம் அதைவிட தீவிரமான சிலை / மணிமண்டபம் அரசியல் ஆரம்பிக்கப் பட்டுள்ளது. அயோத்தி தாசர், வ.உ.சிதம்பரம், ஈவேரா, வள்ளலார், ஜான் பென்னிகுக் என்று நீள்கிறது. இதற்கெல்லாம் கோடிகளில் திட்டங்கள்! பிறகென்ன கட்டுக்கதைகளுக்கு குறைவா? இட்டுக்கட்டுவதில் வல்லவர்களான, தமிழ் செப்படி வித்தை[8] வல்லுனர்கள் சதுரங்க வேட்டையிலும் இறங்கி விடுவர். ஆனால், சரித்திர ஆதாரம் இல்லாத கட்டுக்கதைகளை வளர்க்க முன்படும் போது, உண்மைகள் வெளிவரத்தான் செய்யும். இவ்விதமாகத்தான், இப்பொழுது ஸ்டாலின் மாட்டிக் கொண்டுள்ளார். நிச்சயமாக யாரோ அவருக்கு இந்த ஸ்கிரிப்டை எழுதி கொடுத்துள்ளார்கள். அது நாகநாதன், ஜகதீசன், கருணானந்தம் போன்ற ஆஸ்தான சரித்திராசியர்களாக இருக்கலாம்.

© வேதபிரகாஷ்

18-01-2022.


[1] World Tamil Conference (WTC) என்பது முதலில் 1966ல் கோலாலம்பூர் மற்றும் 1968ல் சென்னையில் நடத்தப் பட்டது.

[2] 1971ல் ராமர் போன்ற படங்களுக்கு செருப்பு மாலை போடப் பட்டது மற்றும் இந்து கடவுளர்களை நிர்வாணமாக, ஆபாசமாகச் சித்தரித்து திக-திமுகவினர் துருச்சியில் ஊர்வலம் நடத்தினர்.

[3] தமிழனே இல்லாத நபருக்கு, தமிழகத்தில் சிலை ஏன் என்று கூட கேள்விகள் எழுப்பப் பட்டன.

[4] One.India, Life-size Bronze statue of ‘Periyar’ was unveiled at Srirangam, By Staff | Published: Monday, December 18, 2006, 3:51 [IST]

https://www.oneindia.com/2006/12/16/life-size-bronze-statue-of-periyar-was-unveiled-at-srirangam-1166394083.html

Srirangam, Tamilnadu, Dec 16 (UNI) In an event preceded by controversy, a life-size bronze statue of late Rationalist leader and Founder of Dravidar Kazhagam (DK) Periyar E V Ramasamy Naicker,was formally unveiled near the Sri Ranganatha temple by DK General Secretary K Veeramani, here .  the statue mounted on a 12-feet high pedestal,was installed near the ‘Rajagopuram’ (temple tower). Union Minister for Environment and Forests A Raja, State Ministers K N Nehru and N Selvaraj, also participated in the event.

[5] தமிழ்.இந்தியன்.எக்ஸ்பிரஸ், சிலை அரசியல், Written by WebDesk, Updated: October 2, 2017 11:06:36 am.

[6] https://tamil.indianexpress.com/opinion/statue-politics/

[7] இதில் முக்கியமானது என்னவென்றால், வள்ளுவர் கோட்டத்துக்கு கருணாநிதி அடிக்கல் நாட்டியதற்கான கல்வெட்டு அகற்றப்பட்டதுதான். வள்ளுவர் கோட்டத்தை கருணாநிதிதான் கட்டினார் என்ற தகவல் அங்கு எந்த வகையிலும் இடம் பெறவில்லை. இது இந்திரா காங்கிரஸ்காரர்கள் செய்த வேலை.

[8] பிறரறியாவகை செப்புக்களுள் உருண்டைகள் வந்துபோகுமாறு அவற்றைத் தரையில் அடித்துக் காட்டுவது முதலிய தந்திரவித்தை.

ரஜினியும் இக்கட்டுக்கதை வைத்து படம் எடுத்ததால், இரண்டாம் பெனிகுக் நிலைக்கு உயர்ந்துள்ளாறா அல்லது தள்ளப் பட்டாரா என்று தெரியவில்லை.

ஜான் பென்னிகுக் வைத்து கட்டுக்கதை உண்டாக்குவதேன், சிலைஅரசியல் செய்வதேன்? ஆங்கில அடிவருடித் தனமா? வேறெந்த காரணமா? (1)

ஜனவரி 18, 2022

ஜான் பென்னிகுக் வைத்து கட்டுக்கதை உண்டாக்குவதேன், சிலைஅரசியல் செய்வதேன்? ஆங்கில அடிவருடித் தனமா? வேறெந்த காரணமா? (1)

இட்டுக்கதை, கட்டுக்கதை, மாயைகள் முதலியவற்றை உருவாக்குவதில் வல்லவர்கள் திராவிடத்துவ வாதிகள்: கட்டுக்கதைகளை உருவாக்குதில் திராவிடத்துவவாதிகள் கைத் தேர்ந்தவர்கள் ஆவர்.  அவற்றில் அரசியல் ஆதாயம், பணம், கான்ட்ராக்ட் கிடைக்கும் என்றால், பெரிதாக்கி ஊதுவார்கள்! சம்பந்தமே இல்லாத ஆட்கள் எல்லாம் திடீரென்று தோன்றி அதில் அதி-தீவிரமான விருப்பம் கொண்டிருப்பதைப் போலவும், அதற்கு உயிரையே கொடுப்பேன் என்ற ரீதியில் உழைப்பது போலவும் நாடகம் ஆடுவர். விவகாரங்கள் தெரிய வந்தால், சமாளித்துப் பார்ப்பார்கள், மாட்டிக் கொண்டால் அடங்கி விடுவார்கள், வழக்கு என்றெல்லாம் ஆகி விட்டால், எல்லாவற்றையும் அடியோடு மறைக்கப் பார்ப்பர்கள். திராவிடத்துவ சரித்திரம் என்றதே கடந்த 70 ஆண்டுகளில் உருவாக்கப் பட்டதே. எல்லாமே, ஒருதலைப் பட்ட கதைகள், அவர்களே வெளியிட்டுள்ள புத்தகங்கள், முதலியன…. அவற்றை சரிபார்க்க முடியாது, அவர்கள் சொல்லியுள்ளதை, எழுதியுள்ளதை அப்படியே ஏற்றுக் கொள்ளவேண்டும் என்று தான் எழுது முறை ஆராய்ச்சி நெறிமுறை எல்லாமே நடந்து வருகிறது. சரித்திராசிரியர்கள் என்று பிரகடப் படுத்திக் கொள்பவர்களும், அவ்வாறே ஆதரித்து, விருதுகள், பட்டங்கள், நிதியுதவிகள் பெற்றுக் கொண்டு காலந்தள்ளி வருகின்றனர். உண்மையுரைக்க அவர்களுக்கு திராணி இல்லை, மன்னசாட்சியும் கிடையாது. அப்படி செய்தால், தூக்கியெறியப் படுவர்.

திராவிடத்துவ வாதிகளின் பதினெண் புராணங்கள் உருவாக்கும் முறைகள்: பெரியார் புராணம், நாகம்மை புராணம், பெரியம்மை புராணம், பெஸ்கி புராணம், அண்ணா புராணம், கருணாநிதி புராணம், வீரமாமுனிவர் புராணம், தத்துவ போதகர் புராணம், எல்லீஸர் புராணம், ஜி.யு.போப் புராணம், வரிசையில் பென்னி குக் புராணமும் சேர்ந்துள்ளது. “நதிமூலம், ரிஷி மூலம் கேட்கக் கூடாது,” என்றால், இங்கும் மூலங்கள் கேட்கக் கூடாது, காண்பிக்கப் படாது. எழுதி வைத்ததைப் படி, ஒப்புக்கொள், பிரச்சரம் செய், கேள்விகள் கேட்காதே – என்பவை தான் ஆணைகள், ஏற்றுக் கொள்ளப் படவேண்டும். ஒருவர் முதலில் எழுதுவார், இன்னொருவர் விரிவாக்குவார், இன்னொமொருவர் இன்னும் கொஞ்சம் சேர்ப்பார், புத்தகங்கள் வெளிவரும், பிஎச்.டிக்களும் உருவாக்கப் படும், விழா எடுப்பர், விருதுகள்-பட்டகள் கொடுக்கப் படும், அவ்வளவு தான், பொற்றாமரைக் குளத்தில், பூமேடையில் வைத்து, தமிழ் சங்கத்தில் ஏற்றுக் கொள்ளப் பட்டது போன்ற ரீதியில் அரங்கேற்றப் படும். கலைமாமணி, பெரியார் விருது என்றெல்லாமும் கொடுக்கப் படும்.

2018 – முல்லைப்பெரியாறு அணை கட்டிய பென்னி குக்கின் பெயரால் நூதன மோசடி அரங்கேறி வருவதாக திடுக்கிடும் புகார் எழுந்துள்ளது:. முல்லைப்பெரியாறு அணை என்பது தமிழகத்தின் ஐந்து மாவட்டங்களின் வாழ்வாதாரம். இந்த அணையை கட்டிய கர்னல் ஜான் பென்னி குக் ஏறத்தாழ 125 ஆண்டுகளுக்கு முன்பு இராணுவப் பணிப் பொறியாளராகப் பணியாற்ற இந்தியா வந்தவர். அப்போது ஒருங்கிணைந்த சென்னை மாகாணத்தில் ஒருபுறம் தென் மாவட்ட மக்கள் தண்ணீர்ப் பிரச்னையால் வாடுவதையும் மறுபுறம் பெரியாற்று நீர் வீணாகக் கடலில் கலப்பதையும் பார்த்து, ஆற்றின் குறுக்காக ஒரு அணையைக் கட்டலாம் என்று ஆங்கில அரசிடம் அனுமதி பெற்றார். பின் பாதி கட்டப்பட்ட நிலையில் காட்டாற்று வெள்ளத்தில் அணை உடைந்து ஆங்கில அரசு திட்டத்தை மூட்டை கட்டினாலும் இங்கிலாந்து சென்று தன் சொத்துக்களையெல்லாம் விற்று அணையைக் கட்டி முடித்தார். இன்றளவும் அவர் பெயரைச் சொல்லி பொங்கல் வைக்கும் அளவுக்கு அன்பும் நன்றியும் பாராட்டுகிறார்கள் தென்மாவட்ட மக்கள். இந்நிலையில், கடந்த பொங்கல் பண்டிகை சமயத்தில் பென்னி குக்கின் கொள்ளு பேரன் பேத்திகள் என டயானா ஸிப், ஸானி மற்றும் உறவினர்கள் என்று சிலர் தேனிக்கு வந்தனர்.ஆனால், இவர்கள் யாரும் பென்னி குக்கின் நேரடி வாரிசுகள் அல்ல என்பதும் இவர்களில் ஒருவர் மட்டும் பென்னிகுக்கிற்கு தூரத்து சொந்தம் என்றும் தற்போது தெரியவந்துள்ளது.

சந்தன பீர் ஓலி ஈடுபடுள்ளதாக, கோவிந்தன் என்ற சுதந்திர போராட்டத் தியாகி குற்றம் சாட்டுகிறார்: கம்பம் அருகே உத்தமப்பாளையம் பகுதியைச் நேர்ந்த சந்தன பீர் ஓலி என்பவர், லண்டனைச்சேர்ந்த டயானா ஸிப் உள்ளிட்ட 3 பேரும் பென்னிகுக்கின் கொள்ளு பேத்திகள் என்று கூறி அறிமுகப்படுத்தி அழைத்து வந்ததோடு, லண்டனில் உள்ள பென்னிகுக் அடக்கம் செய்யப்பட்டுள்ள கல்லறையை சீர்செய்யவும் அங்கு பென்னிகுக்கிற்கு நினைவுச்சிலை எழுப்பவும் துணை முதலமைச்சர் ஓ.பன்னீர்செல்வம் உள்ளிட்டோரிடம் பணம் வசூலித்து மோசடி செய்துள்ளதாக கூறுகிறார்கள் கம்பம் பகுதி மக்கள். இந்நிலையில்  பென்னிகுக்கின் பேத்திகள் என்று நம்பி தாங்கள் உதவி செய்ததாக கூறுகிறார்கள் அந்த நிகழ்ச்சிக்கு உதவி புரிந்தவர்கள்.  ஒரு பக்கம் பேரன், இன்னொரு பக்கம் பேத்திகள் என்று வருவதும் விசித்திரமாக இருக்கிறது.

கம்ப – கோவிந்தன் என்பவர் வழக்கு தொடர்வதாகக் கூறியது: இதனைதொடர்ந்து கோவிந்தன் என்ற சுதந்திர போராட்டத் தியாகி தேனி கம்பம் பகுதியில் பென்னி குக்கின் பெயரில் நிதி வசூல் செய்தநிலையில், கொடைக்கானலில் பென்னிகுக் ட்ரஸ்ட் என்ற பெயரில் இதே சந்தன பீர் ஒலி என்பவர் பென்னிகுக்கின் நிலத்தை அபகரிக்க, முயல்வதாகவும் குற்றம் சாட்டுகிறார்[1]. மேலும் 1‌980 வரை பென்னி குக் பெயரில் கொடைக்கானலில் இருந்த 21 ஏக்கருக்கும் அதிக நிலம் தற்போது ஆக்கிரமிப்பில் இருப்பதாக அதிர்ச்சித்தகவலை கூறுகிறார்[2]. இச்சுழலில் கம்பம் பகுதி மக்களின் புகார்கள் குறித்து லண்டனில் வசிக்கும் சந்தன பீர் ஒலியிடம் கேட்டபோது இந்த புகார்களுக்கு மறுப்பு தெரிவித்துள்ளார். இவர் மறுப்பு தெரிவித்தாலும், பென்னிகுக்கின் நில ஆக்கிரமிப்பு தொடர்பாக நீதிமன்றத்தை நாட உள்ளார் கோவிந்தன். ஆனால், பிறகு என்னவாயிற்று என்று தெரியவில்லை.

ஜனவரி 2022 – ஸ்டாலின் – பென்னி குயிக்கிற்கு இங்கிலாந்தில் சிலை வைக்கப் படும்: முல்லை பெரியாறு அணையை கட்டிய பென்னிகுயிக்குக்கு இங்கிலாந்தில் தமிழக அரசு சார்பில் சிலை நிறுவப்படும் என்று முதல்வர் மு.க.ஸ்டாலின் கூறியுள்ளார். தமிழக-கேரள எல்லையில் கேரளாவின் இடுக்கி மாவட்டத்தில் அமைந்துள்ளது முல்லைப்பெரியாறு அணை. தமிழக-கேரள எல்லையில் கேரளாவின் இடுக்கி மாவட்டத்தில் அமைந்துள்ளது முல்லைப்பெரியாறு அணை. தன்னிடம் இருந்த சொத்தை எல்லாம் விற்று அரும்பாடு பட்டு 1895-ம் ஆண்டு இந்த அணையை கட்டியவர் இங்கிலாந்தை சேர்ந்த கர்னல் ஜான் பென்னிகுயிக். இந்த நிலையில் இங்கிலாந்தில் பென்னிகுயிக்குக்கு தமிழக அரசு சார்பில் சிலை நிறுவப்படும் என்று தமிழக முதல்வர் மு.க.ஸ்டாலின் கூறியுள்ளார்[3]. இதுகுறித்து இன்று அவர் வெளியிட்ட அறிக்கையில்[4], “தென் தமிழகத்தின் உயிர்நாடியாக விளங்கும் முல்லைப் பெரியாறு அணையைப் பல இடையூறுகளுக்கு இடையில் தனது சொந்தப் பணத்தை செலவு செய்து அமைத்த, கர்னல் ஜான் பென்னிகுயிக்கின் புதிய சிலையை, அவர் பிறந்த ஊரான இங்கிலாந்து நாட்டின் கேம்பர்ளி நகர மையப் பூங்காவில் தமிழக அரசு சார்பில் நிறுவப்படுவது குறித்து அவருடைய பிறந்த நாளான இன்று (ஜனவரி 15) அறிவிப்பதில் பெருமகிழ்ச்சி அடைகிறேன்[5].

கர்னல் ஜான் பென்னிகுயிக்கின் புதிய சிலையை அவரின் சொந்த ஊரான இலண்டன்-கேம்பர்ளி நகரத்தில் அமைக்கப் படும்: கர்னல் ஜான் பென்னிகுயிக்கின் புதிய சிலையை அவரின் சொந்த ஊரான இலண்டன்-கேம்பர்ளி நகர மையப் பூங்காவில் நிறுவ அனைத்து லண்டன் வாழ் தமிழர்களால் முயற்சிகள் எடுக்கப்பட்டு, சிலை நிறுவ இங்கிலாந்து சட்டப்படி, செயின்ட் பீட்டர்ஸ் தேவாலயத்தின் ஒப்புதலைப் பெற்றுள்ளார்கள்[6]. ஆங்கிலேயப் பொறியாளரான கர்னல் ஜான் பென்னிகுயிக், தமிழக மக்களுக்காக கடின தியாகமான உழைப்பினாலும், தொழில்நுட்ப நிபுணத்துவத்தினாலும் பெரியாற்றின் குறுக்கே, பெரியாறு அணையை 1895ஆம் ஆண்டு கட்டி முடித்து, தமிழகத்திற்கு குறிப்பாக தேனி, திண்டுக்கல், மதுரை, சிவகங்கை, ராமநாதபுரம் ஆகிய ஐந்து மாவட்டங்களின் விவசாயம் மற்றும் குடிநீர் தேவைகளைப் பூர்த்தி செய்ய வழிவகை செய்தார்[7]. அம்மாவட்ட மக்களின் வாழ்வாதாரமே முற்றிலும் செழுமையடைந்து மாற்றங்கள் பெற்றுள்ளன. இம்மாவட்ங்களில் தற்பொழுது சுமார் 2,19,840.81 ஏக்கர் நிலங்கள் பாசன வசதி பெற்றுள்ளன[8].

© வேதபிரகாஷ்

18-01-2022.


[1] புதிய தலைமுறை, பென்னி குக்கின் பெயரில் நூதன மோசடி: திடுக்கிடும் புகார் , NewsPT, Published :07,Dec 2018 08:14 AM.

[2] https://www.puthiyathalaimurai.com/newsview/39312/Fraud-in-the-name-of-PennyCuick-at-theni

[3] தமிழ்.ஒன்.இந்தியா, தமிழக அரசு சார்பில் இங்கிலாந்தில் பென்னிகுயிக்குக்கு சிலை நிறுவப்படும்.. முதல்வர் ஸ்டாலின் அறிவிப்பு, By Rayar A, Updated: Saturday, January 15, 2022, 13:29 [IST].

[4] https://tamil.oneindia.com/news/chennai/a-statue-of-john-pennycuick-will-be-erected-in-england-on-behalf-of-the-government-of-tamil-nadu-say/articlecontent-pf640795-445443.html

[5] தினத்தந்தி, இங்கிலாந்தில் பென்னிகுவிக் சிலைமுதல் அமைச்சர் மு..ஸ்டாலின் அறிவிப்பு, பதிவு: ஜனவரி 15,  2022 12:25 PM.

[6] https://www.dailythanthi.com/News/State/2022/01/15122526/Statue-of-Pennywick-in-the-UK–Announcement-by-Chief.vpf

[7] புதியதலைமுறை, இங்கிலாந்தில் பென்னிகுயிக்கிற்கு சிலை நிறுவப்படும்” – முதலமைச்சர் மு..ஸ்டாலின் அறிவிப்பு, தமிழ்நாடு,  கலிலுல்லா,  Published :15,Jan 2022 12:33 PM.

[8] https://www.puthiyathalaimurai.com/newsview/127124/John-Pennycuick-statue-will-be-installed-in-uk

பெரியாரும், இஸ்லாமும் – கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (1)

ஒக்ரோபர் 27, 2021

பெரியாரும், இஸ்லாமும்கட்டுக் கதை உருவாக்கம், உண்மைகளை மறைக்கும் பிரச்சாரம், பல்கலைக் கழகங்களில் பரப்புவது ஆபத்தானது (1)

பெரியாரும், இஸ்லாமும் சொற்பொழிவு: திமுகவின் அறிவிப்பைத் தொடர்ந்து, பெரியாரைத் தூக்கிப் பிடித்து, பெரிய சிலை வைக்கிறோம் என்றெல்லாம் திராவிடத்துவாதிகள் கிளம்பி விட்டனர். இந்நிலையில், மனோன்மணியம் பல்கலைகழகத்தில் ‘பெரியாரும் இஸ்லாமும்’ சொற்பொழிவு நிகழ்ச்சி நடத்த துணை வேந்தர் அனுமதி அளித்துள்ளார்[1]. மனோன்மணியம் சுந்தரனார் பல்கலைக்கழகத்தின் சமூகவியல் துறை சார்பில் சமூக விலக்கல் மற்றும் ஆட்கொணர்வு கொள்கை ஆய்வு மையத்துடன் இணைந்து ‘பெரியாரும் இஸ்லாமும்’ என்ற தலைப்பில் அக்டோபர் 27 அன்று பகுத்தறிவு சொற்பொழிவு நிகழ்ச்சிக்கு ஏற்பாடு செய்யப்பட்டது[2]. இதில் புதிய விடியல் இணை ஆசிரியர் ரியாஸ் அகமது சிறப்பு அழைப்பாளராக கலந்துகொண்டு சொற்பொழிவாற்ற இருந்த நிலையில், இந்து முன்னணியினர் திடீரென இந்த சொற்பொழிவு நிகழ்ச்சி நடத்த கடும் எதிர்ப்பு தெரிவித்தனர். இந்து முன்னணி மிரட்டல், ‘பல்கலைக் கழகமா அல்லது திராவிடர் கழகமா’ என கேள்வியெழுப்பி, பல்வேறு விமர்சனங்களை இந்து முன்னணியினர் முன்வைத்தனர். இந்து முன்னணியின் மிரட்டல் காரணமாக மேற்கண்ட சொற்பழிவு நிகழ்ச்சியை நடத்த பல்கலைக்கழக நிர்வாகம் தயக்கம் காட்டியது தெரியவந்தது.

உதயகுமார் கண்டனம்: இதுகுறித்து துணைவேந்தர் பிச்சுமணியிடம் கேட்டபோது, சில பாதிப்புகள் ஏற்படும் என்பதால் நிகழ்ச்சியை நடத்துவது குறித்தும், நடத்த வேண்டாம் என்பது குறித்தும் இதுவரை எந்த முடிவும் எடுக்கப்படவில்லை என 24-10-2021 அன்று தெரிவித்திருந்தார். இருப்பினும் தமிழ்நாடு அரசால் சமூகநீதி நாள் கடைபிடிக்கப்படும் ஒரு தலைவரின் பெயரில் நிகழ்ச்சி நடத்த பல்கலை நிர்வாகம் அஞ்சியது, சமூக செயற்பாட்டாளர்கள், முற்போக்கு சிந்தனையாளர்கள் மத்தியில் பெரும் அதிர்ச்சியை ஏற்படுத்தியது. இதுகுறித்து தனது ட்விட்டர் பக்கத்தில் கருத்து தெரிவித்திருந்த பச்சை தமிழகம் கட்சி தலைவர் சு.ப உதயகுமார்[3], “மனோன்மணியம் சுந்தரனார் பல்கலைக்கழகமா? திராவிடர் கழக அலுவலகமா? ஐஎஸ் பயிற்சி கூடாரமா? என்றெல்லாம் உருட்டி மிரட்டி, ஓர் அறிவார்ந்த கருத்துப் பரிமாற்றத்தைத் தடுக்க முயலும் இந்து முன்னணி பாசிஸ்டுகளை வன்மையாக கண்டிப்போம்! பல்கலைக்கழக நிர்வாகமே முதுகெலும்புடன் செயல்படு!” என்று பதிவிட்டிருந்தார்[4].

இந்து முன்னணி எதிர்ப்பு, போலீஸ் காவல்: இதுகுறித்து ஈடிவி பாரத் தளத்தில் விரிவான செய்தி வெளியிடப்பட்டது. இந்த நிலையில் ஈடிவி பாரத் செய்தி எதிரொலியாக தற்போது இந்து முன்னணியின் மிரட்டலுக்கு அஞ்சாமல் ‘பெரியாரும் இஸ்லாமும்’ தொடர்பான சொற்பொழிவு நிகழ்ச்சியை நடத்த துணைவேந்தர் பிச்சுமணி சமூகவியல் துறைக்கு அனுமதி அளித்துள்ளார். இதனிடையே சொற்பொழிவு நடத்தினால் அக்டோபர் 27ஆம் தேதி காவிகள் நாம் பல்கலைக்கழகத்தில் அணி திரள்வோம் என இந்து முன்னணி அழைப்பு விடுத்துள்ளது. எனவே, அன்றைய தினம் பல்கலைக்கழகத்தில் காவல் பாதுகாப்பு கோருவது குறித்து பல்கலைக்கழக நிர்வாகத்தினர் ஆலோசித்து வருகின்றனர். அதன்படி, போலீஸ் பாதுகாப்பு கோரப் பட்டது.

இந்து முன்னணி சமூகவளைத் தள எதிர்ப்பு: இது தொடர்பாக திருநெல்வேலி மாவட்டத்தைச் சேர்ந்த இந்து முன்னணி நிர்வாகிகள் சமூக வலைதளங்களில் வெளியிட்டுள்ள பதிவில், மனோன்மணியம் சுந்தரனார் பல்கலைக்கழகமா? திராவிடர் கழக அலுவலகமா? ஐ.எஸ்.ஐ.எஸ். பயிற்சி கூடாரமா? புரியவில்லை. ‘பெரியார், சாமுவேல் ஆசீர்ராஜ், ரியாஸ் அகமது’ என்னவிதமான கூட்டணி. கல்வி நிலையத்தில் கலவரத்தை ஏற்படுத்த முயற்சியா?மனோன்மணியம் பல்கலைக்கழகம்நிகழ்ச்சி குறித்த போஸ்டர் அக்டோபர் 27 ம் தேதி காவிகள் நாம் அணி திரள்வோம். என்ன பேசுகிறார்கள் என பார்ப்போம். கடவுள் மறுப்பு, இஸ்லாத்தின் சமூகநீதி என அனைத்திற்கும் எதிர் கேள்வி மற்றும் விளக்கம் கேட்போம்” எனத் தெரிவித்திருந்தனர்.

27-10-2021 அன்றுபெரியாரும் இஸ்லாத்தும்பெயரிலான கருத்தரங்கு நடைபெற்றது: இந்த நிலையில் திட்டமிட்டபடி பல்கலைக்கழக அரங்கில் “பெரியாரும் இஸ்லாத்தும்” பெயரிலான கருத்தரங்கு நடைபெற்றது[5]. இதில் துறை சார்ந்த மாணவர்கள் மட்டுமே உள்ளே அனுமதிக்கப்பட்டனர்[6]. பல்கலைக்கழக வாசலில் காவல்துறையினர் பாதுகாப்பு பணியில் ஈடுபட்டிருந்தனர். நிகழ்ச்சி முடியும் வரை வெளியாட்களை யாரையும் உள்ளே அனுமதிக்கவில்லை. ஆனால் நிகழ்ச்சி தொடங்கிய அதே நேரத்தில் பல்கலைக்கழகத்திற்கு வந்த இந்து முன்னணி அமைப்பினர் நிகழ்ச்சியில் கலந்துகொள்ள வந்ததாக தெரிவித்தனர். ஆனால் காவல்துறையினர் உள்ளே அனுமதிக்க மறுத்துவிட்டனர். இதனைத் தொடர்ந்து காவல்துறைக்கும், இந்து முன்னணி அமைப்பினருக்கும் இடையே வாக்குவாதம் நடைபெற்றது. தொடர்ந்து காவல் அதிகாரி பல்கலைக்கழக துணைவேந்தரை செல்போனில் தொடர்பு கொண்டு அனுமதிக்கலாமா எனக்கேட்டார். அதற்கு அவர் சம்பந்தப்பட்ட துறை சார்ந்த மாணவர்கள் மட்டுமே அனுமதி என்பதால் வெளியாட்களுக்கு அனுமதி இல்லை என்று மறுத்து விட்டார்.

ரியாஸ் அகமது பேசியது: வழக்கம் போல, ஏற்கெனவே உள்ள விசயங்களைத் தான் எடுத்துக் காட்டி பேசியுள்ளது, ஒரு பிரச்சாரம் என்று வெளிப்பட்டது. 2021 பிப்ரவரியில், மணிச்சுடரில்[7], “1972ம் ஆண்டு கண்ணியத்திற்குரிய காயிதே மில்லத் காலமானபோது, அவருக்கு இறுதி அஞ்சலி செலுத்த வந்த தந்தை பெரியோர் கதறி அழுத சம்பவம் நம் நெஞ்சங்களை உருகச் செய்யும். ஆம். இமைய மலை போல் எதற்கும் அசையாத் நெஞ்சுரம் கொண்ட தமிழர் தந்தை பெரியார் அவர்கள், காயிதேமில்லத் அவர்களின் மறைவு சற்று நிலை குலையச் செய்தது. “தம்பி எங்களை விட்டுட்டு போயிட்டீங்களே. நான் போயி என் தம்பி உயிருடன் இருந்திருக்கக் கூடாதா? இந்த சமுதாயத்தை இனி யார் காப்பாற்றுவாங்க,” என்று கூறி தனது தள்ளாத வயதிலும், மூத்திரப் பையை கையில் சுமந்து கொண்டு, தன் தம்பி காயிதே மில்லத்திற்கு இறுதி அஞ்சலி செலுத்த நேரில் வந்த தந்தை பெரியார் கதறி அழுத காட்சி அவ்விரு தலைவர்கள் இடையில் நிலவிய மாறாத அன்பை, உண்மையான நேசத்தை உலகத்திற்கு வெளிச்சம் போட்டு காட்டியது,” என்று வெளி வந்தது. முன்பு, பெரியார்தாசன் / அப்துல்லாஹ் இத்தகைய கட்டுக் கதையை விட்டுப் பார்த்தார், எடுபடவில்லை. புஷ்ரா நல அறக்கட்டளையும் 2013ல் முயன்றது, யாரும் கண்டு கொள்ளவில்லை.

பெரியார் துலுக்கர் ஆனாரா?- முகமதியர் சுற்றில் விட்டுள்ள பெரியாரின் பேச்சு[8]: விடுதலையில் 20-12-1970ல் வெளிவந்ததாக கூறி, அக்டோபர் 6, 1929 அன்று 69 ஆதி திராவிடர்கள் முகமதியர்களாக மதம் மாறியதைப் பற்றி பேசியதை அதில் சேர்துள்ளார்கள்[9]. “பறையன், சக்கிலியன், சண்டாளன்….முகமதிய மதம்…..” போன்ற வார்த்தைப் பிரயோகம் உள்ளது. இதில் ஏதோ இஸ்லாத்தில் சேர்ந்து விட்டால், ஆதிதிராவிடர், எஸ்.சி, பட்டியல் ஜாதியினர்களின் சமூக நிலமையே மாறி விடும் என்பது போல பேசியுள்ளார்[10]. இதிலிருந்தே, அவருக்கு இஸ்லாத்தைப் பற்றிய முழுவிவரங்கள் அல்லது நடைமுறை விவகாரங்கள் தெரிந்திருக்கவில்லை என்பது புலனாகிறது[11]. முசல்மான்களைத் திருப்தி படுத்த பேசிய விதமாகவே தெரிகிறது. பிறகு, எஸ்.ஐ.ஆர். சங்கம், திருச்சியில் ஏற்பாடு செய்திருந்த கூட்டத்தில் மார்ச்.18, 1947 அன்று பேசிய பேச்சை இணைத்திருக்கிறார்கள். அப்பொழுது அவருக்கு ரூ.1080/- கொடுத்ததாகக் கூறப்படுகிறது. இதில் தமிழில் “கடவுள்”, ஆங்கிலத்தில் “காட்”, அரேபிய மொழியில் “அல்லா” என்று சொல்கிறார்கள், எல்லாமே ஒன்று என்பது போல பேசியுள்ளது வேடிக்கையாக இருக்கிறது. ஏனெனில், முகமதியர்களுக்கு அல்லா தான் அல்லா, அது “கடவுள், காட்” ஆகாது. ஏனெனில், பிறகு, இவர் சொல்லிவரும் சித்தாந்தம் “கடவுள் இல்லை…….கற்பித்தவன் முட்டாள்……” அதற்கு எதிராகி விடும்[12]. இக்கருத்தை 1919, 1909 லிருந்து கடந்த 28 வருடங்களாக சொல்லி வருகிறேன் என்றார். மேலும் குடி அரசு, தலையங்கம் 17.11.1935ல் காணப்படும் அவரது கருத்துகளிலிருந்து, அவருக்கு முகமதிய பதத்தில் உள்ள பிரசினைகள் தெரிந்திருக்கின்றன என்றாகிறது. அதில் அம்பேத்கர் மதமாறுவது பற்றியும் விமர்சித்துள்ளார்.

© வேதபிரகாஷ்

27-10-2021


[1] இ.டிவி.பாரத், இந்து முன்னணி எதிர்ப்பை மீறிபெரியாரும் இஸ்லாமும்நிகழ்ச்சி நடத்த மனோன்மணியம் பல்கலை., முடிவு, Published on: Oct 25, 2021, 4:19 PM IST; Updated on: Oct 25, 2021, 5:16 PM IST.

[2] https://www.etvbharat.com/tamil/tamil-nadu/city/thirunelveli/etv-bharat-story-impact-nellai-ms-university-approved-periyarum-islamum-program/tamil-nadu20211025161918390

[3] இ.டிவி.பாரத், மனோன்மணியம் பல்கலைக்கழகமே முதுகெலும்புடன் செயல்படு! – சு.. உதயகுமார், Published on: Oct 24, 2021, 10:58 PM IST; Updated on: Oct 24, 2021, 11:07 PM IST

[4] https://www.etvbharat.com/tamil/tamil-nadu/city/thirunelveli/periyarum-islamum-function-to-be-hold-by-nellai-manonmaniam-university/tamil-nadu20211024225831363

[5] மனோன்மணியம் சுந்தரனார் பல்கலைக்கழகம் முன் இந்து முன்னணி போராட்டம், By M.Ganapathi, Reporter 27 Oct 2021 1:51 PM

[6] https://www.instanews.city/tamil-nadu/tirunelveli/tirunelveli/manonmaniyam-sundaranagar-university-hindu-munnani-protest-1060843

[7] மணிச்சுடர், தந்தை பெரியாரின் தம்பி காயிதே மில்லத், பிப்ரவரி 6, 2021, பக்கம்.4

[8] முகமதியர், முசல்மான், முஸ்லிம் முதலியவை அந்தந்த காலகட்டத்தில் உபயோகப்படுத்தப்பட்ட சொற்கள். பெரியாரே “முகமதிய மதம்” என்று குறிப்பிட்டுள்ளார்.

[9] வேதபிரகாஷ், நாயக்கர் துலுக்கனாகி விட்டார், ஈவேரா சாவதற்கு 5 நிமிடம் முன்பு கலிமா சொல்லி முசல்மானாக தயாராக இருந்தார் – பெரியாருக்கு சுன்னத் செய்து வைத்த பெரியார் தாசன்!, 02-04-2016.

[10]  https://dravidianatheism.wordpress.com/2016/04/02/converting-periyar-to-islam-falsification-of-recent-history-by-muslims/

[11]  https://socialsubstratum.wordpress.com/2009/07/27/3/

[12] கடவுள் இல்லை, கடவுள் இல்லை, கடவுள் இல்லவே இல்லை, கடவுளைக் கற்பித்தவன் முட்டாள்; கடவுளை பரப்பியவன் அயோக்கியன், கடவுளை வணங்குகிறவன் காட்டுமிராண்டி, இது 1967ல் பெரியார் திடலில், பெரியார் வெளியிட்டதாக கூறுகிறார்கள்.

http://www.unmaionline.com/new/2589-%E0%AE%95%E0%AE%9F%E0%AE%B5%E0%AF%81%E0%AE%B3%E0%AF%88%E0%AE%95%E0%AF%8D-%E0%AE%95%E0%AE%B1%E0%AF%8D%E0%AE%AA%E0%AE%BF%E0%AE%95%E0%AF%8D%E0%AE%95%E0%AE%BE%E0%AE%A4%E0%AE%B5%E0%AE%A9%E0%AF%8D-%E0%AE%95%E0%AE%BE%E0%AE%9F%E0%AF%8D%E0%AE%9F%E0%AF%81%E0%AE%AE%E0%AE%BF%E0%AE%B0%E0%AE%BE%E0%AE%A3%E0%AF%8D%E0%AE%9F%E0%AE%BF.html

பெரியார் உலகம் பெயரில் சுற்றுலா தலம்-வணிக வளாகம் அமைத்து வியாபாரம் செய்ய யுக்தி! சரித்திரத்தை மறைக்கும் போக்கு! (3)

செப்ரெம்பர் 22, 2021

பெரியார் உலகம் பெயரில் சுற்றுலா தலம்-வணிக வளாகம் அமைத்து வியாபாரம் செய்ய யுக்தி! சரித்திரத்தை மறைக்கும் போக்கு! (3)

ஈவேராவின் இந்துவிரோதமும், பெரியாரின் ஆபாச ஊர்வலமும்: இந்த உண்மைகளும் பெரும்பாலோருக்குத் தெரியவில்லை, தெரிவதில்லை. அதனால், ஈவேரா ஏதோ பெரிய ரிஷி-முனிவர்-சீர்திருத்தவாதி என்பது போல மாயையினை உருவாக்கி வந்துள்ளனர், இன்றும் அதிகமாகப் பிரச்சாரம் செய்து வருகின்றனர். ஆனால், அவர் –

  1. ஈவேரா பிள்ளையார் சிலைகளை உடைத்தார்.
  2. அதற்காக, உச்சநீதி மன்றம் வரை வழக்கு சென்றபோது, ஆஜராகாமல் ஓடி ஒளிந்தார்.
  3. ராமர் படத்திற்கு செருப்பு மாலை அணிவித்து ஊர்வலம் நடத்தினார்.
  4. முருகனைப் பற்றி ஆபாசமாக படம் வரைந்து, செருப்பால் அடிக்க வைத்தார்.
  5. ஐயப்பன் பிறப்பிப் பற்றியும் ஆபாசமாக சித்திரங்கள் வரைந்து, ஊர்வலத்தில் எடுத்துச் செல்லப் பட்டது.
  6. அப்பொழுது, துக்ளக்கில் அப்படங்கள் வெளியிட்ட போது, துக்ளக் இதழ்கள் வாங்கி எரிக்கப் பட்டன.
  7. அதாவது, எண்ணவுரிமை, கருத்துரிமை, எழுத்துரிமை போன்றவற்றிற்கு திக-திமுக அந்த அளவுக்கு மதிப்பு கொடுத்தார்கள்.
  8. விடுதலையில், இன்றுவரை, ஒவ்வொரு இந்து பண்டிகை வரும் போது, தூஷித்து வருகிறது. அதனை பெரும்பாலானவர்களுக்குத் தெரியாமல் போகிறது. ஏனெனில், அதனை அவர்கள் வாங்கிப் படிப்பதில்லை.
  9. மேலும், அவர்களுடைய இந்துவிரோத ஆர்பாட்டங்கள், நிகழ்ச்சிகள், பெரியார் திடல் என்ற வளாகத்தில் உள்ளே இருக்கும் மண்டபத்தில் நடத்திக் கொள்கிறார்கள்.
  10. இவர்களுக்குத் தான் இன்று “இந்து” ராம், மவுண்ட் ரோட் மஹாவிஷ்ணு, கம்யூனிஸ்ட் இத்யாதிகள் முதலியவை வக்காலத்து வாங்கிக் கொண்டு வருகின்றனர்.

இப்பொழுது அமைக்கு வளாகத்தில் இவற்றை – இந்த விவரங்களை, புகைப் படங்களை, ஆதாரங்களை – தைரியமாக வைப்பார்களா?

செக்யூலரிஸ நாத்திகமும், கடவுள் மறுப்பும், விக்கிர ஆராதனை எதிர்ப்பும் இல்லாத பெரியாரிஸம், போலித்தனம்:

  1. கடவுள் மறுப்பு நம்பிக்கை, –
    1. நாத்திகம் (Atheism),
    1. ஞானத்தால் அறியும் தமையினை மறுப்பது (agnosticism), 
    1. பொதுவாக நம்பிக்கையில்லாதத் தன்மை (skepticism),
    1. ஏளனத் தனமாக அறியாமல் ஏற்றுக் கொள்ளா தன்மை (cynicism),
    1. இருக்கின்ற அமைப்புகளை எதிர்க்கும் தன்மை (rationalism)

இப்படியெல்லாம் சொல்லிக் கொண்டாலும், இந்த திராவிடத்துவ சித்தாந்திகள் இந்துவிரோதிகளாகத் தான் இருந்து வருகிறார்கள்.

  • கடவுள் இல்லை என்றால், எல்லா மதக் கடவுளர்களும் இல்லை, ஆனால், பெரியாருக்கு, பெரியாரிஸ்டுகளுக்கு இந்து கடவுள் மட்டும் இல்லை என்ற கொள்கையுள்ளது.
  • மற்ற மதங்களின் நூல்களை, புராணங்களை விமர்சிப்பதில்லை.
  • உண்ணும்நோன்பு, தீச்சட்டி ஏந்துதல் போன்று மற்ற மத சடங்குகளை செய்து கிண்டலடிப்பதில்லை. சிலுவையில் அறைந்து கொள்ளலாம், கத்திகளால் உடலில் கீறி காயங்கள் ஏற்படுத்திக் கொள்ளலாம், சாட்டையினால் ரத்தம் வரும் வரை அடித்தும்கொள்ளலாம். ஆனால், செய்வதில்லை.
  • நாத்திக சமத்துவமாக, பிள்ளையாருடன், கிருத்துவ-துலுக்கக் கடவுள் உருவங்களை உடைக்கவில்லை.
  • மற்ற கடவுள் பிறப்புப் பற்றிய படங்களை வரையவில்லை, எந்தவித ஊர்வலமும் நடத்தவில்லை.
  • மற்ற மதங்களைப் பற்றி விமர்சிப்பதில்லை, ஆனால், அம்மத விழாக்களில் கலந்து கொண்டு, இந்துமதத்தை விமர்சித்துள்ளனர், கேலி பேசியுள்ளனர்.
  • மற்ற மதங்களுக்கு போட்டிப் போடுக் கொண்டு வாழ்த்துகள், ஆனால், இந்து மதத்திற்கு இல்லை, மாறாக தூஷணங்கள் உண்டு.
  • கிறிஸ்துமஸ் பண்டிகைக் கொண்டாட்டத்திற்குச் சென்று கேக் தின்பது, துலுக்க ரம்ஜான் இஃப்தர் பார்ட்டிகளில் கஞ்சிக் குடிப்பது என்றெல்லாம் செய்து, அங்கேயே இந்து பண்டிகைகளை மோசமாக விமர்சிப்பது கருணாநிதி[1], ஸ்டாலின்[2] செய்து வந்தது தெரிந்த விசயமே.
  • இந்து பண்டிகைகளின் போது, தூஷணங்களை நேரிடையாக விடுதலை, முரசொலி நாளிதழ்களில் காணலாம், மறைமுகமாக சன் மற்றும் கலைஞர் டிவிசெனல்களில் பார்க்கலாம்.

இவற்றிலிருந்து, இவர்களின் போலித் தனமான சித்தாந்தத்தை அறிந்து-புரிந்து கொள்ளலாம்.

சிலைகள் உருவாக்கும் வியாபாரம் ஏற்கெனவே ஆரம்பித்தாகி விட்டது: ஈவேரா, அண்ணா, கருணாநிதி என்று சிலைகள் செய்து விற்க ஆரம்பித்து விட்டனர். கொலு பொம்மைகள் மாதிரி ஏற்கெனவே விற்கப் படுகின்றன. இப்பொழுது, மார்பளவு, நிற்கும் கோலம், திராவிட-மும்மூர்த்திகள், மார்பளவு, உயரமான தூண்-பீடத்துடன், கருப்பு மற்றும் தங்க முலாம் பூசியது, என்று ஒரு குறிப்பிட்ட கம்பெனி பலவிதமாக தயாரிக்கின்றனர். அவை வெவ்வேறு அளவுகளிலும், வெண்கலத்திலும் உற்பத்தி செய்கிறார்கள். நாத்திக ஆட்சியில், திராவிட கடவுள் மறுப்பு சித்தாந்தத்தில், பிள்ளையார் சிலைகள் உடைத்த ஈவேரா வழியில், அவருக்கும், உடன் பிறப்புகளுக்கு சிலைகள் தயாரிக்கின்றனர், விற்கின்றனர். இதில் ஆன்-லைன் வியாபாரம் வேறு! “திராவிட மும்மூர்த்திகள்” உருவாகி விட்டதால், இனி “ஈவேரா-நாகம்மை-மணியம்மை” என்று “பிள்ளையார்-ஶ்ரீதேவி-பூதேவி” கணக்காக சிலைகளையும் செய்ய ஆரம்பித்து விடுவார்கள்! கருணாநிதி-பத்மாவதி-தயாளு-ராஜாத்தி ஜோடிகளும் உருவாகி விடும். இதற்கான “Iconography” (உருவமைப்பு முறை) ஏற்கெனவே உருவாகி விட்டது. ஆக, இது, “திராவிட சிற்பகலை” என்று நூல்களில் சேர்க்கப் படலாம். திராவிட வாஸ்துமுறையும் உண்டாக்கப் படலாம். அதற்கேற்ற பாடதிட்டங்களை சுப.வீரபாண்டியன், லியோனி முதலியோர் உருவாக்கத் தயாராக உள்ளார்கள். பாலகிருஷ்ணன்[3], உதயசந்திரன்[4] அவற்றை “எலைட்” லெவலில் (Elite level) எடுத்துச் செல்வார்கள். நன்றாக வியாபாரம் ஆகிறது. இனி இந்த ரூ 100 கோடி வியாபார திட்டத்தில், செலவு செய்தால் போல காண்பித்து, நன்றாகவே, வரியேய்ப்பும் நடக்கும்.

மறுப்புமறைப்பு முறை சித்தாதம் (Negationism) கடைபிடிப்பது சரியில்லை: சமீபகால சரித்திரத்தில் மறுப்பு-மறைப்பு முறை சித்தாதம் (Negationism) செயல்பட முடியாது, ஏனெனில், அக்காலத்தவர் இன்னும் இருக்கிறார்கள், சாட்சிகளாக வாழ்கிறார்கள். மறுப்பு-மறைப்பு முறை சித்தாதம் (Negationism) என்பது சரித்திரத்தில் ஒருவர் பற்றிய, ஒருவர் செய்த செயல்கள் பற்றிய உண்மைகளை மறைத்து, ஆதரங்களை மறைத்து, ஒருதலைப் பட்சமாக, அவர்கள் நல்லது செய்தார்கள் என்பது போல சித்தரித்துக் காட்டும் முறையாகும்[5]. இவர்கள் என்னவெல்லாம்-எப்படியெல்லாம்-எந்நிலைகளில்-எங்கு பேசியிருக்கிறார்கள், என்பதெல்லாம் தெரியும். நாடகம்-சினிமா என்று சம்பந்தப் பட்டிருப்பதால், அந்த வாழ்க்கை முறையும் தெரியும். அப்பொழுது “மீ-டூ” (Me Too) போன்றவை இருந்திருந்தால், பாதிக்கப் பட்டவர்களே சொல்லியிருப்பார்கள்[6]. கண்ணதாசன், மபோசி போன்றார் எழுதியதைப் படிக்க வேண்டிய அவசியம் இல்லை. ஈவேரா, அண்ணா, கருணாநிதி பேசியதை-எழுதியதை மறைக்கவேண்டிய தேவையும் இல்லை. அவர்களை மீறி, மிரட்டி, உண்மைகளை மறைத்து சரித்திரத்தை எழுத முடியாது. அத்தகைய சரித்திரவரையறையும் (historiography) எடுபடாது. முரண்பாடுகள், எதிர்மறை நடவடிக்கைகள், இரட்டை செயல்பாடுகள், இரண்டு வேடங்கள், என்றெல்லாம் இருப்பது தெரிந்த விசயமே.

© வேதபிரகாஷ்

22-09-2021


[1]  இந்துமதத்தில் ஏகாதசி போன்ற உண்ணா நோன்புகள் உள்ளன, ஆனால், இந்துக்கள் வகைவகையாக பலகாரங்கள் செய்து சாப்பிடுவார்கள் என்று கருணாநிதி பேசியுள்ளது தெரிந்த விசயம்.

[2]  ஒரு திருமண நிகழ்ச்சியில், இந்து திருமண மந்திரங்களைப் பற்றி ஆபாசமாக பேசியது வீடியோவில் உள்ளது. பலரும் அதனைப் பார்த்து-கேட்டுள்ளனர்.

[3] IAS (Retd.) அதிகாரி, சமீபத்தில், முழுவதுமாக திராவிடத்துவ சரித்திராசிரியராக மாறிவிட்டார். புத்தகமும் எழுதிவிட்டார். இவரது எழுத்துகள் தமிழக பாடபுத்தகங்களிலும் சேர்க்கப் பட்டுள்ளன.

[4] IAS பணியில் உள்ளார், திராவிட சித்தாந்தத்திற்கு வெளிப்படையாக உதவுகிறார், தங்கம் தென்னரசு அமைச்சருக்கு துணையாக இருக்கிறார்.

[5]  உதாரணத்திற்கு ஔரங்கசீப், மாலிகாபூர் போன்றவர்கள் நல்லவர்கள், அவர்கள் கோவில் கட்ட நிதி அளித்தார்கள், கோவில்களை காப்பாற்றினார்கள் என்றெல்லாம் கடைவிடும் முறைகள். இத்தகையை சரித்திரம் எழுதும் போக்கை, பலர் எடுத்துக் காட்டியுள்ளனர். அது மிகவும் ஆபத்தானதும் கூட.

[6] சமீபத்தில் கூட கண்ணதாசன் குறிப்பிட்டதை எடுத்துக் காட்டியதற்கு, வழக்குகள் போடப் பட்டன. பிறகு, உண்மைக்கு ஏன் பயப்படுகிறார்கள் என்று தெரியவில்லை.

பாரம்பரிய தீர்த்த யாத்திரை பாதையில் பெரியார் பெயரில் சுற்றுலா தலத்தை அமைத்து வியாபாரம் செய்ய யுக்தி! (1)

செப்ரெம்பர் 22, 2021

பாரம்பரிய தீர்த்த யாத்திரை பாதையில் பெரியார் பெயரில் சுற்றுலா தலத்தை அமைத்து வியாபாரம் செய்ய யுக்தி! (1)

தமிழக அரசு தேசிய நெடுஞ்சாலையில் பெரியார் பெயரில் வளாகம் அமைக்க அனுமதி: திருச்சி மாவட்டம் சிறுகனூரில் தந்தை பெரியாரின் 95 அடி உயர் சிலை வைக்க அனுமதி அளித்து ஆணை பிறப்பித்ததற்கு முதலமைச்சர் மு.க.ஸ்டாலினை திராவிடர் கழக தலைவர் கி.வீரமணி நேரில் சந்தித்து நன்றி தெரிவித்தார்[1].  முதலமைச்சர் மு.க.ஸ்டாலினை, திராவிட கழகத் தலைவர் கி.வீரமணி 30-08-2021 அன்று சந்தித்தார்[2]. அப்போது, திருச்சி மாவட்டம், மண்ணச்சநல்லூர் வட்டம் சிறுகனூர் கிராமத்தில் பெரியார் சுயமரியாதை பிரசார நிறுவனத்தின் சார்பில் ‘பெரியார் உலகம்’ என்ற பெயரில் உருவாக்கப்பட்டுள்ள தந்தை பெரியாரின் 95 அடி உயர சிலை, 40 அடி பீடம், வளாகத்தில் குழந்தைகள் பூங்கா, நூலகம் ஆகியவை அமைக்க அனுமதி வழங்கி ஆணைப் பிறப்பித்ததற்கு பொன்னாடை போர்த்தி, புத்தகம் வழங்கி நன்றி தெரிவித்தார். இந்த சந்திப்பின் போது, திராவிடர் கழக பொதுச்செயலாளர் அன்புராஜ்[3], துணைத்தலைவர் கலி.பூங்குன்றன் ஆகியோர் உடன் இருந்தனர்.

பெரியார் சிலை வளாகமா, ஹைவே ரெஸ்டாரென்டா?: அதன்படி  திருச்சி – சென்னை நெடுஞ்சாலையில் உள்ள சிறுகனூரில் 27 ஏக்கர் பரப்பளவில் பெரியார் உலகம் ஒன்றை உருவாக்க உள்ளதாக பெரியார் சுய மரியாதை பிரச்சார நிறுவனம் அறிவித்துள்ளது. திருச்சியில் இருந்து சுமார் 18கிமீ தொலைவில் திருச்சி – சென்னை நெடுஞ்சாலையில் அமைந்துள்ளது இந்த சிறுகனூர். இங்கு 27 ஏக்கர் பரப்பளவில் பெரியார் உலகம் ஒன்றை உருவாக்க இருப்பதாக திராவிட கழகத்தின் பெரியார் சுய மரியாதை அறிவித்துள்ளது. அங்கு 40 அடி உயர பீடத்தில் 95 அடி உயரம் கொண்டுள்ள தந்தை பெரியாரின் வெண்கல சிலை ஒன்று அமைய உள்ளது. 133 அடி உயரத்தில் அமையும் உலகின் மிக உயரமான பெரியார் சிலையாக இது அமைகிறது. 135 அடி என்று பிறகு சொல்லப் பட்டது[4]. அதாவது வள்ளுவர் சிலையை விட உயரமாக இருக்க வேண்டும் என்ற திட்டம் போலிருக்கிறது[5]. ஏற்கெனவே ஈவேராவுக்கு திருவள்ளுவர், திருக்குறள் மீதெல்லாம் அபாரமான விருப்பம் இருந்ததனால், நன்றாக வைது, வசை பாடி, திட்டியுள்ளது தெரிந்த விசயமான நிலையில், இப்படியொரு ஆசை, நாத்திகவாதிகளுக்கு! ஒரு துலுக்கர் திருக்குறள் மோசடி வியாபாரம் செய்து மாட்டிக் கொண்டதும், இப்பொழுது தான் செய்தியாக வந்துள்ளது[6].

பெரியார் உலகம்சுற்றுலா தலம்வளாகம் என்று வேறு விளக்கம்: இங்கு பெரியாரின் வரலாற்றை விளக்கும் ஒளி – ஒலி காட்சிகளுடன் கூடிய அருங்காட்சியகம், மெழுகு சிலை அரங்கமும் அமைக்கப்பட உள்ளது. கண்காட்சி, கோளரங்கம், பெரியார் படிப்பகம், குழந்தைகளுக்கான விளையாட்டு மற்றும் பொழுதுபோக்கு அம்சங்களுடன் கூடிய மிகப்பெரிய பூங்காவும் அமைக்க திட்டமிடப்பட்டுள்ளது. பெரியார் படிப்பகம், நூலகம், புத்தக விற்பனையகம் ஆகியவனவும் அங்கு அமைக்கப்பட உள்ளன. உணவகம், வாகன நிறுத்துமிடம் உள்ளிட்ட அனைத்து வசதிகளுடன் மிகப்பெரிய சுற்றுலாத் தலமாக பெரியார் உலகம் உருவாக்கப்பட உள்ளது[7]. இது தான் உண்மையே தவிர பெரியார் சிலை மட்டும் நூறு கோடி ரூபாயில் உருவாக உள்ளதாக உண்மைக்கு மாறாக பிரச்சாரம் செய்வதை தோழர்கள், பற்றாளர்கள் சமூக வைதளங்களில் வெளிப்படுத்துவீர் என  திராவிட கழகத்தின் பெரியார் சுய மரியாதை தலைமை அறிவித்துள்ளது[8].  இதை ஈரோட்டில் அமைக்காமல், இங்கு அமைக்க வேண்டிய மர்மம் என்ன என்றும் ஆராய வேண்டியுள்ளது.

2018 முதல் 2021 வரை அனுமதி கிடைக்கவில்லையாம், ஸ்டாலின் வந்ததும் கிடைத்து விட்டதாம்: கலி. பூங்குன்றன் “இந்த வளாகம் அமைப்பதற்கான மத்திய அரசின் அனுமதிகள் அனைத்தும் பெறப்பட்ட நிலையில், மாநில அரசின் அனுமதிக்காக விண்ணப்பித்தபோது, அதற்கு கடந்த மூன்று ஆண்டுகளாக அனுமதி அளிக்கப்படவில்லை……..இப்போது மு.. ஸ்டாலின் முதல்வரான பிறகு அனுமதி அளிக்கப்பட்டிருக்கிறது[9]. இப்போது பெரியார் பிறந்து 143 ஆண்டுகளாகின்றன. 150 ஆண்டுகளுக்குள் இந்தப் பணிகளை முடிக்கத் திட்டமிட்டிருக்கிறோம். முதல்கட்டமாக சிலையின் பணிகள் முடிவடையும். பிறகு படிப்படியாக அடுத்தடுத்த பணிகள் நடக்கும்,” என்கிறார்[10].  மூன்றாண்டுகளில் கிடைக்காதது, ஸ்டாலின் வந்தவுடன் கிடைத்து விட்டது என்றால், மத்திய அரசுடன், திமுக அல்லது திக என்ன பேரம் பேசியது, என்ன விவகாரம் என்பதனை வெளியில் சொல்வார்களா? பிஜேபிக்கும்-திமுகவிற்கும் ஏதாவது ரகசிய உடன்படிக்கை ஏற்பட்டுள்ளதா? ஆராய்ந்து பார்க்க வேண்டும்.

ரூ 100 கோடி செலவு யார் செய்யப் போகிறது?: இந்நிலையில், பெரியாருக்கு 95 அடி உயர சிலையை அரசு அமைக்கப்போவதாக பா.ஜ.க – நாம் தமிழர் பொய் செய்திகளை பரப்பினர்[11]. உண்மையான விவரங்களை வெளிப்படையாக அறிவித்திருந்தால், யாரும் ஒன்றும் கேட்டிருக்க மாட்டார்கள். “பெரியாருக்கு சிலை,” என்பதே முரண்பாடு என்பது தமிழர்களுக்கு நன்றாகவே தெரியும். அந்நிலையில் 95 அடி உயரம், 135 அடி உயரம், 135 அடி உயரம் என்றெல்லாம் செய்திகள் வருவது வேடிக்கையாக இருக்கிறது. மொத்த வளகத்திற்கு ஆகும் செலவு ரூ.100 கோடி என்று வீரமணி விளக்கம் கொடுத்துள்ளார். உண்மை இவ்வாறு இருக்க பெரியார் சிலை மட்டும் நூறு கோடி ரூபாயில் உருவாகிறது என்று உண்மைக்கு மாறாகப் பிரச்சாரம் செய்வதை – கழகத் தோழர்கள், பற்றாளர்கள் சமூகவலை தளங்களில் வெளிப்படுத்துவீர்!” எனத் தெரிவித்துள்ளனர்[12]. சிலைக்கு ரூ 100 கோடிகளா அல்லது மொத்த வளாகத்திற்கான செலவு மதிப்பீடா என்பதெல்லாம் சரி, இதை யார் செலவு செய்யப் போகிறாற்கள்? தமிழக அரசு எத்தகைக் கொடுக்கிறது, பெரியார் டிரஸ்ட் எவ்வளவு செலவு செய்யப் போகிறது அல்லது புதியதாக ஒரு பிரைவேட் லிமிடெட் கம்பனி ஆரம்பிக்கப் போகிறார்களா? இவ்விவரங்களை வெளிப்படையாக சொல்லப் படவில்லை.

பெரியாருக்கு சிலை வைப்பதில் தவறில்லை – பிஜேபி முன்னாள் மத்திய அமைச்சர் கூறியது (09-09-2021): நாகர்கோவில் வடசேரி பகுதியில் நடைபெற்ற விநாயகர் சதுர்த்தி பூஜையில் பங்கேற்ற பாஜக மூத்த தலைவர் பொன்.ராதாகிருஷ்ணன் செய்தியாளர்களை சந்தித்தார்[13]. அப்போது அவர் கூறுகையில்[14], “…..பெரியாருக்கு சிலை வைப்பதில் தவறில்லை. பொதுவாக மறைந்த தலைவர்களுடைய நல்ல கருத்துகளை நாம் ஏற்று பின்பற்ற வேண்டும்………” ஆக பிஜேபியின் ஆதரவும் கிடைத்து விட்டது. இதில் வேடிக்கை என்னவென்றால், கடந்த ஆண்டுகளில் ஆர்.எஸ்.எஸ் முதல் பிஜேபி வரை பல தலைவர்கள் (வைத்யா, வானதி, குஷ்பு முதலியோர்) பெரியார், பெரியாரித்துவம், பெரியாரிஸம், பெரியாரின் சித்தாதம், சிலை என்று எல்லாவற்றிற்கும் ஆதரவு தெரிவித்து வருகிறார்கள். மேலே குறிப்பிடப்பட்டுள்ள வணிக ரீதியில் செயல்படப் போகின்ற “பெரியார் உலகம்” திட்டத்தைப் புரிந்து கொண்டு பொன்.ராதாகிருஷ்ணன் கருத்துத் தெரிவித்தாரா என்று தெரியவில்லை. ஒருவேளை, பிஜேபி-திமுக கூட்டணி 2023ல் உருவாகும் என்ற கோணத்தில் ஒப்புக் கொண்டாரா என்றும் புரியவில்லை.

© வேதபிரகாஷ்

22-09-2021


[1] தினகரன், பெரியாரின் 95 அடி உயர சிலை வைக்க அனுமதி: முதல்வருக்கு கி.வீரமணி நன்றி, ஆகஸ்ட் 31, 2021.

[2] https://m.dinakaran.com/article/News_Detail/701592/amp

[3] கே. வீரமணியின் மகன், இப்பொழுது பெரியார் சொத்துக்களை நிர்வகிக்கும் அதிகாரி, வீரமணிக்குப் பிறகு பதவிக்கு வரத் தயாராக இருக்கும் இளவரசர், “பெரியாரின் வாரிசு” என்றும் சொல்லிக் கொள்ளலாம்.

[4] தமிழ்.ஏசியாநெட்.நியூஸ் வள்ளுவர் சிலையை விட 2 அடி கூடுதல் உயரத்தில் பெரியார் சிலை.. காரணம் இதுதானா..?, Ezhilarasan Babu, Chennai, First Published Sep 9, 2021, 10:38 AM IST, Last Updated Sep 9, 2021, 10:38 AM IST.

[5] https://tamil.asianetnews.com/politics/periyar-statue-is-2-feet-higher-than-valluvar-statue-is-this-the-reason–qz5iaa

[6]  திராவிட, திராவிடத்துவ ஆட்சியில், திருக்குறள், திருவள்ளுவர் என்றும் வைத்துக் கொண்டு, நன்றாக அரசியல் செய்யலாம், வியாபாரமும் செய்யலாம்.

[7] தமிழ்.ஏசியாநெட்.நியூஸ், 133 அடி உயரத்தில் பெரியார் வெங்கல சிலை… 27 ஏக்கரில் பிரம்மாண்டமாக உருவாகும் பெரியார் உலகம்.. எங்கு தெரியுமா?, Thiraviaraj RM, Tamil Nadu, First Published Sep 8, 2021, 1:24 PM IST, Last Updated Sep 8, 2021, 1:24 PM IST.

[8] https://tamil.asianetnews.com/politics/periyar-bronze-statue-at-a-height-of-133-feet-the-world-of-periyar-is-huge-on-27-acres-do-you-know-where–qz3vay

[9] பிபிசி தமிழ், பெரியார் சிலைக்கு ரூ. 100 கோடி செலவிடுகிறதா தமிழக அரசு? உண்மை என்ன? #FactCheck, முரளிதரன் காசி விஸ்வநாதன், 7 செப்டெம்பர் 2021

[10] https://www.bbc.com/tamil/india-58476523

[11] கலைஞர்.செய்தி, ரூ.100 கோடியில் பெரியார் சிலையா? – உண்மை என்ன?”: பா..சீமான் வகையறாக்களுக்கு திராவிடர் கழகம் பதிலடி!, Prem Kumar, Updated on : 8 September 2021, 10:37 AM.

[12] https://www.kalaignarseithigal.com/tamilnadu/2021/09/08/dravidar-kazhagam-explains-what-is-the-truth-about-rs-100-crore-periyar-statue

[13] NEWS18 TAMIL, பெரியாருக்கு சிலை வைப்பதில் தவறில்லை: பொன்.ராதாகிருஷ்ணன்,  LAST UPDATED: SEPTEMBER 10, 2021, 13:34 IST.

[14] https://tamil.news18.com/amp/news/tamil-nadu/there-is-nothing-wrong-with-placing-a-statue-of-periyar-ponradhakrishnan-ekr-556987.html

நாயக்கர் துலுக்கனாகி விட்டார், ஈவேரா சாவதற்கு 5 நிமிடம் முன்பு கலிமா சொல்லி முசல்மானாக தயாராக இருந்தார் – பெரியாருக்கு சுன்னத் செய்து வைத்த பெரியார் தாசன்!

ஏப்ரல் 2, 2016

நாயக்கர் துலுக்கனாகி விட்டார், ஈவேரா சாவதற்கு 5 நிமிடம் முன்பு கலிமா சொல்லி முசல்மானாக தயாராக இருந்தார்பெரியாருக்கு சுன்னத் செய்து வைத்த பெரியார் தாசன்!

சாவதற்கு முன்னார் கலிமா சொல்லி மரணிப்பேன் - பெரியார்புதிய கட்டுக்கதைகளை உருவாக்கும் முகமதியர்கள்: பெரியாரின் பேச்சு, எழுத்து, ஏற்கெனவே அச்சில் வந்துள்ளவை முதலியவை இவைதான் என்று அதிகாரப்பூர்வமாக தொகுத்து, ஆதாரங்களுடன் வெளியிடாததால், குழப்பங்கள், திரிபுகள் மற்றும் கட்டுக்கதைகள் பெருகி வருகின்றன என்பதற்கு இன்னொரு உதாரணமாக “ஈவேரா சாவதற்கு 5 நிமிடம் முன்பு கலிமா சொல்லி முசல்மானாக தயாராக இருந்தார்”, என்று துலுக்கர்கள் இப்பொழுது இன்னொருக் கட்டுக்கதையை அவிழ்த்து விட்டிருக்கின்றனர்[1]. பெரியாரின் ஒலிப்பதிவு பேச்சிற்கும், அச்சில் உள்ள பேச்சுகளுக்கு நிறைய வேறுபாடு உள்ளது. உதாரணத்திற்கு பெரியார் இஸ்லாம் பற்றி பேசியதாக இணைதளங்களில் வரும் பேச்சுகள்[2]. எப்படி பல வார்த்தைகள் மாற்றப்பட்டுள்ளன, விடுபட்டுள்ளன, சேர்க்கப்பட்டுள்ளன என்பதனை அறிந்து கொள்ளலாம். பெரியாருடைய பேச்சு, சுத்தமான தமிழாக இல்லை என்பது தெரிந்த விசயம், அப்பொழுது வழக்கில் உள்ள சமஸ்கிருதம் கலந்த சொற்களும் அவரது சொற்பிரயோகத்தில் இருந்தது[3]. அதனால், ஒலிநாடா பேச்சைக் கேட்டு, அச்சில் உள்ளதைப் படித்துப் பார்த்தால் வித்தியாசங்களை அறிந்து-புரிந்து கொள்ளலாம். இதனால், பெரியாரைப் பற்றி என்ன வேண்டுமானாலும் எழுதலாம் என்ற நிலை ஏற்பட்டுவிட்டது. ஏனெனில், அவ்வாறுதான் அவர் பேசினாரா, எழுதினாரா என்று சரிபார்க்க, அதிகாரப்பூர்வமான புத்தகம் (edited from the original manuscripts) இல்லை.

இஸ்லாத்தை பெரியார் ஏற்றாரா, எதிர்த்தரா - அட்டைமுகமதியர் சுற்றில் விட்டுள்ள பெரியாரின் பேச்சு[4]: விடுதலையில் 20-12-1970ல் வெளிவந்ததாக கூறி, அக்டோபர் 6, 1929 அன்று 69 ஆதி திராவிடர்கள் முகமதியர்களாக மதம் மாறியதைப் பற்றி பேசியதை அதில் சேர்துள்ளார்கள்.  “பறையன், சக்கிலியன், சண்டாளன்….முகமதிய மதம்…..” போன்ற வார்த்தைப் பிரயோகம் உள்ளது. இதில் ஏதோ இஸ்லாத்தில் சேர்ந்து விட்டால், ஆதிதிராவிடர், எஸ்.சி, பட்டியல் ஜாதியினர்களின் சமூக நிலமையே மாறி விடும் என்பது போல பேசியுள்ளார். இதிலிருந்தே, அவருக்கு இஸ்லாத்தைப் பற்றிய முழுவிவரங்கள் அல்லது நடைமுறை விவகாரங்கள் தெரிந்திருக்கவில்லை என்பது புலனாகிறது[5]. முசல்மான்களைத் திருப்தி படுத்த பேசிய விதமாகவே தெரிகிறது. பிறகு, எஸ்.ஐ.ஆர். சங்கம், திருச்சியில் ஏற்பாடு செய்திருந்த கூட்டத்தில் மார்ச்.18, 1947 அன்று பேசிய பேச்சை இணைத்திருக்கிறார்கள். அப்பொழுது அவருக்கு ரூ.1080/- கொடுத்ததாகக் கூறப்படுகிறது. இதில் தமிழில் “கடவுள்”, ஆங்கிலத்தில் “காட்”, அரேபிய மொழியில் “அல்லா” என்று சொல்கிறார்கள், எல்லாமே ஒன்று என்பது போல பேசியுள்ளது வேடிக்கையாக இருக்கிறது. ஏனெனில், முகமதியர்களுக்கு அல்லா தான் அல்லா, அது “கடவுள், காட்” ஆகாது. ஏனெனில், பிறகு, இவர் சொல்லிவரும் சித்தாந்தம் “கடவுள் இல்லை…….கற்பித்தவன் முட்டாள்……” அதற்கு எதிராகி விடும்[6]. இக்கருத்தை 1919, 1909 லிருந்து கடந்த 28 வருடங்களாக சொல்லி வருகிறேன் என்றார். மேலும் குடி அரசு, தலையங்கம் 17.11.1935ல் காணப்படும் அவரது கருத்துகளிலிருந்து, அவருக்கு முகமதிய பதத்தில் உள்ள பிரசினைகள் தெரிந்திருக்கின்றன என்றாகிறது. அதில் அம்பேத்கர் மதமாறுவது பற்றியும் விமர்சித்துள்ளார்.

பெரியார் இஸ்லாத்தை ஏற்றாரா, எதிர்த்தாராஈவேரா முஸ்லிமாகச் சாவேன் என்றது (05-08-1929): ஈ.வே. ராமசாமி நாயக்கர் சொன்னது: ‘‘நான் சாவதற்கு சில நிமிடமிருக்கும் வரையிலும் இந்த ஜாதி, மத, புராணப் புரட்டுகளை ஒழிக்கப் போராடி சாகுந்தருணத்தில் முஸ்லிமாகத்தான் சாவேன். ஏனென்றால் நான் செத்த பிறகு என் சொத்துக்களை, என்னை மோட்சத்திற்கு அனுப்புவதான புரட்டுகளால் என் சந்ததியாரை ஏமாற்றிப் பறிக்கப்படாமலும், அவர்கள் மூடநம்பிக்கையில் ஈடுபடாமலிருக்கச் செய்யவும்தான் நான் அவ்வாறு செய்யத் தீர்மானித்திருக்கின்றேன். நான் செத்தபிறகு என் சந்ததியார் என்னை மோட்சத்திற்கு அனுப்பப்படுமென்ற மூடநம்பிக்கையினால் பார்ப்பனர் காலைக்கழுவி சாக்கடைத் தண்ணீரை குடிக்காமலிருக்க செய்ய வேண்டுமென்பதற்காகவும்தான் நான் முஸ்லிமாகச் சாவேன் என்கிறேன்”. (திராவிடன் 05-08-1929). ஆனால், இதனை யாரும் அப்பொழுது பொருட்படுத்த வில்லை.  ‘‘நான் சாவதற்கு சில நிமிடமிருக்கும் சாகுந்தருணத்தில் முஸ்லிமாகத்தான் சாவேன்”, என்றதை, பெரியார் தாசன் போன்றோர், “சாவதற்கு 5 நிமிடம் முன்பு கலிமா சொல்லி முஸ்லிமாக மரணிப்பேன்! பெரியார் இஸ்லாத்தை ஏற்றாரா? ஆவணப்படத்தில் அதிர்ச்சி தரும் உண்மைகள்!”, என்று மாற்றி கட்டுக்கதையை புனைய ஆரம்பித்துள்ளனர்[7].

EVR listening to Rajaji with due respect and attention

இந்துவாய்ச் சாகப்போவதில்லை என்றது (20-10-1935): இதையும் ஈ.வே. ராமசாமி நாயக்கரே கூறுகிறார்:  தோழர் ஈ.வே. ராமசாமி அவர்கள் தீண்டப்படாத வகுப்பு என்பதைச் சார்ந்தவர் அல்ல என்று சொல்லப்படுவரானாலும் தான் சாகும்போது இந்துவாய்ச் சாகப்போவதில்லை என்று சுமார் பத்து வருடத்திற்கு முன்பே சொல்லியிருக்கிறார். (குடியரசு 20-10-1935), அதாவது, இக்கணக்கை வைத்துப் பார்த்தால், 1926லேயே அப்படி சொல்லியிருக்க வேண்டும். ஆனால், அவர் அம்மாதிரியெல்லாம் பேசுவது வழக்கமாதலால், அதனை பெரிதாகவோ, முக்கிய விசயமாகவே எடுத்துக் கொள்ளவில்லை.

பெரியார் தாசன் புத்தகம்இறக்கும்போது இந்துவாக இறக்கமாட்டேன் என்ற அம்பேத்கர் தனது முடிவை மாற்றிக் கொள்ளக்கூடாது என்று அறிவுரை கூறிய .வே. ரா (குடியரசு 20-12-1935): தான் இறக்கும்போது இந்துவாய் சாகமாட்டேன் என்று கூறிய ஈ.வே. ராமசாமி நாயக்கர், டாக்டர் அம்பேத்கருக்கு அறிவுரை கூறுகிறார். அதாவது, ‘‘அம்பேத்கர் தாம் இறக்கும்போது இந்துவாக இறக்கமாட்டேன். வேறு மதத்துக்கு மாற உள்ளேன்’’ என்று கூறியதை எடுத்துக்காட்டி ஈ.வே. ராமசாமி நாயக்கர், ‘இதை பாராட்டும்போது நாம் சொல்வதெல்லாம் அம்பேத்கர் அவர்கள் பார்ப்பன சூழ்ச்சிக்கு ஏமாந்து மறுபடியும் இத்தீர்மானத்தை மாற்றிக் கொள்ளக்கூடாது என்பதோடு வைதீகரும் மூடநம்பிக்கையும், குருட்டு பழக்கவழக்கமும் கொண்ட வேறு எந்த மதத்திலும் விழுந்துவிடக்கூடாது என்று எச்சரிக்கை செய்கிறோம்’’, என்று கூறுகிறார். (குடியரசு 20-12-1935). உண்மையில், அம்பேத்கரது திட்டம் முதலியன இவருக்குத் தெரியாது.

பெரியார் தாசன் புத்தகம்.2இந்துவாய் இறக்கப்போவதில்லை என்று சபதம் செய்த ஈவேரா (குடியரசு 31-05-1936): மேலும் ஈ.வே. ராமசாமி நாயக்கர் ‘‘1926-ல் நான் இந்துவாய் இறக்கப்போவதில்லை என்று கூட்டத்தில சபதம் செய்து தருகிறேன்’’ என்று நினைவூட்டுகிறார். (குடியரசு 31-05-1936) அதாவது, இறக்கும்போது இந்துவாக இறக்கக்கூடாது என்பதிலே உறுதியாக இருந்தார் என்று தெரிகிறது. ஆனால் அம்பேத்கர் பவுத்த மதத்தை தழுவியபோது சொன்னதுதான்! “நான் அம்பேத்கர் அவர்களை சந்தித்தபோது அவர் என்னிடத்தில் ஒரு ஃபாரத்தை நீட்டிப்போடு கையெழுத்தை. நாம் இருவரும் புத்த நெறியில் சேருவோம் என்றார். அதற்கு நான் சொன்னேன் நீங்கள் சேருங்கள். நான் மாறாமல் இருந்து – இந்து என்பனவாகவே இருந்து-இந்து வண்டவாளங்களை எடுத்துப் பிரச்சாரம் செய்ய வசதியாக இருக்கும் என்று தெரிவித்தேன். நான் புத்த மார்க்கத்தில் சேர்ந்துவிட்டால், இப்போது கடவுள் உருவச்சிலைகளை உடைத்துக்கிளர்ச்சி செய்தது போல செய்ய முடியாததாகிவிடும் என்றேன்”. (விடுதலை 09-02-1950).

பெரியார் முஸ்லிம்சட்டநுணுக்கங்கள் அறிந்த அம்பேத்கரும், இடத்திற்கு ஏற்றப்படி பேசும் ஈவேராவும்: அம்பேத்கர் மதம் மாறியபோது, சட்டப்படி “இந்துவாக” இருக்கும் நிலையில், இடவொதிக்கீடு பாதிக்காமல் இருக்க வேண்டும் என்ற முறையில், அவர் பௌத்தத்தை ஏற்றுக் கொண்டார். பெரியாரும், வலிய வந்து, பௌத்த மாநாட்டில் கலந்து கொண்டு, பௌத்தத்தைத் தழுவுகிறேன் என்ற போது, அம்பேத்கர் விசயங்களை எடுத்துக் காட்டினார். பெரியார் ஒரு அவசரக்குடுக்கைகாரர் என்பது அம்பேத்கர்க்கு நன்றாகவே தெரியும். அதனால் தான், பெரியார் இந்துவாகவே இருக்க தீர்மானம் செய்து கொண்டார். டிசம்பர் 24, 1973ல் இறந்தபோது, ஈ.வே. ராமசாமி நாயக்கர் இந்துவாகத்தான் இறந்தார்.

© வேதபிரகாஷ்

02-04-2016

[1] http://bushracare.blogspot.in/2013/09/5.html

[2] https://www.youtube.com/watch?v=2Ie5DrlDN3M

[3] ஒலி மற்றும் குடி அரசு முதலியவற்றில் கேட்டும், படித்தும் புரிந்து கொள்ளலாம், “ஆமா…..வெங்காயம்”!

[4] முகமதியர், முசல்மான், முஸ்லிம் முதலியவை அந்தந்த காலகட்டத்தில் உபயோகப்படுத்தப்பட்ட சொற்கள். பெரியாரே “முகமதிய மதம்” என்று குறிப்பிட்டுள்ளார்.

[5] https://socialsubstratum.wordpress.com/2009/07/27/3/

[6] கடவுள் இல்லை, கடவுள் இல்லை, கடவுள் இல்லவே இல்லை, கடவுளைக் கற்பித்தவன் முட்டாள்; கடவுளை பரப்பியவன் அயோக்கியன், கடவுளை வணங்குகிறவன் காட்டுமிராண்டி, இது 1967ல் பெரியார் திடலில், பெரியார் வெளியிட்டதாக கூறுகிறார்கள்.

http://www.unmaionline.com/new/2589-%E0%AE%95%E0%AE%9F%E0%AE%B5%E0%AF%81%E0%AE%B3%E0%AF%88%E0%AE%95%E0%AF%8D-%E0%AE%95%E0%AE%B1%E0%AF%8D%E0%AE%AA%E0%AE%BF%E0%AE%95%E0%AF%8D%E0%AE%95%E0%AE%BE%E0%AE%A4%E0%AE%B5%E0%AE%A9%E0%AF%8D-%E0%AE%95%E0%AE%BE%E0%AE%9F%E0%AF%8D%E0%AE%9F%E0%AF%81%E0%AE%AE%E0%AE%BF%E0%AE%B0%E0%AE%BE%E0%AE%A3%E0%AF%8D%E0%AE%9F%E0%AE%BF.html

[7] புஷ்ரா நல அறக்கட்டளை, சாவதற்கு 5 நிமிடம் முன்பு கலிமா சொல்லி முஸ்லிமாக மரணிப்பேன்! பெரியார் இஸ்லாத்தை ஏற்றாரா? ஆவணப்படத்தில் அதிர்ச்சி தரும் உண்மைகள் !, செப்டம்பர்.9, 2013,  http://bushracare.blogspot.in/2013/09/5.html

“சித்தர்க்காடு மாரியாத்தாளுக்கு உதை” – 1934ஆம் ஆண்டு புரட்சியிலிருந்து…. பெரியாரை வெளிக்காட்டும் கட்டுரை – உபயம் – திருவாளர் வீரமணி!

மார்ச் 20, 2016

சித்தர்க்காடு மாரியாத்தாளுக்கு உதை”  1934ஆம் ஆண்டு புரட்சியிலிருந்து…. பெரியாரை வெளிக்காட்டும் கட்டுரை உபயம் – திருவாளர் வீரமணி!

EVR-karu-atheist-path-of-jihadi

பால் குத்திக் கொள்ளுதலும், கரகம்கட்டுவதும், கண்முழிப்பதும், துள்ளுமாவு இடித்து தின்பதும், கஞ்சி குடிப்பதும்: பூசாரி, மாரியம்மனை உதைத்ததால் ஏற்பட்ட தோஷத்தைப் போக்க மறு தினம் பிராமண குருக்களைக் கொண்டு பிராயச்சித்தம் செய்யப்பட்டது.

பூசாரி போதை வெறியால் செய்த போக்கிரித்தனமும், கஞ்சி காய்ச்சியும் கரகமெடுத்தும் ஊரைப் புழுதி பண்ணிய பக்த சிகாமணிகளின் லீலைகளும் எப்படியாவது போகட்டும். அதைப் பற்றி நாம் கவலைகொள்ளவுமில்லை. வைசூரி நோய் அபிவிர்த்தியானால் பால் குத்திக் கொண்டால் பரவிக் கொண்டிருக்கும் நோயானது தடைப்பட்டு விடுமென்பது சுகாதார முறை.

“பூசாரி போதை வெறியால் செய்த போக்கிரித்தனம்” எனும் போது, ஈவேராவுக்கே உண்மை தெரிந்திருந்திருக்கிறது. பிறகு, ஏன் இவ்வாறான மோசமான, வக்கிரமான கட்டுரை எழுத வேண்டும்? அங்குதன் அவரது அசிங்கமான மனோநிலை வெளிப்படுகிறது. மக்களின் நம்பிக்கையை மதிக்காத குணமும் வெளிப்படுகிறது.

இதைப்பின்பற்றாமல் கரகம்கட்டுவதும், கண்முழிப்பதும், துள்ளுமாவு இடித்து தின்பதும், கஞ்சி குடிப்பதுமான காரியமுமெல்லாம் வைசூரி நோயுடன், காலரா நோயும் சேர்த்துக்கொள்ளச் செய்யும் முட்டாள்தனமென்பதை புத்திசாலிகள் உணர்ந்த உண்மை. இதுவும் ஒரு பக்கமிருக்கட்டும்.

How EVR regarded pulaichi - low caste woman

மாரியம்மன் தரிசனத்துக்கு தங்கள் தங்கள் வீட்டு பெண்மணிகளை தனியாக அனுப்ப வேண்டாம்: சித்தர்க்காடு மாரியம்மன் கோவிலில் நடந்த பிரஸ்தாப நிகழ்ச்சியைக் கொண்டு குறிப்பாக சித்தர்க்காடு வாசிகளுக்கும் ஒரு வார்த்தை சொல்லவிரும்புகிறேன். அதாவது:-

பொதுவாக மக்களுக்கும், சிறப்பாக பெண்களுக்கும் மாரியம்மன் என்ற ஒரு தேவதையிடத்திலிருக்கும் மூட பக்தி அளவு கடந்ததாகும். மாரி, காளி, பிடாரி போன்ற தெய்வங்களிடத்தில் பெண்கள் கொள்ளும் மூட பக்தியை தணிக்க வேண்டுவது அந்தந்த ஆண் மகனின் கடமையில் முக்கியமானதாகும். ஏனென்றால், பெண்களுக்கிருக்கும் பக்தியை ஒரு கருவியாக கோயில் பூசாரிகள் உபயோகப்படுத்திக் கொண்டு, பெண்களை வசப்படுத்தி கற்பழிக்கவும் எத்தனிக்கிறார்கள். கற்பழித்துமிருக்கிறார்கள்.

பூசாரி மட்டுமல்ல, டாக்டரும், இஞ்சினியரும், ஏன் எத்தகைய ஆளானாலும், போதை வெறி, போக்கிரித்தனம் முதலியவை இருந்தால், அயோக்கியத் தனங்களை செய்து கொண்டுதான் இருப்பார்கள். இப்பொழுதே பப்புக்குச் செல்வது, குடிப்பது, கூத்தாடுவது எல்லாம் எங்கள் உரிமை என்று சொல்லும் அளவிற்கு, பெண்கள் முன்னேறியிருக்கிறார்கள். கற்ப்பைப் பற்றி கவ்லை இல்லை என்ற அளவுக்கு, மனியம்மையாக நடித்த நாத்திக நடிகை குஷ்புவே விளக்கம் கொடுத்துள்ளது, அவரது ஆவிக்குத் தெரிந்தால் சரிதான்!

கோயில் பூசாரியை பக்தி சம்பாதித்துக் கொடுக்கும் பக்தன் என்ற பேதை எண்ணத்தால் எத்தனையோ பெண்கள் பூசாரியின் வலையில் சிக்கிவிடுகிறார்கள். முடிவாக மாரியம்மன் தரிசனத்துக்கு தங்கள் தங்கள் வீட்டு பெண்மணிகளை தனியாக அனுப்பிவைக்கும் ஆண் மக்கள் கவனித்து தக்கபடி நடந்து கொள்ள வேணுமாய்க் கேட்டுக் கொள்கிறேன், என்று அக்கட்டுரை முடிந்து விடுகிறது.

ஆரிய-திராவிட கூட்டணி

கடவுளை எதிர்க்கும் பக்தனும், ஆத்திகனும், நாத்திகனும்: கடவுள்-மறுப்பு, நாத்திகம், முதலியவற்றைப் பற்றி பேசும் சித்தாந்திகள் இந்த வித்தியாசத்தை அறிந்தும் அறியாத மாதிரி நடிப்பது தான், நிதர்சனமாக இருக்க்கிறது, அவர்களது போலி சித்தாந்தத்தை வெளிப்படுத்துகிறது. கடவுள் பக்தி கொண்டுள்ளவர்களிலும் பலநிலைகளில் உள்ள மனிதர்கள் இருக்கிறார்கள்.

  1. சுகம்-துக்கம், இன்பம்-துன்பம், பிறப்பு-இறப்பு என்ற எல்லா நிலைகளிலும் சமமாக பாவிக்கும் கடவுள்-நம்பிக்கையாளர்கள் எல்லாவற்றிற்கும் கடவுளுக்கு நன்றி செலுத்தி விட்டு வேலை பார்த்துக் கொண்டிருப்பார்கள்.
    1. உயர்ந்த நிலையில், இவர்களும் கடவுள் இல்லை என்று சொல்லலாம்.
    2. கடவுளுக்கு உருவம் இல்லை, அதனால் விக்கிரகம் வேண்டாம் என்ரு சொல்லலாம்.
    3. பூசை-புனஸ்காரம் தேவையில்லை, மனிதன்–மனிதனாக, ஒழுக்கமாக இருந்தாலே போதும் எனலாம்.
  2. அவ்வாறு பாவிக்கத் தெரியாதவர்கள் தான் வேண்டியபடி / விரும்பியபடி நடந்தால் கடவுளுக்கு நன்றி சொல்வான்.
    1. எதிர்பார்த்து செய்யும் பூசை-புனஸ்காரங்கள் முதலியவை – அத்தகைய வகையறாக்கள்.
    2. எல்லாவற்றிற்கும் பரிகாரங்கள் செய்பவர்கள்.
  3. அவ்வாறு நடக்காவிட்டால், ஐயோ நான் ஏதோ தவறு செய்து விட்டேன், என்று மறுபடியும் வேண்டிக் கொள்வான்.
  4. அதில் இன்னொரு வகை, நடக்காதலால், கடவுளைக் கோபித்துக் கொள்ளும் மனிதர்களும் இருக்கிறார்கள்.
    1. அதிக எதிர்பார்ப்பு, நடக்காவிட்டால் தெய்வ-நிந்தனை.
    2. விரக்தியினால் நடந்து கொள்ளும் வகையறாக்கள்.
  5. அப்படியே நடக்காவிட்டாலோ, தொடர்ந்து வேண்டிக்கொண்டு நடக்காவிட்டாலும், கடவுளே இல்லை, நீ கல் தான் என்று வெறுத்துப்போய் ஒரு நிலைக்கு வந்துவிடும் மனிதர்களும் இருக்கிறார்கள்.
  6. ஆனால், இவர்கள் எல்லோருமே கடவுள் இருக்கிறார் என்று தான் நம்பிக்க்கொண்டு இருக்கிறார்கள்.
  7. திருடன், கொள்ளைக்காரன், கொலைக்காரன், சமூக-விரோதி, அரசியல்வாதி, முதலியோர்களும் கடவுளை வேண்டிக் கொள்கிறார்கள். இது சமூகத்தில் தனது நிலையைக் காட்டிக் கொள்வதற்காகவோ, அல்லது வேண்டியது கிடைத்தது என்ற நிலையிலோ இருக்கும்.
    1. இங்கு பூசாரி இவ்வகையில் தான் வருகிறான்.
    2. திருடன், கொள்ளைக்காரன், கொலைக்காரன் பற்றி சொல்ல வேண்டிய அவசியம் இல்லை.
    3. இதில் அரசியல்வாதி, ஒட்டுமொத்த குற்றங்களையும் செய்பவனாக இருக்கிறான்.
  8. திராவிட நாத்திகம் வளர்ந்த நிலையில், திருட்டுத்தனமாக சாமி கும்பிடுவதும், மனைவி-மக்கள்-சுற்றத்தாரை வைத்து சாமி கும்பிடும் நிலையும் இருந்து வருகிறது. இதில் பெரியாரே விலக்கல்ல.
    1. இறைன்றைய நிலையில் திராவிட-நாத்திகர்களில் 90% இப்படித்தான் இருக்கிறார்கள்.
    2. வீடுகளில் சாமிபடங்களை வைத்துக் கொண்டு பூசை செய்து வருகிறர்கள்.
  9. வெளியில் சாமியில்லை என்பது, உள்ளே சாமி குடும்பிடுவது என்ற போலி நாத்திகனும் இருக்கிறான்.
    1. இவன் போலி நாத்திகன்.
    2. இவனால் பெரிய அளவில் பாதிப்பில்லை.
  10. வெளியில் கடவுள் இருக்கிறார் என்று அறிவித்து, சாமி குடும்பிடுவது, உள்ளே ஆனால் உள்ளே சாமியில்லை என்ற போலி ஆத்திகனும் இருக்கிறான்.
    1. இவன் போலி ஆத்திகன்.
    2. ஆனால், இவனால் ஆபத்து அதிகமாக இருக்கிறது.
  11. இதையெல்லாம் மீறி, உண்மையான நாத்திகன் இருக்கிறான். ஆனால், அவன் ஆத்திகன் போலத்தான், மனிதனுக்கு எந்த விதத்திலும் தீங்கு நினைக்க மாட்டான்.
    1. வேற்றுமை வளர்க்க மாட்டான்.
    2. மனிதர்களை சித்தாந்தம் மூலம் பிரித்து வைக்க மாட்டான்.
    3. மனிதர்களுக்குள் துவேசத்தை, வெறுப்பை வித்திட மாட்டான், வளர்க்க மாட்டான்.

இப்படி சொல்லிக் கொண்டே போகலாம். ஆனால், ஈவேரா அல்லது பெரியர் அந்த அளவுக்கு சிந்தனையாளன் அல்ல.

EVR listening to Rajaji with due respect and attention

ஈவேரா அல்லது பெரியாரின் குணாதிசயங்கள்: ஈவேராவுக்கு அகந்தை, ஆணவம், அகம்பாவம், மமதை முதலியவை அதிகமாகவே இருந்தது. தன்னை யாரும் குறைக்கூறக்கூடாது என்ற மனப்பாங்கும் இருந்தது. தான் பெரிய பணக்காரன் என்பதனால் –

  1. பணத்தை வைத்து எல்லோரையும் பணிய வைத்து விடலாம் என்ற யதேச்சதிகாரமான போக்கு;
  2. முதலில் உதவுவது போல காட்டிக் கொண்டு, ஒருவரை தன்னிடம் பணிய வைப்பது;
  3. எல்லோருமே தான் நினைத்தப்படி / சொல்லியபடி செய்ய வேண்டும், இல்லையென்றால், அவனுக்கு பலவகைகளில் துன்பம் கொடுப்பது;
  4. அதிகமான பேராசைக் கொண்டு, அது நடக்காவிட்டால் எல்லாமே மோசடி என்று கற்பனை-விரோதியை உண்டாக்கி அவனுடன் போராடிக் கொண்டிருப்பது;
  5. ஜாதியத்தை வளர்ப்பதற்காக, ஜாதியத்தை எதிர்ப்பது போலக் காட்டிக் கொள்வது;
  6. தீண்டாமை எதிர்ப்பு, பெண்கள் விடுதலை முதலியவை அத்தகைய எதிர்மறை பிரச்சாரங்களில் உருவானது;
  7. தொடந்து தோல்விகளை சந்தித்தப் பிறகு, விரக்தியாகி எல்லாவற்றையும் எதிர்ப்பது;
  8. முடிந்த வரை ஒருவருக்கு அதிக அளவில் எப்படி தொல்லை-தொந்தரவு-பாதிப்பு கொடுக்கலாம்-ஏற்படுத்தலாம் என்று திட்டமிட்டு வேலைசெய்வது;
  9. குடும்பப் பிரச்சினை, குழந்தை இறந்தது, விரக்தியான வாழ்க்கை, கூடாத உறவுகள்-சகவாசங்கள், தனிமனித தோல்வி, முதலியவை அரசியல்-அதிகார ஆசைகள் கூடாததனால், இரண்டும் சேர்ந்து உதுக்கிவிட்ட நிலை உருவானது;
  10. விகல்பமான மனப்பாங்கு, வக்கிரமான எண்ணங்கள், குதர்க்கமான சிந்தனை, விரச வார்த்தைப் பிரயோகம், முதலியவற்றை பயன்படுத்தி, தனது விரோதிகளைத் தாக்குவது;

இவையெல்லாம் தான் ஈவேரா அல்லது பெரியார் என்ற மனிதனின் குணாதிசயக்களாக இருந்தன. சமீப காலத்தைய ஒரு மனிதனின் வாழ்க்கை உண்மைகளில் பலவற்றை மறைத்து உருவாக்கப்பட்டுள்ளது தான் பெரியாரின் கதை!

 

© வேதபிரகாஷ்

20-03-2016

பெரியாரின் வக்கிர எழுத்துகள் – “சித்தர்க்காடு மாரியாத்தாளுக்கு உதை” – 1934ஆம் ஆண்டு புரட்சியிலிருந்து….- உபயம் – திருவாளர் வீரமணி!

மார்ச் 20, 2016

பெரியாரின் வக்கிர எழுத்துகள் – சித்தர்க்காடு மாரியாத்தாளுக்கு உதை”  1934ஆம் ஆண்டு புரட்சியிலிருந்து….- உபயம் – திருவாளர் வீரமணி!

 சித்தர்காடு மாரியாத்தாளுக்கு உதை 1934 - 2016 மார்ச் விடுதலை

பெரியாரின் வக்கிர மனத்தை அறிந்து கொள்ளுங்கள்: பெரியார் எழுதியுள்ளதாக, “விடுதலையில் வழக்கம் போல, சித்தர்க்காடு மாரியாத்தாளுக்கு உதைஒரு கட்டுரை வெளியாகியுள்ளது[1]. தலைப்பிலேயே, விகல்பமான மனப்பாங்கு, வக்கிரமான எண்ணங்கள், குதர்க்கமான சிந்தனை, விரச வார்த்தைப் பிரயோகம், என்று அனைத்தையும் பார்க்க முடிந்தது.  1934ல் இதை இவர் எழுதிய போது, யார் படித்தார்கள் என்று தெரியவில்லை. ஏனெனில் படித்திருந்தால், அப்பொழுதே, இவரது யோக்கியதை எல்லோராலும் அறியப்பட்டிருக்கும். தமிழில் அந்நேரத்தில் சுதந்திரம், பக்தி, நாட்டுப்பற்று முதலிய விசயங்களில் பாடல்கள், நாட்டியங்கள், தெருகூத்துகள் முதலியவை நடந்து கொண்டிருக்கும் போது, இத்தகைய மோசமான தமிழில் எழுதியுள்ளதை யாரும் படித்திருக்க மாட்டார்கள் அல்லது அவரைச் சார்ந்தவர்கள் சுமார் 50-100 பேர் படித்திருக்கலாம். அப்படி படித்திருந்தாலும், இவரது யோக்கியதையை தெரிந்து கொண்டவர்கள் மனதிற்குள் வைது, அமைதியாகத்தான் இருந்திருப்பார்கள். இப்பொழுது 2016ல், அதை “விடுதலை”யில் மறுபடியும் பதிப்பித்து, ஈ.வே.ராவின் தன்மையினை அறிந்து கொள்ள சந்தர்ப்பம் கொடுத்துள்ளது திருவாளர் வீரமணிதான். வழக்கம் போல அக்கட்டுரையை அப்படியே போடு, வேண்டிய இடத்தில், எனது விமர்சனத்தை வலது பக்கத்தில் குறிப்பிட்ட இடங்களில் கொடுத்திருக்கிறேன்.

 EVR at Kasi - unveriafiable mythical stories floated

சித்தர்க்காடு மாரியம்மன் கோவில், வைசூரி வியாதி, கஞ்சி ஊற்றல், கரகாட்டம்[2]: சித்தர்க்காடு என்ற ஊர் மாயவரம் முனிசிபாலிட்டியின் ஒரு பாகம். அதாவது டவுனின்மேல் கோடியைச் சேர்ந்தது, மாயவரம் ஜங்ஷனும் இந்த சித்தர்க்காட்டில் தான் இருக்கிறது. இந்த ஊரில் பிரபலமான மாரியம்மன் கோவில் ஒன்று இருக்கிறது. இந்தப் பக்கத்து ஜனங்களுக்கு இந்த மாரியம்மன் தான் பிரபலமான தெய்வம்.

அந்த மாரியம்மா இடத்தில் ஜனங்களுக்கு இருக்கும் பக்தி மேலீட்டிலேயே மிக க்ஷீண திசையுடனிருந்த கோவில் இப்போது பலமாகக் கட்டப் பட்டிருக்கிறது.இம்மாதிரியான ஒரு மாரியம்மா இருந்தும் சித்தர்க் காட்டைச் சுற்றிலும் சில காலமாய் வைசூரிநோய் தாண்டவமாடிக் கொண்டிருக்கிறது. இந்த நோயால் சிலர் இறந்து விட்டார்கள். சிலர் இறக்கும் தருவாயை எதிர்பார்த்துக் கொண்டு மிருக்கிறார்கள். வைசூரி வியாதியால் ஏற்படும் இந்த மோசமான நிலையில் பாமர மக்கள் பீதிகொள்வதில் ஆச்சரியமொன்றுமில்லை. இக்காலத்திலும் புதிய-புதிய நோய்கள் வரத்தான் செய்கின்றன, மக்கள் இறக்கத்தான் செய்கின்றனர். மருத்துவத் துறை, மருந்துகள், சிகிச்சை முறைகள் எலாம் அபாரமாக முன்னேறியிருந்தாலும், அத்தகைய இறப்புகளைத் தடுக்கமுடிவதில்லை. இதனால், விஞ்ஞானத்தைக் குறைகூற முடியாது. மருந்தால் குஅப்படுத்த முடியாத நிலையில், மருத்துவர்களே, இனி கடவுள் தான் காப்பாற்ற வேண்டும் என்று விட்டு விடுகிறார்கள். அத்தகைய நிலையில் தப்பித்து குணமானவர்களும் இருக்கத்தான் செய்கின்றனர்.

இதனால் சித்தர்க்காடு மாரியம்மாவின் மனதைக் குளிர வைக்க அந்தப்பக்கத்து வாசிகள் நினைத்தார்கள். மாரியாத்தாளின் மனது குளிர்ந்துவிட்டால் வைசூரி நோய் பறந்துவிடுமென்று மனப்பால் குடித்த சித்தர்க்காடுவாசிகள், தங்கள் நிறைந்த பக்தியை பூர்த்திசெய்ய வேண்டி சென்ற 1.4.1934 ஆம் தேதி ஞாயிற்றுக் கிழமை பகலில் கஞ்சி காய்ச்சி ஊற்றினார்கள். இரவில் கரகம் கட்டி வீதி வலம் வந்தார்கள்.

பெரியார் ஜி டி நாயுடுக்கு வாழ்த்து கடவுளின் பெயரால் 1932. with English

நிவேத்தியம் செய்ய வந்த பெண்ணிடம் தவறாகப் பேசிய பூசாரி[3]: வழக்கம்போல் கோவில் பூசாரி கரகத்தை எடுத்து வீதிவலம் வந்துகொண்டிருந்தான்.

ஊர் ஜனங்களும் கரகத்தைக் சூழ்ந்து கொண்டு ஆரோக்கியசாமி ஆசாரி பட்டறையின் மேல் பக்கத்துச் சந்தில் கரகம் வந்து கொண்டிருந்தது. இந்தத் தெருவிலுள்ள ஒரு யவனப் பெண்மணி கரகத்திற்குத் தீபாராதனை எடுக்க நிவேத்திய சாமான்களுடன் முன்வந்து நின்றாள், நிவேத்தியத் தட்டை நிவேத்தியம் புரியும் தனி பூசாரியிடம் கொடுத்துவிட்டு பிரசாதம் பெற்றுப்போக பிரஸ்தாபப் பெண்மணி நின்று கொண்டிருந்தாள். கரகம் தூக்கிக் கொண்டிருந்த கோவில் பூசாரியான வன் தன் எதிரில் நிற்கும் பெண்மணியின் கையைக் கெட்டியாகப் பிடித்து பிசைந்துகொண்டு பின்வருமாறு சம்பாஷிக்கலானான்: பூசாரி ஒரு பெண்ணுடன் கையைப் பிடித்து தவறாக நடந்து கொண்டான் என்பது இங்கு பிரச்சினை. அது தவறுதான். தட்டிக் கேட்க வேண்டியதுதான், நன்றாக உதைக்க வேண்டியதுதான். ஆனால், ஏதோ சினிமா “டையலாக்” மாதிரி எழுதுவதில் அல்லது கதை எழுதுவதில் எந்த பிரயோஜனமும் இல்லை. ஒழுக்கம், தனிமனித ஒழுக்கம் முதலிய நற்பண்புகள் இல்லையென்றல், சமூகத்தில் இத்தகைய சீர்கேடுகள் நடக்கும். அதனால், நற்பண்புகளைப் பேண வேண்டிய அவசியம் உள்ளது. அதை விட்டுவிட்டு, விரசமாக எழுதுவதில் எந்த பிரயோஜனமும் இல்லை.

நீ ஒன்றுக்கும் பயப்பட வேண்டாம்! உனக்கு எவரும் லட்சியமில்லை. நான் இருக்கிற வரையில் உனக்கென்ன பயம் சொல்லு. உன்னை நான் வைத்து காப்பாற்றுகிறேன். உனக்கு எது வேண்டுமானாலும் தருகிறேன். நான் சொல்லுகிறபடி கேட்கிறயா?” என்பது போன்ற வார்த்தைகளே நடந்தது. மேற்படி சம்பாஷணை பெண்ணின் கையைப்பிடித்து பிசைந்து கொண்டபடியே முக்கால் மணிநேரம் நடைபெற்றது.

Periyar statue damged December 2006

கரகம் முடிந்த பிறகு காளாஞ்சி கொடுக்கும் சம்பிரதாயம் ஆரம்பமானது[4]: கரகம் தூக்கிய பூசாரியானவன் வாலிப வர்க்கத்தைச் சார்ந்தவன். கரகத்துக்கு நிவேத்தியம் செய்து போக வந்த பெண்மணியும் இளம் வயதைச் சேர்ந்தவள், என்றாலும் கரகத்தை சூழ்ந்து கொண்டிருக்கும் பக்த சிகாமணிகளெல்லாம் பிரஸ்தாப சம்பாஷணையை மாரியம்மன் சன்னதியின் பேரிலேயே நடப்பதாகக் கருதிக் கொண்டிருந்தார்கள். இது எத்தனையோ இடத்தில் நடத்தும் வழக்கத்தை ஒட்டியதால் இதைப்பற்றி ஆச்சரியப்பட வேண்டிய தில்லை. இந்த சம்பவம் முடிந்து கரகம் கோயிலுக்குப் போய் இறங்கியது. இறக்கும்படி சடங்குகள் முறையே முடிந்ததும் வந்திருக்கும் பக்தர்களுக்கு காளாஞ்சி கொடுக்கும் சம்பிரதாயம் ஆரம்பமாயிற்று, கரகம் தூக்கிய பூசாரி ஒரு தட்டில் தேங்காய் மூடி, பழம், பாக்கு, வெற்றிலை, புஷ்பம் உள்பட விபூதி பிரசாதங்களுடன் மகா மண்டபத்தில் நிற்கும் பக்த கோடிகளான பொது ஜனங்கள் முன் தோன்றினான்.

சுயமரியாதை திருமணம் பெரியார் முன்னிலையில்

போதையில் இருந்த பூசாரி பக்தர்கள் மரியாதை செய்த பணத்தைத் தூக்கியெரிந்தது: நின்ற மகாஜனங்களில் முக்கியமானவர்களிடத்தில் காளாஞ்சி தட்டை சமர்ப்பித்தான், பெற்றுக்கொண்ட முக்கியஸ்தர்கள் பூசாரிக்கும் மரியாதை செய்வான் வேண்டி ரூபாய் 1.7.0 கொடுத்தார்கள்.

இந்தத் தொகை வழக்கத்துக்கு மீறியதாகவும், மிக கொஞ்சமாகவுமிருந்ததாக பூசாரி கருதினான். இது சமயமும் பிரஸ்தாப பூசாரியானவன் கரகமெடுத்து வீதிவலம் வருகிற போதும், லேகிய உருண்டையை அளவுக்கு மீறி தின்றிருந்த தால் அவன் வீதி வலத்தில் வரும் போதும், கோயிலில் இறங்கியதும் தன் நிலை தடுமாறி எல்லா காரியத்திலும் அயோக்கியத்தனமாய் நடந்து கொண்டதாய் சொல்லப்படுகிறது. இது எப்படியாவது இருக்கட்டும். பக்தர்கள் மரியாதை செய்த ரூ.1-7-0 பெற்றுக்கொள்ளாமல் தூக்கி எறிந்து விட்டான். ஈவேராவுக்கு வீட்டு வாடகை குறைவாக இருந்தாலே, வழக்குப் போட்டு, இடைஞ்சல் கொடுத்து, வெளியேற்றிய மனிதர். நன்கொடை விசயத்திலும் ஈவேரா கடுமையாகத்தான் நடந்து கொண்டார். ஆகவே, இவரும் பூசாரியை விட எந்த விதத்திலும் குறைந்தவர் இல்லை. உண்மையினை சொல்வதானால், மோசமாகவே எல்லோரிடத்திலும் நடந்து கொண்டார். அப்படியிருக்கும் போது, போதையுடன், பூசாரி இருந்திருக்கிறான் என்றால், அவனை அவ்வாறு அனுமதித்தது தவறாகும்.

வந்திருந்த பக்த கோடிகளை லேகிய உருண்டை வெறியால் வாயில் வந்தபடி திட்டினதோடு கர்ப்பகிரகத்தில் அலங்காரத்துடனிருக்கும் மாரியம்மனை நோக்கினான்.

12 வயதில் தாம் விரும்பிய தந்தை பெரியாரை மணந்த நாகம்மை 48 வயதில் மறைந்தார்.

ஆத்தாள் மகமாயியை நோக்கி 5,6 உதை காலாலேயே கொடுத்தது: இவ்வளவு நாள் உனக்கு உழைத்தும் நீ எனக்கு ஒன்றும் செய்யவில்லை என்றான். நீ இருந்துதான் என்ன? தொலைந்து தான் என்ன?

என்று பலவாறு சொல்லிக்கொண்டே ஆத்தாள் மகமாயியை நோக்கி 5,6 உதை காலாலேயே கொடுத்தான். மகமாயிக்கு செய்திருந்த அலங்கார புஷ்பங்களை எல்லாம் பிய்த்து நாலா பக்கமும் எறிந்தான். பூசாரியின் போக்கிரித் தனத்தை கண்ட பக்த கோடிகள் ஒன்றும் சொல்ல முடியாமல் தங்கள் தங்கள் வீடு திரும்பினார்கள். “பூசாரியின் போக்கிரித் தனத்தை கண்ட பக்த கோடிகள் ஒன்றும் சொல்ல முடியாமல் தங்கள் வீடு திரும்பினார்கள்” என்பதிலிருந்தே, அவன் பெரிய ரௌடியாக இருந்திருப்பான் என்று தெரிகிறது. அதாவது, கடவுள் மீது நம்பிக்கையில்லாதவன், பூசாரியானால், அத்தகைய நிலை தான் ஏற்படும்[5].

மறுதினம் தெருக் கூட்டம் போட்டு பூசாரியின் நடத்தையைக் கண்டிக்கப்பட்டது. கரகம் வீதி வலம் வரும்போது நிவேத்திய மெடுத்து வந்த பெண்மணியின் கையைப் பிடித்து பிசைந்ததற்கும், மாரியம் மனை காலால் உதைத்து பக்த கோடிகளை அவமானப் படுத்தியதற்கும் ரூபாய் 25 அபராதம் விதிக்கப்பட்டது. அபராதம் விதிக்கப்பட்ட தொகையும் வசூலாகிவிட்டது.

© வேதபிரகாஷ்

20-03-2016

[1] .வே.ரா, சித்தர்க்காடு மாரியாத்தாளுக்கு உதை”  1934ஆம் ஆண்டு புரட்சியிலிருந்து….,, குடியரசு, 1934.

[2] http://viduthalai.in/page-7.html

[3] .வே.ரா, சித்தர்க்காடு மாரியாத்தாளுக்கு உதை, விடுதலை / குடியரசு, 1934.

[4] http://viduthalai.in/page-7/119051.html

[5] இன்று ஏதோ டிப்ளாமோ / பயிற்சி வகுப்பு முடித்து விட்டு, பூசாரி வேலை வேண்டும் என்று கிளம்பி விட்டார்கள். பெரியார் சிலைக்கு மாலை போட்டு, நாத்திக வாதம் பேசிக்கொண்டு, ஆர்பாட்டம்-போராட்டம் நடத்திக் கொண்டிருக்கிறார்கள். அவர்கள் பூசாரி பதவிக்கு வந்தால் என்னாகும் என்று மக்கள் நன்றாகவே தெரிந்து கொள்ளலாம்.

பெரியார் ஆவி, நாகம்மை ஆவி, மணியம்மை ஆவி, பெரியார் சாகவேண்டும் என்று நினைத்தர்களும், சாகத் தடுத்தவையும்!

மார்ச் 17, 2016

பெரியார் ஆவி, நாகம்மை ஆவி, மணியம்மை ஆவி, பெரியார் சாகவேண்டும் என்று நினைத்தர்களும், சாகத் தடுத்தவையும்!

oct25

oct25

 

பெரியாருக்கு ஆவி உண்டா?[1]: வருடாவருடம், பெரியார் சமாதியில், இந்த பகுத்தறிவாளிகள் கும்பிட்டு வருகின்றன. பாருங்கள் பகுத்தறிவு சூன்யங்களின் உன்மத்தமான நிலையை! கைகளை கூப்பிக் கொண்டு மார்பைத் துட்டுக் கொண்டு, அபரிதமான மயக்கநிலையில் உள்ளது போல இருக்கிறார்கள்! சில சூன்யங்கள் கைகூப்பி வணங்கலாமா, வேண்டாமா என்ற நிலையில் நின்றுள்ளன. இதுதான் இன்றைய திராவிடத்தின் போலித்தனம். செத்த மனிதனுக்கு எதற்கு வணக்கம், மரியாதை, மாலை எல்லாம்? அப்படியென்றால், அந்த செத்த மனிதருடைய  ஏதோ ஒன்று இருக்கிறது என்றுதானே அவ்வாறு வணங்கி மரியாதை செய்கின்றனர்? இல்லையென்றால், மலர்கள் தூவுவதற்கு பதிலாக கற்களால் அடிக்கலாமே, பூமாலைக்கு பதிலாக செருப்பு மாலை போடலாமே?  இப்பொழுது பெரியாருடன், அவரது மனை அம்மையாரையும் சேர்த்துள்ளார்கள்.

திகவின்மாதா கி ஜேதிருவிழா, சமாதி வழிபாடு இத்யாதி!: “பாரத் மாதா கி ஜே” என்று சொல்ல மாட்டேன் என்று துலுக்கர்கள் மறுபடியும் ஓலமிட ஆரம்பித்த அதே நாளில், திகவின் “மாதா கி ஜே” திருவிழா, சமாதி வழிபாடு இத்யாதி முதலியவை நடந்துள்ளதும் சரித்திரத்தின் நியதி போலும். அண்ணாதுரை அன்று “இனம் இனத்தோடு சேரும்”, என்று இதனால் தான் சொன்னார் போலும்! அன்னை மணியம்மையார் அவர்களின் நினைவு நாளான இன்று (16.3.2016) அவரது நினைவிடத்தில் தமிழர் தலைவர் மலர் வளையம் வைத்து மரியாதை செலுத்தினார் என்று “விடுதலை” அறிவிக்கிறது[2]. அன்னை மணியம்மையார் நினைவிடத்தில் திராவிடர் கழக மகளிரணி, திராவிடர் தொழிலாளரணி, திராவிடன் நலநிதி, பெரியார் மணியம்மை மருத்துவமனை, பெரியார் நூலக வாசகர் வட்டம் ஆகிய அமைப்புகள் சார்பில் மலர் வளையம் வைத்து மரியாதை செலுத்தப் பட்டது என்று தொடர்கிறது. அதுதான் பிறந்த நாள், இறந்த / மறைந்த நாள், எல்லாம் ஒரு கேடா என்று கேள்வி கேட்கும் பட்சத்தில் இதெல்லாம் முதலில் பகுத்தறிவுகளுக்கு இதெல்லாம் தேவையா என்று யாரும் கேட்டுக் கொள்ளவில்லையே? மேலும், பெரியாருக்கு இரண்டு மனைவிகள் இருந்த போது முதல் மனைவி நாகம்மையை விட்டுவிட்டு, மணியம்மை மட்டும் ஏன் பிடித்துக் கொண்டுள்ளனர் என்று தெரியவில்லை. நாகம்மைௐகு சமாதி இருக்கிறதா, அது எங்கு இருக்கிறது, அவரது நினைவு நளை ஏன் திவினர் கடைப்பிடிப்பதில்லை என்றும் தெரியவில்லை.

திகவின் மாதா கி ஜே திருவிழா, சமாதி வழிபாடு இத்யாதி-மார்ச்.17, 2016மணியம்மையாரை  அன்னை எனப்    புகழலாமா, கூடாதா?: திகவில் ஷிர்க் இல்லையா என்றால், இல்லை என்று நியாயப்படுத்த இன்னொரு கட்டுரை வேறு, “அன்னை மணியம்மையார் நினைவுநாள் ‘அன்னை என்று புகழாமல் நாம் வேறு என்ன என்று புகழவல்லோம்? என்ற 10.5.1960 குயில் ஏட்டில் தலையங்கம், மூன்றாவது பக்கத்தில். திரு குயில்   ஆசிரியர்  பாவேந்தர்க்கு,  மணச்சநல்லூர் அம்பட்டன் வணக்கமாகத்   தெரிவித்துக்   கொள்வது. புகழக்கூடாத மணியம்மையாரை அன்னை எனப்    புகழ்ந்தும்   புகழத்தக்க  விடுதலை ஆசிரியர் குருசாமி அவர்களை இகழ்ந்தும் பேசியும் எழுதியும் வருகின்றீர் இது சரியா? என்ற கேட்டதற்கு பதிலாக வெளி வந்ததை வெளியிட்டுள்ளார்கள்[3]. போதாகுறைக்கு அதில் பெரியாரை உடனிருந்து சாகடித்துக் கொண்டிருந்த விரியன் பாம்புகள்; அவர் முதுமை அல்ல; அவருடைய பிணிகள் அல்ல. குருசாமி, குஞ்சிதம் அம்மையார், அண்ணாதுரை, பொன்னம்பலனார்[4] என்றேல்லாம் குறிப்பிட்டுள்ளது கவனிக்கத்தக்கது. அதவது, அவருக்கு அந்த அளவுக்கு எண்ணவுரிமை, கருத்துரிமை, எழுத்துரிமை, பேச்சுரிமை எல்லாம் இருந்திருக்கிறது. ஆனால், இப்பொழுது அவ்வாறு உரிமைகளைக் கொடுப்பார்களா? திராவிட அரசியல்வாதிகள் ஒருவரையொருவர் எவ்வாறு வசைப் பாடியுள்ளனர் என்பதனை, அவர்கள் மறைத்தாலும், அவ்வபோது, சில உண்மைகள் வெளிவந்து விடுகின்றன.

மணியம்மை நினைவு நாள்- கும்பிட்டார்களா-சமாளித்ட்யார்களா

பெரியார் சாகவேண்டும் என்று நினைத்தர்களும், சாகத் தடுத்தவையும்[5]: பெரியார்  திசம்பர் 24, 1973 அன்று காலமானார். பெரியாரை உடனிருந்து சாகடித்துக் கொண்டிருந்த விரியன் பாம்புகள்; அவர் முதுமை அல்ல; அவருடைய பிணிகள் அல்ல. குருசாமி[6], குஞ்சிதம் அம்மையார், அண்ணாதுரை, பொன்னம்பலனார். ஆனால் பெரியாரின் உடம்பை விட்டுப் பிரிந்து போக மூட்டை முடிச்சுகளுடன் காத்திருந்த உயிரைப் போகாதே என்று பிடித்து இழுத்து வைத்துக் கொண்டிருந்தவை இரண்டு. ஒன்று அவரின் பெருந்தொண்டு, மக்கள் மீது அவர் வைத்திருந்த அருள் மற்றொன்று. ஆயினும் காற்றிறங்கிப் பொதிமாடுபோல் பெருத்துத் தொங்கும் அவர் விதையின் ஒருபால் ஒட்டிய ஆண் குறியினின்று முன்னறிவிப்பின்றிப் பெருகும் சிறுநீரை உடனிருந்து கலம் ஏந்திக் காக்கும் ஓர் அருந்தொண்டு, அவர் பெருந்தொண்டால் முடியாது, அவர் மக்கள் மேல் வைத்துள்ள அருளால் முடியாது; பெரியார் சாகட்டும் என்று தவங்கிடக்கும் அண்ணாதுரை, குருசாமி, குஞ்சிதம் அம்மையார், பொன்னம்பலனார்களின் எண்ணத்தில் மண்ணைப் போட்டு – பெரியார் வாழட்டும் என்று, தன் துடிக்கும் இளமையைப் பெரியார்க்கு ஒப்படைத்த ஒரு பொடிப் பெண்ணை, அன்னை என்று புகழாமல் நாம் வேறு என்ன என்று புகழவல்லோம்? அதாவது, பெரியாரை உடனிருந்து சாகடித்துக் கொண்டிருந்த விரியன் பாம்புகள்; அவர் முதுமை அல்ல; அவருடைய பிணிகள் அல்ல.

  1. குத்தூசி குருசாமி [1906-1965],
  2. குஞ்சிதம் அம்மையார் [1909-1961][7],
  3. அண்ணாதுரை [1909-1969][8],
  4. பொன்னம்பலனார் [1904-1973][9].

 பெரியாரின் உடம்பை விட்டுப் பிரிந்து போக மூட்டை முடிச்சுகளுடன் காத்திருந்த உயிரைப் போகாதே என்று பிடித்து இழுத்து வைத்துக் கொண்டிருந்தவை இரண்டு:

  1. அவரின் பெருந்தொண்டு
  2. சிறுநீர் கலம்.

பெரியவர் ஶ்ரீ சந்திரசேகர சரஸ்வதி மூக்குக் கண்ணாடி போட்ட போது, கலாட்டா செய்தவர்கள், இதைப் பற்றி யோசித்து பார்க்கவில்லையா? இறப்பு என்றபோது, ஒப்பாரி வைக்கும் சித்தாந்தம் வந்து விடிகிறதே? “கண்ணிர் துளிகளும்”, “கட்டு விரியன் பாம்புகளும்” இப்படித்தான் இருக்கும் போலிருக்கிறது.

திகவின் மாதா கி ஜே திருவிழா, சமாதி வழிபாடு இத்யாதி-மார்ச்.17, 2016.2© வேதபிரகாஷ்

17-03-2016

[1]https://dravidianatheism2.wordpress.com/2010/01/01/%E0%AE%AA%E0%AF%86%E0%AE%B0%E0%AE%BF%E0%AE%AF%E0%AE%BE%E0%AE%B0%E0%AF%81%E0%AE%9F%E0%AF%88%E0%AE%AF-%E0%AE%86%E0%AE%B5%E0%AE%BF-%E0%AE%A4%E0%AE%BF%E0%AE%A9%E0%AE%95%E0%AE%B0%E0%AE%A9%E0%AF%8D/

[2] http://viduthalai.in/page1/118919.html

[3] http://tamilvu.org/slet/lA100/lA100pd3.jsp?bookid=230&pno=215

[4] தந்தை பெரியார் அவர்களால் தமிழ்மறவர் என்று போற்றப்பட்ட புலவர் வை.பொன்னம்பலனார்

[5] விடுதலை,  ‘அன்னை என்று புகழாமல் நாம் வேறு என்ன என்று புகழவல்லோம்?, மார்ச்.16, 2016, மூன்றாவது பக்கம்;  10.5.1960 குயில் ஏட்டில் தலையங்கம்.

[6] விடுதலை ஆசிரியர் குருசாமி. சென்ற   பொதுத்  தேர்தலில் காஞ்சிப் பகுதியில் அண்ணாத்துரையை எதிர்த்தும்   பார்ப்பனர்  ஒருவரை ஆதரித்தும் கூட்டத்திற் பேச அனுப்பப் பட்டவர்   குருசாமி.   குருசாமியுடன்   சென்றவர்   குஞ்சிதம்,  குஞ்சிதம்  அம்மையாரை   கூட்டத்   தொடக்கத்தில்   பேச அழைத்தார்கள் காஞ்சித் திராவிட கழக்கதார்.

[7] ‘ரிவோல்ட்’ எனும் ஆங்கில இதழின் இதழாசிரியராக இருந்த குருசாமி என்பவரை 08.12.1929 இல் பெரியார் – நாகம்மையார் முன்னிலையில் கலப்புத் திருமணம் செய்து கொண்டார்

[8] தன்னைவிட வயதில் இளையவரான மணியம்மையாரை பெரியார் மணம் புரிந்துகொண்டமையினால் கருத்துவேறுபாடு கொண்டு, திராவிடக் கழகத்தின் முக்கிய உறுப்பினர் பலருடன்,  1949ல், பெரியாரை விட்டு விலகி,  தி.மு.க என்ற புதிய இயக்கமொன்றை நிறுவினார். இந்தியாவின் தேசிய அரசியலில் பங்குகொள்ளும் விதமாக இந்தியக் குடியரசானதிற்குப் பின் இந்திய சீனப் போருக்குப்பின் 1963 இல் தனது தனித்திராவிட நாடுக் கொள்கையை கைவிட்டார்.

[9] இயற்பெயரான கனகசபை என்பதைத் தூய தமிழில் பொன்னம்பலம் என்று மாற்றிக் கொண்டார். மொழிக் கொள்கையில் தமக்கும் பெரியார் ஈ வெ இரா வுக்கும் கருத்து முரண் உண்டு என்று பெரியாருக்கு முன்னிலையில் துணிச்சலுடன் கூறினார் என்பது குறிப்பிடத்தக்கது.

சிலை, உருவசிலை, திருவுருவ சிலை, பெரியாரின் திருவுருவசிலை – துணி போட்டு மூடுலாமா, கூடாதா – இதில் உள்ளது அரசியலா, பகுத்தறிவா, செக்யூலரிஸமா, எது?

மார்ச் 12, 2016

சிலை, உருவசிலை, திருவுருவ சிலை, பெரியாரின் திருவுருவசிலை துணி போட்டு மூடுலாமா, கூடாதா இதில் உள்ளது அரசியலா, பகுத்தறிவா, செக்யூலரிஸமா, எது?

Statues of Anna and Periyar near Tirupur railway station spotted with garlands put by Dravidar Viduthalai Kazhagam 15-03-2014தமிழக சட்டமன்றத்துக்கு வருகிற மே மாதம் 16 ஆம் தேதி தேர்தல் தேதி அறிவிக்கப்பட்டு, நடத்தை விதி அமலுக்கு வந்துள்ளது. தேர்தலில் ஓட்டுகள் சின்னங்கள், உருவங்கள், அடையாளங்கள், குறியீடுகள் முதலியவற்றை மக்களின் மனங்களில் பதிய வைத்து, அதன் மூலம் தமக்கு சாதகமாக ஓட்டுகளைப் பெறுவது வழக்கமாக அரசியல்வாதிகள் கொண்டுள்ளனர். படிக்காதவர்கள் சின்னங்களை வைத்துக் கொண்டுதான், ஓட்டுகளைப் போடுவார்கள் என்பதனால், அதற்கு முக்கியத்துவம் கொடுக்கப்பட்டது. தமிழகத்தைப் பொறுத்த வரையில் திராவிடக் கட்சிகள் எல்லாமே அத்தகைய விளம்பரங்களில், பிரச்சாரங்களில், ஓட்டுக் கேட்கும் வித்தைகளில் வித்தகர்கள் என்று சொல்ல வேண்டிய அவசியம் இல்லை. தேர்தல் விதிமுறை என்று கூறி, கோயம்புத்தூர் முதலிய பல இடங்களில் பெரியார் சிலைகளை மறைத்தும், தேர்தல் அரசியலில் ஈடுபடாத திராவிடர் விடுதலை கழகத்தின் கொடிகளையும் தேர்தல் ஆணையம் அகற்றி வருவதாக குற்றச்சாட்டு எழுந்தது[1]. திராவிடர் விடுதலை கழகம் என்பது திராவிட கழகத்தின் உதிரிகளில் ஒன்றாகும்.  இவையெல்லாம் தாமும் இருக்கிறோம் என்பதனை எடுத்துக் காட்டுவதற்காக, அவ்வப்போழுது, ஏதாவது ஒரு கலாட்டா, ஆர்பாட்டம், எதிர்ப்பு, வழக்கு என்று ஈடுபடுவர்.

DVK petioned before Tiruppur collector, 12-03-2014பெரியார் சிலைகளை மறைக்கக் கூடாது என்று தொடுத்த மனு: திராவிடர் விடுதலை கழகத்தின் [Dravidar Viduthalai Kazhagam (DVK)] அமைப்பு செயலாளர் ரத்தினசாமி [Petitioner Rethinasamy, Organaisation Secretary, DVK] ஐகோர்ட்டில் தாக்கல் செய்துள்ள மனுவில் கூறியிருப்பதாவது[2]: “சமுதாயத்தில் உள்ள சாதி வேற்றுமையை ஒழித்து, பின்தங்கிய மற்றும் ஒடுக்கப்பட்ட மக்களுக்காக பாடுபட்டவர் தந்தை பெரியார். இவர், மூடநம்பிக்கை எதிராக கடுமையாக போராடியவர். பெரியாரின் கொள்கையை எங்கள் அமைப்பு மக்களுக்கு எடுத்துக்கூறி வருகிறது. இந்த நிலையில், தமிழக சட்டமன்றத்துக்கு தேர்தல் தேதி அறிவிக்கப்பட்டு, நடத்தை விதி அமலுக்கு வந்துள்ளது. கோவையில் உள்ள தேர்தல் அதிகாரிகள், எங்கள் அமைப்பின் நிர்வாகிகளிடம் வந்து தந்தை பெரியாரின் திருவுருவ சிலையை துணிகளை கட்டி மூடவேண்டும். திராவிடர் விடுதலை கழகத்தின் கொடிகளை பறக்க விடக்கூடாது என்று கடந்த 5-ந்தேதி உத்தரவிட்டுள்ளனர்.  எங்களது இயக்கம், அரசியல் கட்சி கிடையாது. தேர்தலிலும் போட்டியிடவில்லை. அதேபோல, தந்தை பெரியார் அரசியல் தலைவர் இல்லை. அவர் சமூக சீர்திருத்தவாதி.கடந்த முறை தேர்தலின்போது, பெரியாரின் சிலைகள் இதுபோல் மூடவேண்டும் என்று அதிகாரிகள் கூறியபோது, ஐகோர்ட்டில் வழக்கு தொடர்ந்தோம். வழக்கை விசாரித்த ஐகோர்ட்டு பெரியாரின் சிலையை மறைக்க தேவையில்லை என்று உத்தரவிட்டுள்ளது. இந்த தீர்ப்பு விவரங்களை, கோவை தேர்தல் அதிகாரிகளிடம் எடுத்துக்கூறியும், அவர்கள் பெரியாரின் சிலையை துணியால் கட்டி மறைத்துவிட்டனர். எனவே, தமிழக சட்டமன்ற தேர்தலை முன்னிட்டு, மாநிலம் முழுவதும் உள்ள பெரியார் சிலையை மறைக்க கூடாது என்று தேர்தல் ஆணையத்துக்கு உத்தரவிடவேண்டும்”, இவ்வாறு அதில் கூறப்பட்டுள்ளது. தேர்தலை முன்னிட்டு தமிழகம் முழுவதுமுள்ள பெரியார் சிலைகளை மூடும் எண்ணம் இல்லை என்று ஐகோர்ட்டில் தேர்தல் ஆணையம் தரப்பில் கூறப்பட்டுள்ளது[3].

பெரியார் விக்கிரகம், பூசனிக்கய் சிலை இத்யாதிபெரியாரின் சிலையை மறைக்கும் எண்ணம் தேர்தல் ஆணையத்திடம் இல்லை: இந்த மனு நீதிபதிகள் எம்.எம்.சுந்தரேஷ், எஸ்.விமலா [Justices M M Sundaresh and S Vimala] ஆகியோர் முன்பு நேற்று விசாரணைக்கு வந்தது[4]. அப்போது மனுதாரர் சார்பில் வக்கீல் டி. அருண், தேர்தல் ஆணையத்தின் சார்பில் வக்கீல் நிரஞ்சன் ஆகியோர் ஆஜராகி வாதிட்டனர். இதையடுத்து நீதிபதிகள் பிறப்பித்த உத்தரவில் கூறியிருப்பதாவது[5]: “தேர்தல் ஆணையத்தின் சார்பில் ஆஜரான வக்கீல், தந்தை பெரியாரின் சிலையை மறைக்கும் எண்ணம் தேர்தல் ஆணையத்திடம் இல்லை என்றார். இதற்கு அர்த்தம் என்ன அர்த்தம் என்றால், மாநிலம் முழுவதுமுள்ள பெரியாரின் சிலைகள் மறைக்கப்படாது என்பதாகும். மேலும், கொடியை பொருத்தவரை, தேர்தல் ஆணையத்திடம் மனுதாரர் கோரிக்கை மனு கொடுக்கவேண்டும். அந்த மனுவை தேர்தல் ஆணையம் விரைவாக பரிசீலித்து தகுந்த உத்தரவை பிறப்பிக்கவேண்டும்[6]. இந்த மனுவை முடித்துவைக்கிறோம்”, இவ்வாறு நீதிபதிகள் கூறியுள்ளனர்[7].  ஆகையால், தேர்தல் ஆணையம் இது விசயமாக என்ன நடவடிக்கை எடுக்கும் என்பதை கவனிக்க வேண்டும்[8]. இது பி.டி.ஐ செய்தியாகி விட்டதால், அச்செய்தி அப்படியே ஊடகங்களால் பிரசுரிக்கப்பட்டுள்ளது[9].

நாத்திகச் சின்னத்திற்கு மாலை, மரியாதை, பூஜை எல்லாம்கடந்த ஆண்டுகளில் நடத்தியுள்ள போரட்டங்கள், வழக்குகள்: கடந்த 2014ல் கூட திருப்பூரில் இவ்வ்வாறு இக்கட்சியினர் ஆர்பாட்டம் செய்துள்ளனர்[10]. அப்பொழுது திருப்பூர் கலெக்டரிடம் மனு கொடுத்தனர்[11]. திராவிடர் கழகம் 2011லேயே தேர்தல் நேரத்தில் பெரியார் சிலைகளை மறைக்க வேண்டிய அவசியம் இல்லை என்று ஆணையிட்டதை சுட்டிக் காட்டினர். பிறகு தேர்தல் ஆணையம் அப்பொழுது உயிரோடுள்ள தலைவர்களின் சிலைகளைத் தான் மூட சொன்னதாக தெளிவு படுத்தியது[12]. அதாவது, இறந்த தலைவர்களின் சிலைகளை மறைக்க வேண்டாம் என்றாகியது. உருவவழிபாட்டை மறுக்கும் நாத்திகக் கூட்டங்கள், இவ்வாறு சிலைகளை மூடக்கூடாது என்று நீதிமன்றங்களில் வாதிடுவது வியப்பாகத்தான் இருக்கிறது. அதற்கு தேர்தல் ஆணையம் உயிருள்ளவர்களின் சிலைகள் மற்றும் உயிரற்றவர்களின் சிலைகள் என்றெல்லாம் பிரித்து விளக்கம் அளித்தது அதைவிட வேடிக்கையாக இருக்கிறது. உயிரோடு இருக்கும் போதே, சிலை வைத்துக் கொண்டது கருணாநிதி தான் என்று தெரிகிறது. 1987ல் எம்,ஜி.ஆர் இறந்தபோது, ரசிகர்கள் அச்சிலையை உடைத்தெறிந்தனர். அதற்குப் பிறகு, கருணாநிதியும் தனது சிலையிப் பற்றிக் கவலைப்படவில்லை, திமுகவினரும் கவலைப்படவில்லை.

நாத்திகச் சின்னத்திற்கு மாலை, மரியாதை, பூஜை எல்லாம் வீரமணி, ரங்கநாதன்பெரியார் சிலை அரசியல், சின்னம், வியாபாரம்: சிலை, உருவசிலை, திருவுருவசிலை, பெரியாரின் திருவுருவசிலை, பெரியாரின் திருவுருவ சிலை என்றெல்லாம் திக உதிரிகள் கூறி வருவது வேடிக்கையாக இருக்கிறது. “பெரியார்” ஒரு சின்னமாகி விட்டப் பிறகு, பல கட்சிகள் அவர் பெயர், உருவன் முதலியவற்றைப் போட்டு ஓட்டுகள் கேட்கும் போது, அவரை, அவரது சிலையை-உருவத்தை சின்னமாக உபயோகப்படுத்தப் படுகிறதா இல்லையா என்பதனை தெரிந்து கொல்ளலாம். மேலும் திராவிட கழகம், பெரியார் சிலையை வைத்துக் கொண்டு அரசியல் செய்து வருகிறது. ஶ்ரீரங்கத்தில் கோவில் கோபுரத்தின் முன்பாக, சிலையை வைத்து, பிரச்சினைக் கிளப்பியதை தகிழக மக்கள் அறிவர். ஆட்சி அதிகாரம், போலீஸார் முதலியவற்றை வைத்துக் கொண்டு தான், அத்தகைய “செக்யூலரிஸ” வெறித்தனம் நடந்தேறியது. அர்ச்சகர் படிப்பு, படித்து விட்டப் பிறகு வேலை போன்ற சர்ச்சைகளிலும், பெரியார் சிலை உபயோகப்படுத்தப் பட்டு வந்துள்ளது. பூம்புகார் போன்ற அரசு-சார் நிறுவனஙள் பெரியார் சிலைகளை உற்பத்தி செய்து விற்றுக் கொண்டிருக்கின்றன. உண்மையில் எதிர்கட்சிகள் இதனைத் தட்டிக் கேட்க வேண்டும், ஆனால், பெரியாரை சின்னமாகக் கொண்ட அவை எதிர்க்காது. பிறகு, பிஜெபி போன்ற கட்சிகள் நீதிமன்றங்களில் சட்டரீதியாகக் கேட்க வேண்டும். ஆனால், அப்படி செய்தால், கிடைக்கக் கூடிய ஓட்டுகள் கூட கிடைக்காமல் போய்விடும் என்று அமைதியாகத் தான் இருக்கும். அந்நிலையில், இத்தகைய வரைமீறல்கள் இருக்கத்தான் செய்யும்.

© வேதபிரகாஷ்

12-03-2016

[1] தமிழ்.ஒன்.இந்தியா, பெரியார் சிலைகளை மறைக்கும் திட்டம் எதுவும் இல்லை: தேர்தல் ஆணையம் உறுதி, By: Karthikeyan, Published: Saturday, March 12, 2016, 3:18 [IST].

[2] http://www.dailythanthi.com/News/State/2016/03/12023419/No-intention-to-cover-Periyar-statues-CEO-tells-HC.vpf

[3] தினத்தந்தி, தேர்தலை முன்னிட்டு பெரியார் சிலையை மூடும் எண்ணம் இல்லை; ஐகோர்ட்டில் தேர்தல் ஆணையம் தகவல், மாற்றம் செய்த நாள்: சனி, மார்ச் 12,2016, 5:00 AM IST; பதிவு செய்த நாள்: சனி, மார்ச் 12,2016, 2:34 AM IST.

[4] http://tamil.oneindia.com/news/tamilnadu/does-not-plan-hide-the-periyar-statues-ec-confirmed-248804.html

[5] நியூஸ்.7, பெரியார் சிலைகளை மறைக்கும் எண்ணம் இல்லை: தேர்தல் ஆணையம், Updated on March 11, 2016.

[6] Disposing of the petition, a division bench, comprising Justices M M Sundaresh and S Vimala, said it was open to the petitioner to make a detailed representation to the respondent (EC) which should consider the same and take appropriate action.

http://www.business-standard.com/article/pti-stories/no-intention-to-cover-periyar-statues-ceo-tells-hc-116031101188_1.html

[7] http://ns7.tv/ta/no-intention-hiding-periyar-statues-ec.html

[8] Business Standard, No intention to cover Periyar statues, CEO tells HC, Press Trust of India ,  Chennai March 11, 2016 Last Updated at 20:14 IST.

[9] http://www.ptinews.com/news/7207976_No-intention-to-cover-Periyar-statues–CEO-tells-HC-

[10] http://www.thehindu.com/news/cities/Coimbatore/stir-against-covering-periyar-statue/article5776180.ece

[11] Dravidar Viduthalai Kazhagam members at the Tirupur Collectorate on Tuesday to petition election officials against the covering of Periyar’s statue with black cloth, soon after the election dates were announced. Photo: R. Vimal Kumar, The Hindu dated March.12, 2014.

[12] http://www.thehindu.com/news/cities/Coimbatore/veil-goes-off-statues-of-anna-periyar-in-tirupur/article5787646.ece